“Kosmokurs” şirkəti kosmos turizminə başlamaq niyyətindədir

Rusiyanın “Kosmokurs” şirkəti kosmos turizminə başlamaq niyyətindədir.Azərtac xarici saytlara istinadla xəbər verir ki, şirkət 250 min ABŞ dolları qarşılığında 2019-cu ildə turistlər üçün kosmosa uçuşlar həyata keçirəcək.“Kosmokurs” şirkətinin icraçı direktoru Pavel Pushkin bildirib ki, altı nəfəri kosmosa aparacaq hava gəmisi turistlərin 15 dəqiqə boyunca səyahət etmələrinə imkan yaradacaq.Qeyd edək ki, ABŞ-ın “Virgin Galactic” şirkəti də eyni məbləğdə oxşar bir layihəni həyata keçirməyi planlaşdırmışdı. Ancaq şirkətin 2014-cü ildə kosmosa səyahət etmək üçün hazırladığı hava gəmisi sınaq uçuşu zamanı yerə çırpılmışdı.xeber100.com

“İmmiqrantlarsız gün” şüarı altında etiraz aksiyası keçirilib

Birləşmiş Ştatlarda “İmmiqrantlarsız gün” şüarı altında etiraz aksiyası keçirilib. Prezident Trampın immiqrasiya siyasətinə etiraz əlaməti olaraq ölkənin bir neçə şəhərində, o cümlədən Vaşinqton, Hyuston, Boston, Miluoki, Nyu-York, Filadelfiya və Çikaqoda yüzlərlə immiqrant işə çıxmayıb, yüzdən artıq xidmət müəssisəsi bir gün bağlanıb. Ölkə iqtisadiyyatının fəaliyyəti üçün immiqrantların vacibliyini göstərmək məqsədilə keçirilən bu aksiyanın təşkilatçıları işləmək hüququna malik olan leqal immiqrantlara sosial şəbəkələr vasitəsi ilə müraciət edərək onları işə çıxmamağa çağırıblar.xeber100.com

Ağ Evdə mətbuat konfransı olub

Ağ Evdə Prezident Donald Trampın mətbuat konfransı olub. ABŞ Prezidenti jurnalistlər qarşısında çıxışında əmək naziri vəzifəsinə yeni namizədinin - Aleksandr Akostanın adını açıqlayıb. Belə ki, əvvəlki namizəd Endi Puzder bu həftə öz namizədliyini geri götürüb. D.Tramp ABŞ-Rusiya münasibətlərini də müzakirə edib, əhatəsinin Rusiya kəşfiyyatının və hakimiyyət orqanlarının nümayəndələri ilə əlaqə saxlaması barədə fikirləri təkzib edib, Maykl Flinnin Prezidentin milli təhlükəsizlik məsələləri üzrə müşaviri vəzifəsindən istefa verməsinə münasibətini bildirib.Prezident D.Tramp elan edib ki, bütün immiqrantların və yeddi müsəlman ölkəsindən (Suriya, Sudan, Somali, İraq, İran, Liviya və Yəməndən) gələnlərin ABŞ-a daxil olmalarına müvəqqəti qadağa qoyulması barədə onun fərmanının icrası Sietl federal məhkəməsi tərəfindən dayandırılandan sonra Birləşmiş Ştatların “müdafiəsinə yönəlmiş” yeni sərəncam verəcək.ABŞ Prezidenti “dezinformasiya xarakteri daşıyan materialların“ dərc olunmasına və yayılmasına görə aparıcı kütləvi informasiya vasitələrini də tənbeh edərək, həmin materialları “feyk xəbərlər” adlandırıb, Prezidentin inauqurasiyası günündən başlayan fəaliyyətinə görə administrasiyasını tərifləyib.xeber100.com

“Rosneft” şirkətinin qaz hasilatı 2016-cı ildə…

Rusiyanın ən böyük neft istehsalçısı olan “Rosneft” şirkətinin qaz hasilatı 2016-cı ildə əvvəlki illə müqayisədə 7,3 faiz artaraq 67,1 milyard kubmetr təşkil edib.Azərtac xəbər verir ki, bu barədə şirkət məlumat yayıb. Bildirilir ki, “Rosneft”in xam neft və maye qaz hasilatı 2016-cı ildə 210 milyon ton təşkil edib.Şirkətin orta sutkalıq karbohidrogen hasilatı 5,83 milyon barrel neft ekvivalentində olub və ötən ilin üçüncü rübü ilə müqayisədə isə dördüncü rübdə 11,8 faiz artıb.xeber100.com

Fiskal Tədqiqatlar İnstitutunun araşdırmasına əsasən…

Böyük Britaniyanın Fiskal Tədqiqatlar İnstitutunun araşdırmasına əsasən, hökumət fərdi sahibkarlıqla məşğul olan şəxslərdən tutulan vergiləri artırmalıdır.Azərtac “vergiler.az” saytına istinadla xəbər verir ki, hazırda fərdi sahibkarlar da tədqiqat müəssisəsinin işçiləri qədər, ildə orta hesabla 1240 funt sterlinq (1550 dollar) vergi ödəyirlər.Fərdi sahibkarlardan tutulan vergilərin artırılması dövlətin büdcəsinə hər il 5 milyard funt sterlinq vəsait cəlb edə bilər.xeber100.com

“Boeing 737 MAX-9” tipli təyyarənin sınaq uçuşu həyata keçiriləcək

Bu ilin aprel ayında “Boeing 737 MAX-9” tipli yeni təyyarənin ilk sınaq uçuşu həyata keçiriləcək. “Reuters” agentliyi xəbər verir ki, yeni tipli təyyarə 1997-ci ildən istismara verilən “737 NG” təyyarələrini əvəz edəcək.Qeyd edilib ki, yeni tipli təyyarənin 5 modeli yaradılacaq və bu təyyarələr nəzərə çarpacaq dərəcədə az yanacaqdan istifadə edəcək. Buna görə də aviaşirkət bu təyyarələrin istehsalında maraqlı olduğunu bəyan edib.xeber100.com

Prezident seçkiləri keçiriləcək

Qırğızıstan Prezidentinin mətbuat xidmətinin yaydığı məlumata görə, ölkədə növbəti prezident seçkiləri bu il noyabrın 19-da keçiriləcək.Bu haqda Qırğızıstan Prezidenti Almazbek Atambayevin Seçkilər və Referendumlar üzrə Mərkəzi Komissiyasının sədri Nurjan Şayldabekovla görüşündə məlum olub.Dövlət başçısı bildirib ki, seçkilərin azad, demokratik və şəffaf keçirilməsi zəruridir, bunun üçün nə lazımdırsa edəcək.Görüşdə seçki sisteminin təkmilləşdirilməsi ilə bağlı geniş müzakirələr aparılıb.Qırğızıstan qanunlarına görə, dövlət başçısı bir dəfə altı il müddətinə seçilə bilər.2011-ci ildə seçilən Prezident Almazbek Atambayevin səlahiyyətləri bu ilin payızında başa çatır.xeber100.com

ABŞ Senatı Stiven Мnuçinin namizədliyini təsdiqləyib

ABŞ Senatı ölkənin maliyyə naziri vəzifəsinə Stiven Мnuçini təsdiqləyib."RİA Novosti"nin məlumatına görə, S.Mnuçinin namizədliyinin lehinə 53, əleyhinə 47 senator səs verib.S.Mnuçin ABŞ Prezidenti Donald Tramp komandasının Senat tərəfindən təsdiq edilən onuncu üzvüdür. S.Mnuçin ABŞ-ın ən iri korporasiyalarından biri olan “Goldman Sachs”da çalışıb. O, "Dune Capital Management", "OneWest Bank Group", "RatPac-Dune Entertaiment" şirkətlərinin yaradıcısıdır və bir çox məşhur filmlərə prodüserlik edib.xeber100.com

Prezidentin təhlükəsizlik üzrə köməkçisi vəzifəsindən istefa verib

ABŞ Prezidenti Donald Trampın milli təhlükəsizlik üzrə köməkçisi Maykl Flinn vəzifəsindən istefa verib. Ağ ev bu barədə yayılan məlumatı təsdiqləyib. TASS informasiya agentliyi xəbər verir ki, bu vəzifəyə istefada olan general-leytenant Kit Kelloqq təyin edilib.CNN telekanalının məlumatına görə, ABŞ Prezidenti yanında milli təhlükəsizlik üzrə köməkçi ölkənin Mərkəzi Kəşfiyat İdarəsinin keçmiş direktoru Devid Petreus olacaq.xeber100.com

Ria Novosti agentliyinin məlumatına əsasən…

Almaniya Federativ Respublikasının sabiq xarici işlər naziri Frank-Valter Ştaynmayer bu gün keçirilən səsvermədə ölkəsinin yeni prezidenti seçilib.Ria Novosti agentliyi bildirir ki, Almaniyada müstəsna olaraq prezident seçmək məqsədilə çağırılan Federal Məclisin 1239 üzvündən 931-i Frank-Valter Ştaynmayerin namizədliyini dəstəkləyib. İlk turda seçilmək üçün sabiq xarici işlər nazirinə 631 səs lazım idi.xeber100.com