OPEC Beynəlxalq İnkişaf Fondu Rəhbərlər Şurasının 178-ci sessiyasında

OPEC Beynəlxalq İnkişaf Fondu (OPEC Fondu) Rəhbərlər Şurasının 178-ci sessiyasında dünya üzrə davamlı inkişaf əməliyyatları üçün 352 milyon ABŞ dolları məbləğində vəsaiti təsdiqləyib.Yerli KİV-ə istinadla xəbər verir ki, OPEC Fondu bir sıra ölkələrdə, o cümlədən Türkmənistanda dövlət sektoru layihələrini dəstəkləyəcək və “dəniz ticarət donanması” layihəsi üçün 45 milyon dollar kredit nəzərdə tutulub.Buraya dəmir yolu vaqonlarının, sərnişinlərin və quru yüklərin daşınması üçün üç yeni gəminin tikintisi daxildir.Yeni gəmilər Xəzər dənizindəki Türkmənbaşı dəniz limanının və Avropa-Qafqaz-Asiya nəqliyyat dəhlizinin oradan keçən hissəsinin imkanlarından istifadəni artıracaq.xeber100.com

ABŞ Konqresi dövlət borcu limitinin artırılmasını dəstəkləyib

ABŞ Konqresinin Nümayəndələr Palatası Senatın ardınca dövlət borcu tavanının 2,5 trilyon dollar artırılaraq 31,4 trilyon dollara çatdırılmasını dəstəkləyib.C-Span televiziyası tərəfindən canlı yayımlanan iclasın gedişində 221 konqresmen təşəbbüsün lehinə, 209 konqresmen isə əleyhinə səs verib. Təşəbbüsün təsdiqlənməsi üçün sadə səs çoxluğu kifayət edirdi.Bir müddət öncə ABŞ Konqresinin yuxarı palatası müvafiq qanun layihəsini dəstəkləmiş, maliyyə naziri Canet Yellen isə qanunvericiləri layihəni qəbul etməyə çağırmışdı. Qanun layihəsi təsdiq edilməyəcəyi təqdirdə dekabrın 15-dən sonra federal hökumətin fəaliyyətini maliyyələşdirmək üçün lazım olan vəsait çatışmazlığı yarana bilərdi. Layihənin yaxın zamanlarda imzalanması üçün Prezident Cozef Baydenə göndəriləcəyi bildirilir.ABŞ Prezidenti oktyabrın 14-də dövlət borcunun tavanının müvəqqəti olaraq 480 milyard dollar artırılaraq 28,9 trilyon dollara çatdırılması barədə təşəbbüsü təsdiqləmişdi ki, bu da 2021-ci il dekabrın 3-dək xərcləri ödəyəcəkdi. Müvafiq təşəbbüs Konqresin hər iki palatası tərəfindən dəstəklənmişdi.xeber100.com

İsveçrədə Birləşmiş Federal Məclis yeni federal hökuməti seçib

Dekabrın 8-də İsveçrədə Birləşmiş Federal Məclis yeni federal hökuməti seçib.Xarici işlər naziri İnyasio Kassis bir il müddətinə Federal Prezident seçilib. Federal Məclisdə 197 nümayəndədən 156 nəfər onun lehinə səs veriblər. Vitse-prezident vəzifəsinə isə daxili işlər və səhiyyə naziri Alen Berset seçilib. Hökumətin digər üzvləri isə tutduqları vəzifələri davam etdirdiklərinə görə, həmin postlara seçki keçirilməyib.Qeyd edək ki, 2017-ci ildə Didye Burkhalterin postuna federal hökumətə seçilən İ.Kassis indiyədək xarici işlər naziri vəzifəsini icra edirdi. 60 yaşlı siyasətçinin namizədliyi İsveçrə Liberallar Partiyası tərəfindən irəli sürülüb və bütün parlament partiyaları tərəfindən dəstəklənib. İtalyan kökənli İ.Kassis İsveçrədə doğulsa da, 1976-cı ildə İsveçrə vətəndaşlığını əldə edib.İsveçrədə Federal Prezident reprezentativ status daşıyır və nazirlər kabinetinin iclaslarına sədrlik edir. İ.Kassis vəzifə səlahiyyətlərinin icrasına gələn il yanvarın 1-dən başlayacaq.xeber100.com

Polşada pandemiya ilə bağlı məhdudiyyətlər sərtləşdiriləcək

Koronavirusa yoluxma hallarının artımını nəzərə alaraq Polşada dekabrın 15-dən etibarən pandemiya ilə bağlı məhdudiyyətlər sərtləşdiriləcək.Həmin tarixdən etibarən qapalı məkanlarda (otel, restoran, kinoteatr, teatr və s.) yer sayının maksimum 30 faizindən istifadəyə icazə veriləcək. Səhiyyə naziri Adam Nedzelski bildirib ki, indiyədək qüvvədə olan 50 faizlik hədd epidemioloji vəziyyət fonunda aktuallığını itirir. Həmçinin qeyd edilib ki, 30 faizlik hədd aşılarsa, bu zaman əlavə qonaqlara peyvənd sertifikatları əsasında giriş icazəsi verilə bilər.Səhiyyə nazirinin müavini Valdemar Kraska isə bildirib ki, ölkədə indiyə kimi peyvənd sertifikatlarının yoxlanılmasına dair hüquqi baza hazır deyildi və yaxın gələcəkdə sertifikatların yoxlanışına başlanılacaq.Həmçinin qeyd edilib ki, Polşada iş yerində işçilərin peyvənd statusunu yoxlamağa icazə verən qanun layihəsi dəyişdiriləcək. Belə ki, iş sahibi işçilərin peyvənd sertifikatını deyil, peyvənd testini yoxlaya biləcəklər. Gələn il martın 1-dən isə Polşada tibbi personal, müəllimlər və uniformalılar (hərbçi və hüquq-mühafizə heyətləri) üçün məcburi vaksinasiya qüvvəyə minəcəkQeyd edilməlidir ki, Polşada gündəlik yoluxma hallarının sayı 20 min nəfərə çatır. 39 milyon əhalisi olan ölkədə əhalinin 54 faizi virusa qarşı tam peyvənd olunub.xeber100.com

Rumıniya hökuməti məhdudiyyətlərini yumşaltmağı planlaşdırır

Rumıniya hökuməti Yeni il və Milad bayramlarında COVID məhdudiyyətlərini yumşaltmağı planlaşdırır. Eyni zamanda, ölkə koronavirusun “omikron” ştamına görə giriş qaydalarını sərtləşdirmək niyyətindədir.Buxarest hökuməti pandemiyanın dördüncü dalğasının ölkəyə ağır zərbə vurduqda tətbiq edilən məhdudiyyətlərin yumşaldılmasını müzakirə edir. Müzakirələrin nəticəsi olaraq Yeni il və Milad şənliklərinə icazə verilə bilər. Lakin ölkə “omikron” ştamına görə giriş qaydalarını da sərtləşdirməyi planlaşdırır. Belə ki, dekabrın 24, 25, 31 və yanvarın 1-də mağazalar və restoranlar saat 22:00 kimi işləyəcək, ticarət mərkəzlərinə giriş yalnız peyvənd sertifikatları deyil eyni zamanda neqativ PCR testi ilə də mümkün olacaq. Fövqəladə Hallar üzrə Milli Komitə hökumətin iclasında müzakirə olunacaq təklifləri verib. Hökumət, həmçinin yeni səyahət qaydalarını, xüsusən də peyvənd olunmamış, sağalmış və Aİ-nin qırmızı siyahısına düşmüş ölkələrdən gələn insanlar üçün məcburi karantin rejimini tətbiq etməyi nəzərdən keçirəcək.xeber100.com

Filippin parlamenti yeni qanun qəbul edib

Filippin parlamentinin nümayəndələr palatası (aşağı palata) sim-kartların icbari qeydiyyatı barədə qanun layihəsinin son oxunuşunu bəyənib.Filippinin “CNN Philippines” saytı bildirir ki, bu qanun hüquq-mühafizə orqanlarına mobil telefonlardan cinayət məqsədilə istifadə edənləri izləməyə imkan yaradacaq.Qanuna əsasən, telekommunikasiya şirkətləri və sim-kart satıcıları alıcılardan xüsusi formanı doldurmağı və şəxsiyyəti təsdiq edən sənədlərin sürətini təqdim etməyi tələb etməlidirlər. Həmin formada sim-kart alan şəxsin tam adı, doğum tarixi, cinsi və ünvanı aydın şəkildə göstərilməlidir. Alıcı bu tələbi yerinə yetirməkdən imtina edərsə, həmin şəxsə rabitə xidməti göstərilməməlidir.Qanunun ölkəyə gələn və sim-kart almaq istəyən əcnəbilərə də şamil ediləcəyi bildirilir. Bununla yanaşı, telekommunikasiya şirkətləri və satıcılar abonentlərin reyestrini yaratmalı və hər altı aydan bir yenilənmiş məlumatları İndoneziya Rabitə və Kommunikasiya Texnologiyaları Nazirliyinə təqdim etməlidirlər. Yeni qaydalara əməl etməyən şirkətlər 1 milyon pesodan (19,8 min dollar) 50 min pesoyadək (990 dollar) cərimə ödəməli olacaqlar.xeber100.com

BMT-nin Ümumdünya Turizm Təşkilatı Baş Assambleyasının 24-cü sessiyasında

İspaniyanın Madrid şəhərində BMT-nin Ümumdünya Turizm Təşkilatı Baş Assambleyasının 24-cü sessiyasında qədim Səmərqənd şəhəri 2023-cü ildə dünyanın turizm paytaxtı elan edilib.Azərtac xəbər verir ki, bu haqda Özbəkistan Baş nazirinin müavini, turizm və idman naziri Aziz Abduhakimov məlumat verib. O deyib ki, BMT-nin Ümumdünya Turizm Təşkilatı Baş Assambleyasının 25-ci sessiyası 2023-cü ildə Səmərqənddə keçiriləcək. Sessiyaya 1000-dən çox qonağın gələcəyi gözlənilir.A.Abduhakimov bildirib ki, artıq tədbirin hazırlıq işlərinə başlanıb. Yeni mehmanxanaların, restoranların tikintisi planlaşdırılır. Tikilməkdə olan “Samarkand Touristic Centre” 212 hektar sahəni əhatə edəcək. “New Renaissance” adlı konqress-hollda mehmanxanalar, restoranlar və digər xidmət obyektləri olacaq.Baş nazirin müavini deyib ki, növbəti sessiyanın Səmərqənddə keçirilməsi ölkənin turizm sahəsinin inkişafına güclü təkan verəcək.xeber100.com

Avstraliya parlamentinin binası COVID-19 səbəbindən bağlanıb

Avstraliya federal parlamentinin binası cari həftə iclaslardan birinin iştirakçısının koronavirus testinin nəticəsinin pozitiv çıxması ilə əlaqədar ziyarətçilər üçün bağlanıb.Azərtac xəbər verir ki, bu barədə dekabrın 5-də SBS telekanalı məlumat yayıb.Bildirilir ki, koronavirusa yoluxan əməkdaş “Yaşıllar” Partiyasının lideri Adam Bandtın rəhbərlik etdiyi işçilərdəndir. Qeyd edilir ki, həmin şəxs koronavirusa qarşı peyvəndin hər iki dozasını qəbul edib.Telekanal “Yaşıllar” Partiyasının nümayəndəsinə istinadla qeyd edib ki, partiyanın ötən həftə Kanberrada olan digər əməkdaşlarının koronavirus testi neqativ çıxıb.Binaya giriş üçün icazə yalnız parlamentin məsafədən işləməsi mümkün olmayan əməkdaşlarına veriləcək. Həmin əməldaşlardan parlament daxilində mütləq tibbi maska taxmaları və sosial məsafəni gözləmələri tələb ediləcək.Telekanalın bildirdiyinə görə, ötən həftə Avstraliyanın Baş naziri Skott Morrison və müxalifətin lideri Entoni Albanes də parlamentdə olublar.xeber100.com  

ABŞ və Rusiya prezidentləri videoəlaqə vasitəsilə danışıqlar aparacaqlar

ABŞ və Rusiya prezidentləri dekabrin 7-də videoəlaqə vasitəsilə danışıqlar aparacaqlar.Bu barədə Reuters agentliyi Ağ evin nümayəndəsinə istinadla məlumat yayıb. Məlumatda qeyd olunur ki, Co Baydenin Rusiya Prezidenti ilə Ukrayna ətrafında vəziyyəti və digər məsələlərin geniş spektrini müzakirə etməsi nəzərdə tutulur. Amerika lideri xüsusən RF-nin Ukrayna sərhədi yaxınlığında hərbi aktivliyindən narahatlığını bəyan etməyi planlaşdırır.Rusiya KİV-ində yayılan xəbərlərə görə, danışıqların vaxtı barədə məlumat Kreml tərəfindən təsdiqlənib. Rusiya Prezidentinin mətbuat katibi Dmitri Peskov bildirib ki, videozəng axşam saatlarında baş tutacaq və danışıqların nə qədər çəkəcəyini prezidentlər özləri müəyyənləşdirəcəklər. RF Prezidentinin köməkçisi Yuri Uşakovun sözlərinə görə, liderlər ikitərəfli münasibətlərdəki qeyri-məqbul vəziyyəti müzakirə edəcəklər və beynəlxalq gündəliyin aktual məsələlərinə toxuna bilərlər. Bu sıraya Əfqanıstan, İran, Liviyada vəziyyət və Ukraynadaxili böhran, habelə pandemiya, iqlim dəyişikliyi ilə mübarizə və neft bazarı problemləri daxil ola bilər.xeber100.com

Koronavirus infeksiyası ilə bağlı vəziyyət son dərəcə ciddiləşib

Hazırda Almaniyada koronavirusla bağlı yaranan vəziyyət pandemiyanın başlanğıcından bəri ən ciddi səviyyədədir. Bu səbəbdən sosial təmaslar daha da azaldılmalıdır.Azərtac xəbər verir ki, bu barədə Almaniyanın səhiyyə naziri vəzifələrini icra edən Yens Şpan Berlində keçirilən mətbuat konfransında deyib. Onun sözlərinə görə, ölkədə artıq 100 mindən çox insan koronavirusdan ölüb. Epidemiya dövrü ərzində ilk dəfə olaraq 100-dən çox pasiyent digər regionların reanimasiya şöbələrinə köçürülüb.“Yoluxma dalğasının yalnız Bavariya və Saksoniya ilə məhdudlaşdığını hesab edənlər yanılır. Sosial təmaslar daha da azaldılmalıdır”, - deyə Yens Şpan bildirib.Robert Kox İnstitutunun məlumatına əsasən, hazırda Almaniyada intensiv terapiya şöbələrində müalicə alan koronavirus xəstələrinin sayı 4 minə çatıb və bu rəqəmlər artmağa davam edir.xeber100.com