Rusiya iqtisadiyyatı böhrana doğru

2030-cu ilə kimi Rusiya iqtisadiyyatı ildə cəmi 1-1,3% artacaq. Avropa.info xəbər verir ki, gələcək 15 ildə ölkə ÜDM-i 13% artacaq. Müqayisə üçün demək lazımdır ki, sadəcə 2011-2013-cü illərdə bu miqyasda artım qeydə alınmışdı. 2014-cü ildə qeydə alınan ÜDM yalnız 2020-ci ildə özünü bərpa edəcək. 2014-cü ildə verilən maaşlar isə yalnız 10 ildən sonra qayıdacaq. Bütün bu məlumatlar Rusiya Maliyyə Nazirliyinin hesabatında öz əksini tapıb. Nazirlik bildirir ki, ölkə struktur islahatlar keçirməsə bu ssenari ilə üz-üzə qalacaq. Bu ssenariyə əsasən neftin bir barelinin qiyməti 40 dollar olmalıdır. Rusiyanın neft hasilatının artım səviyyəsi 2016-cı ildə tamamilə dayanacaq. İnflyasiya 2017-ci ildə 4% təşkil edəcək, 2030-cu ilə kimi 2,6% təşkil edəcək. Maliyyə nazirliyinin nümayəndəsi bildirib ki, struktur islahatlar keçirmək üçün neftin bir barelinin 50 dollar olması lazımdır. Xəbər100

“Raduş Şimal” hərbi manevrləri başladı

Səudiyyə Ərəbistanına "Raduş Şimal" (Şimalın göy gurultusu) adlı hərbi manevrlərdə iştirak edəcək 20 ərəb və İslam ölkəsinin hərbi birlikləri toplaşır. APA-nın Səudiyyə Ərəbistanının SPA xəbər agentliyinə istinadən verdiyi məlumata görə, bu manevrlər "bölgə tarixinin ən böyük hərbi manevri" adlandırılıb. Manevrlərin keçirilməsinə səbəb kimi Səudiyyə Ərəbistanı və digər ölkələrin bölgədə sülh və sabitliyi qorumaq, ortaya çıxan problemləri birgə həll etmək mesajı vermələri göstərilib. Hərbi manevrlərə Səudiyyə Ərəbistanı, Birləşmiş Ərəb Əmirlikləri, İordaniya, Bəhreyn, Seneqal, Sudan, Küveyt, Maldiv, Mərakeş, Pakistan, Çad, Tunis, Komor, Cibuti, Umman Sultanlığı, Qətər, Misir, Mavritaniya, Mauritius və digərləri qoşulacaq.  

Müasir standartlara uyğun 13 otel inşa edilir

2017-ci ilin sonuna qədər Gürcüstanda müasir standartlara uyğun 13 otelin inşası başa çatdırılacaq. Bu barədə qonşu ölkənin Milli Turizm Administrasiyanın rəhbəri Georgi Çoqovadze məlumat verib. Onun sözlərinə görə, otellərdən 7-si paytaxt Tbilisidə tikilir. Bunlar Hilton Garden Inn, Park Inn by Radisson, Millenium Hotel, Rixos, Hyatt Regency, Moxy Mariott и Intercontinental otelləridir. Eyni zamanda kurort şəhəri olan Batumidə (Acarıstanın mərkəzində) 4 otelin - Crown Plaza, Babylon tower, Cube tower и Princess hotelin inşası həyata keçirilir. Bundan başqa, Sinandali şəhərində (kaxetiya regionuna daxildir) Radisson Blu Resort və Kutaisi şəhərində (İmereti regionuna daxildir) Best Western otellərinin tikintisi davam edir. Xatırladaq ki, 2015-ci ildə Gürcüstan paytaxtında 11, Batumidə 4, Acarıstanın Çakvi bölgəsində (Samsxe-Çavaxetiyadakı Vardziya mağaralaq kompleksinə və Borjimi şəhərinə yaxın) 1 yeni otel istifadəyə verilib. Ötən il bu ölkədə 1500 yerləşdirmə obyekti qeydə alınıb ki, bu da 51 mindən çox yataq yeri deməkdir.xəbər100    

PKK-nı dəstəkləyən ölkələr

Terrorçu PKK qruplaşmasına 20-yə yaxın ölkə silahla dəstək verir. Bu haqda Türkiyə KİV-i məlumat yayıb. Məlumata görə, terrorçu PKK-nın Türkiyədə uşaqları, qadınlar və başqa dinc sakinləri öldürdüyü silahların çoxu Rusiya, keçmiş SSRİ-nin siyasi-ideoloji blokuna aid Şərqi Avropa ölkərləri və Çində istehsal olunub. Bir qisim silah-sursat isə ABŞ, Almaniya, Britaniya, İtaliya və İspaniya silah şirkətlərinin - hərbi sənayesinin məhsullarıdır. (report) Terrorçuların Türkiyədə partlayışlar törətdiklər plastik partılayıcılar isə Portuqaliyada istehsal edilib. Bundan başqa, PKK silahlılarının əlində İran-İraq müharibəsi zamanından qaldığı iddia edilən partlayıcı maddə və qurğular da var. "SA" ("Yer-Hava"), "SAM-7", "Strela", "İqla" tipli raketlər başda Rusiya və Ermənistan olmaqla, Şərqi Avropa bloku ölkələri, İran də Suriya istehsalıdır.xəbər100    

“Pantsir-S1” İraqa göndərildi

Rusiya iki ölkə arasında imzalanmış müqavilə çərçivəsində İraqa "Pantsir-S1" zenit-raket kompleksləri göndərib. Bu barədə "İnterfaks" agentliyi məlumat yayıb. "Bağdad 20-dən artıq "Pantsir-S1" zenit-raket kompleksi ilə təmin edilib", - mənbə bildirib. Qeyd edək ki, rəsmi olmayan məlumata görə, 2012-ci ildə Rusiya ilə İraq arasında dəyəri 4,2 milyard dollarlıq müqavilə imzalanıb. Müqavilə çərçivəsində Rusiya Bağdadı 30 ədəd Mi-28 hərbi vertolyotu, o cümlədən 24 "Pantsir-S1" kompleksləri ilə təmin edib.xəbər100  

Rusiyanı qorxudan statistika

Rusiyanın “Levada-Sentr” sorğu təşkilatın rusların ən çox nədən qorxması ilə bağlı sorğu keçirib. Rusiya mətbuatı xəbər verir ki, rəy soruşulan insanların 53%-i Rusiya üçün ən böyük təhlükə kimi əhalinin yoxsullaşmasını göstəriblər. Təhlükələr siyahısında 49%-lə iqtisadi böhran gəlir. Əhalinin 35%-i isə işsizliyi Rusiya üçün bəla sayır. 27% Rusiyanın xaricdə apardığı müharibələri təhlükəli hesab edir. 16% gələcəyin qeyri-müəyyən olmasını, 15% Qərblə münasibətlərin pisləşməsini Rusiyanı təhlükəli vəziyyətə apardığını düşünür. Rusların 82%-i qəbul edir ki, onların ölkə iqtisadi böhranla üz-üzədir. Bununla yanaşı 21% əhali böhranın uzanacağını düşünür. Rusların 75%i-i qiymətlərin kəskin artımını və həyat səviyyəsinin aşağı düşməsinə böyük ehtimal verir. Böhranın səbəbini rusların 47%-i neft qiymətlərinin aşağı düşməsi ilə, 33% korrupsiya ilə, 29% Rusiya iqtisadiyyatının özünəməxsusluğu ilə, 27% sanksiyalarla, 26% hərbi xərclərin artırılması ilə əlaqələndirib. 59% əhali qeyd edir ki, mal və xidmətlərin qiymətləri son 1 ildə 15-50% qalxıb. Rəyi soruşulanların 40%-i son il ərzində sosial rifahının pisləşdiyini, 9% olduqca pis vəziyyətə düşdüyünü, 44% bir fərq görmədiyini deyib. Sorğu dekabr-yanvar aylarında ölkənin 48 regionunda 1600 nəfər arasında keçirilib. Xəbər100

Ukrayna-Azərbaycan əməkdaşlığı

“Prezident Petro Poroşenko ilə prezident İlham Əliyevin son Davos görüşündən sonra biz Ukrayna prezidentinin və Ali Rada sədri Vladimir Qroysmanın Azərbaycana səfəri üzərində işləməyə başlamışıq”. Bunu APA-ya açıqlamasında Ukrayna-Azərbaycan Parlamentlərarası İşçi Qrupunun rəhbəri Maksim Kuryaçiye deyib. O qeyd edib ki, bu ilin birinci yarısında Ukrayna prezidentinin və Ali Rada sədrinin ayrı-ayrılıqda Azərbaycana səfəri planlaşdırılır: “Prezidentlərin Davos görüşündə xeyli mövzu ətrafında məhsuldar danışıqlar aparılıb. Bu görüş hər iki səfərin baş tutmasını zərurətə çevirib. Hazırda aidiyyəti üzrə Azərbaycandan olan həmkarlarımızla səfərlərin konkret tarixi və detalları üzərində işləyirik. Bu səfərlərin baş tutması Ukrayna üçün olduqca əhəmiyyətlidir”. xəbər100

Atəşkəs barədə razılaşma

ABŞ və Rusiya da daxil olmaqla, 20 ölkəni birləşdirən Suriyaya beynəlxalq dəstək qrupunun fevralın 11-də Almaniyanın Münhen şəhərində keçirilən iclasında həftə ərzində ərəb ölkəsinin bütün ərazisində atəşkəsə nail olmaq barədə razılaşma əldə edilib. Euronews telekanalını xəbər verir ki, görüşün nəticəsi ilə bağlı ABŞ və Rusiyanın xarici işlər idarələrinin başçılarının mətbuat konfransı keçirilib. “Qrupun bir çox üzvü hesab edir ki, Bəşər Əsəd rejimi müxalifəti aclıqla təslim olmağa məcbur edərək beynəlxalq hüququ pozur. Bizim fikrimizcə, bu, İŞİD-ə təzyiqi artırmaq əvəzinə, onun imkanlarını genişləndirir və qruplaşmaya xaosdan istifadə etmək şansı yaradır”, - deyə ABŞ-ın dövlət katibi Con Keri bildirib. Beynəlxalq dəstək qrupunun üzvləri Münhendəki danışıqlarda Suriya böhranının aradan qaldırılması üçün Rusiya ilə əməkdaşlığın vacib olduğu qənaətinə gəliblər. Con Kerinin sözlərinə görə, Rusiya ilə əməkdaşlıq etmədən atəşkəsə və humanitar yardımın çatdırılmasına nail olmaq mümkün deyil. xəbər100

Dövlət nömrə-nişanlı avtomobillərin daşıma fəaliyyəti

Türkiyədə Azərbaycan dövlət nömrə-nişanlı avtomobillərin daşıma fəaliyyəti ilə məşğul olmasına icazə verilib. Türkiyə mətbuatının məlumatına görə, prezident Rəcəb Tayyib Ərdoğan Nazirlər Kabinetinin bununla bağlı qərarını təsdiqləyib. Rəsmi Qəzetdə yayımlanan qərar artıq qüvvəyə minib. Qərara əsasən, Azərbaycan dövlət nömrə-nişanlı avtomobillərin beynəlxalq daşıma fəaliyyəti ilə məşğul olmasına icazə verilib. Azərbaycan və Türkiyə arasında yaradılacaq komissiya həmin nəqliyyat vasitələrinin Azərbaycana daşıma fəaliyyəti ilə bağlı kvota müəyyənləşdirəcək.xəbər100        

Dağlıq Qarabağ münaqişəsi – Rusiyanın yeni Pandora qutusu?

İsveçrənin paytaxtı Berndə “Dağlıq Qarabağ münaqişəsi - Rusiyanın yeni Pandora qutusu?” mövzusunda konfrans öz işinə başlayıb. APA-nın “arminfo.am” saytına istinadən verdiyi xəbərə görə, konfransın təşkilatçıları Münaqişələrin transformasiyası və sülh quruculuğu İnstitutu (Institute for Conflict Transformation and Peacebuilding), Qlobal Araşdırmalar Mərkəzi və Yaxın Şərq, İslam Mədəniyyəti üzrə İsveçrə cəmiyyətidir. Təbdirdə Azərbaycan, Ermənistan, Türkiyə və Rusiyadan olan nümayəndələr iştirak edir. Konfransda Dağlıq Qarabağ münaqişəsinin hazırkı vəziyyəti və münaqişəyə səbəb olan əsas insidentlər təhlil ediləcək. Bununla yanaşı, qonaq ekspert və alimlər münaqişənin geosiyasi və sosioloji aspektləri ətrafında fikir mübadiləsi aparacaqlar.