İtaliyanın dövlət başçısı ölkə əhalisini vaksinasiya prosesində fəal iştirak etməyə çağırıb

İtaliyanın dövlət başçısı Sercio Mattarella Yeni il münasibətilə televiziya müraciətində italyanları koronavirus pandemiyasına qarşı mübarizədə sıx birləşməyə və koronavirusa qarşı vaksinasiya prosesində fəal iştirak etməyə çağırıb.Azərtac xəbər verir ki, 2021-ci ili koronavirus üzərində qələbə və yeni başlanğıc il adlandıran S.Mattarella peyvənd inadkarları və qərarsız insanların bu məsələdə ümumi rifahı nəzərə almalı olduqlarını ifadə edib.Ötən ilin fevral ayında Avropada epidemiyanın ən sürətlə yayıldığı İtaliya əhalisi və iqtisadiyyatına COVID-19 pandemiyası olduqca baha başa gəlib. Ölkədə indiyədək iki milyondan çox insan virusa yoluxub, 74 min insan virusla əlaqəli və ya birbaşa virusun təsirindən həyatını itirib. Pandemiyanın sosial və iqtisadi nəticələri də kifayət qədər ağır olub. Prezident bildirib ki, ölkədə çox sayda iş yerləri bağlanıb, müəssisələr öz gələcəklərinə görə qorxu keçirirlər, insanların gəlirləri azalıb. Ölkə iqtisadiyyatının bir sıra sektorları, xüsusilə turizm pandemiyadan ən çox əziyyət çəkən sahələrdir.Bununla belə, dövlət başçısı pandemiyadan sonrakı dövr üçün mühüm və ümidverici siqnallara da toxunub. Qeyd edilib ki, Avropa İttifaqının yenidənqurma proqramı çərçivəsində İtaliya iqtisadiyyatına ümumilikdə 209 milyard avro yönləndiriləcək və dekabrın sonunda başlayan vaksinasiya kampaniyası tezliklə epidemioloji vəziyyətdə dönüş yarada biləcək. 79 yaşlı dövlət başçısı vurğulayıb ki, ən yaxın zamanda o da özünə koronavirusa qarşı peyvənd vurduracaq və bu addım digər insanların sağlamlığı naminə hər kəsin üzərinə düşən bir cavabdehlik və öhdəlikdir.Pandemiya üzərində qələbənin İtaliya üçün mühüm olduğunu bildirən S.Mattarella bu ölkə həyatındakı mühüm hadisələrə də toxunub. Həmçinin qeyd edilib ki, 2021-ci ildə İtaliya öz tarixində ilk dəfə G20 ölkələrinə sədarəti həyata keçirəcək və bu dövr ölkə iqtisadiyyatının dirçəlişi üçün yeni təkan ola bilər.xeber100.com

“Jerusalem Post”: İsraildə pandemiya dövrünün üçüncü total karantin rejimi başlayıb

Bu gün yerli vaxtla saat 17:00-da (Bakı vaxtı ilə 19:00) İsraildə pandemiya dövrünün üçüncü total karantin rejimi başlayıb.“Jerusalem Post” qəzetinə istinadla xəbər verir ki, yanvarın 9-dək israillilərə zərurət olmadıqda evlərindən bir kilometrdən çox uzaqlaşmaq, bir-birinə qonaq getmək qadağan olunub. Karantin müddətində zəruri tələbat malları satan mağazalar istisna olmaqla, bütün ticarət obyektləri bağlanacaq, restoranlara yalnız çatdırılma xidmətləri göstərməyə icazə veriləcək.Həmçinin ölkədə bütün əyləncəli tədbirlər qadağan edilib, ictimai nəqliyyatın hərəkəti məhdudlaşdırılıb. Səhiyyə Nazirliyinin mətbuat xidməti tətbiq olunan bu və digər məhdudiyyətlərin siyahısını dərc edib.Qeyd edək ki, dekabrın 20-də İsraildə koronavirus qarşı milli vaksinasiya kampaniyasına start verilib. Baş nazir Binyamin Netanyahunun sözlərinə görə, dekabrın 27-dək 270 min israilli Amerikanın “Pfizer” kompaniyasının peyvəndinin birinci dozasını alıb. Ölkədə yeni koronavirusa qarşı ilk olaraq dekabrın 19-da Baş nazirin özü peyvənd olunub.

Rixter cədvəli üzrə 4.1 bal gücündə zəlzələ baş verib

Türkiyənin Elazığ vilayətinin Sivrice rayonunda yerli vaxtla saat 11.57-də Rixter cədvəli üzrə 4.1 bal gücündə zəlzələ baş verib.Azərtac xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.Hələlik yeraltı təkanın təsiri barədə məlumat yoxdur.xeber100.com

Özbəkistan iqtisadiyyatına 7,5 milyard dollar sərmayə qoyulması nəzərdə tutulur

2021-ci ildə Özbəkistan iqtisadiyyatına 7,5 milyard dollar birbaşa xarici sərmayə qoyulması nəzərdə tutulur.Azərtac Özbəkistan Prezidentinin mətbuat xidmətinə istinadla xəbər verir ki, bu barədə Prezident Şavkat Mirziyoyev keçirdiyi müşavirədə deyib. Müşavirədə bu il əldə edilən uğurlar, 2021-ci ildə Özbəkistana sərmayə qoyuluşu və ticarətin inkişafı sahəsində geniş müzakirələr aparılıb. Dövlət başçısı deyib ki, bu il ölkə iqtisadiyyatına 6,6 milyard dollar sərmayə qoyulub. İlin sonunadək ixraca 15 milyard dollarlıq məhsulun göndərilməsi reallaşacaq.Ş.Mirziyoyev bildirib ki, gələn il Özbəkistanda 226 böyük layihənin həyata keçirilməsi nəzərdə tutulur. 2021-ci ildə 17 milyard dollar ixrac əməliyyatlarının həyata keçirilməsi planlaşdırılır. Yanvarın 1-də xarici tərəfdaşlarla ixrac müqavilələrinin bağlanması ilə bağlı artıq səlahiyyətli orqanlara tapşırıqlar verilib.xeber100.com

Rusiya Dövlət Duması “Rusiya Federasiyası prezidentinin seçkiləri haqqında” qanun layihəsini qəbul edib

Rusiya Dövlət Duması “Rusiya Federasiyası prezidentinin seçkiləri haqqında” Qanuna düzəlişlərə dair qanun layihəsini qəbul edib.Azərtac xəbər verir ki, qanun layihəsi hazırkı Prezident Vadimir Putinə növbəti iki müddətə dövlət başçısı seçilmək hüququ verir.Qanun layihəsinə əsasən, Rusiya prezidenti yaşı 35-dən çox olan, Rusiyada azı 25 il daim yaşamış, həm hazırda, həm də əvvəllər xarici vətəndaşlığı olmayan şəxslər seçilə bilərlərlər. Rusiya Konstitusiyasında təsbit edilmiş “eyni şəxsin yalnız iki müddətə prezident seçilməsi ilə bağlı məhdudiyyət” düzəlişlər qəbul edildikdən sonra yenidən hesablanacaq. Başqa sözlə, hazırkı Prezident Vladimir Putin daha iki müddətə Rusiya prezidenti seçilmək imkanı əldə edəcək.xeber100.com

ABŞ Senatı dekabrın 21-də 900 milyard dollar həcmində paketi qəbul edib

ABŞ Senatı dekabrın 21-də koronavirus pandemiyası fonunda iqtisadiyyatın stimullaşdırılmasına yönəlmiş 900 milyard dollar həcmində paketi qəbul edib.Azərtac Amerika KİV-lərinə istinadla xəbər verir ki, Ağ ev, həmçinin Respublikaçılar və Demokratlar partiyalarının konqresin hər iki palatasındakı nümayəndələri iqtisadi yardımın həcmi barədə razılıq əldə edə biliblər. Stimullaşdırma tədbirləri paketi 2021-ci maliyyə ili üçün ölkə büdcəsi ilə birlikdə qəbul edilib.Sənəd əvvəlcə Konqresin Nümayəndələr Palatası tərəfindən təsdiqlənmişdi. Bundan sonra onu ABŞ Prezidenti Donald Tramp imzalamalıdır.Texniki problemlər səbəbindən sənədin dərc edilməsi ləngiyib, onun həcmi 5 min səhifədən çox olduğu üçün konqresmenlərin əksəriyyəti paketin məzmunu ilə vaxtında tanış ola bilməyib. Nəticədə səsvermə prosesi bütün gün ərzində uzanıb.Yardım paketinə işsizliyə görə müavinət, hər bir fiziki şəxsə 600 dollar ödəniş, iqtisadiyyatın müxtəlif sahələrinə, o cümlədən təhsilə, kiçik biznesə, habelə aviasiya sənayesinə köçürüləcək maliyyə vəsaiti daxildir.xeber100.com

İsveçrə Böyük Britaniya və Cənubi Afrika Respublikasıilə sərnişin aviareyslərini dayandırıb

Bir sıra Avropa ölkələri kimi İsveçrə də koronavirusun mutasiyaya uğramış yeni variantının ölkədə yayılmasına qarşı tədbirlərə başlayıb.Azərtac xəbər verir ki, ölkədəki bütün hava limanları, aviaşirkətlər və özəl biznes aviauçuşları keçirən şirkətlər Böyük Britaniya və Cənubi Afrika Respublikası (CAR) ilə uçuşların ləğvi barədə məlumatlandırılıb.Mülki Aviasiya üzrə Federal İdarənin (BAZL) nümayəndəsi Urs Holdereqqer bildirib ki, koronavirusun aqressiv variantının yayılmasının qarşısının alınması üçün dərhal atılan bu addım qeyri-müəyyən müddət üçün nəzərdə tutulub və ictimaiyyətə yaxın müddətdə əlavə məlumatlar veriləcək. Qadağa yalnız sərnişin təyyarələrinə şamil olunur, yükdaşımaları davam edəcək.Ekspertlərin rəyinə görə, koronavirusun mutasiyaya uğramış variantı yüksək yoluxuculuq keyfiyyətinə malik olsa da, hazırda dünya bazarlarına çıxarılan peyvəndlərə qarşı immunitet göstərmir və peyvəndlər sayəsində bu varianta qarşı mübarizə aparıla bilər.xeber100.com

Misirin Nümayəndələr Palatası Avropa Parlamentinin qətnaməsini pisləyib

Misirin Nümayəndələr Palatası Avropa Parlamentinin bu ölkədə insan hüquqlarının vəziyyəti ilə bağlı qətnaməsini pisləyib və onu “siyasi və qeyri-adekvat” sənəd adlandırıb.Azərtac xəbər verir ki, Misir parlamentinin aşağı palatasının spikeri Əli Əbdel-Alaanın bəyanatında Avropa Parlamentinin qətnaməsində həqiqətə uyğun olmayan müddəaların yer aldığı bildirilir. Vurğulanır ki, bu sənəd Misir ilə Avropa İttifaqının strateji əməkdaşlığına zərər verir. Eyni zamanda, bəyanatda qeyd olunur ki, Misirdə real vəziyyəti nəzərə almayan avropalı parlamentarilərin “misirlilərin insan haqlarının müdafiəçisi qismində çıxış etmələri”, bu məsələni siyasiləşdirmələri yolverilməzdir.Misir parlamentinin spikerinin bəyanatında diqqətə çatdırılır ki, terrorizm və qanunsuz miqrasiya ilə mübarizə aparıldığı bir şəraitdə Avropa Parlamentinin bu cür addımları regional sülhə və təhlükəsizliyə də zərbə vurur.Qeyd edək ki, dekabrın 17-də Avropa Parlamenti Misirdə insan hüquqlarının vəziyyəti ilə bağlı qətnamə qəbul edib və bu ölkədə hüquq müdafiəçiləri, ictimai xadimlər və jurnalistlərin həbslərini və təqib olunmasını pisləyib.

Rusiya Federal Vergi Xidmətinin proqnozuna əsasən…

Rusiya Federal Vergi Xidməti (FVX) cari ilin yekunları üzrə fiziki şəxslərin gəlir vergisində 2019-cu ilin göstəriciləri ilə müqayisədə 5-6 faiz artım olacağını proqnozlaşdırır.Azərtac xarici saytlara istinadla xəbər verir ki, koronavirus pandemiyası ilə əlaqədar hökm sürən böhran şəraitində vergi yığımında artıma nail olunmasını FVX əmək bazarının “ağardılması” və dövlətin “ağ biznesi” pandemiya dövründə dəstəkləməsi istiqamətində görülən tədbirlərlə əlaqələndirir.Fiziki şəxslərin gəlir vergisində artım, həm də nominal əməkhaqqının artım göstəricisidir.Rusiyada aparılmış sosial sorğunun yekunlarına əsasən, məşğul əhalinin 28 faizi “kölgə sektoru”nda çalışır və onlar dövlət dəstəyindən faydalana bilməyiblər. Rəyi soruşulanların yarıdan çoxu il ərzində maddi vəziyyətinin pisləşdiyini bildirib.xeber100.com

Böyük Britaniyada yeni atom elektrik stansiyası inşa ediləcək

Böyük Britaniyada yeni atom elektrik stansiyası (AES) inşa ediləcək.Azərtac xəbər verir ki, Fransanın “EDF” enerji şirkəti ilə Sufolk bölgəsində 20 milyard funt sterlinq dəyərində yeni “Sayzvel C” adlı AES-in tikilməsi üçün danışıqlara başlanılıb.Stansiyanın 3,2 milyard giqavat elektrik enerjisi istehsal etməsi planlaşdırılır ki, bu da ölkənin enerji ehtiyacının 7 faizinə cavab verir. Bu baş verərsə, “Sayzvel C” ən çox elektrik enerjisi istehsal edən AES olacaq.Britaniya hökuməti, layihənin tikinti və istismar proseslərində minlərlə yeni iş yerinin yaradılacağını açıqlayıb.xeber100.com