İsveçrə hökuməti təhlükəsizlik qaydalarını daha da sərtləşdirib

Koronavirus pandemiyasına qarşı mübarizə çərçivəsində İsveçrə hökuməti təhlükəsizlik qaydalarını daha da sərtləşdirib.Azərtac xəbər verir ki, oktyabrın 19-dan etibarən, İsveçrədə ictimai məkanlarda 15-dən artıq şəxsin toplaşması qadağandır. Eyni zamanda, ölkə sakinləri şəxsi təmasları minimuma endirməyə çağırılıblar.Vəziyyəti olduqca ciddi qiymətləndirən İsveçrə Konfederasiyasının Prezidenti Simonetta Sommaruqa mətbuat konfransında bildirib ki, ölkədə tibbi maskalardan istifadə öhdəlikləri də sərtləşdiriləcəkdir. İndiyədək ictimai nəqliyyat vasitələrinə şamil olunan bu öhdəlik bütün növ ticarət obyektləri, kafe və restoranlar, eləcə də muzeylərə də aid ediləcəkdir. Eyni zamanda, vağzallar, hava limanları və dayanacaqlarda da insanlar tibbi maskalardan istifadə etməyə məcbur olacaqlar.Qeyd edək ki, İsveçrədə koronavirusa gündəlik yoluxma sayı 2606 nəfərə çatıb.Eyni zamanda, İsveçrə hökuməti ölkədəki şirkətləri öz əməkdaşlarına evdən işləmək (homə office) üçün maksimum şərait yaratmağa çağırıb.xeber100.com

Misir parlamentinin yuxarı palatası – ilk Senatın birinci iclası keçirilib

Misir parlamentinin yuxarı palatası – ilk Senatın birinci iclası keçirilib.Azərtac xəbər verir ki, Misir Konstitusiya Məhkəməsinin sabiq sədri Əbdel Vahab Razik 300 senatordan 287-sinin səsi ilə Senatın spikeri seçilib. Bundan başqa, xristian senator Föbə Fevzi Gerges ölkə tarixində ilk qadın vitse-spiker olub.Senatın ilk iclasında senatorların andiçmə mərasimi də keçirilib.Beləliklə, Misirdə ötən il keçirilmiş referendumun nəticələri əsasında cari il avqustun 11-də keçirilmiş seçkilərdən sonra formalaşan Senatın fəaliyyətinə start verilib.xeber100.com

Türkiyə və Ukrayna prezidentləri birgə mətbuat konfransı keçiriblər

Türkiyədə rəsmi səfərdə olan Ukrayna dövlətinin başçısı Vladimir Zelenski ilə Türkiyə Prezidenti Rəcəb Tayyib Ərdoğan birgə mətbuat konfransı keçiriblər.Azərtac xəbər verir ki, tədbirdə səfər çərçivəsində keçirilən təkbətək və heyətlər arasında görüşlərin, eləcə də müdafiə sənayesi sahəsində hərbi əməkdaşlıqla bağlı imzalanan razılaşmanın Türkiyə-Ukrayna münasibətlərinə əhəmiyyətli töhfə verəcəyi bildirilib. Qeyd edilib ki, iki ölkə arasında müdafiə, tədris, turizm, iqtisadi və bir sıra digər sahələr üzrə fikir həmrəyliyi mövcuddur. Pandemiyaya baxmayaraq bu il 500 mindən artıq ukraynalı turistin Türkiyəni ziyarət etməsi iki ölkə arasında əməkdaşlığın göstəricisidir. Türkiyə ilə Ukrayna arasında ticarət həcminin 10 milyard dolaradək artırılması hədəflənir. Bu məqsədlə sərbəst ticarət əlaqələrinin genişləndirilməsində hər iki dövlət həmfikirdir.Görüşlər zamanı, həmçinin cinayətkarların qarşılıqlı ekstradisiyası məsələləri də müzakirə edilib.xeber100.com

Yeni Zelandiyada milli parlamentə seçkilər başlayıb

Oktyabrın 17-də yerli vaxtla səhər saat 9-da Yeni Zelandiyada milli parlamentə seçkilər və marixuananın və evtanaziyanın leqallaşdırılması üzrə referendumda səsvermə başlanıb.Azərtac xəbər verir ki, təqribən 2600 seçki məntəqəsində keçirilən səsvermə yerli vaxtla saat 21:00-da başa çatacaq.Seçkilər zamanı seçicilər iki bülleten dolduracaqlar. Bunlardan biri partiyaya, digəri isə dairə üzrə namizədlərdən birinə səsverməni nəzərdə tutur. Yeni zelandiyalılar, həmçinin marixuana və evtanaziyanın leqallaşdırılmasını nəzərdə tutan daha iki suala cavab verəcəklər. Referenduma çıxarılmış bu iki sual artıq parlament tərəfindən bəyənilib. Lakin yerli qanunvericilik bunun yalnız plebisitdə bəyənildikdən sonra qüvvəyə minməsini nəzərdə tutur.Parlamentə seçkilərə gəlincə, cari ildə milli parlamentdəki 120 yer uğrunda 17 partiyadan 566 namizəd mübarizə aparır. Daha 35 namizədin müstəqil olaraq seçkilərə qoşulduğu bildirilir. Parlamentdə yer almaq üçün partiyalar 5 faizlik həddi keçməli, namizədlər isə öz dairələrində səsə çoxluğu qazanmalıdırlar.Mütəxəssislərin rəyinə görə, hakim koalisiya (Yeni Zelandiyanın Leyboristlər Partiyası, “Hər şeydən əvvəl Yeni Zelandiya” və “Yaşıllar” partiyası) və Yeni Zelandiya Milli Partiyasının rəhbərlik etdiyi müxalifət bloku favoritlər arasında fərqlənir.Qeyd edək ki, Yeni Zelandiya parlamenti qarışıq sistemlə (ölkə üzrə 11 dairədən və partiya siyahısı ilə) üç il müddətinə gizli səsvermə yolu ilə seçilir. Bu ölkədə əhalinin 3,7 milyonu səs vermək hüququna malikdir. Səsvermədə iştirak etmək üçün seçicilərin 92,4 faizi, təqribən 3 milyon 400 min nəfər qeydiyyatdan keçib. Həmçinin seçicilərin 50 faizi (təqribən 1,7 milyon nəfər) 2020-ci ildə keçirilmiş ümumi seçkilərdə artıq səs verib.Seçki komissiyasının artıq bu gün axşam saatlarında səsvermənin ilkin nəticələrini elan edəcəyi bildirilir. Seçkilərin və referendumun rəsmi yekunu isə noyabrın 6-da elan ediləcək.xeber100.com

Qırğızıstan Prezidenti istefaya getmək haqqında qərar qəbul edib

Qırğızıstan Prezidenti Sooronbay Jeenbekov ölkədəki gərgin ictimai-siyasi vəziyyət fonunda istefaya getmək haqqında qərar qəbul edib.Azərtac xəbər verir ki, bu barədə Qırğızıstan Prezidentinin mətbuat xidməti məlumat yayıb.Sooronbay Jeenbekov istefa qərarı ilə bağlı xalqa müraciət edib. Müraciətdə deyilir: “Ölkədə və Bişkekdə ictimai-siyasi vəziyyət gərgin olaraq qalır. Yeni seçilmiş parlament buraxıldı, parlamentin sədri və Baş Nazir dəyişdi, yeni hökumət formalaşdı, digər təyinatlar oldu. Bununla belə gərginlik qalır, prezidentin istefası tələb olunur. Münaqişəyə son qoymaq üçün istefa verməyi qərara aldım. Qırğızıstanda sülh və sabitliyin olması mənim üçün hər şeydən üstündür. Mən Qırğızıstanın tarixində qan tökən, öz vətəndaşlarına güllə atan prezident kimi qalmaq istəmirəm. Buna görə də istefa verməyi qərara aldım”.xeber100.com

Ukrayna Prezidenti Türkiyəyə iki günlük rəsmi səfər edəcək

Bu gün Ukrayna Prezidenti Vladimir Zelenskinin Türkiyəyə iki günlük rəsmi səfər edəcək.Azərtac xəbər verir ki, oktyabrın 17-dək davam edəcək səfərdə Vladimir Zelenski bir sıra rəsmilərlə, o cümlədən Türkiyə Prezidenti Rəcəb Tayyib Ərdoğanla görüşəcək, iki ölkə arasında strateji tərəfdaşlığın perspektivləri müzakirə olunacaq.Səfər çərçivəsində Ukrayna və Türkiyə arasında hərbi əməkdaşlığa dair saziş imzalanacaq.Ukraynanın Müdafiə naziri Andrey Taran nazirliyin saytına açıqlamasında bildirib ki, bu saziş müdafiə sahəsində mövcud Ukrayna-Türkiyə əməkdaşlığının genişləndirilməsi və dərinləşdirilməsi üçün yeni hədəflər müəyyənləşdirəcək, hərbi sahə üzrə 21 prinsipial məsələdə əməkdaşlığın başlanğıcı olacaq.xeber100.com

Qırğızıstan parlamentinin oktyabrın 14-də keçirilən iclasında

Qırğızıstan parlamenti-Joqorku Keneşin oktyabrın 14-də keçirilən iclasında Sadır Japarov ölkənin Baş Naziri kimi təsdiq olunub.Azərtac xəbər verir ki, iclasda hökumətin digər üzvləri, həmçinin hökumətin strukturu, tərkibi və proqramı da təsdiqlənib.Beləliklə, Artyom Novikov Baş Nazirin birinci müavini, Ravşan Sabirov, Maksat Mamıtkanov və Aida İsmailova Baş Nazirin müavinləri, Bakıtbek Asmanbayev nazir statusunda hökumət aparatının rəhbəri seçilib.Sanjar Mukanbekov İqtisadiyyat, Kıyalbek Mukaaşev Maliyyə, Erkinbek Çoduyev Kənd Təsərrüfatı, Yeyinti Sənayesi və Meliorasiya, Bakıt Berdaliyev Nəqliyyat və Yollar, Marat Cumankulov Ədliyyə, Ruslan Kazakbayev Xarici İşlər, Ulan Niyazbekov Daxili İşlər, Boobek Ajikeyev Fövqəladə Hallar, Alımkadır Beyşenaliyev Səhiyyə, Almazbek Beyşenaliyev Təhsil, Uluqbek Koçkorov Əmək və Sosial İnkişaf, Nurjiqit Kadırbekov Mədəniyyət, İnformasiya və Turizm nazirləri vəzifələrini tutublar.Bildirilib ki, Daxili İşlər naziri, Milli Təhlükəsizlik üzrə Dövlət Komitəsinin sədri və Müdafiə üzrə Dövlət Komitəsinin sədri vəzifələrinə namizədləri prezident təyin edəcək.xeber100.com

Tacikistanda növbəti prezident seçkiləri keçirilib

Oktyabrın 11-də Tacikistanda növbəti prezident seçkiləri keçirilib.Azərtac xəbər verir ki, Tacikistan Mərkəzi Seçki Komissiyasının məlumatına görə, seçkilərdə seçicilərin 70 faizi iştirak edib. Seçkilərin ilkin nəticələri 24 saat ərzində elan olunacaq.Seçkilərdə hazırkı Prezident Emoməli Rəhmonla yanaşı, daha dörd namizəd mübarizə aparıb.Bu, ölkənin müstəqillik tarixində altıncı prezident seçkiləridir. Bu seçkilərin dördündə Emoməli Rəhmon qalib gəlib.Ölkədə dövlət başçısı 7 il müddətinə seçilir. Emoməli Rəhmon 1992-ci ildən Tacikistana rəhbərlik edir.xeber100.com

Meksika körfəzində neft istehsalı obyektləri fəaliyyətini bərpa edib

“Delta” qasırğasından sonra Meksika körfəzində neft istehsalı obyektləri fəaliyyətini bərpa edib.Azərtac xəbər verir ki, hazırda körfəzdə neft hasilatı əvvəlki səviyyəyə qaytarılır. Hasilatın bərpası isə birjalarda “qara qızıl”ın qiymətlərinin aşağı istiqamətli dəyişməsinə təsir göstərir.Qeyd edək ki, ötən həftə Yukatan yarımadasını keçən və ABŞ sahillərinə yönələn “Delta” qasırğası Meksika körfəzində əsas neft emalı zavodlarının dayandırılmasına səbəb olmuşdu. Qasırğa səbəbindən Meksika körfəzindəki enerji şirkətləri neft hasilatının 92 faizini dayandırmışdı.xeber100.com

İspaniya hökuməti 800 000 iş yeri yaratmağı planlaşdırır

Bu gün İspaniyanın Baş Naziri Pedro Sançes COVID-19-un yaratdığı böhrana qarşı mübarizə Strategiyasını və yaxın onillikdə İspaniya iqtisadiyyatının modernləşdirilməsi vəzifələrini özündə cəmləşdirən İspan iqtisadiyyatının bərpası, transformasiyası və dayanıqlığı Planını təqdim edib.Azərtac xəbər verir ki, dövlət başçısı yaxın üç ildə, yəni 2021-ci ildən 2023-cü ilə qədər Avropa Birliyinin Bərpa Fondundan 72 milyard avronun cəlb olunmasını və bu dövrdə 800.000 iş yerinin yaradılması niyyətini açıqladı.Baş nazirin sözlərinə görə, iqtisadiyyatı modernləşdirmək üçün əsas prioritetlər fondların 37 faizini özünə cəlb edəcək ekoloji keçid və 33 faizdən rəqəmsal keçid olacaq. İspaniya Nazirlər Kabineti, bu il İspaniyada ÜDM-in koronavirus pandemiyasının nəticələrinə görə 11,2 faiz azalacağı proqnozunu açıqlayıb. Krallıqdakı işsizlik nisbəti 17,1 faizə çata bilər. Eyni zamanda, gələn il İspaniya hökuməti iqtisadi böyümənin 7,2 faiz olacağını gözləyir.xeber100.com