Dünyanın ən iri 100 silah istehsalçısının adı açıqlanıb

ABŞ-ın “Defense News” nəşri dünyanın ən iri 100 silah istehsalçısının növbəti reytinqini dərc edib.Anadolu informasiya agentliyi xəbər verir ki, siyahıya Türkiyənin ASELSAN, TUSAŞ, BMC, ROKETSAN, STM, FNSS və HAVELSAN kompaniyaları daxil olub.ASELSAN reytinqdə 52-ci yerdə qərarlaşıb. 2006-cı ildə Türkiyə silah sənayesinin flaqmanı 93-cü mövqedə idi. 2019-cu ildə kompaniyanın dövriyyəsi ötən illə müqayisədə 21 faiz artaraq 2,172 milyard dollara çatıb.Kompaniya dövlət sifarişləri ilə yanaşı, öz məhsulunu xarici bazara da çıxarır. ASELSAN eyni zamanda, mülki sektora da daxil olub. Onun fəaliyyət sahəsini əlaqə və informasiya texnologiyaları, mikroelektronika, radar və hərbi elektron sistemləri, müdafiə, nəqliyyat, təhlükəsizlik və energetika texnologiyaları əhatə edir.Məhsullarını “Boeing”, “Airbus”, “Lockheed Martin”, “Leonardo”, “Northrop Grumman və Bombardier” kimi beynəlxalq kompaniyalara satan TUSAŞ kompaniyası siyahıda 16 pillə irəliləyərək 53-cü yerdə qərarlaşıb. Kompaniyanın dövriyyəsi 1,858 milyard dollara çatıb.Bundan başqa yük maşınları, avtobuslar və zirehli maşınlar istehsal edən BMC kompaniyası 89-cu, ROKETSAN kompaniyası 91-ci, STM kompaniyası isə 92-ci sıranı tutub.Həmçinin Türkiyənin HAVELSAN və hərbi texnika istehsalçısı FNSS kompaniyaları ilk dəfə reytinqə daxil olub.xeber100.com

Yaponiyanın “Nikkei” qəzeti yazır…

ABŞ yaxın gələcəkdə orta mənzilli raketlərini Yaponiya da daxil olmaqla, Asiya regionunda yerləşdirməyi planlaşdırır.Azərtac xəbər verir ki, bu barədə Yaponiyanın “Nikkei” qəzeti avqustun 16-da ABŞ Prezidentinin silahlanmaya nəzarət üzrə xüsusi nümayəndəsi Marşall Bilinqsliyə istinadla məlumat yayıb.“Bu, müdafiənin elə bir formasıdır ki, Yaponiya kimi ölkələr gələcəkdə ona ehtiyac duyacaqlar”, - deyə M.Bilinqsli bildirib.Xüsusi nümayəndə, həmçinin qeyd edib ki, ABŞ Asiyadakı tərəfdaşları ilə nüvə potensialını artırmaqda davam edən Çin tərəfindən artan təhdidlər barədə danışıqlar aparmaq və bunun qarşısını almaq üçün lazım olan müdafiə imkanlarını müzakirə etmək istəyir.M.Biliqslinin sözlərinə görə, hazırda ABŞ-da hipersəs silahının hazırlanması üçün bir neçə istiqamətdə iş aparılır.Xüsusi nümayəndənin sözlərini sitat gətirən qəzet yazır: “Müdafiə qüdrətini sabitləşdirən bu vasitələr Asiya-Sakit okean regionunda bizim dostlarımızın, tərəfdaşlarımızın və müttəfiqlərimizin müdafiəsınə zəmanət verəcək və Çinin hərbi şantajdan istifadəsinin qarşısını alacaq”.Qeyd edək ki, Yaponiya KİV-ləri bu ərəfədə ABŞ-ın Orta və Qısa Mənzilli Raketlərin Ləğvi Barədə Müqavilədən çıxmasından sonra Yaponiya tərəfi ilə orta mənzilli yeni raketlərin yerləşdirilməsinə dair məsləhətləşmələr apardığı barədə məlumatlar yayıb. Lakin Yaponiyanın hakimiyyət orqanları bu informasiyanı təsdiq etməyib.ABŞ-ın Müdafiə naziri Mark Esper də Asiya-Sakit okean regionunda orta mənzilli raketlərin yerləşdirilməsi niyyətini açıqlayıb.xeber100.com  

Qırğızıstan Rusiyadan vaksin almağı planlaşdırır

Qırğızıstan yeni növ koronavirusa (COVID-19) yoluxmuş xəstələrin müalicəsi üçün Rusiyadan vaksin almağı planlaşdırır.Azərtac xəbər verir ki, bu barədə Qırğızıstan Səhiyyə nazirinin müavini Madamin Karatayev Bişkekdə keçirdiyi brifinqdə məlumat verib. O deyib ki, bu vaksinin kütləvi istehsalına başlanılması vaxtı hələ dəqiq deyil. Ancaq bu, baş verdikdə biz Rusiyadan vaksin almağı planlaşdırırıq.Nazir müavini bildirib ki, son sutka ərzində Qırğızıstanda bu virusa 211 nəfər yoluxub. Bununla da ölkədə koronavirusa yoluxanların sayı 41 min 856-ya çatıb. Həmçinin iki nəfər koronavirusdan ölüb və dünyasını dəyişənlərin sayı 1495 nəfər olub. Son sutka ərzində koronavirusa 12, ümumilikdə isə 3993 tibb işçisi yoluxub.Sutka ərzində Sankt-Peterburqdan Oş şəhərinə 163 nəfər Qırğızıstan vətəndaşı gətirilib.xeber100.com

Qazaxıstan Senatına – parlamentin yuxarı palatasına seçkilər keçirilir

Avqustun 12-də Qazaxıstan Senatına – parlamentin yuxarı palatasına seçkilər keçirilir.TASS informasiya agentliyi xəbər verir ki, Qazaxıstanın qanunvericilik orqanında 17 yer uğrunda 46 namizəd mübarizə aparır. Onlara yerli nümayəndəliklərin deputatları səs verəcəklər.Senatda cəmi 49 yer var: ölkənin 17 regionunun hər birindən 2 parlamentari və yuxarı palatada cəmiyyətin milli-mədəni maraqlarının təmsilçiliyinin təmin edilməsi zərurəti nəzərə alınmaqla dövlət başçısı tərəfindən təyin edilən 15 qanunverici. Senatın səlahiyyət müddəti altı ildir. Seçilmiş senatorların yarısı üç ildən bir yenidən seçilir.Bu il oktyabrın 15-də yuxarı palatanın regionlardan seçilmiş 17 deputatının səlahiyyət müddəti qurtarır. Bununla əlaqədar növbəti seçkilərin keçirilməsi zərurəti yaranıb. Senata namizədlərin irəli sürülməsi iyunun 13-dən başlanıb və qeydiyyat iyulun 23-dək davam edib.Pandemiya ilə əlaqədar ölkənin Mərkəzi Seçki Komissiyası daha əvvəl məlumat vermişdi ki, Senata deputat seçkilərində koronavirus infeksiyasının yayılmasının qarşısının alınması məqsədilə respublikanın baş dövlət sanitarı ilə birlikdə tövsiyələr hazırlanıb.Bununla əlaqədar Mərkəzi Seçki Komissiyasının sədri Berik İmaşev bildirib ki, regionlarda epidemiya vəziyyəti müxtəlif olduğu üçün seçki prosesinin sanitar təhlükəsizliyinin konkret tədbirlərlə təmin edilməsinə dair qərar ərazi seçki komissiyaları və regional sanitar həkimlər tərəfindən birgə qəbul ediləcək.xeber100.com

ÜST: COVID-19-a 254 minə yaxın yoluxma qeydə alınıb

Ümumdünya Səhiyyə Təşkilatı (ÜST) dünya üzrə koronavirus infeksiyasına yoluxanların sayının 19,7 milyon nəfəri ötdüyünü elan edib.Azərtac xəbər verir ki, son sutkada dünyada COVID-19-a 254 minə yaxın yoluxma qeydə alınıb.Belə ki, son 24 saat ərzində dünyada koronavirusa 253 409 yoluxma qeydə alınıb, 5 719 nəfər həyatını itirib.Bununla da dünyada koronavirusa yoluxanların sayı 19 718 030 nəfərə çatıb. Pandemiya qurbanlarının ümumi sayı 728 013 nəfər təşkil edir.xeber100.com

Sinxua informasiya agentliyinin məlumatına görə…

Çin lideri Si Cinpin ölkə əhalisini qidalanan zaman bədxərcliyə yol verməməyə çağırıb.Sinxua informasiya agentliyi xəbər verir ki, Çin lideri ölkədə ərzaq məhsullarının istifadəsi zamanı yol verilən böyük israfçılığın təəssüf hissi doğurduğunu deyib. Onun sözlərinə görə, ölkədə buğda istehsalının ildən-ilə artmasına baxmayaraq, hər zaman ərzaq təhlükəsizliyi sahəsində riskləri və bu il baş verən pandemiyanın Çinə təsirini nəzərə almaq lazımdır.“Ərzaq israfının qarşısını almaq üçün qanunvericiliyi gücləndirmək, nəzarəti artırmaq, effektiv tədbirlər görmək, uzun vədəli mexanizmlər hazırlamaq lazımdır. Qidalanan zaman effektiv qənaət vərdişi aşılamaq, bədxərcliyə görə ümumi ictimai qınaq atmosferi, qənaətə görə isə qürur hissi yaratmaq üçün təbliğat və maariflənmə işi daha da güclənməlidir”, - deyə Si Cinpin bildirib.Qeyd edək ki, Çin lideri hər zaman ərzaq təhlükəsizliyinə xüsusi diqqət ayırıb və israfçılığa qarşı təşəbbüslə çıxış edib. O, dəfələrlə qida tullantılarının azaldılmasının vacibliyinə diqqət çəkib. Müxtəlif səviyyələrdə görülən tədbirlərə baxmayaraq, ölkədə qida israfçılığı halları hələ də aktualdır.xeber100.com

Belarusda prezident seçkiləri ilə bağlı səsvermə keçirilir

Avqustun 9-da Belarusda prezident seçkiləri ilə bağlı səsvermə keçirilir.Azərtac xəbər verir ki, yerli vaxtla səhər 08:00-da açılan seçki məntəqələrində səs vermək üçün seçici siyahısına 6 milyon 844 min 932 nəfər daxil edilib. Ən çox seçici Minsk şəhərində (1 milyon 241 min 21 nəfər), ən az seçici isə Qrodnensk vilayətində (751 min 84 nəfər) qeydə alınıb. Eyni zamanda, xaricdə yaşayan 5319 Belarus vətəndaşı da seçici siyahısındadır. Seçicilərin yarıdan çoxu səsvermədə iştirak etdiyi halda, seçki baş tutmuş hesab edilir.Belarus Mərkəzi Seçki Komissiyası hazırkı prezident Aleksandr Lukaşenkonun, sabiq deputat Anna Kanopatskayanın, “Belarus Sosial-Demokratik Qramada” Partiyasının sədri Sergey Çereçnyanın, “Düzünü danış” Birliyinin həmsədri Andrey Dimitriyevin və tutulan bloger Sergey Tixanovskinin həyat yoldaşı Svetlana Tixanovskayanın ali dövlət postuna namizədliyini qeydə alıb.Səsvermə prosesini 248 beynəlxalq və 50 minə yaxın yerli müşahidəçi izləyir. Xarici müşahidəçilər arasında Azərbaycan Milli Məclisinin deputatları da var.xeber100.com

Növbədənkənar parlament seçkilərinin keçirilməsi təklif edilib

Beyrutda davam edən iğtişaşlar zamanı bir polis əməkdaşının öldürüldüyü, daha 5 qanun keşikçisinin isə yaralandığı bildirilir. Bu dəqiqələrdə nümayişçilər İqtisadiyyat və Xarici İşlər nazirliklərinin binalarından uzaqlaşdırılır. Onlara qarşı gözyaşardıcı qaz və rezin güllələrdən istifadə edilir. Hazırda Beyrutun Şəhidlər meydanı və nazirliklərin binaları polisin nəzarəti altındadır.Azərtac xəbər verir ki, parlamentin daha iki üzvü istefa verdiyini bəyan edib. Onlar hökumətdən təcili islahatlar və növbədənkənar parlament seçkiləri keçirilməsini tələb edirlər.Baş Nazir Həsən Diyab xalqa müraciət edib. O deyib ki, xalqın hökumətə qəzəbini haqlı hesab edir və tezliklə ölkədə növbədənkənar parlament seçkilərinin keçirilməsi təklifini Prezident Mişel Auna təqdim edəcək. “Livan öz tarixində ən çətin günlərini yaşayır və son hadisələrin fəsadlarını aradan qaldırmaq mümkün olmayacaq. Biz korrupsiyanın qarşısını almaq, sosial-iqtisadi böhranı aradan qaldırmaq istiqamətində də tədbirlər həyata keçirəcəyik. Beyrut limanında baş vermiş partlayışın təqsirkarlarını məsuliyyətə cəlb edənədək istintaq davam edəcək”, - deyə hökumətin başçısı vurğulayıb.xeber100.com

TASS informasiya agentliyinin məlumatı əsasında…

Livanın hökumət orqanları avqustun 4-də baş vermiş partlayışla əlaqədar Beyrut dəniz limanı administrasiyasının 16 məmurunu saxlayıb. Bu barədə AFP hərbi prokurorluğa istinadla məlumat yayıb.TASS informasiya agentliyi xəbər verir ki, Livanın Baş Naziri Həsən Diab faciə ilə əlaqədar təqsirkarların hamısının layiq olduğu cəzanı alacağını bildirib. O deyib ki, altı il ərzində limanın anbarında 2 min 750 ton ammonium nitratın saxlanılması və vətəndaşların həyatının təhlükəyə məruz qalmaması üçün hökumət orqanları tərəfindən heç bir profilaktik tədbirin görülməməsi qətiyyən yolverilməzdir.Xatırladaq ki, partlayış dalğası Beyrutda yüzlərlə binanı dağıdıb və ya zədələyib. Habelə 300 mindən çox insan evsiz qalıb, 138 nəfər həlak olub, 5 minədək insan xəsarət alıb, onlarca insan itkin düşüb.Livan Daxili İşlər Nazirliyinin yaydığı məlumata görə, partlayışlar 2 min 750 ton ammonium nitratın qaynaq işləri zamanı yanması səbəbindən baş verib. Altı il öncə gömrük xidmətinin müsadirə etdiyi ammonium nitrat limanın anbarında saxlanılırmış.xeber100.com

“Aeroflot” aviaşirkəti müntəzəm reysləri dayandırdığını bəyan edib

Rusiyanın “Aeroflot” aviaşirkəti avqustun sonunadək Qazaxıstanın doqquz şəhərində beynəlxalq istiqamətlər üzrə müntəzəm reysləri dayandırdığını bəyan edib.Azərtac xəbər verir ki, müvafiq qərar mövcud epidemioloji məhdudiyyətlər nəzərə alınmaqla qəbul olunub.Aviaşirkət avqustun 31-dək Aktau, Aktobe, Almatı, Atırau, Karaqanda, Kostanay, Qızılorda, Nur-Sultan və Çimkent də daxil olmaqla müntəzəm uçuşlar yerinə yetirməyəcək.Qeyd edək ki, Qazaxıstandan avqust ayında Tailand və Gürcüstana reyslər açılması planlaşdırılır. Rusiya ilə hava əlaqəsinin bərpasının tarixi hələ açıqlanmayıb.xeber100.com