Əcnəbilərin uzunmüddətli viza ilə ölkəyə gəlişinə icazə veriləcək

Filippinin yoluxucu xəstəliklərlə mübarizə üzrə müəssisələrarası işçi qrupu avqustun 1-dən başlayaraq, əcnəbi vətəndaşların uzunmüddətli viza ilə ölkəyə gəlişinə icazə verilməsi barədə qərar qəbul edib.Azərtac xəbər verir ki, bu barədə Filippin Prezident Administrasiyasının iyulun 17-də dərc edilən bəyanatında bildirilir.Sənəddə qeyd edilir ki, ölkəyə gələn əcnəbilər qüvvədə olan vizalardan istifadə etməlidirlər. Bu isə o deməkdir ki, yeni vizalarla Filippinə gəlmək hələlik mümkün deyil. Bununla yanaşı, bildirilir ki, əcnəbilərin ölkəyə gələ biləcəyi reyslərdə əsasən Filippin vətəndaşlarına üstünlük veriləcək.Bundan əlavə, əcnəbilər xüsusi karantin mərkəzlərində yer bronlamalı və koronavirus testindən keçməlidirlər.Əlavə olaraq qeyd edək ki, son məlumatlara görə Filippində 61 min 200-dən çox koronavirusa yoluxan var. Onlardan 21 min 400 nəfərinin sağaldığı, 1600-nün isə həyatını itirdiyi bildirilir.xeber100.com

Azərbaycan Ordusuna dəstək yürüşü keçiriləcək

Ermənistan silahlı qüvvələrinin Azərbaycan-Ermənistan dövlət sərhədinin Tovuz rayonu istiqamətində hərbi təxribatlarına etiraz əlaməti olaraq, iyulun 17-də yerli vaxtla saat 20:00-da Riqada Azərbaycan dövlətinə və ordusuna dəstək yürüşü keçiriləcək.Azərtac xəbər verir ki, nəqliyyat vasitələrinin iştirakı ilə həyata keçiriləcək avtoyürüş zamanı dövlət bayrağımızın nümayişi, həmçinin Azərbaycan dövlətinə və şanlı ordumuza dəstək şüarlarının səsləndirilməsi nəzərdə tutulur. Həmyerlilərimiz avtoyürüşdə iştirak üçün saat 19:30-da 11. Novembra ünvanında olmalıdırlar.Yürüşə qatılmaq istəyənlərdən öz avtomobilləri ilə gəlmələri xahiş edilir. Avtoyürüşün sonunda Azərbaycanın Latviyadakı səfirliyinin binası qarşısında görüş keçiriləcək.xeber100.com

Xam neft istehsalı 11 milyon barrel səviyyəsindədir

ABŞ-ın sutkalıq xam neft istehsalı 11 milyon barrel səviyyəsindədir.Azərtac xəbər verir ki, bu barədə ABŞ-ın Enerji İnformasiya Administrasiyasının (EIA) məlumatında deyilir. Bildirilir ki, ötən hesabat həftəsində ABŞ-ın neft hasilatı 41 min barrel azalaraq sutkada orta hesabla 11 milyon barrel olub.Bu il fevralın 22-28-ni əhatə edən həftədə isə ABŞ-ın neft hasilatı gündəlik orta hesabla 13,1 milyon barrelə çataraq rekord səviyyəyə yüksəlmişdi.Keçən həftə ABŞ-ın neft idxalı əvvəlki həftəyə görə 1,82 milyon barrel azalaraq sutkada 5,56 milyon barrel, neft ixracı isə əvvəlki həftə ilə müqayisədə 156 min barrel artaraq gündəlik 2,54 milyon barrel təşkil edib.EIA-nın proqnozuna görə, ABŞ-ın neft hasilatının cari ildə sutkalıq orta hesabla 11,6 milyon barrel olacağı gözlənilir.Qeyd edək ki, ABŞ 2018-ci ilin noyabrında Səudiyyə Ərəbistanı və Rusiyanı geridə qoyaraq dünyanın ən böyük neft istehsalçısı olub.xeber100.com

Fransanın yeni hökumətinin siyasi proqramı qəbul olunub

Fransanın yeni Baş Naziri Jan Kasteksin hökumətin ümumi siyasət proqramını Milli Assambleyada təqdim edib.Azərtac xəbər verir ki, Baş Nazir Jan Kasteks sentyabr ayından 100 milyard avro məbləğində olan iqtisadi bərpa planına başlanılacağını bildirib.Qeyd edib ki, ölkədə səhiyyə böhranı sonuncu dünya müharibəsindən sonra görünməmiş iqtisadi və sosial böhranla nəticələnib.J.Kasteks bildirib ki, bərpa planının əsas məqsədi qarşıdan gələn 18 ay ərzində mütləq prioritet olan məşğulluq sahəsinə dəstək verməklə iş yerlərini qoruyub saxlamaqdır.Fransa Milli Assambleyasında ümumi siyasət proqramının lehinə 345, əleyhinə 177 səs verilib. Deputatlardan 44-ü bitərəf qalıb. Beləliklə, Fransanın yeni hökumətinin ümumi siyasəti deputatların mütləq əksəriyyətinin razılığı ilə qəbul olunub.xeber100.com

Çinin “Huawei” şirkətinə qadağa qoyulub

Böyük Britaniya hökuməti Çinin “Huawei” şirkətinin ölkədə beşinci nəsil mobil rabitə şəbəkəsinin qurulmasında iştirakını rəsmən qadağan edib.Azərtac xarici KİV-lərə istinadla xəbər verir ki, qəbul edilmiş qərara görə, hazırda quraşdırılmış “Huawei” şəbəkə avadanlığı “5G” şəbəkəsindən çıxarılacaq, rabitə operatorlarına isə 2021-ci ilin yanvarından etibarən Çin istehsalçısından yeni “5G” telekommunikasiya avadanlığının alışı qadağan ediləcək.Bildirilir ki, Britaniya operatorlarına “5G” infrastrukturundan avadanlığın ləğv edilməsinə 7 il möhlət verilib. Avadanlığın demontaj və dəyişdirilməsinin təxmini dəyəri 2 milyard funt sterlinq təşkil edir.Qərar Böyük Britaniya Milli Kibertəhlükəsizlik Mərkəzi tərəfindən “Huawei” şirkətinin Britaniya milli infrastrukturunda rolu haqqında yeni hesabat dərc edildikdən sonra qəbul olunub. Qəbul edilmiş qərar hökumətin yanvarda bəyan edilən mövqeyi ilə tam ziddiyyət təşkil edir. Belə ki, o zaman “Huawei” avadanlığından Britaniyanın “5G” infrastrukturunda bir sıra məhdudiyyətlərlə istifadəsinə icazə verilib.Böyük Britaniyanın Rəqəmsal Texnologiyalar, Mədəniyyət, KİV və İdman naziri Oliver Dauden qərarın ölkədə “5G” şəbəkəsinin qurulmasını yubadacağı ilə bağlı xəbərdarlıqla çıxış edib. Bundan başqa, hökumət rabitə operatorlarına genişzolaqlı internet üçün “Huawei” avadanlığının alışından imtina etməyi tövsiyə edib.xeber100.com

ABŞ-da büdcə defisiti rekord məbləğə çatıb

İyun ayında ABŞ-da büdcə defisiti rekord məbləğə - 864 milyard dollara çatıb.Xarici KİV-lər xəbər verir ki, bu barədə Birləşmiş Ştatların Maliyyə Nazirliyi məlumat yayıb. Məlumata görə, büdcə defisiti may göstəricisindən iki dəfə, ötən ilin iyun ayının göstəricisindən isə demək olar ki, 10 dəfə çoxdur. Bundan başqa, iyun ayında büdcə gəlirlərinin azalması 2019-cu maliyyə ilinin defisitinə bərabər olub.Nazirliyin məlumatına əsasən, büdcə kəsirinin artması federal hökumətin koronavirusun yayılmasına qarşı mübarizədə artan xərcləri, həmçinin vergi yığımının azalması ilə bağlıdır.Bir qədər əvvəl ABŞ Maliyyə Nazirliyinin sabiq rəhbəri Henri Polson xəbərdarlıq etmişdi ki, dövlət borcunun nəzarətsiz artması və büdcə defisiti dolların dünyanın əsas ehtiyat valyutası qismində nüfuzunu itirməsinə gətirib çıxara bilər.xeber100.com

Qazaxıstanda karantin avqustun 2-dək uzadılıb

Qazaxıstanın Baş Naziri Askar Mamin ölkədə sərtləşdirilmiş karantinin avqustun 2-dək uzadıldığını bildirib.Qeyd edilib ki, məktəblilər yeni tədris ilində təhsillərini birinci rübdə distant formatda davam etdirəcəklər.Hökumət başçısı sentyabrın 1-dən orta məktəblərdə distant təhsilə hazırlıq işlərinin təmin olunmasına dair tapşırıq verib.Xatırladaq ki, Qazaxıstanda sərtləşdirilmiş karantin iyulun 5-dən etibarən yenidən tətbiq edilmişdi.xeber100.com

Avstriya aviareyslərin qəbulundan imtina edib

Avstriya hökuməti COVID-19 pandemiyası ilə əlaqədar riskli regionlardan hava nəqliyyatı vasitələrinin Avstriya hava limanlarına qəbulu qadağasını daha da sərtləşdirib.Azərtac xəbər verir ki, iyulun 16-dan etibarən daha 18 ölkədən sərnişin təyyarələrinin Avstriya hava limanlarına enməsi qadağan edilib. İndiyədək qadağan siyahısında 8 ölkə (Rusiya, Ukrayna, Belarus, Böyük Britaniya, Çin, Portuqaliya, İran və İsveç) və İtaliyanın Lombardiya əyaləti yer alırdı.Avstriya Federal Səhiyyə naziri Rudolf Anşoberin yeni sərəncamına əsasən, Qərbi Balkan ölkələri, Bolqarıstan, Rumıniya, Moldova və Misir kimi ölkələrdən təyyarə reysləri ən azı iyulun sonunadək ləğv olunur. Siyahıda göstərilən ölkələrdən uçuşlara yalnız istisna hallarda mümkündür. Bu hallara Avstriya dövlətinin maraqlarına xidmət edən, eləcə də yük, xəstə, tibbi personal və vətənə geri dönən avstriyalıları daşıyan təyyarələrin Avstriya hava limanlarına enmələrinə icazə verilir.xeber100.com

Türkiyənin təhlükəsizlik qüvvələri antiterror əməliyyatları genişləndirir

Türkiyənin təhlükəsizlik qüvvələri PKK terror təşkilatına qarşı antiterror əməliyyatlarını genişləndirir.Azərtac xəbər verir ki, Şirnak vilayətində həyata keçirilən əməliyyata “Yıldırım-1 Cudi” şərti adı verilib. Bildirilir ki, Cudi dağından başlanan bu əməliyyat sistemli şəkildə davam etdiriləcək.Qeyd edək ki, Türkiyə təhlükəsizlik qüvvələrinin həyata keçirdiyi antiterror əməliyyatları terror təşkilatlarını təşvişə salıb. Xüsusilə PKK sıralarını sürətlə tərk edən terrorçular təslim olmaqda davam edirlər. Milli Müdafiə Nazirliyinin məlumatına görə, İraqın şimalındakı terror düşərgələrindən qaçan daha 4 PKK üzvü Silopidə Türkiyə polisinə təslim olub.İdlibdə isə Türkiyənin patrul karvanına hücum edilib. Hücum nəticəsində itki olmadığı, iki hərbi avtomaşına qismən ziyan dəydiyi bildirilir.xeber100.com

Qapalı məkanlarda tibbi maska taxmaq məcburi olacaq

Böyük Britaniyada qapalı məkanlarda tibbi maska taxmaq məcburi olacaq. Baş Nazir Boris Conson maskaların istifadəsi üçün qaydaların daha da sərtləşdiriləcəyini açıqlayıb.Belə ki, ictimai nəqliyyatdan istifadə zamanı maska taxmaq məcburiyyətinin qapalı yerlərdə də tətbiq olunması müzakirə olunur. Şotlandiyada tətbiq edilən qaydanın Birləşmiş Krallığın digər bölgələrində də tətbiq olunması planlanılır.Qeyd edək ki, Böyük Britaniyada iyunun 15-dən etibarən ictimai nəqliyyatda maska taxmaq məcburidir.xeber100.com