Fransanın yeni hökumətinin siyasi proqramı qəbul olunub

Fransanın yeni Baş Naziri Jan Kasteksin hökumətin ümumi siyasət proqramını Milli Assambleyada təqdim edib.Azərtac xəbər verir ki, Baş Nazir Jan Kasteks sentyabr ayından 100 milyard avro məbləğində olan iqtisadi bərpa planına başlanılacağını bildirib.Qeyd edib ki, ölkədə səhiyyə böhranı sonuncu dünya müharibəsindən sonra görünməmiş iqtisadi və sosial böhranla nəticələnib.J.Kasteks bildirib ki, bərpa planının əsas məqsədi qarşıdan gələn 18 ay ərzində mütləq prioritet olan məşğulluq sahəsinə dəstək verməklə iş yerlərini qoruyub saxlamaqdır.Fransa Milli Assambleyasında ümumi siyasət proqramının lehinə 345, əleyhinə 177 səs verilib. Deputatlardan 44-ü bitərəf qalıb. Beləliklə, Fransanın yeni hökumətinin ümumi siyasəti deputatların mütləq əksəriyyətinin razılığı ilə qəbul olunub.xeber100.com

Çinin “Huawei” şirkətinə qadağa qoyulub

Böyük Britaniya hökuməti Çinin “Huawei” şirkətinin ölkədə beşinci nəsil mobil rabitə şəbəkəsinin qurulmasında iştirakını rəsmən qadağan edib.Azərtac xarici KİV-lərə istinadla xəbər verir ki, qəbul edilmiş qərara görə, hazırda quraşdırılmış “Huawei” şəbəkə avadanlığı “5G” şəbəkəsindən çıxarılacaq, rabitə operatorlarına isə 2021-ci ilin yanvarından etibarən Çin istehsalçısından yeni “5G” telekommunikasiya avadanlığının alışı qadağan ediləcək.Bildirilir ki, Britaniya operatorlarına “5G” infrastrukturundan avadanlığın ləğv edilməsinə 7 il möhlət verilib. Avadanlığın demontaj və dəyişdirilməsinin təxmini dəyəri 2 milyard funt sterlinq təşkil edir.Qərar Böyük Britaniya Milli Kibertəhlükəsizlik Mərkəzi tərəfindən “Huawei” şirkətinin Britaniya milli infrastrukturunda rolu haqqında yeni hesabat dərc edildikdən sonra qəbul olunub. Qəbul edilmiş qərar hökumətin yanvarda bəyan edilən mövqeyi ilə tam ziddiyyət təşkil edir. Belə ki, o zaman “Huawei” avadanlığından Britaniyanın “5G” infrastrukturunda bir sıra məhdudiyyətlərlə istifadəsinə icazə verilib.Böyük Britaniyanın Rəqəmsal Texnologiyalar, Mədəniyyət, KİV və İdman naziri Oliver Dauden qərarın ölkədə “5G” şəbəkəsinin qurulmasını yubadacağı ilə bağlı xəbərdarlıqla çıxış edib. Bundan başqa, hökumət rabitə operatorlarına genişzolaqlı internet üçün “Huawei” avadanlığının alışından imtina etməyi tövsiyə edib.xeber100.com

ABŞ-da büdcə defisiti rekord məbləğə çatıb

İyun ayında ABŞ-da büdcə defisiti rekord məbləğə - 864 milyard dollara çatıb.Xarici KİV-lər xəbər verir ki, bu barədə Birləşmiş Ştatların Maliyyə Nazirliyi məlumat yayıb. Məlumata görə, büdcə defisiti may göstəricisindən iki dəfə, ötən ilin iyun ayının göstəricisindən isə demək olar ki, 10 dəfə çoxdur. Bundan başqa, iyun ayında büdcə gəlirlərinin azalması 2019-cu maliyyə ilinin defisitinə bərabər olub.Nazirliyin məlumatına əsasən, büdcə kəsirinin artması federal hökumətin koronavirusun yayılmasına qarşı mübarizədə artan xərcləri, həmçinin vergi yığımının azalması ilə bağlıdır.Bir qədər əvvəl ABŞ Maliyyə Nazirliyinin sabiq rəhbəri Henri Polson xəbərdarlıq etmişdi ki, dövlət borcunun nəzarətsiz artması və büdcə defisiti dolların dünyanın əsas ehtiyat valyutası qismində nüfuzunu itirməsinə gətirib çıxara bilər.xeber100.com

Qazaxıstanda karantin avqustun 2-dək uzadılıb

Qazaxıstanın Baş Naziri Askar Mamin ölkədə sərtləşdirilmiş karantinin avqustun 2-dək uzadıldığını bildirib.Qeyd edilib ki, məktəblilər yeni tədris ilində təhsillərini birinci rübdə distant formatda davam etdirəcəklər.Hökumət başçısı sentyabrın 1-dən orta məktəblərdə distant təhsilə hazırlıq işlərinin təmin olunmasına dair tapşırıq verib.Xatırladaq ki, Qazaxıstanda sərtləşdirilmiş karantin iyulun 5-dən etibarən yenidən tətbiq edilmişdi.xeber100.com

Avstriya aviareyslərin qəbulundan imtina edib

Avstriya hökuməti COVID-19 pandemiyası ilə əlaqədar riskli regionlardan hava nəqliyyatı vasitələrinin Avstriya hava limanlarına qəbulu qadağasını daha da sərtləşdirib.Azərtac xəbər verir ki, iyulun 16-dan etibarən daha 18 ölkədən sərnişin təyyarələrinin Avstriya hava limanlarına enməsi qadağan edilib. İndiyədək qadağan siyahısında 8 ölkə (Rusiya, Ukrayna, Belarus, Böyük Britaniya, Çin, Portuqaliya, İran və İsveç) və İtaliyanın Lombardiya əyaləti yer alırdı.Avstriya Federal Səhiyyə naziri Rudolf Anşoberin yeni sərəncamına əsasən, Qərbi Balkan ölkələri, Bolqarıstan, Rumıniya, Moldova və Misir kimi ölkələrdən təyyarə reysləri ən azı iyulun sonunadək ləğv olunur. Siyahıda göstərilən ölkələrdən uçuşlara yalnız istisna hallarda mümkündür. Bu hallara Avstriya dövlətinin maraqlarına xidmət edən, eləcə də yük, xəstə, tibbi personal və vətənə geri dönən avstriyalıları daşıyan təyyarələrin Avstriya hava limanlarına enmələrinə icazə verilir.xeber100.com

Türkiyənin təhlükəsizlik qüvvələri antiterror əməliyyatları genişləndirir

Türkiyənin təhlükəsizlik qüvvələri PKK terror təşkilatına qarşı antiterror əməliyyatlarını genişləndirir.Azərtac xəbər verir ki, Şirnak vilayətində həyata keçirilən əməliyyata “Yıldırım-1 Cudi” şərti adı verilib. Bildirilir ki, Cudi dağından başlanan bu əməliyyat sistemli şəkildə davam etdiriləcək.Qeyd edək ki, Türkiyə təhlükəsizlik qüvvələrinin həyata keçirdiyi antiterror əməliyyatları terror təşkilatlarını təşvişə salıb. Xüsusilə PKK sıralarını sürətlə tərk edən terrorçular təslim olmaqda davam edirlər. Milli Müdafiə Nazirliyinin məlumatına görə, İraqın şimalındakı terror düşərgələrindən qaçan daha 4 PKK üzvü Silopidə Türkiyə polisinə təslim olub.İdlibdə isə Türkiyənin patrul karvanına hücum edilib. Hücum nəticəsində itki olmadığı, iki hərbi avtomaşına qismən ziyan dəydiyi bildirilir.xeber100.com

Qapalı məkanlarda tibbi maska taxmaq məcburi olacaq

Böyük Britaniyada qapalı məkanlarda tibbi maska taxmaq məcburi olacaq. Baş Nazir Boris Conson maskaların istifadəsi üçün qaydaların daha da sərtləşdiriləcəyini açıqlayıb.Belə ki, ictimai nəqliyyatdan istifadə zamanı maska taxmaq məcburiyyətinin qapalı yerlərdə də tətbiq olunması müzakirə olunur. Şotlandiyada tətbiq edilən qaydanın Birləşmiş Krallığın digər bölgələrində də tətbiq olunması planlanılır.Qeyd edək ki, Böyük Britaniyada iyunun 15-dən etibarən ictimai nəqliyyatda maska taxmaq məcburidir.xeber100.com

Yaponiyanın şimal-şərq sahillərində 4,8 bal gücündə zəlzələ olub

İyulun 12-də Yaponiyanın Aomori prefekturasının şimal-şərq sahillərində 4,8 bal gücündə zəlzələ olub.Azərtac Yaponiya Meteorologiya Agentliyinə istinadla xəbər verir ki, yerli vaxtla saat 18:36 dəqiqədə qeydə alınan yeraltı təkanların episentri Aomori prefekturasının Sakit okean sahillərində, ocağı 48 kilometr dərinlikdə yerləşib.Dağıntılar və zərərçəkənlər barədə məlumat verilmir. Sunami xəbərdarlığı elan edilməyib.xeber100.com

Avstraliya hökuməti ölkəyə qayıtmaq istəyənlərin sayını məhdudlaşdıracaq

Avstraliya hökuməti yeni növ koronavirusun (COVID-19) yayılmasının qarşısını almaq üçün ölkəyə qayıtmaq istəyən vətəndaşların sayını ikiqat məhdudlaşdıracaq.Azərtac Avstraliya KİV-lərinə istinadla xəbər verir ki, bunu iyulun 10-da Baş Nazir Skott Morrison bəyan edib. O bildirib ki, Avstraliyaya hər həftə qayıtmasına icazə verilən ölkə vətəndaşlarının və burada daimi yaşayanların ümumi sayı gələn həftədən başlayaraq 4 min nəfərədək azaldılacaq.Qeyd olunur ki, iyulun 10-da ölkənin ikinci böyük şəhəri olan Melburnun yerləşdiyi Viktoriya ştatında 288 yoluxma halı qeydə alınıb.Avstraliya mart ayından başlayaraq, yalnız vətəndaşlara və burada daimi yaşayanlara ölkəyə gəlməyə icazə verir. Onlar hökumət tərəfindən xərcləri ödənilən oteldə 14 gün karantin rejimində qalmalıdırlar.S.Morrison, həmçinin bildirib ki, iyulun 13-dən etibarən ölkəyə qayıdanlar karantin xərclərini özləri ödəməli olacaqlar.xeber100.com

“5G” tezliyinin istifadəsi ilə bağlı hərrac keçiriləcək

Qonşu ölkələrlə müqayisədə Fransanın iqtisadi cəlbediciliyinə “5G”nin yerləşdirilməsi məsələsində bəzi yeni ekologiya tərəfdarları olan merlər bu texnologiyaya moratorium tətbiq edilməsinə çağırışlar edirlər. Bu merlər sonuncu nəsil mobil telefonun xüsusilə sağlamlığa və ətraf mühitə təsirinə dair potensial təhlükələr olmasını bildirirlər.Azərtac xəbər verir ki, bu barədə mobil telefon operatoru “Free”nin baş direktoru yerli mətbuata bildirib. O, “5G” texnologiyasının sağlamlığa, eləcə də ətraf mühitə zərərli olmasına dair dəlilləri təkzib edib.Deyib ki, “5G”nin sağlamlığa və ətraf mühitə heç bir mənfi təsiri yoxdur. Əksinə, “5G” texnologiyası daha az enerji sərf edir.Vurğulayıb ki, “5G” daha sürətli mobil yükləmə və gecikmə hallarının əhəmiyyətli dərəcədə azalmasını vəd edir. Maraqlı operatorlara “5G” tezliyinin verilməsi ilə bağlı sentyabrın 20-dən 30-dək hərrac keçiriləcəyi diqqətə çatdırılıb. Fransada “5G”yə moratorium ideyası hökumət tərəfindən dəfələrlə rədd edildiyi bildirilib.Xatırladaq ki, COVID-19 pandemiyası başlayanda insanlar onun “5G “texnologiyasından yarandığını düşünərək Birləşmiş Krallıq, Niderland kimi bir neçə Avropa ölkəsində “5G” antenalarını yandırmışdılar.xeber100.com