Yaponiya Xarici İşlər Nazirliyinin məlumatı əsasında…

G7 ölkələrinin Xarici İşlər nazirləri yeni koronavirusa qarşı mübarizədə səylərin birləşdirilməsi barədə razılığa gəliblər.Yaponiya Xarici İşlər Nazirliyindən Azərtac-ın bu ölkədəki müxbir məntəqəsinə verilən məlumata görə, bu barədə razılaşma martın 25-də axşam saatlarında keçirilən telekonfrans zamanı əldə edilib.Qeyd edək ki, G7 ölkələrinin Xarici İşlər nazirlərinin görüşü ABŞ-da baş tutmalı idi, lakin pandemiya təhlükəsinə görə iclas videokonfrans şəklində keçirilib.Bildirilir ki, nazirlər antivirus tədbirləri ilə bağlı əldə olunan təcrübənin mübadiləsi, sərhəd nəzarətinin təşkili, dərman və vaksinlərin birlikdə hazırlanması barədə razılığa gəliblər.Onlar, həmçinin yeni koronovirusun yayıldığı inkişaf etməkdə olan ölkələrə yardım göstərilməsi təşəbbüsü ilə çıxış edəcəklərini də bildiriblər.Yaponiyanın Xarici İşlər naziri Toşimitsu Moteqi Tokioda keçiriləcək Olimpiya və Paralimpiya oyunlarının bir il müddətinə təxirə salınması məsələsinə toxunaraq, yarışların tam tərkibdə təşkilinin zəruriliyini vurğulayıb. Digər iştirakçılar bununla razılaşdıqlarını bildiriblər.Telekonfrans zamanı Şimali Koreyanın bu günlərdə keçirdiyi ballistik raket sınaqları məsələsinə də toxunulub. Qeyd edilib ki, beynəlxalq ictimaiyyət bu sınaqlarla barışa bilməz. Həmin ölkənin nüvə silahının ləğvi istiqamətində səylərin davam etdirilməsi barədə də razılıq əldə olunub.Qeyd edək ki, bu, G7 ölkələrinin Xarici İşlər nazirlərinin telekonfrans formatında keçirilən ilk görüşü olub.

“Curevac” biotexnologiya firması virusa qarşı vaksin hazırlayır

Almaniyanın “Curevac” biotexnologiya firması “21-ci əsrin taunu” sayılan COVID-19 virusuna qarşı vaksinin yaradılmasına yaxındır.Almaniya KİV-ləri xəbər verir ki, tezliklə kliniki sınaqlar başlanacaq. Şirkətin rəhbərləri bildirirlər ki, “Curevac” nikbin əhval-ruhiyyədədir və bu araşdırmanın müvəffəqiyyətlə başa çatacağına şübhə etmirlər. “Curevac” sınaqlara könüllülərin cəlb edilməsini gizlətmir. Bu insanlar öz üzərlərində test sınaqları keçirilməsinə icazə verəcəklər.

Rusiyaya məxsus “Su-27” qırıcı təyyarəsi itib

Rusiyaya məxsus “Su-27” qırıcı təyyarəsi Qara dəniz üzərində radarlardan itib.TASS agentliyi bildirir ki, bu barədə məlumatı Rusiyanın Müdafiə Nazirliyi yayıb.Məlumatda bildirilir ki, martın 25-də yerli vaxtla saat 20:10 radələrində planlaşdırılmış uçuşlar həyata keçirən “Su-27” qırıcı təyyarəsi Feodosiyadan 50 kilometr məsafədə, Qara dəniz üzərində radarlardan itib.İlkin məlumatlara görə, təyyarə dənizə düşüb. Pilotun axtarışına və xilas edilməsinə Cənub Hərbi Dairəsinin axtarış və xilasetmə xidmətinin qüvvə və vasitələri, o cümlədən “An-26” təyyarəsi və “Mi-8” helikopteri cəlb olunub.Əməliyyat bölgəsində hökm sürən əlverişsiz hava şəraiti axtarış işlərini çətinləşdirir.xeber100.com

Fransada fövqəladə vəziyyət rejiminin tətbiqinə başlanılıb

Fransada COVID-19 epidemiyasına qarşı daha səmərəli mübarizə aparmaq məqsədilə rəsmi olaraq fövqəladə sanitar vəziyyət rejiminin tətbiqinə başlanılıb.Azərtac xəbər verir ki, artıq bir neçə həftədir Fransa ərazisində yayılmağa başlamış koronovirus epidemiyasına qarşı mübarizəni gücləndirmək məqsədilə fövqəladə sanitar vəziyyət rejimi martın 24-dən etibarən 2 ay müddətində tətbiq olunacaq.Ölkədə COVID-19 daşıyıcılarının sayı 20 minə yaxındır, koronovirusdan ölənlərin sayı 860-a çatıb ki, bunun da 186-sı son 24 saat ərzində qeydə alınıb.xeber100.com

“Haracuku” dəmir yolu stansiyasının yeni binası istifadəyə verilib

Martın 21-də Tokionun məşhur “Haracuku” dəmir yolu stansiyasının yeni binası istifadəyə verilib.Azərtac xəbər verir ki, yeni tikili paytaxtın “Yamanote” dairəvi dəmir yolu xəttinin üzərində yerləşən və təqribən 96 il bundan əvvəl inşa edilmiş taxta binanı əvəz edəcək.Martın 21-də səhər saatlarında son qatar köhnə platformadan yola salınıb. “JR East” şirkətinin yaydığı məlumata görə, taxtadan inşa edilmiş əvvəlki stansiya tezliklə söküləcək.Yeni binaya gəlincə isə, onun ikimərtəbəli polad konstruksiyadan ibarət olduğu və ərazisinə görə öz sələfini dörd dəfə üstələdiyi bildirilir.Burada, həmçinin əks istiqamətlərə hərəkət edən qatarlar üçün ayrıca platformalar da quraşdırılıb ki, bu da pik saatlarında tıxacların yaranmasının qarşısını alacaq.Əlavə olaraq bildirək ki, “Haracuku” stansiyası yapon gəncləri arasında populyarlığı ilə seçilən Yoyoqi parkının və məşhur Meyci məbədinin yaxınlığında yerləşir.xeber100.com  

73-cü Kann Festivalı müvəqqəti olaraq təxirə salınıb

73-cü Kann Festivalı bu il iyunun sonunda və ya iyulun əvvəlində keçirilə bilər.Azərtac xəbər verir ki, Kann Festivalının təşkilatçıları koronavirus epidemiyasına görə festivalın may ayının 12-dən 23-dək baş tutmayacağını bildiriblər.“Optimizmi saxlayır və ümid edirik ki, koronavirus epidemiyasının pik nöqtəsi martın sonuna təsadüf edəcək. Ancaq vəziyyəti anlayırıq, vəziyyət dəyişməsə festival ləğv olunacaq”,-deyə festivalın prezidenti Pyer Lekür (Pierre Lescure) qeyd edib.Kann şəhərində planlaşdırılmış bir çox böyük festivallar və sərgilər naməlum tarixə qədər təxirə salınıb.Xatırladaq ki, 40 mindən 200 minədək professionalı birləşdirən Kann Festivalı əvvəllər də ləğv olunub. Birinci Kann Festivalı 1939-cu il sentyabrın 1-də Polşanın Almaniya tərəfindən işğalı günündə baş tutmalı idi. Ancaq iki gün sonra Fransa və Böyük Britaniya Almaniyaya qarşı müharibəyə başladıqları üçün festivalın keçirilməsi dayandırılır. Rəsmi olaraq birinci Kann Festivalı 1946-cı il sentyabrın 20-də açılır. Ancaq büdcə problemləri ilə üzləşən festivalın gələcəyi bir neçə il ərzində qeyri-müəyyən olaraq qalır və 1948 və 1950-ci illər festivalı ləğv olunur.xeber100.com

OPEC ölkələrindən neft idxalının dayandırılması təklif edilib

ABŞ-ın Rusiya, Səudiyyə Ərəbistanı və digər OPEC ölkələrindən neft idxalını dayandırması təklif edilir.Azərtac xarici KİV-lərə istinadla xəbər verir ki, ABŞ-da respublikaçı senator Kevin Cramer Birləşmiş Ştatların Prezidenti Donald Trampı tələbatın çox zəif olduğu bir mühitdə enerji bazarlarını pozduğuna görə Rusiya, Səudiyyə Ərəbistanı və digər OPEC ölkələrindən neft idxalını qadağan etməyə çağırıb.Qeyd edək ki, ABŞ-ın sutkalıq neft idxalı 6,5 milyon barrel civarındadır. Birləşmiş Ştatlar Kanadadan gündəlik 3,8 milyon barrel, Meksikadan 816 min barrel, Səudiyyə Ərəbistanından 425 min barrel, Kolumbiyadan 293 min barrel, Ekvadordan 216 min barrel, İraqdan 169 min barrel, Braziliyadan 174 min barrel, Nigeriyadan isə 68 min barrel neft idxal edir.Səudiyyə Ərəbistanı, İraq və Nigeriya OPEC-ə üzv ölkələrdir.xeber100.com

ABŞ və Kanada ölkələr arasında gediş-gəlişi dayandırmağa hazırlaşır

ABŞ və Kanada koronavirusun yayılmasının qarşısını almaq məqsədilə ölkələr arasında təcili səfərlərdən başqa digər gediş-gəlişi dayandırmağa hazırlaşır.CNN telekanalı xəbər verir ki, bu barədə ABŞ Prezidenti Donald Tramp administrasiyasındakı mənbə bildirib. Məlumata əsasən, yeni məhdudiyyətlər sərt olmayacaq və ölkələrə bir-biri ilə ticarət aparmağa imkan verəcək. ABŞ və Kanadanın digər vətəndaşlara giriş qadağasından fərqli olaraq, bu qərar iki ölkə arasında qarşılıqlı razılaşma əsasında qəbul ediləcək.Ötən həftə ABŞ Şengen zonasından, həmçinin Böyük Britaniya və İrlandiyadan ölkəyə girişi qadağan etmişdi. Buna qədər isə analoji məhdudiyyətlər Çin və İran vətəndaşlarına da tətbiq olunmuşdu.Bazar ertəsi günü Kanadanın Baş Naziri Castin Trüdo koronovirus səbəbindən ölkə sərhədlərinin bağlandığını, lakin ABŞ-la sərhədin hər iki ölkə vətəndaşları üçün hələlik açıq olduğunu elan etmişdi.xeber100.com

Kişineu Beynəlxalq Aeroportu bu gündən fəaliyyətini dayandırıb

Koronavirusa görə Kişineu Beynəlxalq Aeroportu bu gündən fəaliyyətini dayandırıb.Azərtac xəbər verir ki, Moldovaya bütün beynəlxalq uçuşlar dayandırılıb. Məhdudiyyət martın 31-dək qüvvədə olacaq.Bu gündən Moldovaya diplomatlar istisna olmaqla, xarici vətəndaşların girişinə də qadağa qoyulub.Xatırladaq ki, Moldovada koronavirusa yoluxma halları İtaliyadan qayıdan vətəndaşlarda aşkarlanıb. Moldovada bununla bağlı “narıncı təhlükə” kodu elan edilib və kütləvi tədbirlərin keçirilməsi qadağan olunub.xeber100.com

Avstraliyanın paytaxtında fövqəladə vəziyyət elan edilib

Avstraliyanın Kanberra şəhəri administrasiyası və Viktoriya ştatının hökumət orqanları yeni koronavirusun yayılmasının qarşısını almaq məqsədilə martın 16-dan bu ərazilərdə fövqəladə vəziyyət elan ediblər.Azərtac xəbər verir ki, bu barədə ABC yayım korporasiyası məlumat yayıb.Məlumatda qeyd edilir ki, Viktoriya ştatında fövqəladə vəziyyət hələlik dörd həftə müddətinə tətbiq ediləcək. Regionun Baş Naziri Daniel Endryus bəyan edib ki, fövqəladə vəziyyət ona ehtiyac duyulan dövrədək davam edəcək. Bununla əlaqədar atılacaq addımlar çərçivəsində ştatın hökuməti 500-dən çox iştirakçının qatıldığı tədbirləri ləğv etmək, yeni gələnləri 14 gün müddətinə karantinə yerləşdirmək hüququna malikdir.Viktoriya ştatının ardınca Kanberra hökumətinin başçısı Endryu Barr da paytaxt ərazisində bir həftəlik fövqəladə vəziyyət elan olunduğunu bəyan edib.Xatırladaq ki, Avstraliyanın hakimiyyət orqanları yeni koronavirusun yayılmasının qarşısını almaq üçün müəyyən tədbirlər görüb. Martın 16-dan başlayaraq, bu ölkəyə yeni gələnlərin hamısı 14 günlük müddətə özünü cəmiyyətdən təcrid etməlidir. Avstraliyada bu günədək 250 yeni koronavirusa yoluxma halı qeydə alınıb. İndiyədək 23 nəfərin həmin xəstəlikdən sağaldığı, lakin 3 nəfərin vəfat etdiyi bildirilir. Hazırda Avstraliya sərhədləri Çin, Cənubi Koreya və İrandan gələnlər üçün bağlıdır.xeber100.com