İngiltərə Meteorologiya Mərkəzi əhaliyə xəbərdarlıq edib

İngiltərədə havanın temperaturunun yüksəlməsi nəticəsində son 40 ilin ən isti günü yaşanıb.Meteorologiya mərkəzi əhaliyə xəbərdarlıq edərək diqqətli olmağa çağırıb.Qeyd edək ki, Avropada yayılan istilik dalğası nəticəsində Fransada cümə günü temperatur 45.9 dərəcəyə çatmışdı.xeber100.com

Konstitusiyada dəyişiklik edilməsi ilə bağlı yeni qanun layihəsi hazırlanıb

Gürcüstan parlamenti ölkə Konstitusiyasına dəyişiklik edəcək.Azərtac xəbər verir ki, dəyişiklik parlament seçkilərində proporsional seçki sisteminin tətbiqi ilə əlaqədardır.Gürcüstanda müxalifətin keçirdiyi etiraz aksiyalarında irəli sürülən tələblərdən biri də 2020-ci ildə parlament seçkilərinin proporsional sistem üzrə keçirilməsi idi. Hakim “Gürcü Arzusu-Demokratik Gürcüstan” partiyası müxalifətin tələbini nəzərə alıb və Konstitusiyaya dəyişiklik edilməsi ilə bağlı yeni qanun layihəsi hazırlanıb.Qanun layihəsi artıq parlamentə təqdim olunub.xeber100.com

Yaponiyada G20 ölkələrinin sammiti çərçivəsində

Rusiya və Türkiyə prezidentləri Vladimir Putin və Rəcəb Tayyib Ərdoğan Yaponiyada G20 ölkələrinin sammiti çərçivəsində görüş keçiriblər.Azərtac xəbər verir ki, Rusiya Prezidenti iki ölkə arasında əmtəə dövriyyəsinin 2018-ci ildə 16 faiz artdığını, 10 milyard dollar məbləğində qarşılıqlı investisiyalar yatırıldığını deyib. O, yaxın gələcəkdə 900 milyon avro məbləğində investisiya platforması yaradılmasının planlaşdırıldığını bildirib. Rusiya lideri Türkiyənin Yekaterinburqda keçiriləcək “İnnoprom” sərgisinin tərəfdaş ölkəsi olmasını mühüm hadisə adlandırıb.Rəcəb Tayyib Ərdoğan qeyd edib ki, ikitərəfli münasibətlər hazırda sürətlə inkişaf edir. O, birgə layihələrin, o cümlədən “Akkuyu” AES-in tikintisinin reallaşdırılmasının əhəmiyyətini vurğulayıb.xeber100.com

“Türk Hava Yolları” uçuş xəritəsini genişləndirməkdə davam edir

“Türk Hava Yolları” (THY) uçuş xəritəsini genişləndirməkdə davam edir.Aviaşirkətdən Azərtac-a bildirilib ki, bu dəfə şirkətin qlobal şəbəkəsinə Nigeriyanın mühüm şəhəri olan Port Harkort daxil olub. Bu, “Türk Hava Yolları”nın Afrikada 56-cı təyinat nöqtəsidir. Port Harkort və İstanbul arasında uçuşlar həftədə 4 dəfə həyata keçiriləcək.Nigeriyada artıq Laqos, Kano və Abuca şəhərlərinə uçuşlar edən THY siyahısını Port Harkort ilə genişləndirərək, uçuş şəbəkəsinə 311-ci məntəqəsini əlavə edib. “Türk Hava Yolları” Afrikada ən çox uçuşlar edən aviaşirkət olaraq qalmaqda davam edir.Beynəlxalq Port Harkort hava limanında baş tutmuş mətbuat konfransında “Türk Hava Yolları”nın regionda satış üzrə vitse-prezidenti Kerem Sarp bildirib ki, yeni istiqamət aviaşirkətin Afrika qitəsində genişlənməsində xüsusi rol oynayacaq. “Port Harkort “Türk Hava Yolları”nın Nigeriyada 4-cü təyinat nöqtəsidir. Şirkətimiz mədəniyyətlər arasında körpü rolunda çıxış etməkdə davam edir. Biz müştərilərimizə rahat uçuşun üstünlüklərini təklif etməkdən məmnunluq duyuruq”.xeber100.com

Yaponiyada seçkilər iyulun 21-də keçiriləcək

Yaponiya parlamentinin yuxarı - müşavirlər palatasına seçkilər iyulun 21-də keçiriləcək.Azərtac xəbər verir ki, bu barədə qərar hökumətin iyunun 26-da keçirilən iclasında qəbul edilib və onun rəsmi saytında yerləşdirilib. Bildirilir ki, namizədlərin qeydiyyatına iyulun 4-də başlanacaq. Bu, müxalifət qüvvələrinə son hazırlıqlar üçün ən az vaxt verir.Bu ərəfədə Yaponiyada Baş Nazir Şinzo Abenin yuxarı palataya seçkilərlə yanaşı, hökumət başçısının seçilməsində və dövlət büdcəsini qəbul edilməsində prioritet rol oynayan aşağı palataya da növbədənkənar seçkilər keçirəcəyi barədə şayiələr gəzirdi. Lakin kütləvi informasiya vasitələrinin bildirdiyinə görə, Baş Nazir son anda bu plandan imtina edib.Hazırda hakim Liberal Demokratik Partiyası və onun müttəfiqləri Yaponiya parlamentinin hər iki palatasında mütləq üstünlüyə malikdirlər.xeber100.com

Litvada qırıcıların yanacaqla təmin olunması sınaqdan keçiriləcək

Litvada NATO-nun təlimləri keçirilir.Azərtac xəbər verir ki, illik planlara əsasən təşkil olunan təlimin məqsədi NATO müttəfiq qüvvələri tərəfindən hava məkanına nəzarətin və monitorinqin aparılması, hərbi hava qüvvələrinin və regional hava qüvvələrinin güclərinin sınanmasıdır. Təlimlərdə 20-dən çox təyyarə iştirak edəcək.Uçuşlar zamanı axtarış və xilasetmə əməliyyatlarının həyata keçirilməsi, habelə qırıcıların havada yanacaqla təmin olunması sınaqdan keçiriləcək.Təlimlərdə Macarıstana, İspaniyaya, Böyük Britaniyaya, Polşaya, Finlandiyaya, Almaniyaya, İsveçə və Norveçə məxsus qırıcılar iştirak edir.

“To Vima” qəzetinin apardığı sorğuya əsasən…

Yunanıstanın “To Vima” qəzetinin apardığı sorğuya əsasən, ölkənin müxalif konservativ partiyası “Yeni demokratiya” hakim “Siriza” partiyasını parlament seçkilərinə 2 həftə qalmış 9 faiz səslə üstələyir. Kiriakos Mitsotakisin “Yeni demokratiya” partiyası 38,5 faiz, Baş Nazir Aleksis Tsiprasın “Siriza” partiyası isə 29,5 faiz səs qazana bilər.“Yeni demokratiya” “Siriza”nı Avropa Parlamentinə seçkilərdə 10 faiz üstələyərək qalib gəlib. Bu, Baş Nazir Aleksis Tsiprası növbədənkənar seçkilərin keçirilməsinə vadar edib. A.Tsiprasın mandatı sentyabrda bitməli idi. Sorğuya əsasən, üçüncü yeri “PASOK” sosialist partiyası və sabiq Baş Nazir Qeorqi Papandreu tərəfindən yaradılmış Dəyişiklik üçün Hərəkat Birliyi tutacaq.xeber100.com

Tbilisidə müxalifətin kütləvi etiraz aksiyası yenidən başlayıb

Gürcüstanın paytaxtı Tbilisidə müxalifətin kütləvi etiraz aksiyası iyunun 24-də yenidən başlayıb.Azərtac xəbər verir ki, bu gün günorta saatlarında Birinci Respublika Meydanından başlayan yürüş-mitinq Daxili İşlər Nazirliyinin binası qarşısında başa çatıb.Müxalifət liderləri tələbləri tam yerinə yetirilənədək etiraz aksiyasını davam etdirəcəklərini bildiriblər. Aksiya parlamentin binası qarşısında saat 19:00-da yenidən başlayıb. Mitinqdə yüzlərlə insan iştirak edib.Təşkilatçıların sözlərinə görə, bu gün də Daxili İşlər naziri Qeorqi Qaxariyanın istefası, iyunun 20-də keçirilmiş aksiyada saxlanılan 300-dən çox insanın azadlığa buraxılması tələb olunacaq.Təşkilatçılar iğtişaş və qarşıdurmaya bacardıqca yol verməyəcəklərini bildirirlər.Qeyd edək ki, etiraz aksiyası iyunun 20-də Tbilisidə keçirilən Pravoslav Parlament Assambleyasının iclasında Rusiyadan olan deputatların iştirakına etiraz olaraq başlayıb. Həmin gün gecə polislə aksiya iştirakçıları arasında qarşıdurma yaranıb. Nümayişçilər parlamentin binasını ələ keçirməyə cəhd ediblər. Polis gözyaşardıcı qazdan, rezin güllələrdən və su şırnağından istifadə edərək mitinqi dağıdıb. Qarşıdurma zamanı 80-ni polis, 31-i jurnalist olmaqla, ümumilikdə 240 nəfər yaralanıb, 300-dən çox nümayişçi polis tərəfindən saxlanılıb.Baş verən hadisələrə görə artıq parlamentin sədri İrakli Kobaxidze istefa verib.xeber100.com

ABŞ-ın Kaliforniya ştatının şimalında zəlzələ olub

İyunun 23-də ABŞ-ın Kaliforniya ştatının şimalında 5,6 bal gücündə zəlzələ olub.TASS agentliyi xəbər verir ki, bu barədə məlumatı ABŞ Geoloji Xidməti yayıb.Yerli vaxtla saat 03:53-də baş verən zəlzələnin ocağı Petroliya yaşayış məntəqəsindən 5 kilometr cənub-qərbdə, 9,5 kilometr dərinlikdə yerləşib.Dağıntılar və xəsarət alanlar barədə məlumat verilmir.xeber100.com

Bu gün Estoniyada Qələbə Günü kimi qeyd olunur

Düz yüz il əvvəl eston ordusu Latviya yaxınlığında baltik almanlarının qoşunlarını məğlubiyyətə uğradaraq azadlıq əldə edib. Bu gün Estoniyada Qələbə Günü kimi qeyd olunur.Azərtac xəbər verir ki, iyunun 23-də Estoniyanın Tartu şəhərində Qələbə Günü münasibətilə təntənəli parad keçirilib. Paradda ölkə başçısı Kersti Kalyulayd, həmçinin bütün qoşun növlərinin nümayəndələri iştirak ediblər.Həmçinin məhz həmin gün eston ordusuna kömək edən xarici dəstələrin təmsil etdikləri ölkələrin, o cümlədən Finlandiya, Polşa, İsveç və Ukraynanın bayraqları dalğalandırılıb. NATO üzvü olan ölkələrin nümayəndələri də parada qatılıblar.Estoniyada Qələbə Günü ilk dəfə 1934-cü ildə qeyd olunub. 1919-cu ildə baş vermiş Vonn savaşı Estoniya azadlıq mübarizəsinin həlledici döyüşü kimi tarixə düşüb.Qeyd edək ki, bu parad hər il ölkənin müxtəlif şəhərlərində təşkil olunur.xeber100.com