Böyük Britaniya və Cənubi Koreya saziş imzalayıb

Böyük Britaniya və Cənubi Koreya azad ticarət haqqında saziş imzalayıb. Sənədi Britaniyanın beynəlxalq ticarət naziri Liyam Foks və Koreyanın ticarət naziri Yoo Myung-hee Seulda imzalayıb. Bu saziş iki ölkənin öz biznesini Brexitdən sonra sərbəst şəkildə davam etdirməsini nəzərdə tutur. Belə ki, Brexitdən sonra Cənubi Koreya güzəştli şərtlər əldə edə biləcək.Xatırladaq ki, 2011-ci ildə Cənubi Koreya və Böyük Britaniya arasında imzalanan azad ticarət müqaviləsindən sonra ölkənin gəliri 12 faiz artıb.xeber100.com  

Moldova prezidentinin səlahiyyətləri baş nazirə həvalə edilib

Moldovanın Konstitusiya məhkəməsi prezident İqor Dodonun səlahiyyətlərini müvəqqəti olaraq baş nazir vəzifəsini icra edən Pavel Filipə verib.Trend-in "RİA Novosti"yə istinadən verdiyi məlumata görə, bu qərar parlamenti istefaya göndərmək və növbədənkənar seçkilər təyin etmək məqsədi ilə qəbul edilib.Bildirilir ki, ölkə prezidentinin parlamenti istefaya göndərmək isteməməsi konstitusiya öhdəliklərinə əməl etməməsi kimi qiymətləndirilib.xeber100.com

Latviyanın Mədəniyyət Nazirliyi müsabiqə elan edib

Latviyanın Mədəniyyət Nazirliyi bu ölkədə yaşayan üçüncü ölkə (Avropa İttifaqına üzv olmayan) vətəndaşları üçün tədbirlər təşkil edəcək qurumun seçilməsi üçün müsabiqə elan edib.Azərtac xəbər verir ki, keçiriləcək tədbirlərin ümumi məqsədi Latviyada qanuni yaşayan və işləyən üçüncü ölkələrin vətəndaşlarının yerli cəmiyyətə inteqrasiyasını sürətləndirməkdir. Habelə hər iki tərəf arasında ictimai anlayış və konstruktiv dialoq yaratmaq, medianın üçüncü ölkə vətəndaşlarının sosial iştirakına dair məlumatların əldə olunmasına imkanları artırmaqdır.Müsabiqə çərçivəsində müəyyən bir qurum tərəfindən təqdim edilən bir layihə 30 min avrodan 435 min avroya qədər maliyyələşdirilə bilər. Vəsait Avropa İttifaqının Sığınacaq, Miqrasiya və İnteqrasiya Fondu (75 faiz) və dövlət büdcəsindən (25 faiz) ayrılır.xeber100.com

Rusiya Xarici İşlər Nazirliyi vizasız gediş-gəlişlə bağlı sənəd imzalayıb

Rusiyanın Xarici İşlər naziri Sergey Lavrov Antiqua və Barbudanın Baş naziri Qaston Braun iki ölkə arasında qarşılıqlı vizasız gediş-gəlişlə bağlı sənəd imzalayıblar.Milli.az xəbər verir ki, imzalanma mərasimi Sankt-Peterburqda Beynəlxalq İqtisadi Forum çərçivəsində baş tutub.Qeyd edək ki, Peterburqda Beynəlxalq İqtisadi Forum 6-8 iyun tarixlərinə keçirilir.xeber100.com

Serbiyada su daşqınları səbəbiylə təbii fəlakət rejimi elan edilib

Serbiya Nazirlər Kabineti bu günki iclasında ölkənin mərkəzi bölgələrində ağır yağış və su daşqınları səbəbiylə təbii fəlakət rejimi elan etməyi qərara alıb.Trend-in məlumatına görə, bu barədə ölkə hökumətinin mətbuat xidmətindən bildirilib.Serbiyanın Trstenik şəhəri ətrafında baş verən daşqın nəticəsində Selişte kəndinin 60 yaşlı sakini həlak olub.Traktorla tarla sahələrinə sudan dəyən zərəri yoxlamaq üçün gedən şəxsi, texnikası ilə birgə su aparıb.xeber100.com

Parlament seçkiləri Konstitusiya günü baş tutacaq

Danimarkada parlament seçkiləri keçiriləcək.Trend-in məlumatına görə, seçkilər ölkənin Milli bayramı günü - Konstitusiya günü baş tutacaq.Ümumilikdə 13 partiyadan 900-dən çox namizəd 179 mandat üçün mübarizə aparacaq. İctimai rəy sorğuları göstərir ki, sol mərkəz blokunun mandatın əksəriyyətini əldə etməyə daha çox şansı var.Seçki məntəqələri yerli vaxtla saat 9:00-da açılacaq.Səsvermə saat 20:00-a kimi davam edəcək.xeber100.com

Yunanıstanda parlament seçkilərinin tarixi təsdiqlənib

Yunanıstan Baş naziri Aleksis Tsipras iyunun 10-da Yunanıstan prezidenti Prokop Pavlopulosdan parlamenti ləğv etməsini və 7 İyulda vaxtından əvvəl seçkilərin keçirilməsini xahiş edəcəyini təsdiq edib.Trend-in məlumatına görə, bu barədə Yunanıstan baş naziri "ERT" televiziyasında müsahibəsində bildirib.A.Tsipras deyib ki, ölkənin hakim partiyası "SİRİZA", "Yeni demokratiya" müxalifət partiyasına məğlub olduğu Avropa Parlament seçkilərindən sonra demokratiya prinsipləri vaxtından əvvəl seçkilərin keçirilməsini tələb edir.A.Tripras qeyd edib ki, seçkilər iyunun 7-də keçiriləcək:"Mən, iyunun 10-da Yunanıstan Prezidenti ilə görüşüb parlamentin ləğvi və vaxtından əvvəl seçkilərin təyin edilməsini xahiş edəcəm".Baş nazir əlavə edib ki, o istefaya getmir.xeber100.com

Çin hökuməti vətəndaşlarına xəbərdarlıq edib

Çin hökuməti öz vətəndaşlarına ABŞ-a turist kimi səfər etməklə əlaqədar xəbərdarlıq edib.Azərtac xəbər verir ki, Çinin Mədəniyyət və Turizm Nazirliyi ölkə vətəndaşlarını Birləşmiş Ştatlarda son vaxtlar baş verən silahlı hücumlar, soyğunçuluq və oğurluq hallarını xatırladaraq, bu ölkəyə səfər etməzdən əvvəl mümkün riskləri nəzərə almağa çağırıb.Nazirlik çinli turistləri səfərdən əvvəl gedəcəyi yer haqqında təhlükəsizlik vəziyyəti və qanunlar barədə ətraflı məlumat toplamağı, səyahət zamanı öz təhlükəsizlikləri məsələsində sayıq olmağı tövsiyə edib.Qeyd edək ki, iyunun 3-də Çinin Təhsil Nazirliyi öz vətəndaşlarını təhsil almaq və elmi işlər üçün ABŞ-da səfər etməklə bağlı risklər barədə xəbərdar etmişdi. Bütün bunlar son aylar iki ölkə arasında müşahidə olunan soyuq münasibətlərin fonunda baş verir.xeber100.com

Ukraynada keçiriləcək növbədənkənar parlament seçkilərində

Ukraynada keçiriləcək növbədənkənar parlament seçkilərində daha çox 4 partiyanın üzvləri deputat mandatı qazanacaqlar.Azərtac xəbər verir ki, bu barədə Ukraynanın 3 yerli sosial mərkəzinin birgə keçirdiyi rəy sorğusunda qeyd edilir.Sorğuya əsasən, Vladimir Zelenskinin partiyası olan “Xalqın xidmətçisi” daha çox 40,9 faiz səs toplayıb. “Müxalifət platforması” 11,1 faiz, sabiq Prezident Petro Poroşenkonun yeni yaratdığı “Avropa həmrəyliyi” partiyası 10,5 faiz, Ukraynanın sabiq Baş Naziri Yuliya Timoşenkonun rəhbəri olduğu “Batkivşina” partiyası isə 9,3 faiz səs qazana bilib.Qeyd edək ki, Ukraynada növbəti parlament seçkiləri oktyabr ayında keçirilməli idi. Lakin Prezident Vladimir Zelenski parlamentin buraxılması barədə fərman imzalayıb və növbədənkənar parlament seçkiləri iyulun 21-nə təyin olunub.xeber100.com

Yunanıstanda seçkilərin ikinci mərhələsi keçiriləcək

Yunanıstanda bu gün yerli hakimiyyət orqanlarına seçkilərdə ikinci mərhələsi keçiriləcək.Trend-in məlumatına görə, seçki məntəqələri yerli saat ilə 07:00-dan 19:00-dək açıq olacaq.Bundan sonra ekzitpolların ilkin nəticələri açıqlanacaq.Seçkilər zamanı ümumilikdə ölkənin 13 bölgə və 332 bələdiyyəsinin başçıları seçiləcək.Merlər, qubernatorlar, bələdiyyə və regional şuraların üzvləri 4 il müddətinə seçilir.xeber100.com