Yunanıstanda seçkilərin ikinci mərhələsi keçiriləcək

Yunanıstanda bu gün yerli hakimiyyət orqanlarına seçkilərdə ikinci mərhələsi keçiriləcək.Trend-in məlumatına görə, seçki məntəqələri yerli saat ilə 07:00-dan 19:00-dək açıq olacaq.Bundan sonra ekzitpolların ilkin nəticələri açıqlanacaq.Seçkilər zamanı ümumilikdə ölkənin 13 bölgə və 332 bələdiyyəsinin başçıları seçiləcək.Merlər, qubernatorlar, bələdiyyə və regional şuraların üzvləri 4 il müddətinə seçilir.xeber100.com

“BFMTV” telekanalının məlumatına görə…

Fransada "sarı jiletlər" hərəkatının ötən gün keçirilən növbəti aksiyasında təxminən 9,5 min insan iştirak edib.Trend-in "BFMTV" telekanalına istinadən verdiyi məlumata görə, ölkənin paytaxtında aksiyada təxminən 1,5 min insan iştirak edib.Ötən həftə keçirilən aksiyaya ölkə üzrə 12,5 min, paytaxtda isə 2,1 min etirazçı qoşulmuşdu.Təşkilatçıların sözlərinə görə, isə Fransa üzrə aksiyalara 23,6 min insan qoşulub.xeber100.com

“Apple” korporasiyası “iTunes”dan imtina etməyə hazırlaşır

"Apple" korporasiyası "iTunes"dan tam olaraq imtina etməyə hazırlaşır.Trend-in məlumatına görə, proqram "macOS 10.15"lin çıxması ilə birgə musiqi, televiziya və podkastlar üçün tətbiqlə əvəzlənəcək."Bloomberg" yazır ki, bu qərar tam olaraq "Apple"in strategiyasına uyğundur, çünki "iTunes"siz istifadəçilər öz qadjetləri ilə "Music" tətbiqi vasitəsi ilə idarə edə biləcəklər.ehtimal olunur ki, şirkət rəhbəri Tim Kuk iyunun 3-də "WWDS 2019" konfransında dəyişikliklər barədə elan edəcək.xeber100.com

ABŞ-ın Havay ştatının səhiyyə departamenti xəbərdarlıq edib

ABŞ-ın Havay ştatının səhiyyə departamenti turistlərə təhlükəli qurdla bağlı xəbərdarlıq edib.Trend-in məlumatına görə, son dövrlərdə bir neçə nəfərdə beyinə daxil olan parazit qurd aşkar edilib.Qeyd olunur ki, bu cür qurdlar ilbizlərin orqanizmində inkişaf edir. Yoluxmuş ilbizlə qidalandıqda bu, insanda eozinofil meningitə səbəb ola bilər.Bu xəstəliyə yoluxma ilə bağlı say açıqlanmasa da, ildən-ilə artdığı deyilir.xeber100.com

Növbədənkənar parlament seçkilərinin tarixi müəyyənləşib

Yunanıstan hökumətinin təmsilçisi Dimitris Tsanakopulos bildirib ki, ölkədə parlament seçkiləri iyulun 7-də keçiriləcək. O deyib ki, Baş Nazir Aleksis Tsipras iyulun 7-si tarixini məhz ona görə seçib ki səsvermə, universitetlərə qəbul imtahanları ilə üst-üstə düşməsin.Qeyd edək ki, Baş naziri Aleksis Tsiprasın rəhbərlik etdiyi Sol Radikal Qüvvələrin Koalisiyası Partiyası (SİRİZA) Avropa Parlamentinə seçkilərdə müxalif Yeni Demokratiya Partiyasından az səs toplayıb. Bundan sonra Aleksis Tsipras tezliklə növbədənkənar parlament seçkilərinin keçiriləcəyi ilə bağlı bəyanat yayıb.xeberr100.com

Böyük Britaniyada 5G xidməti fəaliyyətə başlayıb

Böyük Britaniyanın altı şəhərində 5G xidməti fəaliyyətə başlayıb.London, Kardiff, Belfast, Edinburq, Birminqam və Mançester gələcək nəsil texnologiyasından faydalana biləcək ilk şəhərlərdir.İnternetin sürətini 4G-dən bir neçə dəfə daha sürətli təklif etməsi gözlənilən 5G yalnız seçilmiş bir neçə telefonda fəaliyyət göstərəcək. Samsung, LG və HTC bu firmaların arasındadır.İlin sonuna kimi 5G Bristol, Qlazqo, Liverpul, Nottingem, Leyster kimi bölgələrdə və 1500-dən çox iş yerində də fəaliyyətə başlayacaq.xeber100.com

Latviyada prezident seçkiləri açıq səsvermə yolu ilə keçirilib

Mayın 29-da Latviya Seymində ölkənin yeni Prezidentini seçmək üçün səsvermə keçirilib.Azərtac xəbər verir ki, 61 səslə Egil Levits Latviyanın Prezidenti seçilib.İqtidar tərəfindən namizədliyi irəli sürülmüş Egil Levits Avropa İttifaqının hakimlərindən biri olub. O, həmçinin Latviya Konstitusiyasının girişinin müəllifidir.Səsvermə Latviya tarixində ilk dəfə olaraq açıq şəkildə keçirilib.xeber100.com

Avropa Parlamentinə seçkilərin ilkin nəticələri açıqlanıb

Bolqarıstanda Avropa Parlamentinə keçirilən seçkilərin ilkin nəticələrinə görə, QERB (Bolqarıstanın Avropa İnkişafı üçün Vətəndaşlar) partiyası 30,77 faiz, BSP (Bolqarıstan Sosialist Partiyası) 25,01 faiz, DPS (Ədalət və Azadlıq Hərəkatı) 13,73 faiz, BMPO 8,06 faiz, Demokratik Bolqarıstan Partiyası 6,9 faiz səs əldə edib.Bolqarıstan Mərkəzi Seçki Komissiyasının məlumatına görə, yekun nəticələr protokollar tam hesablandıqdan sonra mayın 29-da açıqlanacaq.xeber100.com

Belçikada keçirilən parlament seçkilərində

Ötən bazar günü keçirilən parlament seçkilərində “Vlaams Belang” partiyasından olan ultrasağçı qüvvələr Belçikanın flamanddilli əyalətlərində ikinci yerdə olublar. Bu, ölkə tarixində ilk dəfə baş verib.Azərtac xəbər verir ki, partiyanın lideri Tom Van Qriken bu qələbə münasibətilə söylədiyi nitqində tərəfdarlarına deyib: “bu, xalqın seçimi idi və xalqın rəyi hər şeydən üstündür”.Qriken öz tərəfdaşlarını rəqiblərinin məğlubiyyətinə gülməməyə çağırıb: “İltifatlı olun, axı ikinci yer də gözəl qələbədir”.“Bu, “Qara bazar günü” deyil, yeni ümidlər verən bazar günüdür. Biz millətin taleyi üçün məsuliyyəti öz üzərimizə götürürük”, - deyə Qriken bildirib.xeber100.com

Bu gün səsvermənin əsas mərhələsi keçiriləcək

Bu gün Avropa İttifaqında (Aİ) Avropa Parlamentinə seçkilərdə səsvermənin əsas mərhələsi keçiriləcək.Trend-in məlumatına görə, Avropa İttifaqına daxil olan 7 ölkənin (Niderland, Böyük Britaniya, İrlandiya, Çexiya, Slovakiya, Latviya və Malta) vətəndaşları 23-25 may tarixlərində artıq səs veriblər.Bu gün səsvermə digər 21 ölkədə keçiriləcək. Səsvermənin nəticələri mayın 26-sı axşam saatlarında elan ediləcək.Avropa Parlamentinə növbəti müddət üçün (2019-2024) 751 deputat seçiləcək. Hər ölkədən deputatların sayı əhalinin sayına görə təyin edilib. Ən çox deputat mandatı Almaniyada - 96, ən az isə Kipr, Malta və Lüksemburqdadır - 6.xeber100.com