Türkiyə Böyük Millət Məclisi – 99

Türkiyə Böyük Millət Məclisinin fəaliyyətə başlamasının 99-cu ildönümü və ənənəvi 23 aprel - Milli Suverenlik və Uşaq Bayramı münasibətilə ölkənin hər yerində bayram tədbirləri təşkil olunub.Azərtac xəbər verir ki, küçə və meydanlar bayramsayağı bəzədilib, ölkədə bayram tətili elan olunub. Orta məktəblərdə uşaq şənlikləri təşkil edilib.Türkiyə Böyük Millət Məclisinin sədri Mustafa Şentop, dövlət və hökumət nümayəndələri, siyasi partiyaların rəhbərləri, eləcə də milli təhsil naziri Ziya Selçuk şagirdlərlə birlikdə ulu öndər Mustafa Kamal Atatürkün məzarını - Anıtqəbri ziyarət ediblər.xeber100.com

“Tesla” kompaniyası pilotsuz taksi servisini işə salmağı planlaşdırır

“Tesla” kompaniyası 2020-ci ildə ABŞ-da pilotsuz taksi servisini işə salmağı planlaşdırır.Azərtac USA Today portalına istinadla xəbər verir ki, bu barədə məlumatı kompaniyanın qurucusu və rəhbəri İlon Mask açıqlayıb.“Tesla” kompaniyasının robot-taksi layihəsinin böyük ehtimalla gələn il işə düşəcəyini bildirirəm. Bu taksilər bütün yurisdiksiyalarda fəaliyyət göstərməyəcək, çünki bütün nizamlama orqanlarının icazəsini ala bilməyəcəyik. Lakin ümidvaram ki, heç olmasa gələn il onların icazəsini ala bilərik”, - Maskın bəyanatında belə deyilir.İlon Maskın hesablamalarına görə, pilotsuz “Tesla” taksilərinin sayı 2020-ci ildə 1 milyona çata bilər. Onları mobil proqram vasitəsi ilə sifariş vermək olar. Kompaniya rəhbəri iki ildən sonra “Tesla”nın sükan və pedalları olmayan avtomobillərin istehsalına başlayacağını qeyd edib.Elektromobil və onlar üçün texnologiyaların hazırlanması və istehsalı ilə məşğul olan ABŞ-ın “Tesla Motors” kompaniyası 2003-cü ildən fəaliyyətə başlayıb. Kompaniyanın mənzil-qərargahı Kaliforniya ştatının Palo-Alto şəhərində yerləşir. Elektromobillərdən əlavə özlərinə məxsus texnologiya ilə batareya və elektrik mühərrikləri istehsal edən “Tesla Motors” onları digər avtomobil istehsalçılarına, əsasən “Toyota” və “Daimler” kompaniyalarına satır.xeber100.com

“Toshiba” şirkəti dünyanın ən sürətli alqoritmini yaradıb

Yaponiyanın elektron sənayesi sahəsində nəhənglərdən biri olan “Toshiba” şirkəti dünyanın ən sürətli alqoritmini yaradıb.Azərtac xəbər verir ki, bu barədə Yaponiya KİV-lərinin şirkətə əsasən yaydığı məlumatda bildirilir. Qeyd edilir ki, yeni formul müasir standart kompüterlərin hesablama imkanlarını xeyli artıracaq.Şirkətdən bildirilir ki, bu alqoritm bir neçə alternativ arasından ən optimalını seçmə imkanı olan kombinə edilmiş optimallaşdırma sahəsində böyük inqilab hesab edilir.Yeni formul həm cəmiyyətdə, həm biznesdə, həm çatdırılma zamanı ən səmərəli marşrutun seçilməsində, həm də yeni dərmanların hazırlanması prosesinin sadələşdirilməsində müxtəlif problemlərin həllini sürətləndirəcək.xeber100.com  

Qazaxıstanda Koordinasiya Şurası yaradılıb

Qazaxıstanda Astana Beynəlxalq Maliyyə Mərkəzi əsasında investisiyaların cəlb edilməsi üzrə Koordinasiya Şurası yaradılıb. İnvestisiya üzrə bütün məsul qərarlar ölkənin hökumət rəhbəri Askar Maminin sədrliyi ilə Koordinasiya Şurası tərəfindən həyata keçiriləcək.Azərtac xəbər verir ki, Astana Beynəlxalq Maliyyə Mərkəzində investorlarla işləmək üçün vahid ekosistem yaradılacaq. Bu sistem bütün inkişaf qurumlarını əhatə edəcək və vahid pəncərə prinsipi ilə işləyəcək.Qeyd edək ki, 2018-ci ildə Qazaxıstanda birbaşa xarici investisiyalar 15,8 faiz artaraq 22,4 milyard ABŞ dolları təşkil edib.xeber100.com  

6,1 bal gücündə zəlzələ baş verib

Aprelin 22-də Filippində 6,1 bal gücündə zəlzələ baş verib. Azərtac xəbər verir ki, bu barədə ABŞ Geoloji Xidməti məlumat yayıb.Bildirilir ki, yeraltı təkanların episentri paytaxt Manila yaxınlığında, ocağı 40, 2 kilometr dərinlikdə yerləşib.Zəlzələ nəticəsində dağıntılar və zərərçəkənlərin olacağı gözlənilir.xeber100.com

Prezident seçkilərinin ikinci turu başlayıb

Ukraynada prezident seçkilərinin ikinci turu başlayıb.Trend-in məlumatına görə, seçki məntəqələri yerli vaxtla saat 08:00-da açılıb və saat 20:00-a qədər fəaliyyət göstərəcək.Prezident seçkilərinin ikinci turunda ölkənin hazırki prezidenti Petro Poroşenko və ilk turda ən çox səs toplayan Vladimir Zelenski iştirak edirlər.İkinci turun nəticələri mayın 1-dək elan edilməlidir. İyunun 3-də yeni seçilmiş prezidentin andiçmə mərasimi baş tutmalıdır.xeber100.com

Supersonik “Rampage” raketləri hazırlanıb

İsrail Rusiyanın S-300 sistemlərinin yaxalaya bilməyəcəyi yeni hava-yer tipli supersonik "Rampage" raketlərini hazırlayıb.Milli.az xəbər verir ki, bu barədə "Telepolis" nəşrinin jurnalisti Florian Retçer yazıb.Onun sözlərinə görə, İsrail hərbçiləri yeni raketləri ötən həftə Suriya ərazisinə zərbələr zamanı istifadə edib."İsrail bu raketlərə Rusiyanın Suriyada S-300 komplekslərini yerləşdirməsinin nəticəsi, həmçinin rus HHM sistemini aldada biləcək vasitə kimi yanaşır", - jurnalist bildirib.Retçer bundan sonra Rusiyanın artıq S-400 zenit raket komplekslərinin imkanlarını nümayiş etdirməli olacağını vurğulayıb.Qeyd edək ki, "Rampage" raketləri xüsusi olaraq HHM sistemləri tərəfindən çox yaxşı müdafiə olunan hədəfləri vurmaq üçün yaradılıb. Raket növbə ilə partlamaq imkanına sahib iki döyüş başlığına sahibdir.xeber100.com

Arizona ştatında fövqəladə vəziyyət elan edilib

Arizona ştatının Yuma şəhərinin meri Duqlas Nikols şəhərdə fövqəladə vəziyyət elan edib. Bundan əvvəl Gömrük və Sərhəd Nəzarəti Bürosu yüzlərlə miqrant ailəsini patrul nəzarətindən azad edib.Azərtac xəbər verir ki, merin sözlərinə görə, bu qərarın qəbul edilməsi son 20 gündə Yumaya 1.300-dən çox miqrantın gəlməsi ilə bağlıdır. Yuma şəhərinin əhalisinin sayı cəmi 95 min nəfərdir. Nikols federal hakimiyyət orqanlarından Fövqəladə Hallarda İdarəetmə üzrə Federal Agentliyin hesabına zəruri resurslar ayrılmasını xahiş edib. Arizona qubernatorunun mətbuat xidməti Nikolsun sorğusuna cavab olaraq bildirib ki, müvafiq sənəd qubernatorun ofisinə daxil olan kimi fövqəladə vəziyyət haqqında deklarasiyaya baxılacaq. Adətən belə hallarda qubernator mövcud resursları maksimum həddə çatdırmaq üçün yerli hakimiyyət orqanları, qeyri-kommersiya qrupları və federal məmurlarla işləyir.Şəhərdə qəza hallarında istifadə edilmək üçün 150 nəfərlik yeganə qəza sığınacağı fəaliyyət göstərir. Halbuki aprelin 16-da bu sığınacaqda 200 miqrant olub. ABŞ-ın sərhədyanı şəhərlərində immiqrasiya üzrə hakimiyyət orqanları Mərkəzi Amerikadan olan çoxsaylı immiqrant ailələrini azad edirlər.Sərhəd patrulu sərhədi qanunsuz keçmiş, lakin sonradan sərhədçilər tərəfindən saxlanılmış miqrant ailələrinin 11 mindən çox üzvünü azad edib. Martın 19-da Gömrük və Sərhəd Nəzarəti Bürosu miqrant ailələrinin cinayətkar olmayan üzvlərinin məhkəmədə olmaları barədə bildiriş təqdim edilməklə onları bilavasitə azad edib. Həmin andan etibarən miqrantlar sərhəd boyunca yerləşən qeyri-hökumət sığınacaqlarında və ya avtobus stansiyalarında yerləşdirilib.xeber100.com

İtaliya hökuməti Fransaya yardım təklif edib

İtaliya hökuməti Notr-Dam kilsəsinin yenidən bərpası üçün ölkənin Mədəniyyət Nazirliyinin mütəxəssislərini Fransanın sərəncamına verməyə hazırdır.Azərtac thelocal.it saytına istinadla xəbər verir ki, bu sözləri İtaliyanın mədəniyyət naziri Alberto Bonizoli söyləyib.“İtaliyalı bərpaçılar ölkədə buna bənzər fövqəladə halların öhdəsindən gələrək böyük texniki təcrübə toplayıblar. Notr-Dam kilsəsi Fransanın rəmzi olmaqla yanaşı, həm də ümumbəşəri mirasdır”, – deyə A.Bonizoli qeyd edib.Nazir, həmçinin Fransanın Mədəniyyət Nazirliyinə bu barədə təklifin göndərildiyini də bildirib. Qeyd edib ki, İtaliyanın bu sahədəki təcrübələrindən yararlanmaq lazımdır.xeber100.com

Ukraynada prezident seçkilərinin ikinci turunda

Ukraynada prezident seçkilərinin ikinci turunda seçki dairələrinin və məntəqələrinin təhlükəsizliyini 50 mindən çox polis qoruyacaq.Azərtac xəbər verir ki, bu barədə Ukrayna Milli Polisinin rəis müavini Aleksandr Fatseviç məlumat verib. Bildirib ki, səsvermə günü Ukraynanın küçə və prospektlərində təhlükəsizliyin qorunmasına hüquq-mühafizə orqanlarının daha 11 min əməkdaşı cəlb olunacaq.Qeyd edək ki, Ukraynada prezident seçkilərinin ikinci turu aprelin 21-də keçiriləcək. Aprelin 19-da Kiyevin mərkəzi “Olimpiya” stadionunda hər iki namizədin iştirakı ilə debat olacaq. Ukrayna Daxili İşlər Nazirliyi debatlarda təxminən 60 min seçicinin iştirak edəcəyini proqnozlaşdırır. Debatın təhlükəsizliyinə 10 mindən çox polis qüvvələri cəlb ediləcək.xeber100.com