Qazaxıstanın adının dəyişdirilməsi ilə bağlı təklif…

Qazaxıstanlı deputat Azat Peruaşev ölkənin baş naziri Bakıtjan Sagintayevə Qazaxıstanın adının dəyişdirilməsi ilə bağlı təklif göndərib.Trend-in məlumatına görə, ölkənin adının Qazax Respublikasına dəyişdirilməsi təklif olunur.Millət vəkili yeni adın 2020-ci ildə SSRİ-nin tərkibində Qazax Sovet Sosialist Respublikasının yaradılmasının 100 illik ildönümü ilə bağlı verilməsini təklif edib.Deputat xatırladıb ki, hələ 2014-cü ildə Prezident Nursultan Nazarbayev Qazaxıstan adının Qazax Elinə (Qazax Respublikası) dəyişdirilməsi təklifini irəli sürmüşdü.xeber100.com

“Los Angeles Times” qəzeti yazır…

ABŞ-ın Los-Anceles şəhərinin müəllimləri hökumətlə “məhsuldar danışıqlara” baxmayaraq, yanvarın 22-də tətillərini davam etdirəcəklər.“Los Angeles Times” qəzeti xəbər verir ki, müəllimlərin “United Teachers Los Angeles” həmkarlar ittifaqı sazişə nail olsalar belə, tətilin baş tutacağını bildirib.“Biz sazişə nail olmaq üzərində yorulmadan işləyirik, beş gündə və şəhər administrasiyasında 50 saatdan çox sürən danışıqlarda böyük irəliləyiş əldə etmişik. Tərəflər hələ də danışıqlar stolu arxasındadır və mən ümid edirəm ki, müəllimlərin və gənclərin siniflərə qayıtması üçün son addımlar atılacaq”, - danışıqlarda vasitəçilik edən şəhər meri Erik Garsetti Twitter səhifəsində belə yazıb.Ötən həftənin bazar ertəsi günü Los-Anceles şəhərinin dövlət məktəblərinin 30 mindən çox müəllimi tətilə çıxmışdı. Bu, Kaliforniya ştatının ən iri şəhərində müəllimlərin son 30 ildə ilk tətili olub. Müəllimlər maaşların artırılmasını, yükün azaldılmasını və “dövlət məktəblərinə daha çox hörmət” tələb edirlər.xeber100.com  

ABŞ-Senatının üzvü prezident seçkilərində iştirak edəcəyini elan edib

Kaliforniya ştatından ABŞ-Senatının üzvü Kamala Harris 2020-ci ildə Birləşmiş Ştatlarda keçiriləcək prezident seçkilərində iştirak edəcəyini rəsmən elan edib. Mənsub olduğu Demokratlar Partiyasının onun namizədliyini təsdiq edəcəyi təqdirdə Harris prezidentliyə ilk Afrika mənşəli amerikalı qadın namizəd olacaq.Azərtac xəbər verir ki, ABŞ senatoru qismində Harris immiqrantların hüquqlarının müdafiəsi sahəsində və Ali Məhkəmədə irqçilik zəminində diskriminasiyaya qarşı fəal mübarizə aparıb. O, ABŞ Prezidenti Donald Trampı tənqid edənlərdən biridir və hamı üçün səhiyyə xidməti, orta təbəqənin və fəhlə sinfinin vergilərinin azaldılması, korporasiya və varlılara əlavə vergilər qoyulması məsələlərini dəstəkləyir.Xatırladaq ki, Kamala Harris 2004-2011-ci illərdə əyalət prokuroru, 2011-2017-ci illərdə isə Kaliforniyanın baş prokuroru vəzifələrini tutub. O, 2016-cı ildəki qələbəsindən sonra Demokratlar Partiyasından senator seçilib.xeber100.com

Yunanlar Afinada etiraz aksiyası keçiriblər

Makedoniyanın adının dəyişdirilməsinə etiraz edən yunanlar Afinada küçələrə çıxaraq etiraz aksiyası keçiriblər. Makedoniyanın adının dəyişdirilməsinə rəsmi Afinanın razılaşması və parlamentin də qonşu dövlətlə anlaşmanı ratifikasiya etməsi yunanları hiddətləndirib.Daily Mail bildirir ki, Afinada ölkə parlamentinin önündəki meydana toplaşmış 600 min insan aksiya keçiriblər.Onları mitinqə 3 min avtobus daşımışdı."Makedoniya satılmır!, "Makedoniya Yunanıstandır!" qışqıran etrazçılarla polis arasında toqquşmalar olub.Yunanıstanda əhalinin 70 faizi Makedoniyanın adının dəyişdirilməsi ilə bağlı referendum tələb edirlər.Referendum yanvarın 25-də keçiriləcək.Yunanıstanda Makedoniya adlı vilayət olduğundan, rəsmi Afina sabiq Yuqoslaviya respublikasının Avropa İttifaqına və NATO-ya daxil olmasını əngəlləyir.Afina narahatdır ki, qonşu ölkənin adı "Makedoniya" olandan sonra rəsmi Skopye yunan ərazisi ilə bağlı torpaq iddiaları ilə çıxış edə bilər.Makedoniya adını dəyişərək Şimali Makedoniya olub. Skopye bu minvalla Avropa İttifaqına üzvlüklə bağlı əngəlləri aradan qaldırmaq niyyətindədir.NATO da Makedoniyadan üzvlüklə bağlı problemin həlli üçün ölkənin adının dəyişdirilməsini tələb edirdi.İndi "Şimali Makedoniya" adlanan ölkədə rəsmi dil qismində alban dili elan olunub.xeber100.com

Çilidə 6,8 bal gücündə zəlzələ baş verib

Çili sahillərində 6,8 bal gücündə zəlzələ olub.Trend-in məlumatına görə, zəlzələ UTC vaxtı ilə 01:32-də baş verib. Onun ocağı 54 kilemtr dərinlikdə olub, episentri isə Kokimbo şəhərindən 29 kilometr aralıda yerləşib.Dağıntılar və xəsarət alanlar barədə məlumat verilmir.xeber100.com

ABŞ-ın şimal-şərq hissələrində aviareyslər ləğv olunub

ABŞ-ın şimal-şərq hissələrində bərk qar yağması səbəbindən 6783 aviareys ləğv olunub.CNN telekanalının məlumatına görə, pis hava şəraitinin törətdiyi fəsadlar Missuri və Men ştatları arasındakı ərazidə yaşayan 100 milyon insana təsir edə bilər.Belə ki, Tennesi və Missisipi ştatlarında yağış və tufan davam edir, İllinoys, Miçiqan və Ohayoda şiddətli külək əsir, Nyu-York və Pensilvaniya ştatlarında isə sinoptiklər yağış və bol qar proqnozlaşdırırlar.Bildirilir ki, pis hava şəraiti ilə əlaqədar olaraq Nyu-York qubernatoru Endryu Kuomo ştat yollarının böyük hissəsində avtobus və qoşqulu yük maşınlarının hərəkətini qadağan edib.Həmçinin qatarların hərəkəti məhdudlaşdırılıb.xeber100.com

Hava limanlarında 40-dan artıq reys təxirə salınıb

Rusiyanın paytaxtı Moskvanın hava limanlarında 40-dan artıq reys təxirə salınıb və ya gecikir.Trend-in məlumatına görə, saat 02:46 üçün "Vnukovo" hava limanında 1 reys gecikir, 6 reys təxirə salınıb, "Domodedovo" hava limanında 4 reys gecikir, 7 reys təxirə salınıb, "Şeremetyevo" hava limanında isə 26 reys gecikir.Bildirilir ki, reyslərin təxirə salınmasına və gecikməsinə hava şəraiti səbəb olub.xeber100.com

RİA Novosti agentliyinin məlumatına görə…

Yaponiya Meteoroloji Xidməti bu il sakuranın çiçəkləməsinə dair ilk proqnozunu açıqlayıb.RİA Novosti agentliyi xəbər verir ki, Yosino albalısı mart ayının ikinci yarısında – ayın 18-də Kotidə, 25-də Yosinoda, 29-da Fukuoka və Tokioda, aprelin 1-də Naqoya və Hiroşimada çiçək açacaq. Ekspertlərin fikrincə, 2018-ci ilin oktyabrında temperaturun yüksəlməsi ölkənin bəzi yerlərində albalının erkən çiçəkləyəcəyinə səbəb olub.Vakayama, Osaka, Kioto və Kaqosima şəhərlərində sakura apreldə çiçəkləyəcək. Şimal prefekturalarında, o cümlədən Miyaqi, Aomori və Hokkaydoda sakura aprelin ortasında və mayın əvvəlində çiçək açacaq.Yaponiyaya fevral ayında səfər edəcək turistlərə Kavadzu şəhərinə getmək məsləhət görülür. Orada sakura digərə prefekturalardan bir ay tez çiçəkləyəcək.xeber100.com

Yeni qaz kəmərinin tikintisinə başlanılıb

Moldova və Rumıniyanın qaz ötürücü sistemlərini birləşdirəcək yeni qaz kəmərinin tikintisinə başlanılıb.Azərtac xəbər verir ki, Moldovanın infrastruktur və iqtisadiyyat naziri Kiril Qaburiç mətbuata açıqlamasında “Ungeni-Kişineu” qaz kəmərinin Rumıniyanın “Transqaz” şirkəti tərəfindən inşa edildiyini bildirib. Onun sözlərinə görə, yeni qaz kəməri Moldovanın milli maraqlarına cavab verir və ölkənin iqtisadiyyatının inkişafına təsir edəcək. Eyni zamanda, Moldovaya təbii qazın verilməsində alternativ mənbənin yaradılması ölkənin enerji təhlükəsizliyini möhkəmləndirir. Nazir qeyd edib ki, yeni qaz kəməri vasitəsilə təbii qaz daha ucuz qiymətə təklif olunacaq.Çəkilişinin 120 milyon avroya başa gələcəyi və 2020-ci ilin əvvəlinə yekunlaşacağı nəzərdə tutulan qaz xəttinin gücü illik 1,5 milyard kubmetr olacaq.xeber100.com

Misirə təbii qaz ixracı ikiqat artacaq

İsrail yaxın aylarda Misirə təbii qaz ixracına başlayacaq.Azərtac xarici KİV-lərə istinadla xəbər verir ki, bu barədə İsrailin enerji naziri Yuval Steinitz deyib.Nazir qeyd edib ki, qaz nəqlinin 10 illik müddətdə 7 milyard kubmetr olması hədəflənir. Yaxın aylarda Misirə qaz ixracı həyata keçiriləcək.O, ilkin mərhələdə ixrac ediləcək təbii qaz həcmi barədə məlumat verməyib. Bildirib ki, “Leviathan” yatağının noyabrda tam gücü ilə hasilata başlamasından sonra Misirə təbii qaz ixracı ikiqat artacaq.xeber100.com