Prezidentliyə namizədlərin növbəti reytinqi açıqlanıb

Ukraynada prezidentliyə namizədlərin növbəti reytinqi açıqlanıb.Azərtac xəbər verir ki, Ukraynanın Təhlil və Proqnozlaşdırma İnstitutunun dekabrın 26-sı və yanvarın 4-də paytaxt Kiyev və 24 vilayətdə apardığı sorğunun nəticələrinə görə, Ukraynanın sabiq baş naziri, “Batkivşina” partiyasının lideri, deputat Yuliya Timoşenko (19,3 faiz) səsvermədə iştirak edənlərin daha çox səsini qazanıb. İlk dördlüyü isə şoumen Vladimir Zelenski (12,9 faiz), Ali Radada müxalifət blokunun lideri Yuri Boyko (11,6 faiz), hazırkı prezident Petro Poroşenko (11,3) tutur. Sorğuda 2016 respondent iştirak edib.Xatırladaq ki, Ukraynada prezident seçkiləri martın 31-də keçiriləcək.xeber100.com

“İkarus” şirkəti “CityPioneer”in prototipini təqdim edib

Macarıstanın “İkarus” və Çinin CRRC şirkətlərinin “Urban Traffic Kft — Electrobus Europe Zrt” adlı birgə müəssisəsi tamamilə elektrikləşdirilmiş "CityPioneer” avtobusunun prototipini təqdim edib.Azərtac xəbər verir ki, “İkarus” şirkətinin sədri Qabor Seleş jurnalistlərə deyib: “Bir illik işin məhsulu olan bu prototip avtobus kuzovları istehsalı sahəsində “İkarus”un təcrübəsini və dünya səviyyəli elektrik transmissiyaları texnologiyası barədə CRRC şirkətinin təsəvvürlərini özündə birləşdirir. Artıq 2019-cu ildə “CityPioneer” modelinin seriya ilə istehsalına başlanacaq”.CRRC şirkətinin Macarıstandakı bölməsinin rəhbəri Qu İfen bildirib ki, Avropa bazarları üçün nəzərdə tutulan avtobusların istehsalı “İkarus” şirkətində yeni iş yerləri yaradılmasına və Macarıstanın milli brendinin inkişafına təkan verə bilər.Alçaq döşəməli avtobus 240 kVt güclü sinxron mühərrikdən və 313 kVt güclü akkumulyator batareyasından qidalanır. 5-6 saat ərzində enerji ilə doldurulan avtobus əlavə enerji doldurmadan 200-260 kilometr məsafəni qət edə bilər.xeber100.com

Ukrayna Səhiyyə Nazirliyinin məlumatı

Son bir ayda Ukraynada şaxtadan 64 nəfər ölüb.Azərtac xəbər verir ki, bu barədə Ukraynanın Səhiyyə Nazirliyi məlumat yayıb.Bu müddətdə 1037 nəfər soyuq travmasından həkimə müraciət edib, onlardan 955-i xəstəxanaya yerləşdirilib.Səhiyyə Nazirliyinin 1 nömrəli qaydasına görə, şaxtalı havada spirtli içkidən imtina edilməlidir. İnsanlar spirtin istilik yaratdığını düşünürlər, lakin bu, yanlışdır. İlkin olaraq, spirtli içki qızışma yaratsa da, bədənin daxili orqanlarının istiliyini itirir. Bundan başqa həkimlər hesab edir ki, hər saatdan bir qapalı isti məkanda olmaq lazımdır.Qeyd edək ki, son günlər Ukraynada 10-18 dərəcə şaxta hökm sürür.xeber100.com

İran dövləti raketlə kosmosa iki süni peyk göndərəcək

İran dövləti gələn həftə öz hərbi sənayesinin istehsalı olan raketlə kosmosa iki süni peyk göndərəcək.Azərtac Anadolu agentliyinə istinadla xəbər verir ki, bu fikirləri İran İslam Respublikasının Prezidenti Həsən Ruhani ölkənin keçmiş dövlət başçısı Əli Əkbər Haşimi Rəfsancaninin vəfatının ikinci ildönümünə həsr olunmuş tədbirdə bildirib.O qeyd edib ki, bu gün İran müdafiə sahəsində ən son nailiyyətlərə malik silah istehsalı ilə məşğuldur. İran Prezidentin sözlərinə görə, hərbi sənayenin inkişafının əsası mərhum ölkə başçısı Rəfsancaninin hakimiyyəti illərində qoyulub. İran bu sahədə artıq çox irəliləyib.xzeber100.com

“Fitch” reytinq agentliyi xəbərdarlıq edib

"Fitch" reytinq agentliyi ABŞ-a suveren kredit reytinqinin mümkün azaldılması ilə bağlı xəbərdarlıq edib.Bu barədə "Reuters" xəbər verir.Bu, hökumətin fəaliyyətinin dayandırılması səbəbindən ölkənin borcunun maksimum dəyərə çatacağı halda baş verəcək."Şatdaun"un martın 1-dək davam edəcəyi və borc həcminin bir neçə ay sonra problem yaradacağı halda, ola bilsin, siyasətimizi yenidən nəzərdən keçirmək barədə düşünmək məcburiyyətində qalaq", - "Fitch"dən qeyd ediblər.Qeyd olunur ki, belə vəziyyətdə agentlik ABŞ-ın kredit reytinqini yenidən nəzərdən keçirə bilər.xeber100.com

Berlində tətil səbəbindən onlarla reys ləğv edilib

Berlinin Teqel və Şönefeld hava limanlarında təhlükəsizlik xidməti əməkdaşlarının tətil etməsi səbəbindən onlarla reys ləğv edilib və ya gecikib.Trend-in məlumatına görə, bundan əvvəl Almaniyanın "Verdi" Həmkarlar İttifaqı aeroportların təhlükəsizlik xidməti əməkdaşlarını əməkhaqqının artırılması tələbi ilə tətil etməyə çağırmışdı.Bir çox sərnişinlər əvvəlcədən tətil barədə məlumatlandırılıb. Tətil ən azı 80 reysin icrasına təsir edib. Belə ki, 50 istiqamət üzrə reyslərin göndərilməsində çətinlik yaranıb, 25 uçuş təxirə salınıb. Bununla belə, tətilin nəticə vermədiyi bildirilir.Qeyd edək ki, söhbət uçuşların təhlükəsizliyinə cavabdeh olan 23 min əməkdaşın maaşının artırılmasından gedir.xeber100.com

Yaponiya ilə Rusiya arasında sülh müqaviləsi imzalanacaq

Yaponiyanın Rusiya ilə sülh müqaviləsi imzalaması Asiya-Sakit okean regionunda təhlükəsizliyə müsbət təsir göstərməklə yanaşı, Tokionun təhlükəsizliklə bağlı müqaviləyə malik olduğu ABŞ üçün də faydalı ola bilər.Milli.az xəbər verir ki, Yaponiyanın Baş naziri Şinzo Abe bunu yanvarın 6-da NHK telekanalının efirində bəyan edib."Yaponiya ilə ABŞ arasında təhlükəsizlik barədə müqavilə Yaponiyanın beynəlxalq təhlükəsizliyi üçün əsas zəmanət rolunu oynayır. Yaponiya və Rusiya arasında sülh müqaviləsinin imzalanması isə regional sabitliyə müsbət təsir göstərə bilər. Fikrimcə, bu, ABŞ üçün də müsbət hal olar", - Baş nazir bildirib.Yaponiya hökumətinin başçısı, həmçinin qeyd edib ki, yanvarın ikinci yarısında o, Rusiyaya səfər edəcək.Xatırladaq ki, ötən il noyabrın 14-də Sinqapurda keçirilən görüşdə Şinzo Abe və Vladimir Putin iki ölkə arasında sülh müqaviləsinin imzalanması üçün danışıqların 1956-cı il oktyabrın 19-da imzalanmış Birgə Bəyannamə əsasında sürətləndirilməsi barədə razılığa gəliblər.xeber100.com

Venesuelanın yeni prezidenti ölkənin Ali Məhkəməsində and içəcək

Yanvarın 10-da Venesuelada yeni prezidentlik müddətinə başlamalı olan Nikolas Maduromüxalifətyönlü parlament qarşısında deyil, ölkənin Ali Məhkəməsində and içəcək.RİA "Novosti"nin məlumatına görə, bunu şənbə günü Milli Təsisat Məclisinin rəhbəri Diosdado Kabelyo deyib."Onlar (parlament) konstitusiya və hakimiyyətin digər qollarına hörmətsizlik etdikdən sonra öz legitimliliklərini itiriblər", - "Nacional" portalı onun sözlərini sitat gətirib.xeber100.com

ABŞ Konqresi iki qanun layihəsini təsdiq edib

Yanvarın 3-də yeni heyətlə işə başlayan və hazırda Demokratlar Partiyasının nəzarətində olan ABŞ Konqresinin Nümayəndələr Palatası fevralın 8-nə qədər Daxili Təhlükəsizlik Nazirliyinin, sentyabrın 30-dək isə digər qurumların maliyyələşməsi üzrə iki qanun layihəsini təsdiq edib.TASS informasiya agentliyi xəbər verir ki, Nümayəndələr Palatasının qəbul etdiyi qanun layihəsi Amerika-Meksika sərhədində səddin maliyyələşməsini nəzərdə tutmur.Bir qədər öncə ABŞ Prezidenti Donald Tramp səddin tikintisinin nəzərdə tutulmadığı istənilən sənədə veto qoyacağını bildirmişdi. Bundan əlavə, yeni çağırışda da respublikaçıların nəzarətində qalan ABŞ Konqresi Senatının rəhbərliyi belə qanun layihəsini hətta səsverməyə çıxarmayacağını elan etmişdi. Buna görə də hər iki qanun layihəsinin yanvarın 4-də Senatdan keçməyəcəyi gözlənilir.Xatırladaq ki, maliyyə vəsaiti ayrılmadığı üçün dekabrın 22-də ABŞ-da federal hökumətin işi qismən dayanıb. Buna Tramp və respublikaçıların Meksika ilə sərhəddə səddin tikintisi üçün 5 milyard dollar vəsaitin büdcəyə daxil edilməsi cəhdləri səbəb olub. Demokratlar isə öz növbəsində federal xəzinədən səddin tikintisinə vəsait ayrılmasına yol verməyəcəklərini bildiriblər.xeber100.com

Birləşmiş Millətlər Təşkilatı Təhlükəsizlik Şurasının iclası keçirilib

Nyu-Yorkda Birləşmiş Millətlər Təşkilatı Təhlükəsizlik Şurasının (BMT TŞ) yeni tərkibdə ilk iclası keçirilib. Bu münasibətlə yanvarın 2-də BMT TŞ-nın yeni seçilmiş 5 qeyri-daimi üzvü olan ölkənin – Belçika, Dominikan Respublikası, Almaniya, İndoneziya və Cənubi Afrikanın dövlət bayraqlarının qaldırılması mərasimi keçirilib.Azərtac təşkilatın rəsmi saytına istinadla xəbər verir ki, yeni üzvlərin səlahiyyət müddəti iki ildir. Tarixində ilk dəfə BMT TŞ üzvü olan Dominikan Respublikası isə qurumda sədrliyinə başlayıb. Bundan əvvəlki qeyri-daimi üzvlərin – Boliviya, Efiopiya, İtaliya, Qazaxıstan və İsveçin isə səlahiyyət müddəti başa çatıb. Yeri gəlmişkən, yeni qeyri-daimi üzv dövlətlərin bayraqlarının qaldırılması məhz Qazaxıstanın təşəbbüsüdür.BMT TŞ on beş üzvdən ibarətdir: Böyük Britaniya, Çin Xalq Respublikası, Rusiya Federasiyası, Amerika Birləşmiş Ştatları və Fransa daimi üzvlərdir. Qalan on ölkə isə qeyri-daimi üzv statusunda Baş Assambleya tərəfindən hər beşi ildə bir dəfə seçilməklə fəaliyyət göstərir. 2020-ci ildə Ekvatorial Qvineya, Polşa, Peru, Küveyt və Kot-Divuar BMT TŞ-nın yeni qeyri-daimi üzvü olacaqlar.xeber100.com