Azərbaycan Badminton Federasiyasının məlumatına görə…

Aprelin 25-də İspaniyanın paytaxtı Madrid şəhərində badminton üzrə Avropa çempionatına start verilib.Azərbaycan Badminton Federasiyasının mətbuat xidmətindən bildiriblər ki, mübarizəyə 1/16 finaldan başlayacaq badmintonçumuz Edi Reski Dviçayo kişilərin şəxsi yarışında ilk görüşünü İrlandiya təmsilçisi Nhat Nguyenə qarşı keçirəcək.Kişi badmintonçuların qoşa yarışında ölkəmizi təmsil edən Edi Reski Dviçayo-Ezmi Qovimuramadhoni tandemi isə 1/16 final mərhələsində Covanni Qreko-Kevin Strobl (İtaliya) cütü ilə qarşılaşacaq.Hər iki görüş aprelin 26-da keçiriləcək.xeber100.com

UEFA Çempionlar Liqasında yarımfinal mərhələsinə start veriləcək

Bu gün UEFA Çempionlar Liqasında yarımfinal mərhələsinə start veriləcək.İlk oyun günündə bir qarşılaşma keçiriləcək.Gecənin yeganə matçında İspaniyanın "Real Madrid" klubu İngiltərədə turnirin son finalçısı "Mançester Siti"nin qonağı olacaq. "Etihad" stadionundakı görüş Bakı vaxtı ilə saat 23:00-da başlayacaq.Oyunu rumıniyalı referi İştvan Kovaç idarə edəcək. Ona yan xətt hakimləri Vasile Florin Marinesku və Ovidiu Artene köməklik göstərəcəklər. Dördüncü hakim funksiyasını isə isveçrəli Sandro Şerer yerinə yetirəcək.Mançester təmsilçisində Joau Kanselu cəzalı olduğu üçün oynaya bilməyəcək. Kayl Uoker və Con Stounzun isə meydana çıxmaları sual altındadır. "Kral klubu"nda Eden Azar, Luka Yoviç və Mariano Dias zədə səbəbindən matçı buraxacaq. David Alaba və Kazemironun isə bu görüşdə iştirak edib-etməyəcəyi dəqiq bilinmir.Komandalar arasında cavab qarşılaşması mayın 4-də olacaq.Qeyd edək ki, yarımfinal mərhələsinin digər görüşü aprelin 27-də "Livepul" (İngiltərə) və "Vilyarreal" (İspaniya) komandalar arasında oynanılacaq.xeber100.com

İspaniya La Liqasının XXI turundan təxirə salınmış görüşdə…

Aprelin 24-də futbol üzrə İspaniya La Liqasının XXI turundan təxirə salınmış görüşdə “Barselona” klubu “Rayo Valyekano”nu qəbul edib.“Kamp Nou” stadionunda keçirilmiş görüş qonaqların qələbəsi ilə yekunlaşıb - 1:0. Yeganə qolu 7-ci dəqiqədə Alvaro Qarsiya vurub.Qarşılaşmanın baş hakimi İsidro Dias de Mera matça 14 dəqiqə əlavə edib.Bu məğlubiyyətdən sonra “Barselona” 33 oyuna 63 xalla 2-ci yerdə gedir. “Rayo Valyekano” 40 xalla 11-cidir. Turnir cədvəlinə 78 xalla “Real Madrid” başçılıq edir.xeber100.com

Futbol üzrə Macarıstan çempionatının qalibi bəlli olub

Futbol üzrə Macarıstan çempionatının qalibi bəlli olub.“Ferentsvaroş” sona 4 tur qalmış titula sahib çıxıb.S.Çerçesovun baş məşqçisi olduğu komanda XXIX turda evdə “Uypeşt”ə 2:1 hesabı ilə qalib gəlib və xallarının sayını 62-yə çatdırıb.Qırx doqquz xalla 2-3-cü yerləri bölüşdürən “Kişvarda” və “Puşkaş Akademiya”sının liderə çatmaq üçün şansı qalmayıb.Qeyd edək ki, “Ferentsvaroş” tarixində 33 dəfə ölkə çempionu adını qazanıb. Komanda növbəti mövsüm UEFA Çempionlar Liqasında səpələnmişlər səbətində yer alacağından, birinci təsnifat mərhələsində Azərbaycan təmsilçisi ilə qarşılaşmayacaq.xeber100.com

“Oslo Esports Cup” turnirinin dördüncü turunun oyunları keçiriləcək

Aprelin 25-də şahmat üzrə “Oslo Esports Cup” turnirinin dördüncü turunun oyunları keçiriləcək.Azərbaycan şahmatçısı Şəhriyar Məmmədyarov növbəti mərhələdə polşalı Yan Kşiştov Duda ilə mübarizə aparacaq.Qeyd edək ki, üçüncü qarşılaşmada şahmatçımız Kanada təmsilçisi Erik Hansenə uduzub.Turnirin iştirakçıları hər turda rapid üzrə (15 dəqiqə + 10 saniyə) 4 partiyadan ibarət matçda mübarizə aparırlar. Yarış aprelin 28-dək davam edəcək.xeber100.com

Azərbaycan Həndbol Federasiyasının məlumatı əsasında…

Həndbol üzrə ölkə çempionatında qadınlardan ibarət komandaların yarışına yekun vurulub.Azərbaycan Həndbol Federasiyasının mətbuat xidmətindən bildirilib ki, çempionatın əsas favoriti sayılan “Azəryol” son turda da azarkeşlərini inamlı qələbə ilə sevindirib. “İdman Akademiyası” ilə oyunun ilk hissəsindən təşəbbüsə yiyələnən “Azəryol” görüşü 42:19 hesabı ilə başa vuraraq növbəti çempionluğu rəsmiləşdirib.Son turadək qızıl medallara nəzəri imkanlarını qoruyan “Qarabağ” “Azərsu” ilə oyunda öz üzərinə düşən vəzifənin öhdəsindən gəlsə də, 33:20 hesablı qələbə ilə yalnız ikinci yerlə kifayətlənməli olub. İki xala malik “İdman Akademiyası” ilə “Azərsu” vurulan və buraxılan topların fərqinə əsasən müvafiq olaraq sonrakı yerləri bölüşüblər.Kişilərdən ibarət komandaların yarışında da qızıl medalların sahibi müəyyənləşib. Doqquzuncu turda U-18 komandasına 31:24 hesabı ilə qalib gələn “Bakı” son oyunların nəticəsindən asılı olmayaraq azarkeşlərinə çempionluq sevinci yaşadıb. Bu tura qədər çempionluq imkanlarını qoruyan “Təhsil” U-16 üzərindəki 26:25 hesablı qələbə ilə yalnız gümüş medallarla kifayətlənməli olacaq.“Məhsul” – “Gənclər Birliyi” görüşünü 31:25 hesablı qələbə ilə başa vuran nominal ev sahibi aktivinə 7-ci xalı yazdırıb.Qeyd olunub ki, bürünc mükafatçının adına aydınlıq gətirəcək 10-cu turda “Bakı” “Məhsul” ilə, “Təhsil” U-18 İdman Akademiyası ilə, U-16 “Gənclər Birliyi” ilə qarşılaşacaq.xeber100.com  

Futbolçulardan ibarət Azərbaycan milli komandasının heyətində dəyişiklik olub

Bakıda təlim-məşq toplanışı keçirəcək 18 yaşadək futbolçulardan ibarət Azərbaycan milli komandasının heyətində dəyişiklik olub.AFFA-nın saytının verdiyi məlumata əsasən, “Qəbələ” klubunun üzvü Okan Təhməzli zədə səbəbindən toplanışda iştirak edə bilməyəcək. Onun əvəzinə “Səbail” klubunun üzvü Yaqub Yusubov hazırlıq prosesinə cəlb olunub.Qeyd edək ki, U-18-in toplanışı əvvəldən nəzərdə tutulduğu kimi aprelin 23-dən deyil, 24-dən başlayacaq.xeber100.com

Şahmat üzrə ənənəvi “Kapablanka memorialı” keçirilir

Kubanın paytaxtı Havanada sayca 55-ci dəfə təşkil edilən şahmat üzrə ənənəvi “Kapablanka memorialı” keçirilir.Yarışın əsas turnirində iştirak edən qrosmeysterimiz Vasif Durarbəyli ilk üç turda kubalı şahmatçılarla mübarizə aparıb. Belə ki, şahmatçımız birinci turda Yasser Perez Quesada ilə xalları yarı bölüb. O, növbəti görüşdə Daniel Karlos Kabreranı məğlub edib. Üçüncü turda Omar Quintana ilə heç-heçə edən V.Durarbəyli xalların sayını 2-yə çatdırıb. Bu nəticə ilə turnir cədvəlinin liderindən yarım xal geri qalan təmsilçimiz 3-4-cü yerləri bölüşür.Qeyd edək ki, turnirdə Kuba və Azərbaycan ilə yanaşı, ABŞ, Argentina, Hindistan və Türkiyədən 10 şahmatçı iştirak edir.xeber100.com

Futbol üzrə İngiltərə Premyer Liqasının XXX turunda

Futbol üzrə İngiltərə Premyer Liqasında XXX turdan təxirə salınmış "Liverpul" - "Mançester Yunayted" oyunu keçirilib."Enfild" stadionunda təşkil olunmuş qarşılaşma meydan sahiblərinin böyük hesablı qələbəsi ilə yekunlaşıb - 4:0.Qolları Luis Dias 5-ci, Məhəmməd Salah 22-ci və 85-ci, Sadio Mane 68-ci dəqiqədə vurublar."Liverpul" ilk dövrədə də "Mançester Yunayted"i darmadağın etmişdi - 5:0.Hazırda mersisaydlılar 32 oyundan 76 xalla 1-ci pillədə qərarlaşıb. Ehtiyatda bir oyunu olan "Mançester Siti" 74 xalla ikinci yerdə gedir. "Mançester Yunayted" isə 33 matçdan 54 xalla 6-cıdır.xeber100.com

İtaliya kubokunun ilk yarımfinal mərhələsinin cavab oyunu keçirilib

Aprelin 19-da futbol üzrə İtaliya kubokunun ilk yarımfinal mərhələsinin cavab oyunu keçirilib."İnter" klubu öz meydanında "Milan" komandasına qalib gəlib - 3:0. Qolları Lautaro Martines 4-cü və 40-cı, Robin Qonsens 82-ci dəqiqədə vurub. İlk matç qolsuz yekunlaşmışdı.Qeyd edək ki, finalda "İnter" klubu "Fiorentina" - "Yuventus" cütünün qalibi ilə qarşılaşacaq. Bu komandaların ilk görüşü turinlilərin səfər qələbəsi ilə başa çatıb - 1:0.xeber100.com