Hava şəraitinin arabir yağıntılı olacağı gözlənilir

Azərbaycanda martın 19-na gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Xidmətinin məlumatına görə, Bakıda və Abşeron yarımadasında hava şəraitinin arabir yağıntılı olacağı, axşama doğru tədricən kəsiləcəyi gözlənilir. Arabir güclənən şimal-qərb küləyi əsəcək. Havanın temperaturu Abşeron yarımadasında gecə 1-3°, gündüz 5-8° isti olacaq, Bakıda gecə 1-3°, gündüz 5-7° isti olacaq. Atmosfer təzyiqi normadan yüksək - 773 millimetr civə sütunundan 770 millimetr civə sütununa enəcək. Nisbi rütubət 70-80 faiz təşkil edəcək.Azərbaycanın rayonlarında havanın arabir yağıntılı olacağı, bəzi yerlərdə qar yağacağı, ayrı-ayrı yerlərdə intensiv olacağı proqnozlaşdırılır. Arabir duman olacaq. Qərb küləyi əsəcək, bəzi yerlərdə arabir güclənəcək. Havanın temperaturunun gecə 0-5°, gündüz 6-11° isti, dağlarda gecə 5-10° şaxta, yüksək dağlıq ərazilərdə 16°-dək şaxta, gündüz 0-5° şaxta olacağı bildirilir.xeber100.com

Avropa çempionatında səkkizdəbir final döyüşləri yekunlaşıb

Xorvatiyanın Poreç şəhərində 22 yaşadək oğlan boksçular arasında Avropa çempionatında səkkizdəbir final döyüşləri yekunlaşıb.Bu mərhələnin yekununa əsasən, Azərbaycan millisinin üzvləri – Ruslan Qədirov (54 kq) və Maqsud Xasmetovun (57 kq) rəqibləri dəqiqləşib. Səkkizdəbir finalda Başkim Bayokunu (Kosovo) 5:0 hesabı ilə məğlub edən Marian Çinio (Rumıniya) mərhələ adladığından ilk döyüşdən azad olan R.Qədirovla qarşılaşacaq. M.Xasmetov isə dörddəbir finalda Taha Akkoyunla (Türkiyə) gücünü yoxlayacaq. Qardaş ölkə təmsilçisi Matteu Teylora (İrlandiya) 5:0 hesabı ilə qalib gəldiyindən boksçumuza rəqib olub.Hər iki görüş martın 19-da olacaq.Həmin gün yığmamızın digər üzvləri Nicat Hüseynov (51 kq), Cəlal Qurbanov (63,5) və Nəbi İsgəndərov (67 kq) da yarımfinal üçün mübarizə aparacaqlar. Boksçularımız müvafiq olaraq, Antonio Payva (İrlandiya), İqor Kovtun (Ukrayna) və Hüqo Qrau (Fransa) ilə üz-üzə gələcəklər.Qeyd edək ki, Avropa çempionatında qaliblərinin adları martın 23-də məlum olacaq.xeber100.com

Futbol üzrə dörddəbir final mərhələlərinin püşkü atılacaq

Martın 18-də futbol üzrə UEFA Çempionlar, Avropa və Konfrans liqalarının dörddəbir final mərhələlərinin püşkü atılacaq.İsveçrənin Nyon şəhərində baş tutacaq tədbirlər Bakı vaxtı ilə müvafiq olaraq saat 15:00-da, 16:30-da və 18:00-da başlayacaq.UEFA Çempionlar Liqasının dörddəbir finalına “Atletiko Madrid”, “Real Madrid”, “Vilyarreal”, “Liverpul”, “Mançester Siti”, “Çelsi”, “Bavariya” və “Benfika” klubları vəsiqə qazanıblar. Bu mərhələnin ilk oyunları aprelin 5-6-da, cavab qarşılaşmaları isə 12-13-də keçiriləcək. Yarımfinalın ilk görüşləri aprelin 26-27-də, cavab matçları mayın 3-4-də oynanılacaq. Final qarşılaşmasına isə mayın 28-də Parisdəki “Stad de Frans” ev sahibliyi edəcək.UEFA Avropa Liqasının dörddəbir final mərhələsində “Leyptsiq” (Almaniya), “Barselona”, “Atalanta”, “Braqa”, “Qlazqo Reyncers”, “Vest Hem Yunayted”, “Ayntraxt” və “Olimpik Lion” komandaları mübarizə aparacaqlar.UEFA Konfrans Liqasının dörddəbir final mərhələsində isə mübarizə “Marsel”, “Lester Siti”, “PSV Eyndhoven”, “Budyo Qlimt”, PAOK, “Slaviya Praqa”, “Roma” və “Feyenoord” komandaları arasında aparılacaq.Avropa və Konfrans liqalarında dörddəbir final matçları aprelin 7-də və 14-də, yarımfinal qarşılaşmaları aprelin 28-də və mayın 5-də oynanılacaq. UEFA Konfrans liqasının final matçı mayın 18-də Sevilya şəhərindəki “Roman Sançes-Pisxuan” stadionunda keçiriləcək. Konfrans Liqasının qalibi isə mayın 25-də Albaniyanın paytaxtı Tiranadakı “Kombetare” arenasında müəyyənləşəcək.xeber100.com

Karateçilər arasında 30-cu Qran-Pri turniri start götürəcək

Bu gün Xorvatiyada yeniyetmə və gənc karateçilər arasında 30-cu Qran-Pri turniri start götürəcək.Samobor şəhərinə baş tutacaq yarışda 16-17 və 18-21 yaşlı gənclərdən ibarət komandamızın baş məşqçisi Anar Allahverdiyev, böyük məşqçilər Seymur Xudaverdiyev və Nağı Mehdiyev, həmçinin kata üzrə baş məşqçi Vahid Ayvazov və kumite üzrə qadınların baş məşqçisi Denis Morozovun rəhbərliyi altında 17 idmançı mübarizə aparacaq. Belə ki, 16-17 yaşlı gənclər arasında Aysu Əliyeva (53 kq), 18-21 yaşlı idmançıların turnirində Elmir Musayev (60 kq), Hüseyn Məmmədli, Nuran Rzazadə (67 kq), Fərid Ağayev (75 kq), Hüseyn Hüseynzadə, Abbas Dadaşov (84 kq), Osman Osmanlı, Namiq Quliyev (+84 kq), Xumar Əlibəyova (50 kq), Suada Kərimova (55 kq), Ayla Rzazadə (61 kq), Zəhra Əliverdiyeva (68 kq), Fidan Musayeva (+68 kq) kumite yarışlarında, Ceyhun İsmayılov, Həsənəli Həsənov və Zəhra Qurbanzadə isə kata çıxışlarında iştirak edəcəklər.Milli komandamızın üzvləri ilə yanaşı, bir sıra klubların idmançıları da Qran-Pri turnirində mübarizə aparacaqlar.Qeyd edək ki, bu nüfuzlu yarışa 33 ölkədən 1769 idmançı qatılacaq.xeber100.com

2021-2022-ci il mövsümünün dörddəbir final mərhələsinin püşkü atılıb

Martın 18-də futbol üzrə UEFA Çempionlar Liqasının 2021-2022-ci il mövsümünün dörddəbir final mərhələsinin püşkü atılıb.UEFA-nın İsveçrənin Nyon şəhərindəki mənzil-qərargahında keçirilən püşkatmanın nəticələri aşağıdakı kimidir: “Çelsi” - “Real Madrid”; “Mançester Siti” - “Atletiko Madrid”; “Vilyarreal” - “Bavariya”; “Benfika” - “Liverpul”. Bu mərhələnin ilk oyunları aprelin 5-6-da, cavab qarşılaşmaları isə 12-13-də keçiriləcək. Yarımfinalın ilk görüşləri aprelin 26-27-də, cavab matçları mayın 3-4-də oynanılacaq. Final qarşılaşmasına isə mayın 28-də Parisdəki “Stad de Frans” ev sahibliyi edəcək.xeber100.com

“Atletiko” futbol klubu UEFA Çempionlar Liqasının tarixinə düşüb

“Atletiko” UEFA Çempionlar Liqasının tarixinə düşüb.İspaniya təmsilçisi ev oyunlarında qələbə qazanmadan dörddəbir finala yüksələn ilk komanda olub.Madrid təmsilçisi qrupda “Porto” (0:0), “Liverpul” (2:3) və “Milan” (0:1), səkkizdəbir finalda “Mançester Yunayted”i (1:1) qəbul edib. “Atletiko” bu görüşlərdə qalib gələ bilməsə də, Mançesterdəki 1:0 hesablı qələbə ilə dörddəbir finala yüksəlib.Madrid klubunadək heç bir komanda ev qələbəsi olmadan bu qədər irəliləməyib.xeber100.com

Azərbaycan Voleybol Federasiyası: Bahar Kuboku” yarışına start veriləcək

Martın 17-də Azərbaycan Voleybol Federasiyasının idman zalında Novruz bayramına həsr olunan “Bahar Kuboku” yarışına start veriləcək.Federasiyanın mətbuat xidməti xəbər verir ki, qadın voleybolçular arasında təşkil olunacaq yarışda Azərbaycan Super Liqasının iştirakçıları - “Azərreyl”, “Murov”, “Abşeron” və UNEC komandaları mübarizə aparacaqlar.Yarış iki gün davam edəcək. Püşkə əsasən, yarış “Azərreyl” - “Abşeron” matçı ilə start götürəcək. Görüş saat 14:00-da başlayacaq. Saat 16:00-da “Murov” UNEC-i sınağa çəkəcək.Reqlamentə əsasən, qalib gələn komandalar birinci, məğlub olanlar isə üçüncü yer uğrunda mübarizə aparacaqlar. Hər iki matç martın 18-də keçiriləcək.xeber100.com

Ümumdünya Şahmat Olimpiadasına ev sahibliyi edəcək ölkə müəyyənləşib

Bu il keçiriləcək Ümumdünya Şahmat Olimpiadasına ev sahibliyi edəcək ölkə müəyyənləşib.Beynəlxalq Şahmat Federasiyasının (FIDE) saytı xəbər verir ki, turnir Hindistanda baş tutacaq. Yarış bu ölkənin cənubundakı əsas turizm mərkəzlərindən olan Mahabalipuram ərazisində yerləşən “Four Points by Sheraton” konqres mərkəzində keçiriləcək. Olimpiadanın dəqiq tarixi açıqlanmasa da, iyulun sonu – avqustun əvvəlində təşkil ediləcəyi bildirilib.Xatırladaq ki, bu il şahmat olimpiadası Rusiyada keçirilməli idi. Lakin Rusiya-Ukrayna münaqişəsi ilə əlaqədar olimpiadaya ev sahibliyi hüququ Rusiyadan alınıb.xeber100.com

Bədii gimnastika üzrə 27-ci Azərbaycan çempionatı davam edir

Bədii gimnastika üzrə 27-ci Azərbaycan çempionatı davam edir.Çempionatda fərdi gimnastlar gənclər (2007-2009-cu illər təvəllüdlü) və böyüklər (2006-cı il təvəllüdlü və daha böyük) yaş qruplarında medallar uğrunda mübarizə aparırlar.Gənc gimnastların çöxnövçülük yarışına Nərmin Bayramova liderlik edir. N.Bayramovanın dörd alətdə çıxışı hakimlər tərəfindən 86,900 xalla qiymətləndirilib. Dəniz Əsgərova 80,950 xalla ikinci pillədə qərarlaşıb. Hesabında 80,400 xal olan Nuray Əhmədzadə isə üçüncü pillədə yer alıb.İki gün davam edəcək çempionatda paytaxt üzrə “Ocaq Sport”, Bakı Gimnastika Məktəbi, Respublika Kompleks İdman Məktəbi, digər şəhər və bölgələr üzrə Xırdalanın “Zirvə” klubu, Sumqayıt, Gəncə və Mingəçevirdən ümumilikdə 40 idmançı birincilik uğrunda yarışır.Qaliblər həm ayrı-ayrı alətlərdə (top, halqa, gürzlər, lent), həm də çoxnövçülük xalına görə müəyyənləşəcək. Çempionatın ilk günü gənclər və böyüklər arasında çoxnövçülük yarışları, ikinci günü isə alətlər üzrə final mərhələləri baş tutacaq.Qeyd edək ki, ikiillik fasilədən sonra xüsusi karantin rejimi çərçivəsində yumşalma tədbirləri ilə əlaqədar olaraq tamaşaçılar Milli Gimnastika Arenasında yarışları izləmək imkanı əldə ediblər.xeber100.com

“Eurotalents development camp U-13” təlim-məşq toplanışı start götürüb

Martın 13-də Slovakiyanın Senec şəhərində stolüstü tennis üzrə “Eurotalents development camp U-13” təlim-məşq toplanışı start götürüb. Hazırlıq prosesi çərçivəsində 13 yaşadək uşaqlar arasında turnir də təşkil ediləcək.Stolüstü tennis üzrə Azərbaycan yığma komandasının baş məşqçisi Mixail Timofeyevin rəhbərliyi altında yarışda təmsilçimiz Onur Quluzadə də iştirak edəcək.Təlim-məşq toplanışı martın 20-dək davam edəcək.xeber100.com