Cüdo üzrə açıq Avropa turnirinin birinci günündə…

Polşanın paytaxtı Varşavada cüdo üzrə açıq Avropa turnirinin birinci günündə Azərbaycan komandası uğurla çıxış edərək 2 qızıl,1 gümüş, 1 bürünc medal qazanıblar.Qızıl medalları Əhməd Yusifov (60 kq) və İbrahim Əliyev (66 kq) əldə ediblər. Gümüş medala İsmayıl İbrahimov (66 kq) sahib olub. Rövşən Əliyev (60 kq) isə bürünc medala layiq görülüb.Qeyd edək ki, bu gün start götürən turnirdə 8 cüdoçumuz iştirak edib.xeber100.com

UEFA-nın yeni reytinq cədvəli açıqlanıb

Avropa Liqası və Konfrans Liqasında pley-off mərhələsi başa çatdıqdan sonra UEFA-nın yeni reytinq cədvəli açıqlanıb.Azərbaycan cari mövsümü 17.000 xalla 26-cı pillədə başa vurub."Qarabağ"la yanaşı, "Şerif" də avrokuboklarla vidalaşdığından Moldovanın 11.250 xalla 33-cü pillədə qalacağı dəqiqləşib. Yəni, artıq Azərbaycanı üstələyə biləcək ölkə qalmayıb.Ümumilikdə 18 ölkə qitəmiqyaslı turnirlərdə mübarizəni davam etdirir. Onlardan Yunanıstan (27.200), Çexiya (27.200) və Xorvatiya (27.150) irəliləyibsə, Danimarka (26.975) və Türkiyə (26.900) geriləyib.xeber100.com

Azərbaycan Cüdo Federasiyasının məlumatına görə…

Fevralın 25-də Fövqəladə Hallar Nazirliyinin İdman-Sağlamlıq Mərkəzində gənc cüdoçular arasında Azərbaycan birinciliyi start götürüb.Azərbaycan Cüdo Federasiyasının mətbuat xidmətinin məlumatına görə, 21 yaşadək gənclər arasında keçirilən çempionatın birinci günündə oğlanlar 60, 73, qızlar isə 44, 48, 57 kiloqram çəki dərəcələrində yarışırlar. Birincilikdə Bakı, Sumqayıt şəhərlərindən, eləcə də ölkənin müxtəlif regionlarından olan klub, cəmiyyət və idman təşkilatlarından 300-ə yaxın idmançı medallar uğrunda mübarizəyə qoşulub.Gənclər və İdman Nazirliyinin və Azərbaycan Cüdo Federasiyasının birgə təşkilatçılığı ilə keçirilən yarışın əsas məqsədi gənclər arasında sağlam həyat tərzinin formalaşdırılması, cüdonun kütləviliyinin artırılması və perspektivli idmançıları müəyyənləşdirərək gənclərdən ibarət yığma komandaya cəlb etməkdir.Yarışlara fevralın 27-də yekun vurulacaq.xeber100.com

Azərbaycan Premyer Liqasının XVII turu çərçivəsində

Futbol üzrə Azərbaycan Premyer Liqasının XVII turu çərçivəsində keçiriləcək görüşlərə hakim təyinatları açıqlanıb.Peşəkar Futbol Liqasının saytı xəbər verir ki, iki günü əhatə edəcək tura fevralın 27-də “Bank Respublika Arena” stadionunda keçiriləcək “Sabah” – “Neftçi” oyunu ilə start veriləcək. Saat 17:00-da start götürəcək qarşılaşmanı Rauf Cabbarov idarə edəcək.Günün saat 19:15-də başlayacaq ikinci - “Sumqayıt”–“Qəbələ” matçının baş hakimi Vüqar Həsənli olacaq. Qarşılaşma “Kapital Bank Arena”da oynanılacaq.Fevralın 28-də keçiriləcək iki qarşılaşma ilə tura yekun vurulacaq. İlk oyunda “ASCO Arena” stadionunda “Səbail” klubu “Zirə” komandasını qəbul edəcək. Saat 17:00-da start götürəcək görüşdə baş hakim funksiyasını Elçin Məsiyev yerinə yetirəcək.Turun son görüşü “Keşlə” klubu ilə lider “Qarabağ” komandaları arasında olacaq. Saat 19:15-də start götürəcək qarşılaşmanı Əliyar Ağayev idarə edəcək.Turun bütün görüşləri “CBC Sport” kanalı ilə birbaşa yayımlanacaq.On altı turdan sonra turnir cədvəlinə 36 xalla “Qarabağ” klubu başçılıq edir. Bir oyun az keçirən ağdamlıları 29 xalla “Qəbələ” klubu izləyir. “Zirə” 28 xalla üçüncü yerdə qərarlaşıb. Digər pillələrdə müvafiq olaraq, “Neftçi” (25 xal), “Sabah” (20), “Keşlə” (14), “Sumqayıt” (13) və “Səbail” (11) yer alıblar.xeber100.com

Azərbaycan Cüdo Federasiyası loqotipini yeniləyib

Azərbaycan Cüdo Federasiyası (ACF) inkişaf strategiyasına uyğun olaraq loqotipini yeniləyib.ACF-in mətbuat xidmətinin məlumatına görə, yeni loqotip və korporativ kimlik hazırlanan zaman cüdonun yaradıcısı Ciqaro Kanonun müəyyən etdiyi dəyərlər və idmanın bu növü üzrə mövcud son trendlər əsas götürülüb.Federasiyanın baş katibi Rəşad Rəsullu əsasını müasirlik, peşəkarlıq və sadəlik təşkil edən loqotipin hazırlanması zamanı bir sıra prinsiplərin əsas götürüldüyünü bildirib: “Sözsüz ki, ilk növbədə loqotip cüdo idman növü ilə assosiasiya edilməlidir və bu baxımdan yeni loqotipdə cüdo fəndi əks etdirilib. Bundan başqa, Azərbaycan bayrağının rənglərindən biri ilə assosiativ çalardan istifadə edilib. Yeni loqotip minimalist üslubda hazırlanmaqla bu sahədə mövcud olan ən son meyllərə də əməl edilib”.Loqonun modern cizgiləri özündə “A” və “J” hərflərini əks etdirir ki, bu da “Azerbaijan Judo” deməkdir. Təsvirin yaradılmasına fərqli yanaşma nəticəsində cüdoda ən vacib fəndlərdən biri olan “tai-otoshi” - iki cüdoçunun çiyin atışı fəndi loqoda unikal şəkildə vizuallaşdırılıb.Ölkəmizdə ən sevilən idman növlərindən biri olan cüdonun yeni korporativ kimlik qazanması Azərbaycan cüdosunun beynəlxalq səviyyədə daha çox tanınması və ölkə daxilində cüdonun populyarlaşdırılmasına töhfə verəcək.Yeni loqotip federasiyanın fəaliyyətində mərhələli olaraq tətbiq ediləcək və prosesin aprelin sonuna qədər yekunlaşdırılması planlaşdırılır.xeber100.com

UEFA Avropa Liqasında pley-off mərhələsinin cavab oyunları keçiriləcək

Fevralın 24-də UEFA Avropa Liqasında pley-off mərhələsinin cavab oyunları keçiriləcək.Azərtac xəbər verir ki, Azərbaycan millisinin futbolçusu Mahir Emrelinin çıxış etdiyi Xorvatiyanın “Dinamo Zaqreb” komandası doğma meydanda İspaniyanın "Sevilya” klubunu qəbul edəcək. Zaqreb təmsilçisi səfərdəki ilk görüşdə 1:3 hesabı ilə məğlub olub.Günün maraqla gözlənilən qarşılaşması İtaliyada oynanılacaq. “Napoli" klubu İspaniyanın “Barselona" komandasını qəbul edəcək. Kataloniyadakı ilk görüşdə qalib müəyyənləşməyib - 1:1. Gecənin bütün görüşləri aşağıdakılardır: “Dinamo Zaqreb” (Xorvatiya) – “Sevilya” (İspaniya) - ilk oyun - 1:3; “Olimpiakos” (Yunanıstan) – “Atalanta” (İtaliya) - 1:2; “Real Sosyedad” (İspaniya) – “Leyptsiq” (Almaniya) - 2:2; “Latsio” (İtaliya) – “Portu” (Portuqaliya) - 1:2; “Napoli” (İtaliya) – “Barselona” (İspaniya) - 1:1; “Qlazqo Reyncers” (Şotlandiya) – “Borussiya Dortmund” (Almaniya) - 4:2; “Betis” (İspaniya) – “Zenit” (Rusiya) - 3:2; “Braqa” (Portuqaliya) – “Şerif” (Moldova) - 0:2.xeber100.com

“Qarabağ” futbol klubu cavab oyununa çıxacaq

Fevralın 24-də Ağdamın “Qarabağ” klubu futbol üzrə UEFA Konfrans Liqasının pley-off mərhələsində cavab oyununa çıxacaq.Qurban Qurbanovun yetirmələri Fransanın “Marsel” klubunu qəbul edəcək. Tofiq Bəhramov adına Respublika Stadionunda oynanılacaq görüş saat 21:45-də başlayacaq. Matçın baş hakimi polşalı Bartoş Frankovski olacaq.Marseldəki ilk oyunda rəqibinə 1:3 hesabı ilə uduzan Ağdam klubu mərhələni keçmək üçün ən azı üç top fərqi ilə qalib gəlməlidir. Səfər qolu qaydası ləğv olunduğundan, iki matçın nəticəsinə əsasən, qeydə alına biləcək mümkün heç-heçə qarşılaşmanın əlavə vaxta və 11 metrlik cərimə zərbələri seriyasınadək uzanmasına səbəb olacaq.“Qarabağ”ın heyətində Xayme Romero və Şahruddin Məhəmmədəliyev zədə səbəbindən meydana çıxa bilməyəcəklər. Qonaqların heyətində isə itki yoxdur.Bu oyun “köhlən atlar” üçün bir sıra göstəricilər baxımından əlamətdar olacaq. Bu, Azərbaycan təmsilçilərinin UEFA Konfrans Liqasında 20-ci görüşü kimi tarixə düşəcək. “Qarabağ”ın yarımmüdafiəçisi Abdullah Zubir həmyerlilərinə qarşı matçda meydana çıxsa, bu, fransalı futbolçunun avrokuboklardakı 50-ci oyunu olacaq. Həmçinin ağdamlılar bu qarşılaşmada fərqlənərsə beynəlxalq arenada 150-ci qolunu vura bilərlər.xeber100.com

“Bakı Şəhər Halqası” Əməliyyat Şirkətinin məlumatına görə…

“Bakı Şəhər Halqası” Əməliyyat Şirkətinin (BŞH) tərkibində fəaliyyət göstərən “Bakı Marşal Klubu” (BMK) iyunun 10-12-də keçiriləcək Formula 1 Azərbaycan Qran-Prisinə marşal qeydiyyat proqramını uğurla başa vurub.BŞH-dən Azərtac-a bildiriblər ki, yanvarın 10-dan başlayan seçimlərdə 3 minə yaxın şəxs namizədliyini irəli sürərək, qeydiyyatdan keçib.Fevralən əvvəlində başlayan müsahibə mərhələsi isə ayın 20-də yekunlaşıb. Artıq 440-a yaxın namizəd müsahibə mərhələsində iştirak edib. Müraciətlər arasında yerli namizədlərin sayı – 2300 nəfərə çatıb ki, onlardan 950-si öncəki yarışlarda uğurla iştirak etmiş, təcrübəli marşallardır. Xarici ölkələrdən olan marşalların müraciət sayı isə 360-a çatıb. Ümumilikdə, 2016-ci ildən etibarən qeydiyyatdan keçmiş təcrübəli marşalların sayı 3 min 400-ü keçib.Mart ayından etibarən isə marşalların təlimlərinə start veriləcək. Təlimlər hər şənbə və bazar günləri Avropa Oyunları Parkında yerləşən Marşal tədris-təlim mərkəzində keçiriləcək. Bu prosesin iyunadək davam etməsi nəzərdə tutulur.Formula 1 Azərbaycan Qran-Prisində marşal fəaliyyətini uğurla başa çatdıran hər bir şəxsə Azərbaycan Avtomobil Federasiyası və Beynəlxalq Avtomobil Federasiyası (FIA) tərəfindən beynəlxalq lisenziya təqdim olunacaq. Beynəlxalq lisenziya marşallara, yalnız Azərbaycanda deyil, həmçinin Formula 1 Qran-Prisinə ev sahibliyi edən digər ölkələrdə keçirilən yarışlara qatılmaq hüququ verəcək.Formula 1 yarışlarında marşallar böyük əhəmiyyət daşıyır. F-1 aləmində marşallara “yarış rəsmiləri” də deyilir. Onların fəaliyyəti F-1 pilotlarının təhlükəsizliyinin təminatında və bütün marşal komandasının inzibati təşkilatçılığında həyati əhəmiyyət daşıyır.Qeyd edək ki, “Bakı Marşal Klubu” BŞH tərəfindən 2016-cı il təsis olunub.xeber100.com

UEFA Çempionlar Liqasında final mərhələsinin daha iki oyunu keçirilib

Fevralın 23-də futbol üzrə UEFA Çempionlar Liqasında səkkizdəbir final mərhələsinin daha iki oyunu keçirilib.Turnirin son qalibi "Çelsi" İngiltərədə Fransanın "Lill" klubu ilə üz-üzə gəlib.İspaniyalı FIFA referisi Xesus Hil Mansanonun "Stemford Bric" stadionunda idarə etdiyi görüş London təmsilçisinin 2:0 hesablı qələbəsi ilə başa çatıb. Meydan sahiblərinin heyətində qolları 8-ci dəqiqədə Kay Haverts və 63-cü dəqiqədə Kristian Pulişiç vurublar.Gecənin digər oyununda İtaliyanın "Yuventus" klubu İspaniyada "Vilyarreal" komandasının qonağı olub. Matçın baş hakimi almaniyalı Daniel Zibert olub. Gərgin keçən qarşılaşmada qalib müəyyənləşməyib - 1:1.Görüşdə hesabı 32-ci saniyədə Turin klubunun hücumçusu Duşan Vlahoviç açıb. Lakin qonaqlar 66-cı dəqiqədə üstünlüyü əldən veriblər. Daniel Parexo bərabərlik qolunun müəllifi olub.Komandalar arasında cavab oyunları martın 16-da gerçəkləşəcək.xeber100.com

Azərbaycan milli komandası bu gün növbəti yoldaşlıq oyununu keçirəcək

Bakıda təlim-məşq toplanışında olan qadın futbolçulardan ibarət Azərbaycan milli komandası bu gün növbəti yoldaşlıq oyununu keçirəcək.Millimiz hazırlıq çərçivəsində Birləşmiş Ərəb Əmirlikləri komandası ilə qarşılaşacaq. “Dalğa Arena”da keçiriləcək oyun saat 14:00-da başlayacaq.Komandalar arasında fevralın 20-də təşkil olunan oyunda yığmamız 4:0 hesablı qələbə qazanıb.xeber100.com