İngiltərə Premyer Liqasında XXVII turun növbəti oyunu keçirilib

Fevralın 26-da futbol üzrə İngiltərə Premyer Liqasında XXVII turun növbəti oyunu keçirilib. "Everton" - "Mançester Siti" matçında hər iki komanda meydana Ukrayna simvolları ilə çıxıb.Görüş "Mançester Siti"nin minimal hesablı qələbəsi ilə yekunlaşıb - 1:0. Yeganə qolu 81-ci dəqiqədə Fil Foden vurub."Everton" və "Mançester Siti"nin ukraynalı futbolçuları Vitali Mikolenko ilə Aleksandr Zinçenço ehtiyat oyunçular skamyasında qalıb. Lakin onlar oyunqabağı məşq zamanı göz yaşlarına hakim ola bilməyərək qucaqlaşıblar.xeber100.com

Fevralın 27-də futbol üzrə XVII tura start verilib

Fevralın 27-də “Sabah” – “Neftçi” oyunu ilə futbol üzrə Azərbaycan Premyer Liqasında XVII tura start verilib. “Bank Respublika Arena”da oynanılan qarşılaşma qonaqların 1:0 hesablı qələbəsi ilə yekunlaşıb. Oyunda yeganə qolu matçın 50-ci dəqiqəsində Sezar Meza Kolli vurub.“Ağ-qaralar” qələbə sayəsində xallarının sayını 28-ə çatdırıb. Sonuncu ölkə çempionu “Zirə” ilə birlikdə 3-4-cü yerləri bölüşdürür. “Sabah” isə 20 xalla beşinci pillədə qərarlaşıb.Qeyd edək ki, günün digər görüşündə “Sumqayıt” komandası “Qəbələ”ni qəbul edəcək.Tura fevralın 28-də keçiriləcək “Səbail” – “Zirə” və “Keşlə” – “Qarabağ” matçları ilə yekun vurulacaq.xeber100.com

Azərbaycan Premyer Liqasında XVII turun növbəti oyunu keçirilib

Fevralın 27-də futbol üzrə Azərbaycan Premyer Liqasında XVII turun növbəti oyunu keçirilib.Günün ikinci matçında "Sumqayıt" klubu "Qəbələ"ni qəbul edib.Qarşılaşma qonaqların 4:0 hesablı qələbəsi ilə bitib. "Qırmızı-qaralar"ın qollarını 2-ci dəqiqədə Rafael Utriq, 39-cu dəqiqədə Ruan Renato, 41-ci dəqiqədə Rövlan Muradov, 68-ci dəqiqədə isə Murad Musayev vurub.Xallarının sayını 32-yə çatdıran "Qəbələ" ikinci pillədəki mövqeyini qoruyub. "Gənclik şəhəri" təmsilçisi isə 13 xalla 7-ci yerdədir.Qeyd edək ki, günün ilk görüşündə "Neftçi" səfərdə "Sabah"ı 1:0 hesabı ilə məğlub edib. Tura fevralın 28-də keçiriləcək "Səbail" - "Zirə" və "Keşlə" - "Qarabağ" matçları ilə yekun vurulacaq.xeber100.com

Beynəlxalq Şahmat Federasiyası yeni qərar qəbul edib

Beynəlxalq Şahmat Federasiyası (FIDE) nüfuzlu yarışlardan olan 44-cü Ümumdünya Şahmat Olimpiadasının Rusiyada keçirilməməsi ilə bağlı qərar qəbul edib.FIDE-nin saytında yerləşdirilən bu barədə məlumatda sürətlə gərginləşən geosiyasi vəziyyətlə əlaqədar FIDE Şurasının belə bir qərar qəbul etməli olduğu bildirilib. Qurumun növbədənkənar iclasında planlaşdırılan bütün rəsmi yarışlara ev sahibliyinin Rusiyadan alınması qərara alınıb. Beləliklə, bu qərardan sonra əsas tədbirlərdən olan 44-cü Şahmat Olimpiadası, Xantı-Mansiyskdə keçiriləcək əlilliyi olan insanlar üçün birinci Şahmat Olimpiadası və FIDE-nin 93-cü konqresi Rusiyada təşkil edilməyəcək. FIDE bu tədbirlər üçün alternativ tarix və yerlərin axtarışı üzərində işlədiyini elan edib.Qeyd edək ki, Olimpiadanın iyulun 26-dan avqustun 8-dək Moskvada keçirilməsi nəzərdə tutulurdu.Xatırladaq ki, Ümumdünya Şahmat Olimpiadası ilk dəfə 1927-ci ildə Londonda keçirilib. Yarış 1950-ci ildən başlayaraq hər iki ildən bir təşkil olunur. Azərbaycan 2016-cı ildə 42-ci Ümumdünya Şahmat Olimpiadasına ev sahibliyi edib. Sonuncu – 43-cü Olimpiada Batumidə keçirilib.xeber100.com  

Cüdo üzrə açıq Avropa turnirinin birinci günündə…

Polşanın paytaxtı Varşavada cüdo üzrə açıq Avropa turnirinin birinci günündə Azərbaycan komandası uğurla çıxış edərək 2 qızıl,1 gümüş, 1 bürünc medal qazanıblar.Qızıl medalları Əhməd Yusifov (60 kq) və İbrahim Əliyev (66 kq) əldə ediblər. Gümüş medala İsmayıl İbrahimov (66 kq) sahib olub. Rövşən Əliyev (60 kq) isə bürünc medala layiq görülüb.Qeyd edək ki, bu gün start götürən turnirdə 8 cüdoçumuz iştirak edib.xeber100.com

UEFA-nın yeni reytinq cədvəli açıqlanıb

Avropa Liqası və Konfrans Liqasında pley-off mərhələsi başa çatdıqdan sonra UEFA-nın yeni reytinq cədvəli açıqlanıb.Azərbaycan cari mövsümü 17.000 xalla 26-cı pillədə başa vurub."Qarabağ"la yanaşı, "Şerif" də avrokuboklarla vidalaşdığından Moldovanın 11.250 xalla 33-cü pillədə qalacağı dəqiqləşib. Yəni, artıq Azərbaycanı üstələyə biləcək ölkə qalmayıb.Ümumilikdə 18 ölkə qitəmiqyaslı turnirlərdə mübarizəni davam etdirir. Onlardan Yunanıstan (27.200), Çexiya (27.200) və Xorvatiya (27.150) irəliləyibsə, Danimarka (26.975) və Türkiyə (26.900) geriləyib.xeber100.com

Azərbaycan Cüdo Federasiyasının məlumatına görə…

Fevralın 25-də Fövqəladə Hallar Nazirliyinin İdman-Sağlamlıq Mərkəzində gənc cüdoçular arasında Azərbaycan birinciliyi start götürüb.Azərbaycan Cüdo Federasiyasının mətbuat xidmətinin məlumatına görə, 21 yaşadək gənclər arasında keçirilən çempionatın birinci günündə oğlanlar 60, 73, qızlar isə 44, 48, 57 kiloqram çəki dərəcələrində yarışırlar. Birincilikdə Bakı, Sumqayıt şəhərlərindən, eləcə də ölkənin müxtəlif regionlarından olan klub, cəmiyyət və idman təşkilatlarından 300-ə yaxın idmançı medallar uğrunda mübarizəyə qoşulub.Gənclər və İdman Nazirliyinin və Azərbaycan Cüdo Federasiyasının birgə təşkilatçılığı ilə keçirilən yarışın əsas məqsədi gənclər arasında sağlam həyat tərzinin formalaşdırılması, cüdonun kütləviliyinin artırılması və perspektivli idmançıları müəyyənləşdirərək gənclərdən ibarət yığma komandaya cəlb etməkdir.Yarışlara fevralın 27-də yekun vurulacaq.xeber100.com

Azərbaycan Premyer Liqasının XVII turu çərçivəsində

Futbol üzrə Azərbaycan Premyer Liqasının XVII turu çərçivəsində keçiriləcək görüşlərə hakim təyinatları açıqlanıb.Peşəkar Futbol Liqasının saytı xəbər verir ki, iki günü əhatə edəcək tura fevralın 27-də “Bank Respublika Arena” stadionunda keçiriləcək “Sabah” – “Neftçi” oyunu ilə start veriləcək. Saat 17:00-da start götürəcək qarşılaşmanı Rauf Cabbarov idarə edəcək.Günün saat 19:15-də başlayacaq ikinci - “Sumqayıt”–“Qəbələ” matçının baş hakimi Vüqar Həsənli olacaq. Qarşılaşma “Kapital Bank Arena”da oynanılacaq.Fevralın 28-də keçiriləcək iki qarşılaşma ilə tura yekun vurulacaq. İlk oyunda “ASCO Arena” stadionunda “Səbail” klubu “Zirə” komandasını qəbul edəcək. Saat 17:00-da start götürəcək görüşdə baş hakim funksiyasını Elçin Məsiyev yerinə yetirəcək.Turun son görüşü “Keşlə” klubu ilə lider “Qarabağ” komandaları arasında olacaq. Saat 19:15-də start götürəcək qarşılaşmanı Əliyar Ağayev idarə edəcək.Turun bütün görüşləri “CBC Sport” kanalı ilə birbaşa yayımlanacaq.On altı turdan sonra turnir cədvəlinə 36 xalla “Qarabağ” klubu başçılıq edir. Bir oyun az keçirən ağdamlıları 29 xalla “Qəbələ” klubu izləyir. “Zirə” 28 xalla üçüncü yerdə qərarlaşıb. Digər pillələrdə müvafiq olaraq, “Neftçi” (25 xal), “Sabah” (20), “Keşlə” (14), “Sumqayıt” (13) və “Səbail” (11) yer alıblar.xeber100.com

Azərbaycan Cüdo Federasiyası loqotipini yeniləyib

Azərbaycan Cüdo Federasiyası (ACF) inkişaf strategiyasına uyğun olaraq loqotipini yeniləyib.ACF-in mətbuat xidmətinin məlumatına görə, yeni loqotip və korporativ kimlik hazırlanan zaman cüdonun yaradıcısı Ciqaro Kanonun müəyyən etdiyi dəyərlər və idmanın bu növü üzrə mövcud son trendlər əsas götürülüb.Federasiyanın baş katibi Rəşad Rəsullu əsasını müasirlik, peşəkarlıq və sadəlik təşkil edən loqotipin hazırlanması zamanı bir sıra prinsiplərin əsas götürüldüyünü bildirib: “Sözsüz ki, ilk növbədə loqotip cüdo idman növü ilə assosiasiya edilməlidir və bu baxımdan yeni loqotipdə cüdo fəndi əks etdirilib. Bundan başqa, Azərbaycan bayrağının rənglərindən biri ilə assosiativ çalardan istifadə edilib. Yeni loqotip minimalist üslubda hazırlanmaqla bu sahədə mövcud olan ən son meyllərə də əməl edilib”.Loqonun modern cizgiləri özündə “A” və “J” hərflərini əks etdirir ki, bu da “Azerbaijan Judo” deməkdir. Təsvirin yaradılmasına fərqli yanaşma nəticəsində cüdoda ən vacib fəndlərdən biri olan “tai-otoshi” - iki cüdoçunun çiyin atışı fəndi loqoda unikal şəkildə vizuallaşdırılıb.Ölkəmizdə ən sevilən idman növlərindən biri olan cüdonun yeni korporativ kimlik qazanması Azərbaycan cüdosunun beynəlxalq səviyyədə daha çox tanınması və ölkə daxilində cüdonun populyarlaşdırılmasına töhfə verəcək.Yeni loqotip federasiyanın fəaliyyətində mərhələli olaraq tətbiq ediləcək və prosesin aprelin sonuna qədər yekunlaşdırılması planlaşdırılır.xeber100.com

UEFA Avropa Liqasında pley-off mərhələsinin cavab oyunları keçiriləcək

Fevralın 24-də UEFA Avropa Liqasında pley-off mərhələsinin cavab oyunları keçiriləcək.Azərtac xəbər verir ki, Azərbaycan millisinin futbolçusu Mahir Emrelinin çıxış etdiyi Xorvatiyanın “Dinamo Zaqreb” komandası doğma meydanda İspaniyanın "Sevilya” klubunu qəbul edəcək. Zaqreb təmsilçisi səfərdəki ilk görüşdə 1:3 hesabı ilə məğlub olub.Günün maraqla gözlənilən qarşılaşması İtaliyada oynanılacaq. “Napoli" klubu İspaniyanın “Barselona" komandasını qəbul edəcək. Kataloniyadakı ilk görüşdə qalib müəyyənləşməyib - 1:1. Gecənin bütün görüşləri aşağıdakılardır: “Dinamo Zaqreb” (Xorvatiya) – “Sevilya” (İspaniya) - ilk oyun - 1:3; “Olimpiakos” (Yunanıstan) – “Atalanta” (İtaliya) - 1:2; “Real Sosyedad” (İspaniya) – “Leyptsiq” (Almaniya) - 2:2; “Latsio” (İtaliya) – “Portu” (Portuqaliya) - 1:2; “Napoli” (İtaliya) – “Barselona” (İspaniya) - 1:1; “Qlazqo Reyncers” (Şotlandiya) – “Borussiya Dortmund” (Almaniya) - 4:2; “Betis” (İspaniya) – “Zenit” (Rusiya) - 3:2; “Braqa” (Portuqaliya) – “Şerif” (Moldova) - 0:2.xeber100.com