“Səbail” futbol klubu heyətinə yeni futbolçu cəlb edib

Bakının “Səbail” klubu heyətinə yeni futbolçu cəlb edib.Bakı təmsilçisi Tural Bayramlı ilə müqavilə imzalayıb.Yunanıstan klubu “Pierikos”la danışıqlar müsbət yekunlaşıb və Premyer Liqanın autsayderi “Sumqayıt”ın yetirməsini transfer etməyə müvəffəq olub. Onunla mövsümün sonunadək müqavilə imzalanıb. T.Bayramlı yeni komandasında 39 nömrəli formanı geyinəcək.Futbolçu ölkəmizdə “Keşlə”, “Zirə”, Latviyada isə “Dauqavpils”in formasını geyinib.Qeyd edək ki, “Səbail” qış fasiləsində Rəşad Əzizli və Hüseynəli Quliyevi də heyətinə qatıb.xeber100.com    

Futbol üzrə Azərbaycan Premyer Liqasının XVI turuna start veriləcək

Fevralın 19-da “Qəbələ” – “Səbail” oyunu ilə futbol üzrə Azərbaycan Premyer Liqasının XVI turuna start veriləcək.Qəbələ şəhər stadionunda oynanılacaq görüş saat 15:00-da başlayacaq. Matçı Rauf Cabbarov idarə edəcək.Hazırda əyalət təmsilçisi 26 xalla ikinci, paytaxt klubu isə 11 xalla sonuncu - 8-ci pillədə qərarlaşıb. Komandalar indiyədək Premyer Liqada 17 dəfə üz-üzə gəliblər. Bunların 8-də qəbələlilər, 4-də isə bakılılar qələbə qazanıblar. Top nisbəti də “qırmızı-qaralar”ın xeyrinədir - 31:16.Digər matçda sonuncu çempion “Neftçi” komandası “Keşlə” ilə üz-üzə gələcək. Saat 17:15-də başlayacaq qarşılaşmanın baş hakimi Fərid Hacıyev olacaq.“Ağ-qaralar” 15 turdan sonra 22 xalla 4-cü, qonaqlar isə 14 xalla 6-cı sıradadırlar. Paytaxt klubları ölkə çempionatlarında 68 dəfə qarşılaşıblar. Bu matçların 37-si “Neftçi”nin, 16-sı isə “Keşlə”nin qələbəsi ilə başa çatıb. Top fərqində də meydan sahiblərinin aşkar üstünlüyü hiss olunur - 108:66.Tura fevralın 20-də oynanılacaq “Zirə” – “Sabah” və “Qarabağ” – “Sumqayıt” görüşləri ilə yekun vurulacaq.Qeyd edək ki, 15 turdan sonra turnir cədvəlinə 36 xalla “Qarabağ” klubu başçılıq edir. “Qəbələ” 26 xalla ikinci, “Zirə” 25 xalla üçüncü, “Neftçi” isə 22 xalla dördüncü yerdədir. Digər pillələrdə “Sabah” (20), “Keşlə” (14), “Sumqayıt” (13) və “Səbail” (11) klubları qərarlaşıblar.xeber100.com

Azərbaycan Həndbol Federasiyasının məlumatına görə…

Beynəlxalq dərəcəli həndbol hakimlərimiz ölkəmizi daha bir nüfuzlu yarışda təmsil edəcəklər.Azərbaycan Həndbol Federasiyasının mətbuat xidmətinin məlumatına görə, referilər Ernest və Emil Ağakişi Avropa Həndbol Federasiyası kuboku turnirində Rusiyanın qadınlardan ibarət “Lada” və Norveçin “Storhamar” komandalarının görüşünə təyinat alıblar. Onlar Tolyatti şəhərinin “Olimp” arenasında təşkil ediləcək görüşdə söz sahibi olacaqlar.Gərgin idman mübarizəsi vəd edən qarşılaşma fevralın 20-də keçiriləcək.Qeyd olunub ki, bu, Ernest və Emil Ağakişi qardaşlarının Avropa Həndbol Federasiyasının bayrağı altında keçirilən turnirlərə növbəti təyinatıdır. Bu hakimlərimizin beynəlxalq turnirlərdə zəngin təcrübəsi var.xeber100.com

“Sabah” futbol klubu heyətini yeni futbolçu ilə gücləndirib

Bakının "Sabah” klubu heyətini yeni futbolçu ilə gücləndirib.Klubun rəsmi saytı xəbər verir ki, Bakı təmsilçisi Bosniya və Herseqovinadan olan Boyan Letiçlə müqavilə imzalayıb.İyirmi doqquz yaşlı müdafiəçi mövsümün sonunadək "Sabah"da çıxış edəcək.Qeyd edək ki, B.Letiç karyerası ərzində ölkəsinin “Kozara Qradiska”, “Velej Mostar”, “Sarayevo”, Slovakiyanın “Jilina”, Çexiyanın “Karvina” və Serbiyanın “Radniçki Niş” klublarında çıxış edib. Onun son klubu İspaniya “Mirandes”i olub.xeber100.com

Azərbaycan Milli Karate Federasiyasının məlumatına görə…

Karate üzrə Azərbaycan komandası fevralın 18-20-də Birləşmiş Ərəb Əmirliklərinin Fujeyra şəhərində keçiriləcək Karate1 Premyer Liqa seriyasından yarışda iştirak edəcək.Azərbaycan Milli Karate Federasiyasının mətbuat xidmətinin məlumatına görə, millinin heyətində 9 idmançı yer alıb. Belə ki, kişilərin yarışında Əminağa Quliyev, Sultan Hüseynov (60 kq), Tural Ağalarzadə, Rafiz Həsənov (67 kq), Turqut Həsənov, Pənah Abdullayev (84 kq), Asiman Qurbanlı (+84 kq), qadınların turnirində isə İrina Zaretska (68 kq) mübarizə aparacaqlar. Kata üzrə isə ölkəmizi Roman Heydərov təmsil edəcək.Beynəlxalq hakimlər Cahangir Babayev, Vüqar Kərimov, Anar Allahverdiyev və Rənad Əliyev Premyer Liqanı idarə edəcək hakimlər sırasında yer alıblar. R.Əliyev, həmçinin dərəcəsini yüksəltmək üçün Dünya Karate Federasiyasının (WKF) Hakimlər komitəsinə imtahanlara qatılıb.Qeyd edək ki, Karate1 Premyer Liqa turnirləri bu mövsümdən başlayaraq bir sıra dəyişikliklərlə keçirilir. Yarışa, əsasən dünya reytinqində ilk 32 yeri tutan idmançılar qatılır. Qeydiyyat sifarişi limitləri dolmazsa, reytinqin növbəti pillələrində olan daha 32 karateçi yarışda iştirak edə bilər.Yarış formatında da dəyişikliklər edilib. Kumite yarışlarında hər çəki dərəcəsində 8 qrupa bölünən 4 idmançı dairəvi sistemlə yarışacaq. Qruplardan iki nəfər növbəti mərhələyə çıxacaq. Sonra isə fərqlənən idmançılar mübarizəni davam etdirəcəklər. Yarımfinalda məğlub olanlar bürünc medala sahib olacaqlar. Komanda kata yarışları Premyer Liqa turnirlərinin proqramından çıxarılıb.Turnirdə 55 ölkədən 342 idmançı iştirak edəcək.xeber100.com

Azərbaycan Yüksək Liqasında ikinci dövrənin ilk turu keçirilib

Bu gün kişi voleybolçular arasında Azərbaycan Yüksək Liqasında ikinci dövrənin ilk turu keçirilib.“Sərhədçi” İdman Olimpiya Mərkəzində baş tutan çempionatın dördüncü turuna “Neftçi” “Murov” matçı ilə start verilib.Birinci dövrədə “Murov” klubuna qalib gələn “Neftçi” ikinci görüşdən məğlub ayrılıb. Tay-brekə kimi davam edən qarşılaşmada iki hissəni 25:23 və 29:27 hesabı ilə aktivinə yazan Pərviz Səmədovun komandası yekunda uduzub. “Murov” əzmkar oyun sayəsində növbəti 3 hissədə rəqibindən səhvsiz oynayaraq meydandan qalib ayrılıb - 3:2 (23:25, 27:29, 25:15, 25:23, 15:10).Günün ikinci qarşılaşması MOİK və “Sərhədçi” komandaları arasında olub. Görüş MOİK-in 25:21 hesablı üstünlüyü ilə başlasa da, ikinci hissədə Qüdrət Məlikovun komandası 25:23 hesabı ilə qalib gəlib. Üçüncü və dördüncü setlərdə isə yenidən MOİK 25:12 və 25:18 hesabı ilə qələbə qazanıb – 3:1.İkinci dövrənin ilk turundan sonra MOİK 12 xalla turnir cədvəlində vahid liderliyə yüksəlib. “Murov” 11 xalla ikinci, onlardan 1 xal geri qalan “Neftçi” üçüncüdür. “Ekspress”in aktivində 3 xal olduğu halda, “Sərhədçi” hələ bu hesabı aça bilməyib.xeber100.com  

UEFA Konfrans Liqasında pley-off mərhələsinin ilk oyunlarına start verilib

UEFA Konfrans Liqasında pley-off mərhələsinin ilk oyunlarına start verilib.Nəzərdə tutulan 8 qarşılaşmadan dördü artıq başa çatıb.Gecənin maraqla gözlənilən oyunlarından biri Türkiyədə keçirilib. Ölkənin turnirdəki yeganə təmsilçisi “Fənərbağça” Çexiyanın “Slaviya” (Praqa) komandasını qəbul edib. Qarşılaşma meydan sahiblərinin 2:3 hesablı məğlubiyyəti ilə başa çatıb.Oyunda hesabı qonaqlar açıblar. İlk hissənin sonuncu dəqiqəsində İbrahima Traore fərqlənib. 58-ci dəqiqədə “Fənərbağça”nın heyətində Dimitris Pelkas tarazlığı bərpa edib. Lakin 62-ci dəqiqədə Praqa təmsilçisi yenidən önə keçib. Bu dəfə Oskar Dorli adını tabloya yazdırıb. Cəmi 2 dəqiqə sonra Ondrjey Linqr 3-cü topu “sarı-lacivərdlilər”in qapısından keçirib. Oyunda son nöqtəni isə 83-cü dəqiqədə Fərdi Kadıoğlu qoyub. Maraqlıdır ki, bu qolun ötürməsini 75-ci dəqiqədə meydana daxil olan 16 yaşlı yarımmüdafiəçi Arda Güler edib.Digər 3 görüşdə isə PSV Niderlandda İsrailin “Makkabi” (Təl-Əviv), “Midtüllan” Danimarkada Yunanıstanın PAOK, Vyana “Rapid”i Niderlandın “Vitess” klubunu məğlub edib.xeber100.com

“Mançester Yunayted” yarımmüdafiəçisi ilə yollarını ayırıb

“Mançester Yunayted” yarımmüdafiəçisi Andreas Pereyra ilə yollarını ayırıb.İngiltərə klubu 26 yaşlı yarımmüdafiəçini “Flamenqo”ya satıb.Braziliya klubu icarə əsasında komandada çıxış edən milli üzvünün transfer hüquqlarına yiyələnib. Pereyra komanda ilə yeni uzunmüddətli müqavilə bağlayacaq.Qeyd edək ki, Andreas Pereyra 2021-ci ilin yayında icarə əsasında Braziliya klubuna keçmişdi.xeber100.com

Akrobatika gimnastikası üzrə 27-ci Azərbaycan birinciliyi keçiriləcək

Fevralın 24-25-də Milli Gimnastika Arenasında akrobatika gimnastikası üzrə 27-ci Azərbaycan birinciliyi və Bakı çempionatı keçiriləcək.Azərbaycan Gimnastika Federasiyasına istinadla xəbər verir ki, yarışda “Ocaq Sport” klubu, Bakı Gimnastika Məktəbi, “Neftçi” idman klubu, Sumqayıt Olimpiya İdman Kompleksi və Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbindən 41 idmançı iştirak edəcək.İki günlük yarışda qadın, kişi, qarışıq cütlüklər və qadın qrupları medallar uğrunda çoxnövçülükdə mübarizə aparacaqlar.Yarışların Azərbaycan Respublikası Nazirlər Kabinetinin xüsusi icazəsi ilə ölkəmizdə tətbiq edilən mövcud karantin qaydalarına və sanitar-epidemioloji tələblərə uyğun olaraq və tamaşaçı iştirakı olmadan keçiriləcək.xeber100.com  

“Salernitana” futbol klubunun yeni baş məşqçisi müəyyənləşib

İtaliyanın “Salernitana” klubunun yeni baş məşqçisi müəyyənləşib.Klubun rəsmi saytı xəbər verir ki, A seriyası təmsilçisini Davide Nikola çalışdıracaq.“Cenoa”, “Torino” kimi bir sıra klomandalara da baş məşqçilik etmiş mütəxəssis yeni komandasında Stefano Kolantuononu əvəzləyib.Qeyd edək ki, “Salernitana” A seriyasında 23 oyundan cəmi 13 xal toplayıb.xeber100.com