İsveç milli komandası XV Avropa çempionatının qalibi olub

Kişi həndbolçulardan ibarət İsveç milli komandası XV Avropa çempionatının qalibi olub.İsveçlilər Budapeştdə keçirilən qitə çempionatının finalında İspaniya yığmasına 27:26 hesabı ilə qalib gələrək kuboku başları üzərinə qaldırıblar.Bu qələbə ilə İsveç millisi kişilər arasında həndbol üzrə Avropa çempionatında beşinci dəfə qalib gəlməklə özlərinə məxsus əvvəlki rekordu yeniləyiblər. Fransa millisi üç, İspaniya, Almaniya və Danimarka yığmaları iki, Rusiya seçməsi isə bir dəfə Avropa çempionu adını qazanıblar.Qeyd edək ki, növbəti Avropa çempionatı 2024-cü ildə Almaniyada keçiriləcək.xeber100.com

Sərbəst güləş üzrə “Fəcr” kuboku uğrunda yarış keçirilib

İranın Urmiya şəhərində sərbəst güləş üzrə “Fəcr” kuboku uğrunda yarış keçirilib.Yeniyetmələr arasında baş tutan komanda yarışında millimiz də iştirak edib.Keçirdiyi 22 görüşdən 20-də qələbə qazanan yığmamız birinci yeri tutub və kuboka sahib çıxıb. İkinci yeri Xoy, üçüncü yeri isə Naxçıvan komandası tutub.xeber100.com

Niderlandda keçirilən “Tata Steel Masters” şahmat turnirində

Niderlandın Veyk-an-Zee şəhərində “Tata Steel Masters” şahmat turnirində Şəhriyar Məmmədyarov ikinci yeri tutub.Azərbaycan təmsilçisi 13-cü turda ABŞ şahmatçısı Fabiano Karuana ilə heç-heçə edib. Yekun nəticədə Ş.Məmmədyarov 8 xalla ikinci yeri tutub.Turnirin qalibi 9,5 xalla hazırkı dünya çempionu, norveçli Maqnus Karlsen olub.Dairəvi sistem üzrə keçirilən yarışda 14 şahmatçı iştirak edib.xeber100.com

Azərbaycan Qılıncoynatma Federasiyasının məlumatına görə…

Sablya üzrə qadınlardan ibarət komandamız dünya kubokunun finalına yüksəlib.Azərbaycan Qılıncoynatma Federasiyasının məlumatına görə, Anna Başta, Sevil Bünyatova, Valeriya Bolşakova və Polina Kaspiaroviçdən ibarət kollektiv Bolqarıstanın Plovdiv şəhərində keçirilən dünya kubokunun mərhələ yarışında finala yüksəlib. Komandamız yarımfinalda Bolqarıstan millisini 45:32 hesabı ilə məğlub edib.Qılıncoynadanlarımız finalda Fransa seçmə kollektivi ilə qarşılaşacaq.xeber100.com

Polo üzrə 37-ci dünya kuboku turniri davam edir

İsveçrənin Sankt Moritz şəhərində qarüstü polo üzrə 37-ci dünya kuboku turniri davam edir.Azərbaycan Atçılıq Federasiyasından (ARAF) Azərtac-a verilən məlumata görə, altı komandanın iştirak etdiyi nüfuzlu turnirdə Azərbaycanı “Land of Fire” komandası təmsil edir.Yanvarın 27-də start götürən yarışda təmsilçimiz bu gün ikinci matçına çıxıb. İlk oyunda “Perrier Jouet” kollektivini üstələyən poloçularımız yarımfinal mübarizəsində 2019-cu ilin çempionu “Badrutts Palace” ilə üz-üzə gəlib. Hesabda geri düşən “Land of Fire” komandası oyunda geridönüş edərək yekunda 4:2 hesabı ilə qalib gəlib. Beləliklə, təmsilçimiz turnirin final matçına vəsiqə qazanıb. Həlledici görüşdə rəqib “Clinique La Prairie” komandası olacaq.Final matçı yanvarın 30-da baş tutacaq. Görüş Bakı vaxtı ilə saat 17:30-da start götürəcək.Qeyd edək ki, Azərbaycan komandasının heyətində dörd idmançı - kapitan Elçin Camallı, Tito Qaudenzi, Adrian Laplaset və Raul Laplaset mübarizə aparırlar.Oyunların keçirildiyi meydanın yaxınlığında Azərbaycan Atçılıq Federasiyasının təşkilatçılığı ilə Azərbaycana həsr olunmuş çadır quraşdırılıb. Milli adət-ənənələrimizə uyğun şəkildə bəzədilən çadırda Azərbaycanın milli mətbəxinin nümunələri, müxtəlif növ şirniyyatlar, ölkəmizin tarixi arxitekturası, mədəniyyəti və turizm potensialı qonaqlara və yarış iştirakçılarına nümayiş olunur.xeber100.com

Azərbaycan milli komandası Avropa çempionatının final mərhələsində

Futzal üzrə Azərbaycan milli komandası Niderlandda təşkil olunan Avropa çempionatının final mərhələsinin D qrupunda bu gün sonuncu oyununu keçirib.Amsterdam şəhərindəki “Ziggo Dome” Arenada Bosniya və Herseqovina komandası ilə qarşılaşan millimiz 4:2 hesablı qələbə qazanıb. Komandamızın qollarını Bolinya, Eduardo, Rafael Vilela və Qallo vurublar.Yekunda qrupu 3-cü pillədə başa vuran millimiz Avropa çempionatında mübarizəni dayandırıb.xeber100.com

“Tata Steel Masters” şahmat turnirinin 11-ci turunun oyunları keçiriləcək

Yanvarın 28-də Niderlandın Veyk-an-Zee şəhərində “Tata Steel Masters” şahmat turnirinin 11-ci turunun oyunları keçiriləcək.Azərbaycan təmsilçisi Şəhriyar Məmmədyarov növbəti turda rusiyalı şahmatçı Sergey Karyakin ilə mübarizə aparacaq.Qeyd edək ki, doqquz turdan sonra Ş.Məmmədyarov 6 xalla 3-cü pillədə qərarlaşıb. Turnir cədvəlinə 7 xalla hazırkı dünya çempionu, norveçli Maqnus Karlsen başçılıq edir.Dairəvi sistem üzrə keçirilən yarış 13 turdan ibarətdir. Turnirdə 14 şahmatçı iştirak edir.xeber100.com

İngiltərənin “Liverpul” klubu futbolçusunu icarəyə göndərib

İngiltərənin “Liverpul” klubu futbolçusu Viteslav Yaroşu icarəyə göndərib.Bu barədə klubun rəsmi saytı məlumat yayıb. İyirmi yaşlı qapıçı karyerasını “Nots Kaunti”də davam etdirəcək. İngiltərənin beşinci liqasında mübarizə aparan klub oyunçu ilə bu mövsümün sonunadək müqavilə imzalayıb.Qeyd edək ki. Yaroş əvvəllər 9 ay icarə əsasında “Sent Patriks”də (İrlandiya) oynayıb. O, ötən il burada İrlandiya kubokunu qazanıb və klubun ən yaxşı futbolçusu seçilib.xeber100.com

Futzal üzrə Avropa çempionatının final mərhələsində

Futzal üzrə Avropa çempionatının final mərhələsində yanvarın 29-da Bosniya və Herseqovina yığması ilə qarşılaşacaq Azərbaycan millisi Qroningen şəhərindən Amsterdama gəlib. Komandamız matçın baş tutacağı “Ziggo Dome”də bərpa məşqi keçirib.Azərbaycan Futzal Federasiyasına istinadla xəbər verir ki, milli bu gün oyun öncəsi çalışmasını Bakı vaxtı ilə saat 15:30-da reallaşdıracaq. Məşqdən əvvəl baş məşqçi Joze Alesio Da Silvanın və İsa Atayevin iştirakı ilə mətbuat konfransı təşkil olunacaq. Qaydalara uyğun olaraq həm rəsmi məşq, həm də oyun günü komanda üzvlərindən antigen test götürüləcək.Heyətlə bağlı da müəyyən dəyişikliklər var. İlk iki oyunda sarı vərəqə alan Fineo De Arauje cəzalı duruma düşüb və qrupun sonuncu oyununda komandamıza kömək edə bilməyəcək. Əvəzində bir həftə əvvəl COVID-19 anticisim və PCR analizləri pozitiv çıxan və qaldıqları hotel otağında karantinə alınan, Gürcüstan və İspaniyaya qarşı matçlarda iştirak etməyən Qallo və Rövşən Hüseynli bu gündən sərbəstdirlər. Buna görə də hər iki futzalçı Amsterdama gələrək komandaya qoşulub.xeber100.com

Serbiyanın Novi Sad şəhərində keçirilən şahmat üzrə turnir davam edir

Serbiyanın Novi Sad şəhərində şahmat üzrə beynəlxalq turnir davam edir.Yarışda Azərbaycanı təmsil edən Fərid Orucov növbəti – altıncı turda rusiyalı İgor Naumkin ilə mübarizə aparıb. Şahmatçımız rəqibi ilə heç-heçəyə razılaşıb. Ötən turların nəticəsinə görə, təmsilçimiz 5,5 xalla liderliyini daha da möhkəmləndirib. Onun ən yaxın izləyicisi Dejan Tasev 3,5 xala malikdir. İsveçrə sistemi üzrə keçirilən turnir səkkiz turdan ibarətdir.Yarışda 12 şahmatçı iştirak edir ki, onlardan da dördü qrossmeysterdir.xeber100.com