İtaliya çempionatının 24-cü turunun mərkəzi qarşılaşması keçirilir

Fevralın 5-də futbol üzrə İtaliya çempionatının 24-cü turunun mərkəzi qarşılaşması keçirilir.“Cuzzepe Meazza” stadionunda baş tutan görüşdə iki əzəli rəqib - “İnter” və “Milan” komandaları qarşılaşıb. Gərgin keçən derbidə "Milan" klubu əzmkar qələbə qazanıb - 1:2.Oyunu daha fəal başlayan "İnter" klubu hesabı matçın 38-ci dəqiqəsində açıb. Hakan Çalxanoğlunun künc ötürməsindən sonra İvan Perişiç qapıya birbaşa zərbə endirib - 1:0.Qoldan sonra irəli atılan meydan rəqibin qapısı qarşısında təhlükəli vəziyyətlər yaradıb. Buna baxmayaraq, komandalar fasiləyə minimal hesabla yollanıb.Qarşılaşmanın ikinci hissəsində "Milan" klubu daha istəkli görsənirdi. Matçın 78-ci dəqiqəsində qonaqlar hesabı bərabərləşdirib. Təcrübəli hücumçu iki dəqiqə sonra komandasının qələbə topunu vurmağa da nail olub - 1:2. Beləliklə, "Milan" derbidə geri dönüş edərək qələbə qazanıb. Bu qələbə sayəsində "rossoneri"lər xal ehtiyatını 52-yə çatdıraraq ikinci pilləyə yüksəlib. "İnter" isə 53 xalla liderdir.Qeyd edək ki, Milan derbisi 179-cu dəfə baş tutub. Bu matçların 69-da “İnter”, 54-də isə “Milan” qalib gəlib. Bundan başqa, 56 görüş heç-heçə nəticələnib. “Della Madonnina” adlanan Milan derbilərinin sonuncusu İtaliya A Seriyasının 10-cu turuna təsadüf etmişdi. Həmin oyunda qalib müəyyənləşməyib – 1:1.xeber100.com

“Sabah” futbol klubu heyətini yeni futbolçu ilə gücləndirib

Paytaxt təmsilçisi “Sabah” klubu heyətini yeni futbolçu ilə gücləndirib.Klubun rəsmi saytı xəbər verir ki, Kristian da Silva Fil bundan sonra paytaxt təmsilçisinin uğurları üçün çalışacaq. Braziliyalı yarımmüdafiəçi ilə 1,5 illik müqavilə bağlanıb.Otuz üç yaşlı oyunçu yeni komandasında 15 nömrəli formada çıxış edəcək.Qeyd edək ki, Kristian da Silva Fil karyerası ərzində ölkəsinin “Tuna Luso”, “Anapolis”, Kiprin APOEL, Rumıniyanın ÇFR, Portuqaliyanın “Nasional”, “Pasuş de Ferreyra”, “Feyrense”, “Kaza Pia” klublarında çıxış edib. Onun son komandası Portuqaliyanın "Koimbra" klubu olub.xeber100.com

Pekində XXIV Qış Olimpiya Oyunlarının açılış mərasimi keçiriləcək

Bu gün Pekində XXIV Qış Olimpiya Oyunlarının açılış mərasimi keçiriləcək.Pekin Milli Stadionunda təşkil olunacaq tədbir Bakı vaxtı ilə saat 16:00-da başlayacaq.Oyunlarda 91 ölkədən ümumilikdə 3 minədək idmançı qüvvəsini sınayacaq. Yarışda 15 idman növü üzrə 109 dəst medal öz sahibini tapacaq.Pekin tarixdə yeganə şəhərdir ki, həm Yay, həm də Qış Olimpiya Oyunlarına ev sahibliyi edib. Çinin paytaxtının Qış Olimpiya Oyunlarına ev sahibliyi etməsi barədə qərar Beynəlxalq Olimpiya Komitəsinin 2015-ci il iyulun 31-də Kuala-Lumpurda təşkil olunan iclasında qəbul olunub.Olimpiadanın medallarının bir üzündə Çin harmoniya fəlsəfəsini təcəssüm etdirən beş halqa və “Pekin-2022”nin loqosu, digər tərəfində isə Olimpiya halqalarının təsviri əks olunub.Koronavirus pandemiyası ilə əlaqədar Oyunları yalnız Çin vətəndaşları izləyə biləcəklər. Əcnəbi azarkeşlər isə yarışa buraxılmayacaqlar.Fevralın 20-dək davam edəcək dördilliyin zirvə yarışında Azərbaycanı fiqurlu konkisürənlər Vladimir Litvintsev və Yekaterina Ryabova təmsil edəcəklər. Komandanın bayraqdarı olan V.Litvintsev fevralın 8-də və 10-da buz üzərinə çıxacaq. Fevralın 15-də və 17-də isə Y.Ryabova öz məharətini sərgiləyəcək.xeber100.com  

Futbol üzrə final mərhələsinin cavab oyunlarının təqvimi müəyyənləşib

Futbol üzrə Azərbaycan kubokunda dörddəbir final mərhələsinin cavab oyunlarının təqvimi müəyyənləşib.Üç günü əhatə edəcək mərhələyə fevralın 11-də “Keşlə” – “Qarabağ” oyunu ilə start veriləcək. Saat 18:00-da başlayacaq görüş “ASK Arena”da keçiriləcək.Fevralın 12-də bir görüş təşkil ediləcək. “Bank Respublika Arena” stadionunda “Sabah” komandası “Neftçi” ilə üz-üzə gələcək. Qarşılaşmanın vaxtı 16:00-da təyin olunub.Növbəti gün iki görüşlə yarımfinal mərhələsinə adlayan bütün iştirakçıların adları məlum olacaq. Günün il görüşündə “Qəbələ” öz meydanında “Sumqayıt” klubunu qəbil edəcək. Qəbələ şəhər stadionunda baş tutacaq matç saat 15:00-da başlayacaq.Son oyunda isə “Səbail” öz meydanında “Zirə” klubu ilə görüşəcək. Saat 18:00-da keçiriləcək qarşılaşma “ASCO Arena” oynanılacaq.Mərhələnin bütün görüşləri “CBC Sport” kanalı vasitəsilə canlı yayımlanacaq.Xatırladaq ki, bu mərhələnin ilk oyunlarında “Zirə” öz meydanında “Səbail”i darmadağın edib (4:0). “Qarabağ” evdə “Keşlə”yə 2:0 hesabı ilə qalib gəlib. “Neftçi” klubu “Sabah”la bərabərə qalıb (1:1). “Qəbələ” isə səfərdə “Sumqayıt”a qalib gəlib (1:0).Qeyd edək ki, Azərbaycanı UEFA Konfrans Liqasının pley-off mərhələsində təmsil edəcək “Qarabağ” komandası “Keşlə”yə qarşı keçirəcəyi səfər oyununun vaxtının bir gün dəyişdirilməsi ilə bağlı Peşəkar Futbol Liqasına (PFL) müraciət edib.Yarışların əsasnaməsini və “Keşlə” klubunun razılıq məktubunu rəhbər tutan PFL “Keşlə”-“Qarabağ” oyununu fevralın 12-dən fevralın 11-nə keçirib.xeber100.com

Parisdə cüdo üzrə “Böyük dəbilqə” turniri start götürəcək

Fevralın 5-də Parisdə cüdo üzrə “Böyük dəbilqə” turniri start götürəcək.Azərbaycan Cüdo Federasiyasının mətbuat xidmətinin məlumatına görə, turnirdə Azərbaycanın 6 cüdoçusu iştirak edəcək. Belə ki, kişilər arasında Kəramət Hüseynov (60 kq), Rüstəm Orucov, Hidayət Heydərov (73 kq), Məmmədəli Mehdiyev (90 kq), Zelim Kotsoev (100 kq), Uşangi Kokauri (+100 kq) mübarizə aparacaqlar.Yarış iki gün davam edəcək.Turnirdə 54 ölkədən 308 idmançı iştirak edəcək.xeber100.com

Azərbaycan Premyer Liqasında komandaların sayı artırılacaq

Futbol üzrə Azərbaycan Premyer Liqasında komandaların sayı artırılacaq.Bunu AFFA-nın icraçı vitse-prezidenti Elxan Məmmədov fevralın 2-də təşkil olunan mətbuat konfransında deyib.E.Məmmədov bildirib ki, hazırda ölkə çempionatında 8 komanda birincilik uğrunda mübarizə aparır. 2022-2023-cü il mövsümündə Premyer Liqada komandaların sayı 10-na artırılacaq. Bu yarışın daha maraqlı və həyəcanlı keçməsinə səbəb olacaq.Konfransda AFFA-nın maliyyə və mühasibatlıq departamentinin rəisi Xalid Cavadov, Milli Olimpiya Komitəsinin vitse-prezidenti Çingiz Hüseynzadə, müstəqil auditor Elnur Kazımov, "Avro-2020"nin irsi" mövzusunda Kamran Vəliyev, "Futbolun İnkişafı Fondu" ilə bağlı təqdimatla Tural Piriyev, VAR sistemi ilə bağlı Fritz Stuçlik, UEFA-nın nümayəndəsi Jozef Kliment və FIFA-nın əməkdaşı Nodar Axalkatsinin çıxışı nəzərdə tutulub.Sonda könüllülərə sertifikatlar təqdim olunacaq.xeber100.com

Azərbaycan kubokunda final mərhələsinin ilk oyunlarına yekun vurulacaq

Bu gün futbol üzrə Azərbaycan kubokunda dörddəbir final mərhələsinin ilk oyunlarına yekun vurulacaq.Günün ilk matçında “Zirə” klubu “Səbail”i qəbul edəcək. Zirə İdman Kompleksinin stadionunda keçiriləcək qarşılaşma saat 17:00-da başlayacaq. Görüşü Kamal Umudlu idarə edəcək. Komandalar indiyədək ölkə kubokunda iki dəfə qarşılaşıb. Hər iki dueldə mərhələni “Zirə” adlayıb. “Səbail” isə qələbə qazana bilməyib. Dörd oyunundan üçü “Zirə”nin xeyrinə başa çatıbsa, bir görüşdə qalib müəyyənləşməyib.Günün son oyunu ötən mövsümün finalçısı “Sumqayıt” klubu ilə “Qəbələ” arasında olacaq. “Kapital Bank Arena”dakı qarşılaşma saat 19:15-də start götürəcək. Matçın baş hakimi FIFA referisi Rauf Cabbarov olacaq. Azərbaycan kubokunda indiyədək yalnız bir dəfə üz-üzə gələn rəqiblər üç il əvvəl finalda görüşüblər. Həmin matçda “Qəbələ” bir qolla qalib gəlib.Xatırladaq ki, mərhələnin ilk oyun günündə iki qarşılaşma keçirilib. “Qarabağ” klubu “Keşlə” komandasını 1:0 hesabı ilə məğlub edib. “Sabah”-“Neftçi” oyunu isə 1:1 hesablı heç-heçə ilə başa çatıb.Qeyd edək ki, dörddəbir final matçının cavab görüşləri fevralın 11-də və 12-də keçiriləcək.xeber100.com

“Everton” futbol klubu heyətini yeni futbolçu ilə gücləndirib

İngiltərənin “Everton” klubu heyətini yeni futbolçu ilə gücləndirib.Mersisayd təmsilçisi “Mançester Yunayted”dən Donni van de Beki icarəyə götürüb. Bu barədə klubun mətbuat xidməti məlumat yayıb.Niderlandlı yarımmüdafiəçi mövsümün sonunadək “Everton”da çıxış edəcək.Qeyd edək ki, “Ayaks”ın yetirməsi olan futbolçu 2020-ci ildən “Mançester Yunayted”də çıxış edir.xeber100.com

“Legiya” klubu daha bir azərbaycanlı futbolçu transfer edib

Polşanın “Legiya” klubu daha bir azərbaycanlı futbolçu transfer edib.Varşava təmsilçisi gənc müdafiəçi Ramil Mustafayevi heyətinə qatıb.Bu barədə klubun rəsmi saytı məlumat yayıb. Polşanın ikinci divizionda mübarizə aparan “Stal” klubundan transfer olunan 18 yaşlı futbolçu ilə müddəti 2025-ci il yayınadək olan müqavilə imzalanıb. O, yeni komandasında 32 nömrəli formanı geyinəcək.2019-cu ildən “Stal”da çıxış edən R.Mustafayev bu mövsüm 13 oyuna 3 qol vurub.“Legiya” ötən yay Azərbaycan millisinin hücumçusu Mahir Emrelini də transfer etmişdi. Lakin o, Varşava təmsilçisinin azarkeşləri ilə yaşadığı problemlə əlaqədar bu klubdan ayrılmağa qərar verib.xeber100.com

Azərbaycan Premyer Liqasının XV turunun oyun cədvəli açıqlanıb

Futbol üzrə Azərbaycan Premyer Liqasının XV turunun oyun cədvəli açıqlanıb.Peşəkar Futbol Liqasının (PFL) saytı xəbər verir ki, iki günü əhatə edəcək tura fevralın 7-də “Keşlə” – “Zirə” oyunu ilə start veriləcək. “ASK Arena” stadionunda oynanılacaq görüş saat 16:00-da başlayacaq.Turun ikinci görüşü “Bakcell Arena”da oynanılacaq. Mərkəzi qarşılaşmada “Neftçi” klubu lider “Qarabağ” komandasını qəbul edəcək.Fevralın 8-də ikinci oyun günündə iki qarşılaşma baş tutacaq. “Qəbələ” klubu səfərdə “Sabah” komandasının qonağı olacaq. “Bank Respublika Arena”da keçiriləcək qarşılaşma saat 17:00-da start götürəcək.Turun son oyunu isə “ASCO Arena”da saat 19:15-də “Səbail” və “Sumqayıt” komandaları arasında baş tutacaq.Bütün görüşlər “CBC Sport” kanalı ilə birbaşa yayımlanacaq.On dörd turdan sonra turnir cədvəlinə 33 xalla “Qarabağ” klubu başçılıq edir. İyirmi altı xal toplayan olan “Qəbələ” ikinci, 22 xalları olan “Neftçi” və “Zirə” klubları isə 3-4-cü yerləri bölüşürlər. Digər pillələrdə müvafiq olaraq “Sabah” (17), “Keşlə” (14), “Sumqayıt” (12) və “Səbail” (10) klubları qərarlaşıblar.xeber100.com