Azərbaycan Premyer Liqasında komandaların sayı artırılacaq

Futbol üzrə Azərbaycan Premyer Liqasında komandaların sayı artırılacaq.Bunu AFFA-nın icraçı vitse-prezidenti Elxan Məmmədov fevralın 2-də təşkil olunan mətbuat konfransında deyib.E.Məmmədov bildirib ki, hazırda ölkə çempionatında 8 komanda birincilik uğrunda mübarizə aparır. 2022-2023-cü il mövsümündə Premyer Liqada komandaların sayı 10-na artırılacaq. Bu yarışın daha maraqlı və həyəcanlı keçməsinə səbəb olacaq.Konfransda AFFA-nın maliyyə və mühasibatlıq departamentinin rəisi Xalid Cavadov, Milli Olimpiya Komitəsinin vitse-prezidenti Çingiz Hüseynzadə, müstəqil auditor Elnur Kazımov, "Avro-2020"nin irsi" mövzusunda Kamran Vəliyev, "Futbolun İnkişafı Fondu" ilə bağlı təqdimatla Tural Piriyev, VAR sistemi ilə bağlı Fritz Stuçlik, UEFA-nın nümayəndəsi Jozef Kliment və FIFA-nın əməkdaşı Nodar Axalkatsinin çıxışı nəzərdə tutulub.Sonda könüllülərə sertifikatlar təqdim olunacaq.xeber100.com

Azərbaycan kubokunda final mərhələsinin ilk oyunlarına yekun vurulacaq

Bu gün futbol üzrə Azərbaycan kubokunda dörddəbir final mərhələsinin ilk oyunlarına yekun vurulacaq.Günün ilk matçında “Zirə” klubu “Səbail”i qəbul edəcək. Zirə İdman Kompleksinin stadionunda keçiriləcək qarşılaşma saat 17:00-da başlayacaq. Görüşü Kamal Umudlu idarə edəcək. Komandalar indiyədək ölkə kubokunda iki dəfə qarşılaşıb. Hər iki dueldə mərhələni “Zirə” adlayıb. “Səbail” isə qələbə qazana bilməyib. Dörd oyunundan üçü “Zirə”nin xeyrinə başa çatıbsa, bir görüşdə qalib müəyyənləşməyib.Günün son oyunu ötən mövsümün finalçısı “Sumqayıt” klubu ilə “Qəbələ” arasında olacaq. “Kapital Bank Arena”dakı qarşılaşma saat 19:15-də start götürəcək. Matçın baş hakimi FIFA referisi Rauf Cabbarov olacaq. Azərbaycan kubokunda indiyədək yalnız bir dəfə üz-üzə gələn rəqiblər üç il əvvəl finalda görüşüblər. Həmin matçda “Qəbələ” bir qolla qalib gəlib.Xatırladaq ki, mərhələnin ilk oyun günündə iki qarşılaşma keçirilib. “Qarabağ” klubu “Keşlə” komandasını 1:0 hesabı ilə məğlub edib. “Sabah”-“Neftçi” oyunu isə 1:1 hesablı heç-heçə ilə başa çatıb.Qeyd edək ki, dörddəbir final matçının cavab görüşləri fevralın 11-də və 12-də keçiriləcək.xeber100.com

“Everton” futbol klubu heyətini yeni futbolçu ilə gücləndirib

İngiltərənin “Everton” klubu heyətini yeni futbolçu ilə gücləndirib.Mersisayd təmsilçisi “Mançester Yunayted”dən Donni van de Beki icarəyə götürüb. Bu barədə klubun mətbuat xidməti məlumat yayıb.Niderlandlı yarımmüdafiəçi mövsümün sonunadək “Everton”da çıxış edəcək.Qeyd edək ki, “Ayaks”ın yetirməsi olan futbolçu 2020-ci ildən “Mançester Yunayted”də çıxış edir.xeber100.com

“Legiya” klubu daha bir azərbaycanlı futbolçu transfer edib

Polşanın “Legiya” klubu daha bir azərbaycanlı futbolçu transfer edib.Varşava təmsilçisi gənc müdafiəçi Ramil Mustafayevi heyətinə qatıb.Bu barədə klubun rəsmi saytı məlumat yayıb. Polşanın ikinci divizionda mübarizə aparan “Stal” klubundan transfer olunan 18 yaşlı futbolçu ilə müddəti 2025-ci il yayınadək olan müqavilə imzalanıb. O, yeni komandasında 32 nömrəli formanı geyinəcək.2019-cu ildən “Stal”da çıxış edən R.Mustafayev bu mövsüm 13 oyuna 3 qol vurub.“Legiya” ötən yay Azərbaycan millisinin hücumçusu Mahir Emrelini də transfer etmişdi. Lakin o, Varşava təmsilçisinin azarkeşləri ilə yaşadığı problemlə əlaqədar bu klubdan ayrılmağa qərar verib.xeber100.com

Azərbaycan Premyer Liqasının XV turunun oyun cədvəli açıqlanıb

Futbol üzrə Azərbaycan Premyer Liqasının XV turunun oyun cədvəli açıqlanıb.Peşəkar Futbol Liqasının (PFL) saytı xəbər verir ki, iki günü əhatə edəcək tura fevralın 7-də “Keşlə” – “Zirə” oyunu ilə start veriləcək. “ASK Arena” stadionunda oynanılacaq görüş saat 16:00-da başlayacaq.Turun ikinci görüşü “Bakcell Arena”da oynanılacaq. Mərkəzi qarşılaşmada “Neftçi” klubu lider “Qarabağ” komandasını qəbul edəcək.Fevralın 8-də ikinci oyun günündə iki qarşılaşma baş tutacaq. “Qəbələ” klubu səfərdə “Sabah” komandasının qonağı olacaq. “Bank Respublika Arena”da keçiriləcək qarşılaşma saat 17:00-da start götürəcək.Turun son oyunu isə “ASCO Arena”da saat 19:15-də “Səbail” və “Sumqayıt” komandaları arasında baş tutacaq.Bütün görüşlər “CBC Sport” kanalı ilə birbaşa yayımlanacaq.On dörd turdan sonra turnir cədvəlinə 33 xalla “Qarabağ” klubu başçılıq edir. İyirmi altı xal toplayan olan “Qəbələ” ikinci, 22 xalları olan “Neftçi” və “Zirə” klubları isə 3-4-cü yerləri bölüşürlər. Digər pillələrdə müvafiq olaraq “Sabah” (17), “Keşlə” (14), “Sumqayıt” (12) və “Səbail” (10) klubları qərarlaşıblar.xeber100.com

Serbiyanın Novi Sad şəhərində şahmat üzrə beynəlxalq turnir başlayıb

Bu gün Serbiyanın Novi Sad şəhərində şahmat üzrə beynəlxalq turnir start götürəcək.Azərbaycanı yarışda Abdulla Qədimbəyli təmsil edəcək. Turnir 10 turdan ibarət olacaq və İsveçrə sistemi üzrə keçiriləcək.Yarış fevralın 6-dək davam edəcək.xeber100.com

Cüdo üzrə “Böyük dəbilqə” turniri start götürəcək

Fevralın 5-də Parisdə cüdo üzrə “Böyük dəbilqə” turniri start götürəcək.Beynəlxalq Cüdo Federasiyasının saytı xəbər verir ki, turnirdə Azərbaycanın 6 cüdoçusunun iştirakı planlaşdırılıb. Belə ki, kişilər arasında Kəramət Hüseynov (60 kq), Rüstəm Orucov, Hidayət Heydərov (73 kq), Məmmədəli Mehdiyev (90 kq), Zelim Kotsoev (100 kq), Uşangi Kokauri (+100 kq) mübarizə aparacaqlar.Yarış iki gün davam edəcək.Turnirdə iştirak etmək üçün indiyədək 58 ölkədən 344 idmançı qeydiyyatdan keçib.xeber100.com

İsveç milli komandası XV Avropa çempionatının qalibi olub

Kişi həndbolçulardan ibarət İsveç milli komandası XV Avropa çempionatının qalibi olub.İsveçlilər Budapeştdə keçirilən qitə çempionatının finalında İspaniya yığmasına 27:26 hesabı ilə qalib gələrək kuboku başları üzərinə qaldırıblar.Bu qələbə ilə İsveç millisi kişilər arasında həndbol üzrə Avropa çempionatında beşinci dəfə qalib gəlməklə özlərinə məxsus əvvəlki rekordu yeniləyiblər. Fransa millisi üç, İspaniya, Almaniya və Danimarka yığmaları iki, Rusiya seçməsi isə bir dəfə Avropa çempionu adını qazanıblar.Qeyd edək ki, növbəti Avropa çempionatı 2024-cü ildə Almaniyada keçiriləcək.xeber100.com

Sərbəst güləş üzrə “Fəcr” kuboku uğrunda yarış keçirilib

İranın Urmiya şəhərində sərbəst güləş üzrə “Fəcr” kuboku uğrunda yarış keçirilib.Yeniyetmələr arasında baş tutan komanda yarışında millimiz də iştirak edib.Keçirdiyi 22 görüşdən 20-də qələbə qazanan yığmamız birinci yeri tutub və kuboka sahib çıxıb. İkinci yeri Xoy, üçüncü yeri isə Naxçıvan komandası tutub.xeber100.com

Niderlandda keçirilən “Tata Steel Masters” şahmat turnirində

Niderlandın Veyk-an-Zee şəhərində “Tata Steel Masters” şahmat turnirində Şəhriyar Məmmədyarov ikinci yeri tutub.Azərbaycan təmsilçisi 13-cü turda ABŞ şahmatçısı Fabiano Karuana ilə heç-heçə edib. Yekun nəticədə Ş.Məmmədyarov 8 xalla ikinci yeri tutub.Turnirin qalibi 9,5 xalla hazırkı dünya çempionu, norveçli Maqnus Karlsen olub.Dairəvi sistem üzrə keçirilən yarışda 14 şahmatçı iştirak edib.xeber100.com