Azərbaycan milli komandası Avropa çempionatının final mərhələsində

Yanvarın 26-da futzal üzrə Azərbaycan milli komandası Avropa çempionatının final mərhələsində növbəti oyununu keçirib.Niderlandın Qroningen şəhərində İspaniya komandası ilə qarşılaşan millimiz meydanı 2:2 hesablı heç-heçə ilə tərk edib.İsa Atayevin fərqləndiyi oyunda digər qol avtoqoldan qeydə alınıb.Qrupun digər oyununda isə Gürcüstan millisi Bosniya və Herseqovina seçməsinə 2:1 hesabı ilə qalib gəlib.Azərbaycan millisi ilk oyununda Gürcüstan komandasına 2:3 hesabı ilə uduzub. İspaniya seçməsi isə Bosniya və Herseqovinanı məğlub edib - 5:1.Millimiz qrupun son oyununda yanvarın 29-da Bosniya və Herseqovina komandası ilə üz-üzə gələcək.Hesabında 6 xal olan Gürcüstan millisi qrupda birinci pillədə qərarlaşıb. Yeddiqat Avropa çempionu olan İspaniya seçməsi 4 xalla ikinci, Azərbaycan komandası isə 1 xalla üçüncüdür. Bosniya və Herseqovina yığmasının aktivində isə xal yoxdur.xeber100.com

Şahmat üzrə beynəlxalq turnir davam edir

Serbiyanın Novi Sad şəhərində şahmat üzrə beynəlxalq turnir davam edir.Yarışda Azərbaycanı təmsil edən Fərid Orucov dördüncü turun oyununu heç-heçə ilə başa vurub. Ötən turların nəticəsinə görə, şahmatçımız 3,5 xalla liderliyini davam etdirir. İsveçrə sistemi üzrə keçirilən turnir 8 turdan ibarətdir. Yarışda 12 şahmatçı iştirak edir ki, onlardan da 4-ü qrosmeysterdir.xeber100.com

“Neftçi” futbol klubu panamalı futbolçu ilə bağlı qərarını açıqlayıb

Bakının “Neftçi” klubu Antalyadakı təlim-məşq toplanışı zamanı baxışa çağırdığı panamalı futbolçu Ansoni Alexandro Frias Qonsaleslə bağlı qərarını açıqlayıb.21 yaşlı hücumçunun çıxışı məşqçilər heyətini razı salmayıb. Bu səbəbdən gənc forvard komandadan göndərilib.xeber100.com

Azərbaycan Güləş Federasiyasının məlumatına görə…

Bu gün Rusiyanın Krasnoyarsk şəhərində ikiqat Olimpiya çempionu İvan Yarıginin xatirə turniri start götürüb.Azərbaycan Güləş Federasiyası xəbər verir ki, ilk yarış günündə qadınlardan ibarət millimizin 2 üzvü xalça üzərinə çıxıb.Şəhanə Nəzərova (50 kq) ilk görüşdə rusiyalı Darima Sanjeyevaya minimal fərqlə uduzub - 2:3. Digər güləşçimiz Alyona Kolesnik (59 kq) startda rusiyalı Yuliya Artışkoya “tuşe” ilə qalib gəlib. Yığmamızın təcrübəli üzvü dörddəbir finalda Monqolustan təmsilçisi Şovdur Baatarjavı sonuncu xal prinsipinə əsasən (6:6) üstələyərək yarımfinala yüksəlib. Kolesnik yarımfinalda da Rusiya nümayəndəsi ilə qarşılaşıb. Yuliya Alborova üzərində tam üstünlüklə qələbə (14:1) qazanan Alyona adını finala yazdırıb.Qeyd edək ki, təmsilçimiz yanvarın 28-də həlledici görüşdə rusiyalı Jarqalma Tsırenova ilə qarşılaşacaq.xeber100.com

Şahmat üzrə beynəlxalq turnir davam edir

Serbiyanın Novi Sad şəhərində şahmat üzrə beynəlxalq turnir davam edir.Yarışda Azərbaycanı təmsil edən Fərid Orucov ötən iki turu qələbə ilə başa vurub. Şahmatçımız 2 xalla yerli idmançı Dejan Tasevlə ilk iki pilləni bölüşür.İsveçrə sistemi üzrə keçirilən turnir 8 turdan ibarətdir. Yarışda 12 şahmatçı iştirak edir ki, onlardan da 4-ü qrosmeysterdir.Turnir yanvarın 28-dək davam edəcək.xeber100.com

Azərbaycan Cüdo Federasiyasının məlumatına görə…

Yanvarın 28-də gənclər (U-21) arasında cüdo üzrə Bakı birinciliyinə start veriləcək.Azərbaycan Cüdo Federasiyasının mətbuat xidmətinin  məlumatına görə, Hövsan qəsəbəsində yerləşən Fövqəladə Hallar Nazirliyinin İdman-Sağlamlıq Mərkəzində keçiriləcək yarış federasiya ilə Bakı Şəhər Gənclər və İdman Baş İdarəsinin təşkilatçılığı ilə baş tutacaq.Yarışda Bakının müxtəlif klublarından, cəmiyyətlərindən və idman təşkilatlarından 180-ə yaxın idmançı medallar uğrunda mübarizə aparacaq.İki gün davam edəcək yarışda qızlar 44, 48, 52, 57, 63, 70, 78 +78 kiloqram, oğlanlar isə 55, 60, 66, 73, 81, 90, 100, +100 kiloqram çəki dərəcələrində güclərini sınayacaqlar. Yarışda 2002-2004-cü il təvəllüdlü idamançılar iştirak edəcəklər.Yarışın təşkilində əsas məqsəd fevralın 25-27-də keçiriləcək Azərbaycan birinciliyinə namizədlərin seçimi, həmçinin gənclər arasında idman vasitəsi ilə sağlam həyat tərzinin formlaşdırılması, cüdonun kütləviliyinə və təşviqinə nail olmaqdır.xeber100.com

“Sabah” klubu bu gün növbəti yoxlama matçına çıxacaq

Antalya təlim-məşq toplanışında olan Bakının “Sabah” klubu bu gün növbəti yoxlama matçına çıxacaq.Bakı təmsilçisi Serbiyanın “Mladost” komandası ilə üz-üzə gələcək. Bu, paytaxt klubunun Türkiyədə sonuncu yoxlama oyunu olacaq.Qeyd edək ki, “Sabah” bunadək “Pakş” (Macarıstan) və “Zarya” (Ukrayna) ilə görüşüb. Hər iki matç 1:1 hesabı ilə başa çatıb.xeber100.com

Cüdo üzrə “Böyük dəbilqə” turniri keçiriləcək

Fevralın 5-6-da Parisdə cüdo üzrə “Böyük dəbilqə” turniri keçiriləcək.Beynəlxalq Cüdo Federasiyasının saytı xəbər verir ki, turnirdə Azərbaycanın 8 cüdoçusunun iştirakı planlaşdırılıb. Belə ki, kişilər arasında Kəramət Hüseynov, Əhməd Yusifov (60 kq), Orxan Səfərov (66 kq), Rüstəm Orucov, Hidayət Heydərov (73 kq), Məmmədəli Mehdiyev (90 kq), Zelim Kotsoev (100 kq), Uşangi Kokauri (+100 kq) mübarizə aparacaqlar.Turnirdə iştirak etmək üçün indiyədək 59 ölkədən 380 idmançı qeydiyyatdan keçib.xeber100.com

“Qarabağ” futbol klubunun yoxlama oyununun vaxtı dəyişdirilib

Ağdamın “Qarabağ” klubunun Polşanın “Visla” (Krakov) klubu ilə yoxlama oyununun vaxtı dəyişdirilib.Matç əvvəlcədən qeyd edildiyi kimi Bakı vaxtı ilə saat 18:00-da deyil, 15 dəqiqə tez - 17:45-də start götürəcək.İki komanda arasında əldə edilmiş razılığa əsasən, hazırlıq oyunu 3 hissədən ibarət olacaq.Qeyd edək ki, “Qarabağ”ın Çexiyanın “Bohemians” klubu ilə yoxlama oyunu Antalyaya qar yağması səbəbindən ləğv olunub. Hazırda "Gloria Sport Arena"nın meydançası qardan təmizlənir.xeber100.com

“Ferrari” komandası dördgünlük test yürüşlərinə başlayıb

Bu gün “Ferrari” komandası Fioranoda dördgünlük test yürüşlərinə başlayıb.Xarici KİV-lər xəbər verir ki, komandanın ötən il Formula 1 üzrə dünya çempionatında istifadə etdiyi “SF21” bolidini üç pilot - Karlos Sayns, Çarlz Lekler və “Scuderia”nın sınaq sürücü Robert Şvartsman idarə edəcək.Trasda ilk sınaqlara rusiyalı sürücü - Robert Şvartsman başlayacaq. Daha sonra Çarlz Lekler və Karlos Sayns testlərdən keçəcəklər.“Ferrari” ənənəvi olaraq illərdir ki, Fioranoda sürücüləri və mühəndisləri sınaqdan keçirir.xeber100.com