Azərbaycan Milli Karate Federasiyasının məlumatına görə…

Karate üzrə Azərbaycan milli komandasının üzvü İrina Zaretska (68 kq) yeni mövsümə uğurla başlayıb.Azərbaycan Milli Karate Federasiyasından Azərtac-a bildiriblər ki, Fransanın paytaxtında keçirilən ənənəvi “Paris Open” beynəlxalq turnirində 4 görüş keçirən İ.Zaretska gümüş mükafat qazanıb. Nüfuzlu yarışda 52 ölkədən 458 idmançı iştirak edib.Milli komandanın digər üzvləri fevralda Birləşmiş Ərəb Əmirliklərinin Fujeyra şəhərində keçiriləcək Karate1 Premyer Liqa turirinə hazırlaşırlar. Yeni qaydalara əsasən qarşıdakı turnirdə qadınlardan məhz İ.Zaretskanın iştirakı gözlənilir.xeber100.com

İngiltərə Premyer Liqasında 24-cü turun mərkəzi qarşılaşması keçirilib

Yanvarın 23-də İngiltərə Premyer Liqasında 24-cü turun mərkəzi qarşılaşması keçirilib."Çelsi" klubu öz meydanında "Stenford Bric" stadionunda "Tottenhem" komandasını qəbul edib.Gərgin keçən görüş meydan sahiblərinin 2:0 hesablı qələbəsi ilə başa çatıb. Oyunda hesabı meydan sahibləri 47-ci dəqiqədə açıb. Hakim Ziyeş fərqlənib. Qoldan səkkiz dəqiqə sonra "Çelsi" hesab arasındakı fərqi iki topa çatdırıb. Tiaqo Silva komanda yoldaşı Meyson Mountun ötürməsini dəqiq zərbə ilə tamamlayıb.Bu nəticədən sonra xal ehtiyatını 47-ə çatdıraraq "Çelsi" turnir cədvəlində üçüncü, "Tottenhem" isə 36 xalla 7-ci yerdə qərarlaşıb.xeber100.com

Avropa çempionatının qrup mərhələsində ikinci tura start verilib

Yanvarın 23-də Niderlandda futzal üzrə Avropa çempionatının qrup mərhələsində ikinci tura start verilib.A qrupu çərçivəsində iki oyun keçirilib.Günün ilk matçında Serbiya və Ukrayna milli komandaları üz-üzə gəliblər. Ukrayna millisi rəqibini böyük hesabla məğlub edib - 6:1.Digər oyunda isə son Avropa çempionu Portuqaliya millisi Niderland seçməsi ilə qarşılaşıb. Gərgin idman mübarizəsi şəraitində keçən matçda Portuqaliya futzalçıları 4:1 hesablı qələbə qazanıblar.İlk turda Portuqaliya millisi Serbiyaya 4:2, Niderland yığması isə Ukraynaya 3:2 hesabı ilə qalib gəlib. Hər iki matç Amsterdamdakı "Ziggo Dome" Arenada keçirilib.Qeyd edək ki, D qrupunda mübarizə aparan Azərbaycan millisi ilk oyununda Gürcüstan komandasına 2:3 hesabı ilə uduzub. Seçməmiz növbəti görüşünü yanvarın 26-da İspaniyaya qarşı keçirəcək.xeber100.com

İtaliya A Seriyasında XXIII turun mərkəzi oyunu keçirilib

Yanvarın 23-də futbol üzrə İtaliya A Seriyasında XXIII turun mərkəzi oyunu keçirilib."San-Siro" stadionunda baş tutan görüşdə iki əzəli rəqib - "Milan" və "Yuventus" komandaları üz-üzə gəlib.Meydan sahiblərinin üstünlüyü ilə keçən görüş qolsuz bərabərliklə yekunlaşıb - 0:0. Qarşılaşmanın 28-ci dəqiqəsində meydan sahiblərinin hücumçusu Zlatan İbrahimoviç zədələnərək meydanı tərk edib. Qırx bir yaşlı isveçli forvardı fransalı Olivye Jiru əvəzləyib.Bu nəticədən sonra "Milan" klubu "Napoli" ilə birgə hərəyə 49 xalla 2-3-cü yerləri bölüşür. "Yuventus" isə 42 xalla 5-cidir. Turnir cədvəlinə 53 xalla ehtiyatda bir oyunu olan "İnter" başçılıq edir.xeber100.com

“Liverpul” futbol klubu İngiltərə kuboku yarışında yeni rekorda imza atıb

“Liverpul” klubu İngiltərə kuboku yarışında yeni rekorda imza atıb.Komanda buna turnirin yarımfinalında “Arsenal” ilə matçda nail olub. “Liverpul” rəqibini 2:0 hesabı ilə məğlub edib. Nəticədə “Liverpul” klub tarixində 13-cü dəfə İngiltərə kuboku yarışının finalına vəsiqə qazanıb. Bu da turnir üçün rekorddur.Qeyd edək ki, “Liverpul” daha əvvəl iştirak etdiyi 12 finalda 8 dəfə qalib gəlib və 4 dəfə məğlub olub.xeber100.com  

“Tata Steel Masters” şahmat superturnirinin altıncı turunda

Bu gün Niderlandın Veyk-an-Zee şəhərində “Tata Steel Masters” şahmat superturnirinin altıncı turunun oyunları keçiriləcək.Azərbaycan təmsilçisi Şəhriyar Məmmədyarov növbəti turda turnirin autsayderi isveçli Nils Qradelius ilə görüşəcək.Qeyd edək ki, Ş.Məmmədyarov ötən turlarda 3,5 xal toplayaraq liderliyə yüksəlib.Dairəvi sistem üzrə keçirilən yarış 13 turdan ibarətdir. Turnirdə 14 şahmatçı iştirak edir.xeber100.com

Azərbaycan Cüdo Federasiyasının nəlumatına görə…

Beynəlxalq Cüdo Federasiyası (BCF) növbəti Olimpiya dövrü (2022-2024-cü illər) üçün cüdo idman növü üzrə yeni qaydalar tətbiq edib.Azərbaycan Cüdo Federasiyasının nəlumatına görə, yeni yarış qaydalarına əsasən, bəzi əks fəndlərdə qiymətləndirmə olmayacaq və bir sıra hallarda cüdoçular kəmərdən aşağı tutmalardan da istifadə edə biləcəklər. Eyni zamanda, bəzi fəndlərin əks tərəfə tətbiqi qiymətləndirilməyəcək.İdmançıları qorumaq məqsədi ilə yarış zamanı qanaxma zədəsi iki dəfə həkimin göstərişi ilə müayinə edilə bilər. Həkimin eyni yerdən qanaxmaya müdaxiləsinə yenidən ehtiyac yaranarsa, hakim rəqibi qalib elan edəcək.Bundan əlavə kəmərin və saçın düzəldilməsinə bir dəfə icazə verilir, ikinci dəfə bu hal icazəsiz təkrar olunursa, bu hərəkət şido (xəbərdarlıq) ilə cəzalandırılacaq.Eləcə də, cüdoqi (cüdoçunun yarış paltarı) qaydalara uyğun olmazsa, idmançı yarışdan kənarlaşdırılacaq.Qeyd edək ki, böyüklər arasında dünya çempionatında iştirak üçün idmançı böyüklər arasında reytinq cədvəlində ilk 100-lükdə olmalıdır. Eyni zamanda, gənc idmançılar arasında ilk 16-lıqda olan atletlər də böyüklər arasında dünya çempionatına buraxılacaqlar. İndiyə qədər belə bir məhdudiyyət yox idi.2024-cü il üçün Olimpiya Oyunlarının təsnifat mərhələsi 2022-ci il iyunun 24-də başlayacaq və 2024-cü il iyunun 23-də başa çatacaq. Olimpiya Oyunlarına lisenziya qazanmaq üçün dünya reytinq sıralamasında ilk 17-likdə yer almaq lazım olacaq. İlk 17-likdə eyni ölkədən iki idmançı yer alarsa, onlardan Olimpiya Oyunlarında yalnız biri iştirak edə bilər və bu zaman sıralamaya uyğun olaraq, ilk 17-likdə təmsilçisi olmayan və reytinqdə növbəti ən yüksək yerdə olan ölkənin idmançısı lisenziya əldə edəcək. Bundan başqa, qitələrə müvafiq kvotalar da ayrılacaq və idmançı bu kvotalar üzrə də Olimpiya Oyunlarına lisenziya qazanacaq.Yeni yarış və idman qaydaları 2022-ci il yanvarın 28-30-da keçiriləcək Portuqaliya Qran- Prisindən etibarən tətbiq edilməyə başlanacaq.Azərbaycan Cüdo Federasiyası BCF-in tətbiq etdiyi son dəyişikliklər barədə hakimlər heyəti, milli yığmanın məşqçiləri və idmançıları, həmçinin klub, cəmiyyət və müxtəlif idman təşkilatlarının cüdo üzrə məşqçiləri və mütəxəssisləri üçün növbəti həftədən etibarən beynəlxalq və daxili seminarlar təşkil edəcək, həmçinin izahedici video və çap materialları da hazırlanacaq.Yeni qaydalar daxili yarışlarda 2022-ci ilin mart ayından etibarən tətbiq edilməyə başlanacaq.xeber100.com

“Səbail” klubu müdafiəçi ilə müqaviləni yeniləyib

Bakının “Səbail” klubu müdafiəçi Turan Manafov ilə müqaviləni yeniləyib.Klubun saytı xəbər verir ki, yeni müqavilə 1 il müddətinə nəzərdə tutulub.Futbolçu 2019-cu ildən Bakı təmsilçisinin heyətində çıxış edir.Daha əvvəl T.Manafovun Yunanıstanın “Olimpiakos Volos” klubu ilə anlaşdığı və tezliklə müqavilə imzalayacağı bildirilirdi.xeber100.com

“Everton” futbol klubuna müvəqqəti baş məşqçi təyin olunub

İngiltərənin “Everton” futbol klubuna müvəqqəti baş məşqçi təyin olunub.Premyer Liqa təmsilçisinin rəsmi saytı xəbər verir ki, Rafael Benitesin istefaya göndərilməsindən sonra bu vəzifə Dankan Ferqyusona həvalə edilib.Şotlandiyalı mütəxəssisə Con Ebbrel və Leyton Beyns kömək edəcəklər. Qapıçılar üzrə məşqçi isə Alan Kelli olacaq.Ferqyuson ikinci dəfədir komandanın sükanı arxasına keçir. O, daha əvvəl 2019-cu ildə “Everton”a rəhbərlik edib və komandanı 3 oyunda meydana çıxarıb.xeber100.com

Futzal üzrə Avropa çempionatının final mərhələsinə start veriləcək

Bu gün futzal üzrə Avropa çempionatının final mərhələsinə start veriləcək. Niderlandda təşkil edilən həlledici mərhələnin ilk matçında Serbiya və Portuqaliya komandaları qarşılaşacaqlar. Oyun saat 20:30-da start götürəcək.Turnirin rəsmi açılış mərasimi isə Niderland-Ukrayna görüşündən əvvəl baş tutacaq. Bu duel isə 23:30-da başlayacaq. Hər iki qarşılaşma Amsterdamdakı “Ziggo Dome” Arenasında keçiriləcək. Ümumiyyətlə, qitə birinciliyi Niderlandın iki şəhərində - Amsterdamda və Qroningendə təşkil olunacaq.Sayca 6-cı dəfə bu mərhələdə iştirak edəcək millimiz mübarizəyə yanvarın 22-də başlayacaq. D qrupunun açılış matçında komandamız Gürcüstan yığması ilə üz-üzə gələcək. Bu görüş, eləcə də yanvarın 25-də keçiriləcək İspaniya – Azərbaycan qarşılaşması Qroningendəki “Martini Plaza”da baş tutacaq. İlk dəfə 16 komandanın iştirak etdiyi yarışda qrup mərhələsini ilk iki pillədə başa vuracaq milli komandalar dörddəbir finala vəsiqə qazanacaqlar.Niderlandda tətbiq edilən qadağalarla əlaqədar yanvarın 25-dək keçiriləcək oyunlarda azarkeşlər iştirak etməyəcək. UEFA futzalçıların özlərini yalnız hiss etməməsi üçün tribunalarda fanatların maketini yerləşdirib. Yanvarın 25-dən sonra keçiriləcək oyunlarla bağlı isə Niderland hökumətinin qəbul edəcəyi qərarlara uyğun addım atılacaq.xeber100.com