“Tata Steel Masters” şahmat superturnirinin ikinci turunun oyunları keçirilib

Niderlandın Veyk-an-Zee şəhərində “Tata Steel Masters” şahmat superturnirinin ikinci turunun oyunları keçirilib.Azərbaycan təmsilçisi Şəhriyar Məmmədyarov Rusiya təmsilçisi Andrey Yesipenko ilə mübarizə aparıb. Şahmatçılar 26-cı gedişdə heç-heçəyə razılaşıblar.Qeyd edək ki, şahmatçımızın birinci turda Rusiyanın diğər təmsilçisi Daniil Dubovla görüşü də heç-heçə başa çatıb.Dairəvi sistem üzrə keçirilən yarışda 14 şahmatçı iştirak edir.xeber100.com

İspaniyanın “Real Madrid” klubunun futbolçusu komandanın tarixinə düşüb

İspaniyanın “Real Madrid” klubunun futbolçusu Marselo komandanın tarixinə düşüb.34 yaşlı cinah müdafiəçisi buna “Atletik”i 2:0 hesabı ilə məğlub etdikləri Super kubok yarışının final matçında nail olub.Braziliyalı oyunçu Madrid təmsilçisinin heyətində 23-cü titulunu qazanıb və "kral klubu"nun sabiq kapitanı Serxio Ramosu (22) geridə qoyub.Marselo hazırda Fransisko Gento ilə birlikdə “kral klubu”nda ən çox titula sahib olan futbolçudur.Xatırladaq ki, 2007-ci ildən “Real Madrid”də çıxış edən müdafiəçi klubda ən çox mövsüm keçirən əcnəbi oyunçudur.xeber100.com

Azərbaycan millisi bu gün yoldaşlıq oyunu keçirəcək

Avropa çempionatının final mərhələsinə hazırlığını davam etdirən futzal üzrə Azərbaycan millisi bu gün yoldaşlıq oyunu keçirəcək.Komandamız Borgloon şəhərində Belçika yığmasının qonağı olacaq. Bakı vaxtı ilə saat 17:00-da başlayacaq oyun azarkeşlər üçün qapalı keçiriləcək. Yüngül zədəsi olan İsa Atayev matçda iştirak etməyəcək.Görüşü yerli hakimlər briqadası idarə edəcək. Matçın baş hakimi İbrahim Eljilali olacaq. Ona Juan Boelen və Kris Feytons kömək edəcəklər.Qeyd edək ki, yanvarın 19-dan fevralın 6-dək Niderlandda keçiriləcək Avropa çempionatının final mərhələsində Azərbaycan millisi D qrupunda mübarizə aparacaq. Yığmamız yanvarın 22-də Gürcüstan, dörd gün sonra İspaniya, ayın 29-da isə Bosniya və Herseqovina ilə qarşılaşacaq.xeber100.com

“Tata Steel Masters” şahmat superturniri start götürəcək

Yanvarın 15-də Niderlandın Veyk-an-Zee şəhərində “Tata Steel Masters” şahmat superturniri start götürəcək.Turnirdə Azərbaycanı Şəhriyar Məmmədyarov təmsil edəcək. Yarış yanvarın 30-dək davam edəcək.Ötən il keçirilmiş analoji yarışda niderlandlı Yorden Van Forest karyerasında ən yüksək nəticəyə imza ataraq yarışın qalib olub.xeber100.com

“Neftçi” futbol klubu “Kişvarda” ilə üz-üzə gələcək

Türkiyədə təlim-məşq toplanışında olan “Neftçi” bu gün ilk yoxlama oyununa çıxacaq.Bakı təmsilçisi Macarıstanın “Kişvarda” klubu ilə üz-üzə gələcək.“Emirhan Sports Complex Side”ın stadionunda keçiriləcək matç Bakı vaxtı ilə saat 17:00-da başlayacaq.Qeyd edək ki, yanvarın 25-dək Antalyada toplanışda olacaq “Neftçi” ayın 19-da “Visla” (Plotsk, Polşa), beş gün sonra isə “MOİK 1948”lə (Bolqarıstan) qarşılaşacaq.xeber100.com

“Çelsi” müdafiəçisi ilə müqaviləni uzatmaq üçün danışıqlar aparır

“Çelsi” müdafiəçisi Antonio Rüdigerlə müqaviləni uzatmaq üçün danışıqlar aparır.Xarici KİV-lər xəbər verir ki, klubla 28 yaşlı almaniyalı arasında danışıqlar davam edir. Hazırda şərtlər futbolçunun xeyrinə dəyişdiyi üçün danışıqlarda irəliləyiş əldə olunub. Hadisələrin bu cür inkişafı sayəsində A.Rüdiger Premyer Liqada qalmağa üstünlük verir. Onun klubu ilə müqaviləsi 2022-ci ilin yayınadək nəzərdə tutulub.Almaniyalı futbolçu cari mövsüm 28 oyuna çıxıb, 3 qol vurub və 4 məhsuldar ötürmə edib.xeber100.com

“Yuventus” klubunun futbolçusu “Arsenal”a keçməyə hazırlaşır

İtaliyanın “Yuventus” klubunun futbolçusu Artur Melo “Arsenal”a keçməyə yaxındır.İngiltərə mətbuatı xəbər verir ki, 25 yaşlı braziliyalı yarımmüdafiəçi “Arsenal” ilə artıq razılıq əldə edib.“Arsenal” hazırda “Yuventus”la danışıqlar aparır. Ancaq Turin təmsilçisi futbolçunu satmaq niyyətində deyil. Tərəflər arasında görüşlər davam edir.Qeyd edək ki, Artur Melo cari mövsüm “Yuventus”un heyətində 11 oyunda meydana çıxıb və heç bir məhsuldarlığı ilə seçilməyib.xeber100.com  

Cüdo üzrə Azərbaycan birinciliyi start götürüb

Bakıda yeniyetmələr arasında cüdo üzrə Azərbaycan birinciliyi start götürüb.Hövsan qəsəbəsindəki Fövqəladə Hallar Nazirliyinin (FHN) İdman Sağlamlıq Mərkəzində keçirilən yarışda ölkənin müxtəlif rayon və şəhərlərindən olan klublar, cəmiyyətlər və idman təşkilatlarından 570-ə yaxın (479 oğlan, 89 qız) idmançı mübarizə aparır.Azərbaycan Cüdo Federasiyası və Gənclər və İdman Nazirliyinin birgə təşkilatçılığı ilə keçirilən yarış yanvarın 16-da başa çatacaq.Yarışın təşkilində əsas məqsəd Azərbaycanda cüdonun coğrafiyasını genişləndirmək, yeniyetmələr arasında idmanın bu növünün təbliğinə və təşviqinə nail olmaq, eyni zamanda perspektivli namizədləri yığma komandaya cəlb etməkdir.xeber100.com

“Zirə” klubu təlim-məşq toplanışında ilk yoxlama oyununu keçirib

Bakının “Zirə” klubu Antalyada təlim-məşq toplanışında ilk yoxlama oyununu keçirib.Baş məşqçi Rəşad Sadıqovun komandası Macarıstanın “Peç” klubu ilə üz-üzə gəlib.Görüş Bakı təmsilçisinin 3:5 hesablı məğlubiyyəti ilə başa çatıb. “Zirə”nin heyətində Ağabala Ramazanov, Vüsal Əliyev və İlkin Muradov fərqləniblər.Qeyd edək ki, “Zirə” yanvarın 20-də “Qurnik” (Leçna, Polşa), dörd gün sonra isə “Breqalnitsa” (Şimali Makedoniya) ilə görüşəcək.xeber100.com

XXI əsrin ən məhsuldar qapıçılarının siyahısı açıqlanıb

Beynəlxalq Futbol Tarixi və Statistikaları Federasiyası (IFFHS) XXI əsrin ən məhsuldar qapıçılarının siyahısını açıqlayıb.Azərtac xəbər verir ki, siyahıya 2001-ci il yanvarın 1-dən sonrakı dövrdə ən azı 10 qol vuran qolkiperlər düşüb.Buna dünyanın 18 qapıçısı nail olub. Cədvələ braziliyalı Rojerio Seni başçılıq edir. Braziliyalının hesabında 112 top var.İlk üçlüyü perulu Conni Veqas (37 qol) və Nigeriya təmsilçisi Vinsent Enyeama (24) tamamlayıblar.On səkkiz qapıçıdan 7-si 20 və ya daha çox qol vurub. Azərbaycan futbolunun ən yaxşı bombardir qapıçısı Nizami Sadıqov “18-liy”ə düşməyib. Buna səbəb “Turan”da qolları sıralayan qolkiperin əsasən ötən əsrdə fərqlənməsi, XXI əsrdə az qol vurmasıdır.xeber100.com