İngiltərə Premyer Liqasının səkkizinci turun ilk oyun günündə 7 qarşılaşma olub

Oktyabrın 16-da futbol üzrə İngiltərə Premyer Liqasında səkkizinci turun oyunları keçirilib.Turun ilk oyun günündə 7 qarşılaşma olub. Gecənin ən məhsuldar oyunu "Vatford" və "Liverpul" komandaları arasında qeydə alınıb. Görüş "Liverpul" komandasının böyük hesablı qələbəsi ilə yekunlaşıb - 5:0. Mersessayd təmsilçisinin heyətində Sadio Mane, Roberto Firmino (2) və Məhəmməd Salah fərqləniblər.Son çempion "Mançester Siti" autsayder "Börnli" komandasını qəbul edib. Pep Qvardiolanın yetirmələri aktivlərinə növbəti üç xalı yazıblar. Qarşılaşma Mançester təmsilçisinin 2:0 hesablı qələbəsi ilə yekunlaşıb. Bernardo Silva və Kevin de Brüyne fərqləniblər.Günün bütün görüşlərində aşağıdakı hesablar qeydə alınıb: "Aston Villa" - "Volverhemton" - 2:3; "Lester Siti" - "Mançester Yunayted" - 4:2; "Norviç Siti" - "Brayton" - 0:0; "Southenton" - "Lids Yunayted" - 1:0; "Bredford" - "Çelsi" - 0:1. (oyun davam edir)xeber100.com  

Parisdə cüdo üzrə “Böyük dəbilqə” turniri başlayacaq

Oktyabrın 16-da Parisdə cüdo üzrə “Böyük dəbilqə” turniri başlayacaq.Turnirdə yalnız kişilərdən ibarət Azərbaycan komandası iştirak edəcək. Yarışda Balabəy Ağayev (60 kq), İbrahim Əliyev, İsmayıl İbrahimov (hər ikisi 66 kq), Telman Vəliyev, Hidayət Heydərov (hər ikisi 73 kq), Murad Fətiyev (81 kq), Məmmədəli Mehdiyev (90 kq) və Uşangi Kokauri (+100 kq) mübarizə aparacaqlar.Turnir oktyabrın 17-dək davam edəcək.xeber100.com

Formula 1 üzrə dünya çempionatının təqvimi təsdiqlənib

Oktyabrın 15-də gələn il keçiriləcək Formula 1 üzrə dünya çempionatının təqvimi təsdiqlənib.Təqvimə 245 gün ərzində keçiriləcək 23 yarış daxildir. Azərbaycan Qran-Prisi iyunun 12-də təşkil olunacaq.Formula 1-in ilk mərhələsi martın 20-də Bəhreyndə keçiriləcək. Sonrakı mərhələlərə Səudiyyə Ərəbistanı (27 mart), Avstraliya (10 aprel), İtaliya (24 aprel), ABŞ (8 may), İspaniya (22 may), Monako (29 may), Azərbaycan (12 iyun), Kanada (19 iyun), Böyük Britaniya (3 iyul), Avstriya (10 iyul), Fransa (24 iyul), Macarıstan (31 iyul), Belçika (28 avqust), Niderland (4 sentyabr), İtaliya (11 sentyabr), Rusiya (25 sentyabr), Sinqapur (2 oktyabr), Yaponiya (9 oktyabr), ABŞ (23 oktyabr), Mexsika (30 oktyabr), Braziliya (13 noyabr) və Abu-Dabi (20 noyabr) ev sahibliyi edəcək.xeber100.com

Şahmat üzrə onlayn Avropa çempionatı start götürəcək

Oktyabrın 15-də müxtəlif yaş qruplarında şahmat üzrə onlayn Avropa çempionatı start götürəcək.10, 12, 14, 16, 18 və 20 yaşlı şahmatçıların iştirak edəcəkləri qitə çempionatında Azərbaycanı 45 idmançı təmsil edəcək.İsveçrə sistemi üzrə keçiriləcək çempionat 9 turdan ibarət olacaq. Yarış oktyabrın 21-dək davam edəcək.xeber100.com    

Dünya Güləş Birliyi idmançıların reytinq sıralamasını açıqlayıb

Norveçdə keçirilən dünya çempionatından sonra Dünya Güləş Birliyi (UWW) idmançıların reytinq sıralamasını açıqlayıb.Yunan-Roma güləşində 82 kiloqram çəki dərəcəsində dünya çempionu olan Rafiq Hüseynov bu çəkidə liderliyə yüksəlib. Otuz üç yaşlı pəhləvanımız 70 xalla reytinqə başçılıq edir. R.Hüseynov ən yaxın izləyicisi Adlan Akiyevi (Rusiya) 9 xal qabaqlayır. Güləşçimiz əvvəlki siyahı ilə müqayisədə 23 pillə irəliləyib.Güləşin bu növündə daha 3 həmyerlimiz ilk onluqda yer alıb. 55 kiloqramda Eldəniz Əzizli 39 xalla ilk üçlüyü qapayır. Osloda bürünc medal qazanan güləşçimiz 4 pillə irəliləyib. Taleh Məmmədov (63 kq) 6-cı yerdən 3-cü yerə yüksəlib. Təcrübəli pəhləvanımızın hesabında 38 xal var. Sənan Süleymanov (77 kq) isə böyük sıçrayış edib. Dünya çempionatında gümüş medalı boynundan asan güləşçimiz xal ehtiyatını 58-ə çatdırmaqla 15-ci pillədən 3-cü sıraya yüksəlib.Sərbəst güləşdə millimizin 4 üzvü öz çəkilərində ilk onluqda yer alıb. Tokio Olimpiadasında gümüş medal əldə edən Hacı Əliyev (65 kq) üçüncü yerdən altıncı yerə enib. Buna səbəb 44 xala malik titullu idmançımızın dünya çempionatını buraxması olub. Mundialda medalın bir addımlığında dayanan Turan Bayramov 70 kiloqram çəki dərəcəsində iki həmkarını geridə qoyaraq 4-cü yerə yüksəlib. Gənc güləşçimizin hesabında 38 xal var. Abubakr Abakarov (86 kq) böyük irəliləyişə nail olub. Hazırda 25 xalla ilk onluğu qapayan təmsilçimizin əvvəlki mövqeyi 33-cü pillə idi. Osman Nurməhəmmədov (92 kq) 11-ci pilləni 3-cü yerlə əvəzləyib. Dünya üçüncüsü 39 xala malikdir.Qadın güləşinə gəlincə, Mariya Stadnik (50 kq) bir pillə geriləyib. Millimizin lideri 60 xalla üçüncü pillədə qərarlaşıb. Elis Manalova (68 kq) 22 xalla ilk onluğu qapayır.xeber100.com

Milli komandamız dünya çempionatının seçmə mərhələsi çərçivəsində

Qadın futbolçulardan ibarət Azərbaycan milli komandasının dünya çempionatının seçmə mərhələsi çərçivəsində Monteneqro millisinə qarşı keçirəcək oyunu idarə edəcək hakimlər müəyyənləşib.Oktyabrın 21-də Podqoritsada keçiriləcək Monteneqro - Azərbaycan qarşılaşmasını Bolqarıstandan olan hakimlər briqadası idarə edəcək.Matçın baş hakimi Kristina Georgieva olacaq. Ona Yekaterina Marinova və Pavleta Raşkova kömək edəcəklər. Dördüncü hakim funksiyasını Kristiyana Guteva yerinə yetirəcək.xeber100.com    

Şahmat üzrə Avropa çempionatı start götürəcək

Noyabrın 12-də Sloveniyada komandalar arasında şahmat üzrə Avropa çempionatı start götürəcək.Kişilərin yarışında Azərbaycan yığmasının heyətində Şəhriyar Məmmədyarov, Teymur Rəcəbov, Rauf Məmmədov, Qədir Hüseynov və Nicat Abasov çıxış edəcəklər. Qadınlar arasında turnirdə komandamızın tərkibində Günay Məmmədzadə, Gülnar Məmmədova, Xanım Balacayeva, Ülviyyə Fətəliyeva və Gövhər Beydullayeva mübarizə aparacaqlar.Avropa çempionatında kişilərin yarışında 18, qadınların mübarizəsində isə 30 komanda iştirak edəcək.Kişilər arasında Azərbaycan komandası reytinq üzrə ikinci sırada qərarlaşıb. Turnirin reytinq favoriti isə Rusiya komandasıdır.Çempionata noyabrın 21-də yekun vurulacaq.xeber100.com

Azərbaycan Boks Federasiyasının məlumatı əsasında…

Oktyabrın 15-də Monteneqronun Budva şəhərində gənc boksçular arasında Avropa çempionatı start götürəcək.Azərbaycan Boks Federasiyasının rəsmi saytına istinadla xəbər verir ki, 9 gün davam edəcək yarışda Azərbaycan milli komandası da qüvvəsini sınayacaq.Yığmamız çempionata baş məşqçi Əsgər Eyvazov, məşqçilər Əli İsmayılov və Şahin İmranovun rəhbərliyi altında 9 boksçu ilə yollanıb. Yarışda Tural Sarıyev (48 kq), Nicat Hüseynov (51 kq), Kamil Babayev (54 kq), Tacı Tağızadə (57 kq), Zaur Qəhrəmanov (60 kq), Qulu Quliyev (63,5 kq), Nicat Qurbanov (71 kq), Fətəli İsmayılov (86 kq) və Rəşid Məmmədov (92 kq) qüvvələrini sınayacaqlar.Budvada Fuad Aslanov isə hakim kimi ədaləti qoruyacaq.Qeyd edək ki, bu gün səfərə çıxan komandamız oktyabrın 24-də Bakıya qayıdacaq.xeber100.com

XXI əsrdə ən çox het-trik edən futbolçuların siyahısı açıqlanıb

XXI əsrdə ən çox het-trik edən futbolçuların siyahısı açıqlanıb.“Transfermarkt” portalının hazırladığı siyahıda ilk beşliyin birinci pilləsində Portuqaliya millisinin hücumçusu Kriştiano Ronaldo qərarlaşıb. Belə ki, o, indiyədək 58 het-trik edib.Lionel Messi (55 het-trik), Luis Suares (29 het-trik), Robert Levandovski (26 het-trik) və Neymar (20 het-trik) ilk beşlikdə qərarlaşıblar.xeber100.com

“Titled Tuesday Blitz” turnirinin növbəti mərhələsində

Azərbaycan şahmatçıları “Titled Tuesday Blitz” turnirinin növbəti mərhələsində iştirak ediblər.Azərtac xəbər verir ki, şahmatçımız Vüqar Rəsulov 8,5 xalla 9-cu yeri tutub. Digər şahmatçımız Azər Mirzəyev isə 7,5 xalla 37–ci pillədə qərarlaşıb.Turnirin qalibi isə 9,5 xalla niderlandlı Jorden Van Forrest olub.xeber100.com