Dünya çempionatının seçmə mərhələsi çərçivəsində

Dünya çempionatının seçmə mərhələsi çərçivəsində keçirilmiş Polşa – San-Marino oyunu meydan sahiblərinin qapıçısı Lukaş Fabianski üçün əlamətdar olub.AZƏRTAC xəbər verir ki, 36 yaşlı qapıçı Polşa millisinin heyətində vida matçını keçirib. O, bu oyuna start heyətdə başlayıb və 67-ci dəqiqədə əvəzlənib. Qarşılaşma Polşanın 5:0 hesablı qələbəsi ilə başa çatıb.Hazırda İngiltərənin “Vest Hem” komandasının uğurları üçün çalışan Fabianski Polşa yığmasında 57 oyun keçirib. O, daha əvvəl ölkəsində “Lex” və “Legiya” klublarının, həmçinin İngiltərədə “Arsenal” və “Suonsi Siti”nin də formasını geyinib.xeber100.com

Formula 1 Türkiyə Qran-Prisinin qalibi müəyyənləşib

Oktyabrın 10-da Formula 1 Türkiyə Qran-Prisinin qalibi müəyyənləşib.“İstanbul-Park” avtodromunda təşkil olunan mövsümün 16-cı yarışında “Mercedes”in pilotu Valtteri Bottas birinci olub. İlk üçlüyü “Red Bull Racing”in pilotları Maks Ferstappen və Serxio Peres tamamlayıblar.V.Bottas mövsümdə birinci, karyerasında isə onuncu qələbəsini qazanıb. Türkiyə Qran-Prisi Formula 1 tarixinə düşüb. Belə ki, yarışın tarixində 12-ci dəfədir ki, bütün pilotlar yarışı başa vurmağı bacarıblar.Beləliklə, Formula 1 üzrə dünya çempionatının Avropa mərhələsinə yekun vurulub.Pilotların siyahısına 262,5 xalla M.Ferstappen başçılıq edir. Luis Hamilton ("Mercedes") 256,5 xalla ikinci, V.Bottas isə 177 xalla üçüncü pillədə yer alıb.Konstruktorlar kubokunda "Mercedes" 433,5 xalla birincidir. Hesabında 397,5 xal olan "Red Bull Racing" ikinci, "McLaren" isə 240 xalla üçüncü yerdə qərarlaşıb.Növbəti yarış iki həftə sonra ABŞ-da təşkil olunacaq.Qeyd edək ki, iyunun 6-da Bakı şəhər halqasında təşkil edilən Formula 1 Azərbaycan Qran-Prisində "Red Bull"un pilotu Serxio Peres qalib olmuşdu.xeber100.com

Güləş üzrə dünya çempionatının səkkizinci yarış günündə

Norveçin paytaxtı Osloda güləş üzrə dünya çempionatı sona yaxınlaşır.Səkkizinci yarış günündə - oktyabrın 9-da 63, 67 və 87 kiloqram çəki dərəcələrində çıxış edən yunan-Roma güləşçiləri mübarizəyə qoşulublar.Bu gün millimizin 3 güləşçisi xalçaya çıxacaq. Belə ki, Taleh Məmmədov (63 kq) türkiyəli Mehmet Çeker, Həsrət Cəfərov (67 kq) ABŞ idmançısı Peyton Omaniya, İslam Abbasov (87 kq) gürcüstanlı Laşa Qobadze ilə qarşılaşacaq.Qeyd edək ki, Azərbaycanın sərbəst güləşçilərdən Abubakr Abakarov (86 kq) və Osman Nurməhəmmədov (92 kq) bürünc medal qazanıblar. Qadın güləşçilər yarışı medalsız bitiriblər. Yunan-Roma güləşçilərindən isə Rafiq Hüseynov (82 kq) qızıl, Sənan Süleymanov (77 kq) gümüş, Eldəniz Əzizli (55 kq) isə bürünc medal əldə ediblər.xeber100.com

Milli komandaların tarixinin ən gənc futbolçularının siyahısı açıqlanıb

UEFA-ya üzv olan ölkələrin milli komandalarının tarixinin ən gənc futbolçularının siyahısı açıqlanıb.Beynəlxalq Futbol Tarixi və Statistikaları Federasiyası (IFFHS) 55 yığmanın hər birinin rekordçusunu təqdim edib.Azərbaycan millisi də siyahıda yer alıb. Komandamızın mütləq rekordçusu Araz Abdullayevdir. Yarımmüdafiəçinin millidəki debütü 16 yaş 172 günlüyündə gerçəkləşib. 2008-ci il oktyabrın 11-də ilk dəfə milli forma geyinən futbolçu iki gündən sonra yığma karyerasının 13 illiyini tamamlayacaq.Azərbaycan millisi debütantının gəncliyinə görə Avropada 13-cüdür. Yəni yalnız 12 yığmada daha gənc oyunçular olub.Avropa rekordu serbiyalı Antun Rudinskiyə məxsusdur. O, 15 yaş 32 günlüyündə milli forma geyinib.Serbiyadan başqa, Şimali İrlandiya, Macarıstan, Lüksemburq, Norveç, Çexiya, Belçika, Türkiyə, Yunanıstan, İtaliya, Ermənistan və Andorrada da daha gənc debütant olub.xeber100.com

Azərbaycan milli komandası növbəti oyununu keçirib

İyirmi bir yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində oktyabrın 8-də növbəti oyununu keçirib.Sumqayıtdakı “Kapital Bank Arena”da Finlandiya yığması ilə qarşılaşan millimiz meydanı 1:1 hesablı heç-heçə ilə tərk edib.U-21-in heyətində 86-cı dəqiqədə Rauf Hüseynli fərqlənib.Millimiz seçmə mərhələdə növbəti oyununu oktyabrın 12-də Sumqayıtda “Kapital Bank Arena”da Xorvatiya yığmasına qarşı keçirəcək.xeber100.com

Futbol üzrə dünya çempionatının seçmə mərhələsi çərçivəsində

Futbol üzrə dünya çempionatının seçmə mərhələsi çərçivəsində bu gün Bakı Olimpiya Stadionunda Azərbaycan və İrlandiya milli komandaları qarşılaşacaqlar.Saat 20:00-da başlayacaq oyun “CBC Sport” televiziya kanalı vasitəsilə canlı yayımlanacaq.Qarşılaşmanı Norveçdən olan hakimlər briqadası idarə edəcək. Qarşılaşmanın baş hakimi Espen Eskas olacaq. Ona Kim Thomas Haglund və Oystein Ytterland kömək edəcəklər. Dördüncü hakim funksiyasını Kai Erik Steen yerinə yetirəcək.Matçın VAR hakimi Abdulkadir Bitigen, köməkçi hakim isə Ali Palabıyık (hər ikisi Türkiyə) olacaq.Millimizin yer aldığı A qrupunda Portuqaliya millisi 13 xalla birinci, Serbiya seçməsi 11 xalla ikinci, Lüksemburq 6 xalla üçüncü pillədə qərarlaşıb. İrlandiya seçməsi 2 xalla dördüncü, hesabında 1 xal olan millimiz isə sonuncu pillədə yer alıb.xeber100.com

“Mançester Yunayted” klubunun hücumçusu ən yaxşı oyunçu seçilib

“Mançester Yunayted” klubunun portuqaliyalı hücumçusu Kriştiano Ronaldo sentyabrda İngiltərə Premyer Liqasının ən yaxşı oyunçusu seçilib.Azərtac xəbər verir ki, Ronaldo Premyer Liqada keçirdiyi 3 oyunda 3 qol vurduğuna görə bu ada layiq görülüb. Otuz altı yaşlı hücumçu bu nominasiyada Joao Kanselo (“Mançester Siti”), Antonio Rudiger (“Çelsi”), Məhəmməd Salah (“Liverpul”), Allana Sent-Maksimin (“Nyukasl”) və İsmaila Sarrı (“Uatford”) qabaqlayıb.Xatırladaq ki, Ronaldo Premyer Liqada beşinci, “Mançester Yunayted”ə qayıdışından sonra isə ilk dəfə bu mükafata sahib olur.xeber100.com

Osloda güləş üzrə dünya çempionatı davam edir

Norveçin paytaxtı Osloda güləş üzrə dünya çempionatı davam edir. Mundialın sonuncu 4 günündə yunan-Roma güləşi üzrə mübarizə baş tutacaq.Oktyabrın 6-da püşkatma mərasimi keçirilib və millimizin üzvlərinin ilk rəqibləri müəyyənləşib. Belə ki, Eldəniz Əzizli (55 kq) ukraynalı Koriun Sahradian, Murad Məmmədov (60 kq) Kriştian Keçkemeti (Macarıstan), Taleh Məmmədov (63 kq) türkiyəli Mehmet Çeker, Həsrət Cəfərov (67 kq) ABŞ təmsilçisi Peyton Omaniya (ABŞ), Ülvü Qənizadə (72 kq) İdris İbayev (Almaniya), Sənan Süleymanov (77 kq) Qırğızıstan güləşçisi Kayratbek Tuqolbayev, Rafiq Hüseynov (82 kq) Ranet Kaljola (Estoniya), İslam Abbasov (87 kq) gürcüstanlı Laşa Qobadze, Murad Lokyayev (97 kq) İsveç idmançısı Pontus Lund, Beka Kandelaki (130 kq) isə çexiyalı Stepan David ilə qarşılaşacaq.Qeyd edək ki, oktyabrın 7-də 55, 72, 77 və 82 kiloqram çəki dərəcələrində çıxış edən güləşçilər xalçaya çıxacaqlar. Oktyabrın 8-də 60, 97 və 130, növbəti gün isə 63, 67 və 87 kiloqram çəki dərəcələrində yer alan pəhləvanlar mübarizəyə qoşulacaqlar.xeber100.com

“Titled Tuesday Blitz” turnirinin növbəti mərhələsində iştirak ediblər

Azərbaycan şahmatçıları “Titled Tuesday Blitz” turnirinin növbəti mərhələsində iştirak ediblər.Azərtac xəbər verir ki, şahmatçımız Vüqar Rəsulov 8,5 xalla 13-cü yeri tutub. Digər şahmatçılarımız Murad İbrahimli və Xəzər Babazadə 8 xal toplayıblar.Turnirin qalibi isə 9,5 xalla ABŞ təmsilçisi Kristofer Yu olub.xeber100.com

İspaniya La Liqasının 8-ci turunun mərkəzi qarşılaşmasında

Oktyabrın 2-də futbol üzrə İspaniya La Liqasının 8-ci turunun mərkəzi qarşılaşması keçirilib.“Metropolitano” stadionunda keçirilən görüşdə “Atletiko Madrid” klubu “Barselona”nı qəbul edib.Gərgin keçən görüş meydan sahiblərinin xeyrinə başa çatıb - 2:0.Madrid təmsilçisinin heyətində Tomas Lemar və Luis Suares fərqləniblər.Qələbə sayəsində xallarının sayını 17-yə çatdıran "Atletiko Madrid" ikinci pilləyə yüksəlib. "Barselona" isə 12 xalla 10-cu yerdə qərarlaşıb. Hazırda turnir cədvəlinə bir oyun az keçirən “Real Madrid” başçılıq edir. “Kral” klubunun aktivində 17 xal var.Karlo Ançelottinin yetirmələri bu gün səfərdə “Espanyol” komandasının qonağı olacaqlar.xeber100.com