“Bavariya” klubunun futbolçusu tarixi nailiyyətə imza atıb

Almaniyanın “Bavariya” klubunun futbolçusu Robert Levandovski UEFA Çempionlar Liqasında tarixi nailiyyətə imza atıb.Xarici KİV xəbər verir ki, qitənin ən nüfuzlu klub turnirinin qrup mərhələsinin ikinci turunda “Bavariya”nın “Dinamo Kiyev” komandasını 5:0 hesabı ilə məğlub etdiyi görüş polşalı hücumçu üçün əlamətdar olub. Qarşılaşmada dubl edən Robert Levandovski turnirdə meydana çıxdığı görüşlərdə ardıcıl 18 qələbə qazanan ilk futbolçu kimi tarixə düşüb.Hazırda 6 xalla E qrupuna liderlik edən “Bavariya” qrup mərhələsinin birinci turunda səfərdə “Barselona”nı 3:0 hesabı ilə məğlubiyyətə uğradıb. Komanda üçüncü turda Portuqaliyada “Benfika”nın qonağı olacaq.xeber100.com

Şahmatçılar arasında dörddəbir final mərhələsi start götürəcək

Sentyabrın 30-da İspaniyanın Sitges şəhərində qadın şahmatçılar arasında dünya çempionatının dörddəbir final mərhələsi start götürəcək.Günay Məmmədzadə, Gülnar Məmmədova, Türkan Məmmədyarova, Zeynəb Məmmədyarova və Ülviyyə Fətəliyevanın yer aldığı qadın şahmatçılardan ibarət Azərbaycan millisi dörddəbir finalda qrup oyunlarını birinci yerdə başa vurmuş Gürcüstan komandası ilə qarşılaşacaq.Azərbaycan komandası dörddəbir finala vəsiqəni qrup oyunlarında 4 xal toplayaraq əldə edib.Dörddəbir finalın digər oyunlarında ABŞ - Rusiya, Ukrayna - Ermənistan və Hindistan - Qazaxıstan qarşılaşmaları keçiriləcək. Dünya çempionatına oktyabrın 3-də yekun vurulacaq.xeber100.com

“Champions Chess Tour”un beşinci turunun oyunları keçirilib

Norveçli dünya çempionu Maqnus Karlsenin təşkil etdiyi “Champions Chess Tour”un final mərhələsinin beşinci turunun oyunları keçirilib.Azərbaycan şahmatçısı Teymur Rəcəbov bu turda ermənistanlı Levon Aronyan üzərində 2,5:1,5 hesablı qələbə qazanıb.Digər şahmatçımız Şəhriyar Məmmədyarov isə rusiyalı Vladislav Artemyevə 1,5:2,5 hesabı ilə məğlub olub.Xatırladaq ki, hər matçda rapid üzrə dörd partiya oynanılır. Qalib müəyyənləşməzsə, blits və Armageddon görüşlərinin oynanılması nəzərdə tutulur.Turnirin mükafat fondu 100 min ABŞ dollarıdır.xeber100.com

“Champions Chess Tour”un final mərhələsinin oyunları keçiriləcək

Bu gün norveçli dünya çempionu Maqnus Karlsenin təşkil etdiyi “Champions Chess Tour”un final mərhələsinin dördüncü turunun oyunları keçiriləcək.Yarışda Azərbaycanı qrosmeysterlərimiz Şəhriyar Məmmədyarov və Teymur Rəcəbov təmsil edirlər. Dördüncü turda Ş.Məmmədyarov fransala Maksim Vaşe-Laqrav, T.Rəcəbov polşalı Yan-Kşiştov Duda ilə mübarizə aparacaqlar.Qeyd edək ki, hər matçda rapid üzrə dörd partiya oynanılır. Qalib müəyyənləşməzsə, blits və Armageddon görüşlərinin oynanılması nəzərdə tutulur.Turnirin mükafat fondu 100 min ABŞ dollarıdır.xeber100.com

UEFA-nın B kateqoriyalı məşqçi kursunun birinci mərhələsi başlayıb

AFFA-nın Futbol akademiyasında UEFA-nın B kateqoriyalı məşqçi kursunun birinci mərhələsi başlayıb.Sentyabrın 30-dək davam edəcək məşğələlər təlimatçılar Aslan Kərimov və Osman Rəhimovun iştirakı ilə keçirilir.Kursun ikinci mərhələsi oktyabrın 18-21-də, üçüncü mərhələsi noyabrın 8-11-də, dördüncü mərhələsi isə dekabrın 13-24-də keçiriləcək.xeber10

Futbol üzrə Kipr çempionatında dördüncü turun oyunları keçirilib

Futbol üzrə Kipr çempionatında dördüncü turun oyunları keçirilib. UEFA Avropa Konfrans Liqasında “Qarabağ”ın rəqiblərindən olan “Omoniya” da növbəti matçına çıxıb.Komanda doğma meydanda “Pafos”la qarşılaşıb. “Qarabağ”ın rəqibi bu oyundan heç-heçə ilə ayrılıb - 1:1.“Omoniya” 4 turdan sonra 4 xalla 12 kollektiv arasında 9-cu pillədə qərarlaşıb.“Qarabağ”ın “Omoniya” ilə ilk oyunu sentyabrın 30-da səfərdə, ikinci qarşılaşması isə noyabrın 25-də Bakıda baş tutacaq.xeber100.com  

Şahmatçılar arasında dünya çempionatı start götürür

Bu gün İspaniyanın Sitges şəhərində qadın şahmatçılar arasında dünya çempionatı start götürür.Turnirdə iki turun oyunları keçiriləcək. Günay Məmmədzadə, Gülnar Məmmədova, Türkan Məmmədyarova, Zeynəb Məmmədyarova və Ülviyyə Fətəliyevanın yer aldığı Azərbaycan komandası birinci turda Hindistan yığması ilə mübarizə aparacaq. İkinci turda isə yığmamız Ermənistan komandası ilə üz-üzə gələcək.Dünya çempionatı oktyabrın 3-dək davam edəcək.xeber100.com

Sloveniyanın paytaxtında Avropa voleybol qalası təşkil olunub

Sloveniyanın paytaxtı Lyublyanada Avropa voleybol qalası təşkil olunub.Tədbirdə Avropa Voleybol Konfederasiyasının (CEV) İdarə heyətinin üzvü, Azərbaycan Voleybol Federasiyasının (AVF) baş katibi Cəlil Cəfərov iştirak edib.Qalada 2022-ci ildə qadın və kişi voleybolçular arasında keçiriləcək Çempionlar Liqasının püşkatma mərasimi keçirilib. Püşkatma mərasimində qruplar isveçrəli voleybol ulduzu Coana Haydrix və italiyalı Paola Eqonunun köməyi ilə müəyyən olunub.xeber100.com  

Azərbaycan Premyer Liqasının 2021/2022-ci il mövsümündə

Azərbaycan Premyer Liqasının 2021/2022-ci il mövsümündə ilk qolsuz oyun keçirilib. Bu, V tura təsadüf edib. Turun ikinci günündəki “Sumqayıt” – “Qəbələ” görüşü 0:0 hesabı ilə başa çatıb. Cari mövsümün əvvəlki 19 qarşılaşmasında 4 bərabərlik qeydə alınsa da, onların üçündə 1:1, birində 2:2 hesabına təsadüf olunub. Ölkə çempionatları tarixində bir dəfə 0:0 hesabı daha gec qeydə alınıb. Bu, 2003/2004-cü il mövsümünə təsadüf edib. Həmin vaxt ilk qolsuz matç VI turda gerçəkləşib. 2018/2019-cu və 2019/2020-ci il mövsümlərində isə ilk 0:0 hesabı indiki kimi V tura təsadüf edib.xeber100.com

“Sabah” klubu heyətini daha bir futbolçu ilə gücləndirə bilər

Bakının “Sabah” klubu heyətini daha bir futbolçu ilə gücləndirə bilər.Hazırda klubun düşərgəsində braziliyalı legioner baxışdan keçir. Bu, “Fluminense”nin yetirməsi İqor Qabrieldir.İyirmi iki yaşlı müdafiəçi ilə bağlı son qərarı məşqçilər heyəti verəcək.xeber100.com