UEFA və İtaliya Futbol Federasiyasının birgə əməkdaşlığı çərçivəsində

UEFA və İtaliya Futbol Federasiyasının birgə əməkdaşlığı çərçivəsində “Avro-2020”yə ev sahibliyi edəcək ölkələrdə uşaqlar arasında futbolun kütləviliyinin artırılması, onlar arasında qarışıq rəqabət və yeni oyun formatı yaratmaq, uşaqlara futbol qaydalarını hörmətlə öyrətmək, uşaqların yazı bacarıqlarını və təhsil dəyərlərini təbliğ etmək, UEFA Avropa çempionatına ev sahibliyi edəcək ölkələrin iştirakını genişləndirmək və digər məqsədlərlə “Build Bridges” layihəsi təşkil ediləcək.Azərtac AFFA-ya istinadla xəbər verir ki, layihəyə “Avro-2020”yə ev sahibliyi edəcək şəhərlərdə fəaliyyət göstərən məktəblərdə təhsil alan 11-13 yaşlı uşaqlar (qız, oğlan) qatıla bilərlər.Layihə onlayn platforma üzərindən müxtəlif kriteriyalara uyğun olaraq (fiziki bacarıqlar, musiqi oxumaq, sual-cavab oyunları, son pandemiya dövründə əldə etdiyi təcrübəsini bölüşmək) keçiriləcək. Qeyd edək ki, bir iştirakçı platformada yerləşdirilən bütün nominasiyalar üzrə (fiziki bacarıqlar, musiqi oxumaq, sual-cavab oyunları, son pandemiya dövründə əldə etdiyi təcrübəsini bölüşmək) iştirak edə bilər. Yarış iyunun 4-dək davam edəcək. İştirak etmək istəyənlər bu müddət ərzində qeydiyyatdan keçərək yarışa qatıla bilər. Yarış ərzində qeydiyyat prosesi açıq olacaq.xeber100.com  

Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FIDE) 2021-ci il mayın 1-nə olan reytinq siyahısını açıqlayıb.Azərtac xəbər verir ki, dünyanın ən güclü şahmatçıları arasında ilk onluqda yer alan şahmatçılarımız Şəhriyar Məmmədyarov və Teymur Rəcəbovun mövqeləri dəyişməyib. Belə ki, Ş.Məmmədyarov (2770) səkkizinci, T.Rəcəbov (2765) isə onuncu pillədədirlər.Digər şahmatçılarımız 2665 xalla Nicat Abbasov və Qədir Hüseynov 72-73-cü sırada yer alıblar. Rauf Məmmədov (2654 xal) 1 pillə irəliləyərək 89-cu sırada qərarlaşıb.Kişi şahmatçıların siyahısına norveçli dünya çempionu Maqnus Karlsen (2847) başçılıq edir.Qadın şahmatçılardan Günay Məmmədzadə (2443) 29-cu, Gülnar Məmmədova (2382) 80-ci, Xanım Balacayeva (2376) isə 89-cu yerdədirlər.Qadın şahmatçılar arasında isə birinci pillədə çinli Yifan Hou (2658) ən yüksək reytinq xalına malikdir.xeber100.com

Güləşçilər arasında Avropa çempionatı keçiriləcək

İyunun 14-dən 20-dək Bolqarıstanın Samokov şəhərində yeniyetmə güləşçilər arasında Avropa çempionatı keçiriləcək.Azərtac Azərbaycan Güləş Federasiyasına istinadla xəbər verir ki, qitə birinciliyində hər 3 güləş növü üzrə millilərimiz ölkəmizi təmsil edəcək.Yığmalarımız məsul yarışa Bakıda hazırlaşır. Sərbəst güləşçilər böyük məşqçi Əsgərxan Novruzov, qızlar isə böyük məşqçi Həsrət Məmmədyarovun rəhbərliyi ilə Olimpiya Güləş Mərkəzində təlim-məşq toplanışı keçirlər. Yunan-Roma güləşi üzrə müvafiq komandamız isə Tofiq Bəhramov adına Respublika Stadionunun güləş zalında böyük məşqçi Taleh İsrafilovun tapşırıqlarını icra edir.Qeyd edək ki, analoji yarış sonuncu dəfə 2019-cu ildə İtaliyanın Faenza şəhərində keçirilib. Həmin Avropa çempionatında güləşçilərimiz uğurlu çıxış edərək 4 qızıl, 3 gümüş, 8 bürünc olmaqla, ümumilikdə 15 medal qazanıblar.xeber100.com

Beynəlxalq futbol turnirinə yekun vurulub

Kiyevdə Valeri Lobanovskinin xatirəsinə həsr olunmuş beynəlxalq futbol turnirinə yekun vurulub.Azərtac xəbər verir ki, 21 yaşadək futbolçulardan ibarət Azərbaycan milli komandası turnirdə keçirdiyi ilk oyunda Ukrayna yığması üzərində 1:0 hesablı qələbə qazansa da, ertəsi gün Özbəkistan yığması ilə qarşılaşmada eyni hesabla məğlub olub.Turnirin son oyununda Ukrayna yığmasını 2:0 hesabı ilə məğlub edən Özbəkistan komandası xatirə turnirinin qalibi olub. Milli komandamız isə ikinci yeri tutub.xeber100.com

5-ci Formula 1 Qran-Prisinə hazırlıq işləri çərçivəsində

İyunun 4-6-da Bakıda baş tutacaq 5-ci Formula 1 Qran-Prisinə hazırlıq işləri çərçivəsində İstiqlaliyyət küçəsi ilə Azərbaycan prospektinin kəsişməsində müvəqqəti inşa olunmuş yerüstü piyada keçidinin hər iki dayaq tərəfinə mayın 29-da saat 07:00-da liftin quraşdırılmasına başlanacaq."Bakı Şəhər Halqası" Əməliyyat Şirkətindən Azərtac-a bildiriblər ki, liftlərdən biri Azərbaycan prospektinə düşdüyü üçün həmin yolun bir zolağında nəqliyyatın hərəkəti məhdudlaşdırılacaq. Sürücülərdən xahiş olunur ki, qeyd olunan hissədə bu gecədən etibarən avtomobillərini parklamasınlar.xeber100.com

Milli Gimnastika Arenasında dünya çempionatı davam edir

Bakıda, Milli Gimnastika Arenasında aerobika gimnastikası üzrə dünya çempionatı davam edir.Azərtac xəbər verir ki, yarışda 22 ölkədən 171 gimnast birincilik uğrunda mübarizə aparır.Son dövrlərdə Azərbaycanda inkişaf etdirilən aerobikası gimnastikası üzrə Avropa çempionatı ölkəmizdə ilk dəfə 2019-cu ildə təşkil olunub. Çempionata uğurla ev sahibliyi etmiş Milli Gimnastika Arenası bu dəfə qapılarını dünya birinciliyində iştirak edən gimnastikanın ən dinamik növünün nümayəndələri üçün açıb.Azərbaycanı yarışlarda Ayxan Əhmədli, Balaxanım Əhmədova, Vladimir Dolmatov, Emil Quliyev, Xoşqədəm Quliyeva, Nərminə Hüseynova, Nigar İbrahimbəyli, İmran İmranov, Nurcan Cabbarlı, Akif Kərimli, Elçin Məmmədov və Mədinə Mustafayeva təmsil edirlər.Çempionatın sonuncu günündə müxtəlif proqramlar üzrə final yarışları keçirilir.xeber100.com

Budapeştdə cüdo üzrə dünya çempionatı keçiriləcək

İyunun 6-dan 13-dək Budapeştdə cüdo üzrə dünya çempionatı keçiriləcək.Azərtac xəbər verir ki, Olimpiadaya lisenziya xarakterli çempionatda Azərbaycanı 12 cüdoçu təmsil edəcək. Kişilərin yarışında Davud Məmmədsoy, Kəramət Hüseynov (60 kq), Orxan Səfərov, Nicat Şıxəlizadə (66 kq), Nurlan Osmanov, Hidayət Heydərov (73 kq), Murad Fətiyev, Zelim Tkçayev (81 kq) və Elmar Qasımov (100 kq) mübarizə aparacaqlar.Qadınların mübarizəsində isə ölkəmizi Aişə Qurbanlı, Leyla Əliyeva (48 kq) və Gültac Məmmədəliyeva (52 kq) iştirak edəcəklər.xeber100.com

Aerobika gimnastikası üzrə dünya çempionatı davam edir

Bakıda aerobika gimnastikası üzrə dünya çempionatı davam edir.Azərtac xəbər verir ki, mayın 29-dək davam edəcək yarışda 22 ölkədən 171 gimnast birincilik uğrunda mübarizə aparacaq.Azərbaycanda son dövrlərdə inkişaf etdirilən bu növ üzrə Avropa çempionatı ilk dəfə olaraq 2019-cu ildə təşkil edilmişdi. Aerobika gimnastikası üzrə Avropa çempionatına uğurla ev sahibliyi etmiş Milli Gimnastika Arenası artıq bu dəfə dünya birinciliyi zamanı gimnastikanın ən dinamik növünün nümayəndələri üçün öz qapılarını açıb.Çempionatda gimnastlar fərdi qadın və kişi, qarışıq cütlük, üçlük, qrup, həmçinin aerodans və aerostep proqramlarında yarışacaqlar. Qaydalara əsasən, bir iştirakçı bu kateqoriyaların maksimum üçündə çıxış edə biləcək. Çempionatda hər bir kateqoriya üzrə təsnifat və final mərhələləri baş tutacaq.Azərbaycanı yarışlarda Ayxan Əhmədli, Balaxanım Əhmədova, Vladimir Dolmatov, Emil Quliyev, Xoşqədəm Quliyeva, Nərminə Hüseynova, Nigar İbrahimbəyli, İmran İmranov, Nurcan Cabbarlı, Akif Kərimli, Elçin Məmmədov və Mədinə Mustafayeva təmsil edəcəklər.Çempionatın ikinci günündə gimnastlar qarışıq cütlük, aerodans, qruplar üzrə və kişilər fərdi proqramda təsnifat yarışında güclərini sınayacaqlar. Həmçinin üçlük, aerostep və qadınlar arasında fərdi proqramda final yarışları təşkil olunacaq.xeber100.com

“Champions Chess Tour” seriyasının yarımfinal mərhələsi start götürəcək

Mayın 28-də norveçli dünya çempionu Maqnus Karlsenin təşkil etdiyi “Champions Chess Tour” onlayn seriyasının “The FTX Crypto Cup” turnirinin yarımfinal mərhələsi start götürəcək.Azərtac xəbər verir ki, turnirin dörddəbir finalında niderlandlı Aniş Giriyə qalib gələn Azərbaycan şahmatçısı Teymur Rəcəbov yarımfinalda Maqnus Karlsen ilə qarşılaşacaq. Bu gün şahmatçılar yarımfinalın dörd partiyadan ibarət birinci dövrəsində üz-üzə gələcəklər.Digər yarımfinal oyunu Rusiya təmsilçisi Yan Nepomnyaşi ilə ABŞ şahmatçısı Uesli So arasında baş tutacaq.“The FTX Crypto Cup” turnirinin mükafat fondu 220 min ABŞ dolları məbləğində pul mükafatı və 100 min dollar dəyərində “bitcoin” olacaq.“Champions Chess Tour” onlayn şahmat seriyası ümumilikdə 10 turnirdən ibarətdir. Sentyabradək davam edəcək seriyanın ümumi mükafat fondu isə 1,5 milyon dollardır.xeber100.com

“Zirə” futbol klubu daha 3 futbolçusu ilə yollarını ayırıb

Bakının "Zirə" klubu daha 3 futbolçusu ilə yollarını ayırıb.Azərtac klubun rəsmi saytına istinadla xəbər verir ki, qapıçı Mateus Albino, yarımmüdafiəçi Elvin Camalov və vinger Rodriqo Bonqonqui ilə müqavilə başa çatıb.“Zirə" onlara göstərdikləri xidmətləri qarşılığında təşəkkür edib, karyeralarında uğurlar arzulayıb.Qeyd edək ki, "Zirə" daha əvvəl Ruslan Qurbanov, Kərim Diniyev, Tural Bayramlı, Lazar Corceviç və Klesio Baukla əməkdaşlığa son qoyub. Qəsəbə təmsilçisi əvəzində "Sabah"dan yarımmüdafiəçi Təmkin Xəlilzadəni və "Sumqayıt"dan qapıçı Mehdi Cənnətovu heyətinə qatıb.xeber100.com