Güləş üzrə dünya Olimpiya təsnifat turniri keçiriləcək

Mayın 6-dan 9-dək Bolqarıstanın paytaxtı Sofiyada güləş üzrə dünya Olimpiya təsnifat turniri keçiriləcək.Azərtac Azərbaycan Güləş Federasiyasına istinadla xəbər verir ki, yarışda ölkəmizi təmsil edəcək sərbəst güləş üzrə millimiz mayın 3-də Bolqarıstana yollanıb.Sonuncu lisenziya turnirində baş məşqçi Namiq Abdullayev və böyük məşqçi Zəlimxan Hüseynovun rəhbərliyi altında Georgi Edişeraşvili (57 kq), Abubakr Abakarov (86 kq) və Vahid Qalayev (125 kq) çıxış edəcəklər. Yarışın proqramına əsasən, sərbəst güləşçilər mayın 6-7-də Olimpiya Oyunlarına vəsiqə uğrunda mübarizə aparacaqlar.Güləşin bu növündə 65, 74 və 97 kiloqram çəki dərəcələrində Olimpiadaya vəsiqə təmin edilib. Şərif Şərifov (97 kq) sonuncu dünya çempionatında, Hacı Əliyev (65 kq) və Hacımurad Hacıyev (74 kq) isə Avropa Olimpiya təsnifat turnirində bu vəzifənin öhdəsindən gəliblər.Qeyd edək ki, Dünya Olimpiya Təsnifat turnirində olimpiya kateqoriyalı hakim Asif Şirəliyev ədaləti qoruyacaq.xeber100.com

İngiltərə Çempionşipində 2020/2021-ci il mövsümünün qalibi müəyyənləşib

Futbol üzrə İngiltərə Çempionşipində 2020/2021-ci il mövsümünün qalibi müəyyənləşib.Azərtac xəbər verir ki, bu komanda “Norviç Siti” olub. Daniel Farkenin kollektivi 45-ci turda “Ridinq” üzərində 4:1 hesabı ilə qalib gəlməklə aktivindəki xalların sayı 96-ya yüksəlib. Bununla da “Norviç Siti” ən yaxın izləyicisi “Uotford”la fərqi 8-ə çatdırıb. Beləliklə, klub sona 2 tur qalmış çempionluğu rəsmiləşdirib.Komanda gələn mövsüm üçün Premyer Liqaya vəsiqəni də təmin edib. Bu, “Norviç Siti”nin Çempionşipdə son 3 mövsümdə 2-ci qələbəsidir.Ötən mövsüm də ölkənin əsas çempionatında çıxış edən “Norviç Siti” yarışı sonuncu pillədə tamamlayaraq aşağı liqaya düşmüşdü.xeber100.com

Futbol üzrə Türkiyə çempionatının 39-cu turu çərçivəsində

Mayın 1-də futbol üzrə Türkiyə çempionatının 39-cu turu çərçivəsində keçirilən qarşılaşmada “Beşiktaş” doğma meydanda “Hatayspor”u qəbul edib.Azərtac xəbər verir ki, qarşılıqlı hücumlar şəraitində keçən görüşdə meydan sahibləri qonaqları 7:0 hesabı ilə məğlub edib. İstanbul təmsilçisinin qollarını Babayide David (öz qapısına, 2-ci dəqiqə), Kayl Larin (11, 14, 55, 65), Georges Kevin Nkoudou (38) və Rıdvan Yılmaz (44) vurublar.Hazırda Türkiyə Superliqasının turnir cədvəlinə 81 xalla “Beşiktaş” başçılıq edir. İkinci pillədə 73 xal toplayan “Fənərbağça”, üçüncü pillədə isə 72 xala malik olan “Qalatasaray" qərarlaşıb.Qeyd edək ki, yeni mövsümdə Superliqada 21 komanda yarışır.xeber100.com

“Champions Chess Tour” şahmat seriyasının “New In Chess Classic” turnirində

Dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının “New In Chess Classic” turnirində final mərhələsinin cavab oyunları keçiriləcək.Azərtac xəbər verir ki, Azərbaycan şahmatçısı Şəhriyar Məmmədyarov üçüncü yer uğrunda ermənistanlı Levon Aronyanla həlledici mərhələdə mübarizə aparacaq.Qeyd edək ki, təmsilçimiz birinci matçda iki qələbə qazanıb, ikisində isə məğlub olub. Çempionluq uğrunda norveçli Maqnus Karlsen isə birinci matçda ABŞ təmsilçisi Hikaru Nakamuraya 3:1 hesabı ilə qalib gəlib.Ümumi mükafat fondu 100 min ABŞ dolları olan “New In Chess Classic” turniri mayın 2-də başa çatacaq.“Champions Chess Tour” onlayn şahmat seriyası ümumilikdə 10 turnirdən ibarətdir və 2021-ci ilin sentyabrınadək davam edəcək.xeber100.com

Azərbaycan kubokunda mövsümün ilk het-triki qeydə alınıb

Futbol üzrə Azərbaycan kubokunda mövsümün ilk het-triki qeydə alınıb.Azərtac xəbər verir ki, “Keşlə”nin futbolçusu Sezar Meza Kolli “Zirə” ilə səfər oyununda 3 qol vuraraq komandasının 3:2 hesablı qələbəsində əsas pay sahibi olub. Paraqvaylı futbolçuyadək kubokda sonuncu het-trik 729 gün öncə gerçəkləşib. Həmin vaxt da indiki kimi yarımfinalın cavab matçına təsadüf edən het-trik “Zirə”nin ev oyununda qonaq komandanın futbolçusunun hesabına yazılıb. “Sumqayıt”ın futbolçusu Peyman Babayi 2019-cu il mayın 1-dəki görüşdə 3 qol vurub və komandası 3:3 hesablı heç-heçədən sonra (ilk oyunda 0:0) finala yüksəlib. Hər iki qarşılaşmada qonaqlar Zirə İdman Kompleksində vurulan səfər qollarının sayəsində mərhələ adlayıblar.Sezar həm də “Keşlə”nin heyətində son 14 ildə kubokda bir matça ən azı 3 qol vuran ilk oyunçu olub.xeber100.com

Dünya Güləş Birliyinin məlumatı əsasında…

Mayın 6-9-da Bolqarıstanın paytaxtı Sofiyada dünya Olimpiya təsnifat turniri keçiriləcək.Azərtac Dünya Güləş Birliyinin (UWW) saytına istinadla xəbər verir ki, turnirdə 84 ölkədən 474 idmançı mübarizə aparacaq.Turnirdə ölkəmizi qadın güləşi yarışlarında Türkan Nəsirova (53 kq), Alyona Kolesnik (57 kq), Tatyana Omelçenko (62 kq), Elis Manolova (68 kq) və Gözəl Zutova (76 kq) təmsil edəcəklər.Qeyd edək ki, qadın güləşçilərimizdən yalnız səkkizqat Avropa çempionu Mariya Stadnik (50 kq) “Tokio-2020” Yay Olimpiya Oyunlarına lisenziya qazanıb. Yunan-Roma güləşçilərimizdən isə İslam Abbasov (87 kq) dörd illiyin zirvə yarışında iştirak hüququ qazanıb. Sərbəst güləşçilərimizdən Hacı Əliyev (65 kq), Hacımurad Hacıyev (74 kq) və Şərif Şərifov (97 kq) “Tokio-2020”yə vəsiqəni təmin ediblər. Olimpiadada güləş yarışları avqustun 1-dən 7-dək keçiriləcək.xeber100.com

Azərbaycan Gimnastika Federasiyası yarışlar təşkil edəcək

2021-ci ilin mayında Azərbaycan Gimnastika Federasiyası (AGF) ilk dəfə olaraq aerobika gimnastikası üzrə dünya yaş qrupları yarışlarını təşkil edəcək.Azərtac AGF-yə istinadla xəbər verir ki, sayca 9-cu olan bu yarışlar mayın 21-23-də Milli Gimnastika Arenasında baş tutacaq.Turnirdə 12-14 və 15-17 yaş qruplarında gimnastlar birincilik uğrunda mübarizə aparacaqlar. Hər iki yaş qrupunda gimnastlar fərdi qadın və kişi, qarışıq cütlük, üçlük, qrup proqramları üzrə təsnifat və final mərhələlərində çıxış edəcəklər. Bununla yanaşı, 15-17 yaşlı idmançılar aero dans proqramında da öz qüvvələrini sınayacaqlar.xeber100.com

“Champions Chess Tour” onlayn şahmat seriyasının “New In Chess Classic” turnirində

Dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının “New In Chess Classic” turnirində həlledici mərhələnin ilk qarşılaşmaları keçirilib.Azərtac xəbər verir ki, Azərbaycan şahmatçısı Şəhriyar Məmmədyarov üçüncü yer uğrunda ermənistanlı Levon Aronyanla birinci matçda qarşılaşıblar. Dörd partiyadan ibarət matçda təmsilçimiz iki qələbə qazanıb, ikisində isə məğlub olub. Çempionluq uğrunda norveçli Maqnus Karlsen ilə ABŞ təmsilçisi Hikaru Nakamura arasında qarşılaşma davam edir. Üç partiyanın nəticəsinə görə, M.Karlsen 2:1 hesabla öndədir.Ümumi mükafat fondu 100 min ABŞ dolları olan “New In Chess Classic” turniri mayın 2-də başa çatacaq.“Champions Chess Tour” onlayn şahmat seriyası ümumilikdə 10 turnirdən ibarətdir və 2021-ci ilin sentyabrınadək davam edəcək.xeber100.com

“Champions Chess Tour” şahmat seriyasının “New In Chess Classic” turnirində

Dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının “New In Chess Classic” turnirinin dörddəbir final mərhələsində şahmatçımız Şəhriyar Məmmədyarov uğurla çıxış edib.Azərtac xəbər verir ki, Azərbaycan şahmatçısı dörddəbir finalın birinci matçında 3:1, cavab oyunlarında da isə 2,5:0,5 hesabla FIDE təmsilçisi Alireza Firuzcaya qalib gələrək yarımfinala vəsiqə qazanıb.Digər şahmatçımız Teymur Rəcəbov isə norveçli dünya çempionu Maqnus Karlsenə ikinci matçda 1,5:2,5 hesabla məğlub olub və yarışı tərk edib. Qeyd edək ki, T.Rəcəbovun M.Karlsenlə keçirdiyi birinci matç bərabərliklə (2:2) başa çatmışdı.Beləliklə, yarımfinalda Ş.Məmmədyarovla yanaşı, M.Karlsen, amerikalı Hikaru Nakamura, ermənistanlı Levon Aronyan mübarizə aparacaqlar.Ümumi mükafat fondu 100 000 ABŞ dolları olan turnir mayın 2-dək davam edəcək.xeber100.com

UEFA Avropa Liqasının yarımfinal mərhələsinə start verilir

Aprelin 29-da futbol üzrə UEFA Avropa Liqasının yarımfinal mərhələsinə start verilir.Azərtac xəbər verir ki, İtaliyanın avrokuboklardakı yeganə təmsilçisi “Roma” İngiltərədə “Mançester Yunayted”lə qarşılaşacaq.İngiltərənin digər klubu “Arsenal” isə İspaniyada “Qarabağ”la eyni qrupda mübarizə aparan “Vilyarreal”la üz-üzə gələcək.Qeyd edək ki, yarımfinalın cavab oyunları mayın 6-da olacaq. Turnirin həlledici görüşü mayın 26-da Polşanın Qdansk şəhərindəki eyniadlı stadionunda keçiriləcək.xeber100.com