Azərbaycan millisinin dünya çempionatının seçmə mərhələsi çərçivəsində

Futbol üzrə Azərbaycan millisinin dünya çempionatının seçmə mərhələsi çərçivəsində Qətər yığması ilə yoldaşlıq oyununun hakimləri müəyyənləşib.Azərtac xəbər verir ki, matçın əsas referisi açıqlanmasa da, köməkçiləri artıq bilinir. Yan xətt hakimləri Tomaş Somolani və Branislav Hançko olacaq. Dördüncü hakim funksiyasını isə Peter Kraloviç yerinə yetirəcək. Hakimlər briqadası Slovakiyanı təmsil edir.Martın 27-də Macarıstanın Debretsen şəhərindəki "Nadyerdeyi" stadionunda keçiriləcək qarşılaşma Bakı vaxtı ilə saat 21:00-da başlayacaq.Qeyd edək ki, UEFA Qətər yığmasını Azərbaycan, Portuqaliya, Serbiya, İrlandiya və Lüksemburqun yer aldığı "A" qrupuna daxil edib. Asiya çempionu ilə matçlar hazırlıq xarakteri daşıyacaq.xeber100.com

Beynəlxalq Futbol Tarixi və Statistikaları Federasiyası ən yaxşı klubların siyahısını açıqlayıb

Beynəlxalq Futbol Tarixi və Statistikaları Federasiyası son 10 ilin ən yaxşı klublarının siyahısını açıqlayıb.Azərtac xəbər verir ki, 2011-2020-ci ilin nəticələrini əhatə edən siyahıda 140 klub yer alıb.Azərbaycandan siyahıda yalnız bir klub – “Qarabağ” var. Ağdam təmsilçisi 1149,5 xalla 98-ci yerdə qərarlaşıb.Ağdam təmsilçisi siyahıda ÇSKA (Moskva, Rusiya), “Atalanta” (İtaliya), “Qalatasaray” (Türkiyə), “Monako”, “Lill” (hər ikisi Fransa), “Everton” (İngiltərə) kimi klubları qabaqlayır.xeber100.com

Azərbaycan Triatlon Federasiyasının məlumatı əsasında…

Triatlon üzrə Azərbaycan millisi koronavirus pandemiyası ilə bağlı məcburi fasilədən sonra növbəti yarışda gücünü sınayıb.Azərbaycan Triatlon Federasiyasından Azərtac-a bildiriblər ki, idmançımız Kseniya Levkovskaya Dubayda keçirilən nüfuzlu “İronman 70.3” turnirində çıxış edib.Təmsilçimiz 1,9 kilometr üzgüçülük, 90 kilometr velosiqment və 21,1 kilometr qaçışın daxil edildiyi bütün məsafəni uğurla keçib. Kseniya 4 saat 18 dəqiqə nəticə göstərib və 11-ci olub. Bir müddət əvvəl Levkovskaya Kiyevdə keçirilən “Triatman İron” turnirində qızıl medal qazanmışdı.Triatlet-həvəskarlarımız da Dubay yarışında iştirak ediblər. Aydın Kərimov 5 saat 17 dəqiqə, Fariz Məmmədov 6 saat 6 dəqiqə nəticə göstəriblər.xeber100.com

Avropa Voleybol Konfederasiyası hakimlərə növbəti təyinat göndərib

Avropa Voleybol Konfederasiyası azərbaycanlı hakimlərə növbəti təyinat göndərib.Azərtac Azərbaycan Voleybol Federasiyasına istinadla xəbər verir ki, beynəlxalq dərəcəli hakimlərimiz Eldar Əliyev və Konstantin Selin martın 24-də Çağırış kubokunun final matçlarını idarə edəcəklər.Eldar Əliyev kişi voleybolçular arasında “Ziraat Bankası” (Türkiyə) – “Allians” (İtaliya) cavab matçının ikinci hakimi olacaq. Görüş Ankarada Başkent Voleybol salonunda baş tutacaq. Qarşılaşmanın birinci hakimi isə bolqarıstanlı Georgiev İlian olacaq.Digər beynəlxalq dərəcəli hakimimiz K.Selin isə Türkiyədə Burhan Felek Voleybol salonunda qadın voleybolçular arasında “Yeşilyurt” (Türkiyə) - “Alba” (Rumıniya) klublarının ikinci final qarşılaşmasında hakimlik edəcək. Matçda birinci hakim italiyalı Vaqni İlaria iştirak edəcək.xeber100.com

Futzal üzrə Avropa çempionatının seçmə mərhələsi çərçivəsində

Futzal üzrə Azərbaycan milli komandasının Avropa çempionatının seçmə mərhələsi çərçivəsində Slovakiya yığma komandasına qarşı keçirəcək oyununu idarə edəcək hakimlər açıqlanıb.Azərtac xəbər verir ki, qarşılaşmanı Finlandiyadan olan hakimlər idarə edəcəklər.Matçın baş hakimi Kirill Naishouler olacaq. Ona həmyerlisi Arttu Kyynaeraeinen və slovakiyalı Martin Matula kömək edəcəklər. Qarşılaşmanın saniyəölçəni Slovakiya Futzal Federasiyasının nümayəndəsi Miroslav Jezik, hakim-inspektoru isə belçikalı Perri Gautier olacaq.Qeyd edək ki, Slovakiya-Azərbaycan oyunu aprelin 8-də Levice şəhərindəki idman zalında keçiriləcək.xeber100.com

Futbol üzrə Fransa Birinci Liqasının 30-cu turunun matçında

Futbol üzrə Fransa Birinci Liqasının 30-cu turunun matçında "Pari Sen-Jermen" (PSJ) "Lion"un qonağı olub.Azərtac xəbər verir ki, görüş Lionda "Stad de Lümer" stadionunda keçirilib və qonaqların 4:2 hesablı qələbəsi ilə başa çatıb. Qaliblərin heyətində Kilian Mbappe dubl edib, digər qolları Danilu və Anxel Di Mariya vurub. "Lion"un heyətində İslam Slimani və Maksvell Korne fərqləniblər.Bu, 22 yaşlı Mbappe üçün rekord göstərici olub. O, Fransa çempionatında özünün 100-cü qolunu vurub və bu, göstəriciyə nail olan ən gənc futbolçu olub.Mbappe Birinci Liqanın cari mövsümündə 24 matçda iştirak edib və 18 qol vurub, bununla yanaşı, 6 məhsuldar ötürmə edib.PSJ 63 xal yığaraq Birinci Liqanın yarış cədvəlində birinci yerə yüksəlib. "Lion" 60 xalla üçüncü yerdə qərarlaşıb.xeber100.com

Onlayn şahmat seriyasının dördüncü mərhələsində

Aniş Giri “Champions Chess Tour” onlayn şahmat seriyasının dördüncü mərhələsinin qalibi olub.Azərtac xəbər verir ki, dünya çempionu Maqnus Karlsenin təşkil etdiyi nüfuzlu yarışın final mərhələsində Niderland təmsilçisi Aniş Giri Rusiya şahmatçısı Yan Nepomnyaşinin üzərində qələbə qazanaraq fəxri kürsünün ən yüksək zirvəsində qərarlaşıb. Turnirdə üçüncü yeri isə norveçli dünya çempionu Maqnus Karlsen tutub. O, həlledici qarşılaşmada ABŞ təmsilçisi Uesli So üzərində qələbə qazanıb. Şahmatçılarımız Şəhriyar Məmmədyarov və Teymur Rəcəbov təsnifat mərhələsində mübarizəni dayandırıblar. Qeyd edək ki, turnirin ümumi mükafat fondu 220 min ABŞ dollarıdır. Qalib şahmatçı 60 min, finalçı 40 min, 3-cü yerin sahibi isə 25 min ABŞ dolları qazanacaq. Xatırladaq ki, Teymur Rəcəbov “Champions Chess Tour” seriyası çərçivəsində keçirilən ikinci - “Airthings Masters” turnirinin finalında Ermənistan təmsilçisi Levon Aronyanı məğlub edərək yarışın qalibi olmaqla yanaşı, həm də seriyanın finalına vəsiqə qazanıb. Şahmatçımız seriyanın üçüncü mərhələsində - “Opera Euro Rapid” turnirində isə üçüncü yeri tutub.xeber100.com

İngiltərə Kubokunda 1/4 final mərhələsinin son iki oyunu keçirilib

Futbol üzrə İngiltərə Kubokunda 1/4 final mərhələsinin son iki oyunu keçirilib.Azərtac xəbər verir ki, günün ilk matçında "Çelsi" doğma meydanda "Şeffild Yunayted"i 2 cavabsız qolla məğlub edib.Qolları 24-cü dəqiqədə Oliver Norvud öz qapısına, 90-cı dəqiqədə isə Hakim Ziyeş vurub.Digər qarşılaşmada "Lester Siti" evdə "Mançester Yunayted"ini 3:1 hesabı ilə məğlub edib. Matçın 24-cü dəqiqəsində Keleçi İhenaço meydan sahiblərini hesabda önə çıxarsa da, 14 dəqiqə sonra Meyson Qrinvud tarazlığı bərpa edib. Qarşılaşmanın 52-ci dəqiqəsində Yuri Tilemans "qırmızı şeytanlar"ı ikinci dəfə məyus edib. Görüşdə son nöqtəni isə 78-ci dəqiqədə İhenaço qoyub.Beləliklə, qələbə sayəsində "Çelsi" və "Lester Siti" komandaları yarımfinala vəsiqə qazanıblar. Londonlular bu raundda "Mançester Siti" ilə, Lester təmsilçisi isə "Sautgempton"la qarşılaşacaq.Qeyd edək ki, yarımfinal oyunları aprelin 17-də baş tutacaq.xeber100.com

İtaliya A Seriyasının 28-ci turun növbəti oyunu keçirilib

Futbol üzrə İtaliya A Seriyasının 28-ci turun növbəti oyunu keçirilib.Azərtac xəbər verir ki, cari mövsüm iddialı oyunu ilə diqqət çəkən, turnir cədvəlində ikinci pillədə yer alan “Milan” səfərdə “Fiorentina” klubunun qonağı olub. Oyunda hesabı “Milan” matçın 9-cu dəqiqədə açıb. Milanlıların əsas qol silahı Zlatan İbrahimoviç qapıçı ilə təkbətək mübarizədən qalib ayrılıb. Qarşılaşmanın 17-ci dəqiqəsində meydan sahibləri hesaba tarazlıq gətirib. Erik Pulqar cərimə zərbəsindən sonra baxımlı qola imza atıb. Birinci hissə 1:1 hesablı heç-heçə ilə başa çatıb.Fasilədən dərhal sonra “Fiorentina” yenidən rəqibin qapısına yol tapa bilib. Frank Riberi Dusan Vlahoviçin ötürməsini dəqiq zərbə ilə tamamlayıb. Hücumların kəsərin artıran “Milan” altı dəqiqə sonra fərqlənməyə nail olub. Brahim Diaz adını tabloya yazdırıb. Bu da oyunda son qol olmayıb. Matçın 73-cü dəqiqəsində Türkiyə millisinin futbolçusu Hakan Çalxanoğlu komandasına qələbə qazandıran qola imza atıb. Qalan dəqiqələrdə hər iki komandanın fərqlənməyə şansı olsa da hesab dəyişməyib.Bu qələbə sayəsində xal ehtiyatını 59-a çatdıran “Milan” turnir cədvəlində ikinci yerini möhkəmləndirib. “Fiorentina” isə 29 xalla 14-cü yerdə qərarlaşıb.İtaliya A Seriyasının növbəti turunda "Milan” öz meydanında “Sampdoriya”nı qəbul edəcək. “Fiorentina” isə səfərdə “Genoa”nın qonağı olacaq.xeber100.com

Futbol üzrə Türkiyə çempionatının XXXI turu çərçivəsində

Martın 21-də futbol üzrə Türkiyə çempionatının XXXI turu çərçivəsində İstanbul derbisi keçirilib.Azərtac xəbər verir ki, “Beşiktaş” doğma meydanda “Fənərbağça”nı qəbul edib. Qarşılıqlı hücumlar şəraitində keçən görüşdə hesabı meydan sahiblərinin müdafiəçisi Damaqoy Vida açıb. Lakin oyunun 89-cu dəqiqəsində Ozan Tufan hesabı bərabərləşdirərək komandasını məğlubiyyətdən xilas edib.Beləliklə, "Beşiktaş" - "Fənərbağça" matçında qalib müəyyənləşməyib.Günün digər matçında “Antalyaspor” doğma meydanda “Ərzurumspor”u 3:1 hesabı ilə məğlub edib. "Konyaspor" öz meydanında "Alanyaspor" minimal hesabla üstələyib - 1:0. "Dənizlispor" - "Başakşəhər" qarşılaşmasında isə qapılara qol vurulmayıb.Hazırda Türkiyə Superliqasının turnir cədvəlinə 64 xalla “Beşiktaş” başçılıq edir. İkinci pillədə 61 xal toplayan “Qalatasaray”, üçüncü pillədə isə 59 xalla “Fənərbağça” qərarlaşıb.Qeyd edək ki, yeni mövsümdə Superliqada 21 komanda yarışır. XXXI turda “Hatayspor” istirahət edir.xeber100.com