“İnter” futbol klubu yeni loqosunu ictimaiyyətə təqdim edib

İtaliyanın “İnter” futbol klubu yeni loqosunu ictimaiyyətə təqdim edib.Azərtac klubun “Twitter” hesabına istinadla xəbər verir ki, loqo 3 rəngdən ibarətdir. Emblemdə qara rəngli dairənin içərisində mavi və ağ rənglər yer alıb. Loqonun tam mərkəzində isə İ və M hərfləri (“İnter”, Milan) qeyd olunub. “F” və “C” hərfləri də klubun adında saxlanılıb.Qeyd edək ki, “İnter” İtaliya A seriyasında hazırda 65 xalla liderdir.xeber100.com

Cüdo üzrə “Böyük dəbilqə” turniri keçiriləcək

Aprelin 1-3-də Antalyada cüdo üzrə “Böyük dəbilqə” turniri keçiriləcək.Azərtac xəbər verir ki, bu nüfuzlu yarışda Azərbaycanı 13 cüdoçu təmsil edəcək. Belə ki, kişilər arasında keçiriləcək yarışda Davud Məmmədsoy, Kəramət Hüseynov (hər ikisi 60 kq), Nicat Şıxəlizadə, Orxan Səfərov (hər ikisi 66 kq), Murad Fətiyev, Zelim Tskayev (hər ikisi 81 kq), Elmar Qasımov, Zelim Katsoyev (hər ikisi 100 kq) və Uşangi Kokauri (100 kiloqramdan yuxarı) mübarizə aparacaqlar.Qadınların yarışında isə Aişə Qurbanlı, Leyla Əliyeva (hər ikisi 48 kq), Gültac Məmmədəliyeva və Günel Həsənli (hər ikisi 52 kq) gücünü sınayacaqlar.xeber100.com

2022-ci ildə keçiriləcək futbol üzrə dünya çempionatının seçmə mərhələsində

2022-ci ildə keçiriləcək futbol üzrə dünya çempionatının seçmə mərhələsində səfərdə Gürcüstana qalib gələn (2:1) İspaniya millisi turnirin tarixinə düşüb.Azərtac xəbər verir ki, ispaniyalılar bununla məğlubiyyətsiz oyunlar seriyasını 65-ə çatdırıblar. Bu, dünya çempionatları tarixində rekorddur. İspaniya millisi son dəfə 1993-cü ildə Danimarka ilə görüşdə uduzub - 0:1.Qeyd edək ki, hazırda 4 xalı olan İspaniya yığması “B” qrupunda 2-cidir. İsveç isə 6 xalla liderdir.xeber100.com

Avropa kubokunda şahmatçılarımız təsnifat mərhələsinin 4 turunda mübarizə aparıblar

Klublar arasında start götürən onlayn Avropa kubokunda şahmatçılarımız təsnifat mərhələsinin 4 turunda mübarizə aparıblar.Azərtac xəbər verir ki, yarışda Azərbaycanı 5 komanda - “Odlar Yurdu”, “Vüqar Həşimov”, “Təhsil idman”, “Gənclik” və “Nakhchivan - Noah's Land” komandaları təmsil edir. Komandalarımızdan E qrupunda mübarizə aparan “Odlar Yurdu” (Şəhriyar Məmmədyarov, Qədir Hüseynov, Nicat Abasov, Vasif Durarbəyli, Eltac Səfərli, Cahangir Ağarəhimov) 13,5 xalla birinci pillədədir. Aktivində 14,5 xal olan daha bir komandamız - “Gənclik” (Abdulla Qədimbəyli, Murad İbrahimli, Xəzər Babazadə, Atilla Eynullayev, Read Səmədov, Cahandar Azadəliyev) isə D qrupunda liderliyini davam etdirir.Digər komandalarımız - “Vüqar Həşimov” (Rauf Məmmədov, Vüqar Əsədli, Aydın Süleymanlı, Əhməd Əhmədzadə, Ülvi Sadıqov) H qrupunda 8 xal, “Təhsil idman” (Misrətdin İsgəndərov, Rəsul İbrahimov, Məhəmməd Muradlı, Günay Məmmədzadə, İsmayıl Şahəliyev, Nail Bəşirli) I qrupunda 11 xal, “Nakhchivan - Noah's Land” (Urfan Semdimalıyev, Talıb Babayev, Pərviz Qasımov, Toğrul Həsənzadə, Sadiq Məmmədov və Sadiq Qarayev) G qrupunda 5,5 xal toplayıblar.Bu gün təsnifat mərhələsinin son 5 turunun oyunları baş tutacaq. Yarış dairəvi sistemlə keçirilir.xeber100.com

Formula 1 Bəhreyn Qran-Prisinin təsnifat mərhələsinin üçüncü seqmentində

Formula 1 Bəhreyn Qran-Prisinin təsnifat mərhələsinin üçüncü seqmentində “Red Bull” komandasının niderlandlı pilotu Maks Ferstappen start mövqeyi (pole position) təmin edib.Azərtac xəbər verir ki, “Red Bull”un pilotu əsas rəqibi, “Mercedes” komandasının sürücüsü Luis Hemiltonu 0,388 saniyə qabaqlayıb. Valtteri Botas isə finişə üçüncü çatıb. İlk yürüşdən sonra müsahibə verən Ferstappen bildirib ki, bu start onun karyerasında ən uğurlu olub.Bu gün axşam Bəhreyn trasında Formula 1 mövsümünün ilk yürüşü keçiriləcək.xeber100.com

Nazirlər Kabineti yanında Operativ Qərargahın məlumatı əsasında…

Azərbaycan Respublikasında koronavirusa daha 1690 yoluxma faktı qeydə alınıb, 713 nəfər müalicə olunaraq sağalıb.Nazirlər Kabineti yanında Operativ Qərargahdan Azərtac-a verilən məlumata görə, COVID-19 üçün götürülən analiz nümunələri müsbət çıxmış 19 nəfər vəfat edib.Hazırkı dövrədək ölkəmizdə 254 min 370 nəfərin koronavirus infeksiyasına yoluxması faktı müəyyən edilib. Onlardan 235 min 606 nəfər müalicə olunaraq sağalıb, 3 min 464 nəfər vəfat edib. Aktiv xəstə sayı 15 min 300 nəfərdir.Ötən müddət ərzində 2 milyon 826 min 454 test aparılıb. Bugünkü test sayı isə 9670-dir.xeber100.com

“Böyük dəbilqə” turnirində Azərbaycan komandası daha bir bürünc medal qazanıb

Tbilisidə keçirilən “Böyük dəbilqə” turnirində Azərbaycan komandası daha bir bürünc medal qazanıb.Azərtac xəbər verir ki, yarışda 87 kiloqram çəkidə mübarizə aparan Murad Fətiyev bürünc medal uğrunda kanadalı idmançı Antuane Valua-Forte ilə üz-üzə gəlib. Rəqibi üzərində qələbə qazanan cüdoçumuz üçüncü yeri tutub.Qeyd edək ki, yarışın birinci günündə 60 kiloqram çəki dərəcəsində yarışan Kəramət Hüseynov da bürünc medala sahib olub.Martın 28-dək davam edəcək turnirdə 80 ölkədən 464 cüdoçu mübarizə aparır. Azərbaycan yarışda 11 idmançı ilə təmsil olunur.xeber100.com

Azərbaycan-Qətər oyunun birinci hissəsi başa çatıb

Macarıstanın Debretsen şəhərindəki "Nadyerdeyi" stadionunda beynəlxalq yoldaşlıq görüşü çərçivəsində keçirilən Azərbaycan-Qətər oyunun birinci hissəsi başa çatıb.Azərtac xəbər verir ki, ilk hissədən sonra hesab 1:0 millimizin xeyrinə başa çatıb. Matçın 16-ci dəqiqəsində millimizin hücumçusu Ramil Şeydayev rəqibin qapısına yol tapıb. O, hakimin təyin etdiyi 11 metrlik cərimə zərbəsini dəqiq yerinə yetirib.xeber100.com

Dünya çempionatının 2021-ci ilin payızında keçiriləcəyi təsdiqlənib

Dünya Antidopinq Agentliyi (WADA) sambo üzrə dünya çempionatının 2021-ci ilin payızında Daşkənddə keçiriləcəyini təsdiqləyib.Azərtac xəbər verir ki, bu barədə Beynəlxalq Sambo Federasiyasının (FIAS) mətbuat xidməti məlumat yayıb.Qeyd edək ki, bundan əvvəl dünya çempionatının 2021-ci ilin noyabrın 16-18-də Moskvada keçirilməsi planlaşdırılmışdı. Daha sonra Ümumrusiya Sambo Federasiyası FIAS-a və Moskva meriyasına turnirin 2025-ci ilə qədər təxirə salınması xahişi ilə müraciət etmişdi.Daşkənddə keçiriləcək dünya çempionatı noyabrın 11-15-də baş tutacaq.xeber100.com

Klublar arasında şahmat üzrə onlayn Avropa kuboku start götürəcək

Martın 27-də klublar arasında şahmat üzrə onlayn Avropa kuboku start götürəcək.Azərtac xəbər verir ki, yarışda Azərbaycanı 5 komanda - “Odlar Yurdu”, “Vüqar Həşimov”, “Təhsil idman”, “Gənclik” və “Nakhchivan - Noah's Land” komandaları təmsil edəcək.“Odlar Yurdu” komandasının heyəti Şəhriyar Məmmədyarov, Qədir Hüseynov, Nicat Abasov, Vasif Durarbəyli, Eltac Səfərli, Cahangir Ağarəhimovdan ibarətdir. “Vüqar Həşimov” komandasının heyətində isə Rauf Məmmədov, Vüqar Əsədli, Aydın Süleymanlı, Əhməd Əhmədzadə, Ülvi Sadıqov mübarizə aparacaqlar. Digər komandamız - “Təhsil idman”ı Misrətdin İsgəndərov, Rəsul İbrahimov, Məhəmməd Muradlı, Günay Məmmədzadə, İsmayıl Şahəliyev, Nail Bəşirli təmsil edəcəklər. “Gənclik” yığmasında Abdulla Qədimbəyli, Murad İbrahimli, Xəzər Babazadə, Atilla Eynullayev, Read Səmədov, Cahandar Azadəliyev yer alıblar. “Nakhchivan - Noah's Land” komandasının heyətində isə Urfan Semdimalıyev, Talıb Babayev, Pərviz Qasımov, Toğrul Həsənzadə, Sadiq Məmmədov və Sadiq Qarayev mübarizə aparacaqlar.Qitə kubokunda iştirak edəcək komandaların heyəti 4 əsas, 2 ehtiyat oyunçudan ibarətdir. Şahmatçılar martın 27-28-də təsnifat mərhələsində, ertəsi gün pley-offda, martın 30-31-də isə final oyunlarında mübarizə aparacaqlar.xeber100.com