“Zirə” futbol klubu heyətinə yeni futbolçu cəlb edib

Bakının "Zirə" futbol klubu heyətinə yeni futbolçu cəlb edib.Azərtac xəbər verir ki, Rəşad Sadıqovun komandası Kayo Rangellə anlaşıb. 24 yaşlı braziliyalı hücumçu ilə 1+1 illik müqavilə imzalanıb.Hücumçu daha əvvəl ölkəsinin "Kruzeyro", "Krisiuma", "Yuventude", "Parana", "San Bento", "Ferrovayra", İtaliyanın "Kalyari", Portuqaliyanın "Arouka" və "Eştoril", klublarının da şərəfini qoruyub. Braziliyanın 17 yaşadək futbolçulardan ibarət millisində də 8 oyun keçirən vinger 3 dəfə fərqlənib.Xatırladaq ki, "Zirə" bunadək Klesio Bauk, Rəşad Eyyubov, Kərim Diniyev, Sərtan Taşqın, Şəhriyar Rəhimov, Ruslan Qurbanov, Rəşad Əzizli, Tural Bayramlı, Ayxan Süleymanlı, Lazar Corceviç, Hacıağa Hacılı və Cəlal Hüseynovu heyətinə qatmışdı.xeber100.com

“Keşlə” futbol klubu növbəti transferini reallaşdırıb

Paytaxtın "Keşlə" futbol klubu növbəti transferini reallaşdırıb.Azərtac klubun saytına istinadla xəbər verir ki, Bakı təmsilçisi braziliyalı müdafiəçi Artur Batista de Souzanı heyətinə qatıb. 26 yaşlı oyunçu ilə mövsümün sonuna kimi müqavilə imzalanıb.Qeyd edək ki, son iki mövsümü Ukraynanın “Vorskla” klubunda keçirən Artur 29 oyunda 3 qol ötürməsi verib.xeber100.com

UEFA Avropa Liqasının ikinci finalçısı müəyyənləşəcək

Bu gün UEFA Avropa Liqasında növbəti yarımfinal görüş keçiriləcək.Azərtac xəbər verir ki, Almaniyanın Düsseldorf şəhərindəki eyniadlı arenada İtaliyanın “İnter” klubu Ukraynanın “Şaxtyor” komandası ilə qarşılaşacaq. Bakı vaxtı ilə saat 23:00-da başlanacaq oyunu polşalı Şimon Martsinyak idarə edəcək.Qeyd edək ki, bu görüşün qalibi finalda İspaniyanın “Sevilya” komandası ilə üz-üzə gələcək. “Sevilya” yarımfinalda İngiltərənin “Mançester Yunayted” klubunu məğlub edib - 2:1. Həlledici qarşılaşma avqustun 21-də Köln şəhərində reallaşacaq.xeber100.com

“Barselona” klubunun baş məşqçisi postundan kənarlaşdırılıb

Kike Setyen İspaniyanın “Barselona” klubunun baş məşqçisi postundan kənarlaşdırılıb.Azərtac xəbər verir ki, bu barədə klub prezidenti Xosep Bartomeu açıqlamasında bildirib.“Setyen işindən azad olundu”, - deyə o vurğulayıb.Altmış bir yaşlı mütəxəssisi İngiltərənin “Tottenhem” komandasının sabiq baş məşqçisi Maurisio Poçettino, hazırda Hollandiya millisinə rəhbərlik edən Ronald Kuman və ya “Barselona”nın keçmiş kapitanı, artıq Qətərin “Əl-Sədd” komandasının sükanı arxasında olan Xavi əvəzləyə bilər.Setyen Kataloniya komandasına yanvarda Ernesto Balverdenin əvəzinə təyin olunub. Onun rəhbərliyi dövründə İspaniya La Liqasının qalibi ola bilməyən “Barselona” UEFA Çempionlar Liqasının dörddəbir finalında Almaniyanın “Bavariya” klubuna böyük hesabla uduzub - 2:8.xeber100.com

“Narva Trans” doğma meydanda “Tallina Kalev”lə qarşılaşıb

Futbol üzrə Estoniya çempionatında 17-ci turun oyunları keçirilib.Azərtc xəbər verir ki, azərbaycanlı futbolçu Nurlan Novruzovun çıxış etdiyi “Narva Trans” doğma meydanda “Tallina Kalev”lə qarşılaşıb. Onun komandası bu oyundan qələbə ilə ayrılıb - 1:0.Start heyətdə meydana çıxan N.Novruzov sonadək mübarizə aparıb. O, komandasının yeganə qolunun ötürməsini edib.Qeyd edək ki, “Narva Trans” 10 komandalı çempionatda 17 turdan sonra 19 xalla 6-cı pillədə qərarlaşıb.xeber100.com

ABŞ-ın Birinci liqasında yeddinci turun oyunları keçirilib

Futbol üzrə ABŞ-ın Birinci liqasında (USL) yeddinci turun oyunları keçirilib.Azərtac xəbər verir ki, milli komandamızın futbolçusu Rüfət Dadaşovun formasını geyindiyi “Finiks Rayzinq” klubu “San Dieqo Loyal”ı qəbul edib. Matç meydan sahiblərinin 2:0 hesablı qələbəsi ilə başa çatıb.Futbolçumuz oyuna start heyətdə daxil olub və 74-cü dəqiqədə əvəzlənib. Bu mövsüm 5 qol vuran R.Dadaşov bu dəfə fərləqnməyib.Qeyd edək ki, “Finiks Rayzinq” hazırda 16 xalla “B” qrupunun lideridir.xeber100.com

Ümumdünya Şahmat Olimpiadasında altı turun oyunları keçirilib

Ümumdünya Şahmat Olimpiadasının ikinci divizionununda altı turun oyunları keçirilib.Azərtac xəbər verir ki, A qrupunda Bolqarıstan və Almaniya, B qrupunda Rumıniya, C qrupunda İspaniya, D qrupunda Türkiyə və Norveç, E qrupunda Macarıstan və İngiltərə komandaları rəqiblərini üstələyiblər. Bu mərhələdə 5 qrupda 50 komanda mübarizə aparır.Bu gün ikinci divizionda sonuncu turun oyunları keçirilir.Qeyd edək ki, Olimpiada çərçivəsində artıq baza, dördüncü və üçüncü divizionların oyunları başa çatıb.Turnirə 163 komanda qatılıb. Olimpiadanın güclü komandalarından sayılan Azərbaycan yığması avqustun 21-də top divizionda mübarizəyə başlayacaq. Bu nüfuzlu yarışda ölkəmizi Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva təmsil edirlər. Ehtiyat oyunçular siyahısına isə Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Aydın Süleymanlı və Gövhər Beydullayevanın adları daxil edilib. Komandamızın kapitanı Eltac Səfərli və Rəhim Qasımovdur.Olimpiada avqustun 30-dək davam edəcək.xeber100.com

“Sumqayıt” futbol klubu növbəti transferini gerçəkləşdirib

Ölkəmizi ilk dəfə UEFA Avropa Liqasında təmsil edəcək “Sumqayıt” futbol klubu növbəti transferini gerçəkləşdirib.Azərtac xəbər verir ki, vaxtilə Qazaxıstanın 21 yaşadək futbolçulardan ibarət milli komandasında çıxış etmiş azərbaycanlı Kərəm Sultanov ilə müqavilə imzalanıb. İyirmi dörd yaşlı mərkəz müdafiəçisi yeni komandasında 4 nömrəli formada çıxış edəcək.xeber100.com  

“Mançester Siti” -“Lion” oyununun ən yaxşı futbolçusunun adı açıqlanıb

UEFA “Mançester Siti” (İngiltərə)-“Lion” (Fransa) oyununun ən yaxşı futbolçusunun adını açıqlayıb.Azərtac xəbər verir ki, bu ada parislilərin hücumçusu Musa Dembele layiq görülüb. İyirmi dörd yaşlı forvard 3:1 hesablı qələbədə 75-ci dəqiqə meydanda çıxan futbolçu, iki qolla yadda qalıb.Xatırladaq ki, fransızlar növbəti mərhələdə Almaniyanın “Bavariya” komandası ilə qarşılaşacaq.Digər yarımfinal görüşündə isə “Paris Sen-Jemen” (Fransa) və “Leyptsiq” (Almaniya) komandaları üz-üzə gələcək. Görüşlər avqustun 18-19-da təşkil olunacaq.Qeyd edək ki, UEFA Çempionlar Liqasının qarşılaşmaları “8-lər finalı” formatında Portuqaliyanın paytaxtı Lissabonda oynanılır.xeber100.com

İngiltərə çempionatı 2019-2020-ci il mövsümündə

Futbol üzrə İngiltərə çempionatında 2019-2020-ci il mövsümünün ən yaxşı məşqçisi məlum olub.Azərtac xəbər verir ki, qurumun rəsmi saytında azarkeşlər və futbol mütəxəssislərinin iştirakı ilə keçirilmiş səsvermənin yekunlarına görə, “Liverpul”un çalışdırıcısı Yurgen Klopp qalib olub. O, “Çelsi”nin baş məşqçisi Frenk Lempard, “Lester Siti”nin çalışdırıcısı Brendan Rodjers və “Şeffild Yunayted”in baş məşqçisi Kris Uaylderi geridə qoyub.Qeyd edək ki, “Liverpul” 2019-2020-ci il mövsümündə Y.Kloppun baş məşqçiliyi altında 30 il sonra Premyer Liqanın qalibi adını qazanıb.xeber100.com