“Qalatasaray” futbol klubu Arda Turanı transfer edib

Türkiyənin "Qalatasaray" futbol klubu sabiq yarımmüdafiəçisi Arda Turanı transfer edib.Azərtac klubun saytına istinadla xəbər verir ki, 33 yaşlı yarımmüdafiəçi ilə imzalanan müqavilənin detalları barədə məlumat verilməyib.Qeyd edək ki, "Qalatasaray"ın yetirməsi olan A.Turan 2004-2011-ci illərdə İstanbul təmsilçisində oynayıb. Yarımmüdafiəçi 2018-2019-cu il mövsümü və 2019-2020-ci il mövsümünün ilk yarısını icarə əsasında "Başakşəhər"də keçirib. Onun "Barselona" ilə müqaviləsi isə bu yay başa çatıb.xeber100.com

“Sumqayıt” futbol komandası növbəti yoxlama görüşündə

Avqustun 5-də Azərbaycanı birinci dəfə Avropa Liqasında təmsil edəcək "Sumqayıt" komandası növbəti yoxlama görüşündə "Qəbələ" ilə qarşılaşıb.Azərtac xəbər verir ki, Ayxan Abbasovun komandası bu görüşdə meydan sahiblərinə 1:2 hesabı ilə uduzub.Qeyd edək ki, "Sumqayıt" bundan əvvəlki sınaq matlarında "Neftçi"yə 0:3, "Sabah"a 0:1 hesabı ilə məğlub olub. "Qəbələ" isə "Zirə" ilə qolsuz heç-heçə edib, "Səbail"ə uduzub - 1:2.xeber100.com

UEFA Avropa Liqasında səkkizdəbir final mərhələsində

İyulun 5-də UEFA Avropa Liqasında səkkizdəbir final mərhələsinin növbəti iki oyunu keçirilib.Azərtac xəbər verir ki, "Mançester Yunayted" Avstriyada 5:0 hesabı ilə qalib gəldiyi LASK klubunu evdə də məğlub edib - 2:1. Hesabı 55-ci dəqiqədə qonaq komandadan Filip Vizinger açsa da, 2 dəqiqə sonra Cessi Linqard bərabərliyi təmin edib. Oyunun 88-ci dəqiqəsində isə Antoni Marsyal qələbə topunu vurub.Mançester təmsilçisi dörddəbir finala vəsiqə qazanıb.Günün digər oyununda "İnter" neytral meydanda - Almaniyanın Gelzenkirxen şəhərindəki "AufŞalke Arena"da İspaniyanın "Xetafe" klubunun üzərində inamlı qələbə qazanıb - 2:0. Hesabı 33-cü dəqiqədə Romelu Lukaku açıb. Matçın 83-cü dəqiqəsində isə Kristian Eriksen meydana daxil olduqdan bir dəqiqə sonra yekun nəticəni müəyyənləşdirib.Qeyd edək ki, UEFA “İnter” - “Xetafe” və “Sevilya” - “Roma” oyunlarında qalibi bir oyunda müəyyən etmək üçün qərar qəbul edib.Dörddəbir finalda "Mançester Yunayted" Danimarka "Kopenhagen"i ilə üz-üzə gələcək. "İnter" isə "Reyncers" (Şotlandiya) - "Bayer" (Almaniya) cütünün qalibi ilə görüşəcək.Xatırladaq ki, daha əvvəl "Kopenhagen" Türkiyə çempionu "Başakşehir"i iki oyunun yekununda mübarizədən kənarlaşdırıb - 0:1, 3:0. Ukraynanın “Şaxtyor" klubu isə Almaniyanın "Volfsburq" komandasından üstün olub - 3:1, 3:0. "Şaxtyor" dörddəbir finalda "Ayntraxt" (Almaniya) - "Bazel" (İsveçrə) cütünün qalibi ilə qarşılaşacaq.xeber100.com

“Fənərbağça” futbol klubunun yeni baş məşqçisi müəyyənləşib

Türkiyənin “Fənərbağça” futbol klubunun yeni baş məşqçisi müəyyənləşib.Azərtac xəbər verir ki, bu vəzifəyə İstanbul təmsilçisinin sabiq futbolçusu Erol Bulut təyin edilib. Onunla imzalanan müqavilənin müddəti barədə məlumat verilməyib.Qeyd edək ki, E.Bulutun son klubu “Alanyaspor” olub.xeber100.com

Avropa Triatlon İttifaqı növbəti reytinq cədvəlini açıqlayıb

Avropa Triatlon İttifaqı qadın idmançıların növbəti reytinq cədvəlini açıqlayıb.Azərtac qurumun rəsmi saytına istinadla xəbər verir ki, Azərbaycan milli komandasının üzvü Kseniya Levkovskaya reytinq cədvəlində mövqeyini qoruyub. Belə ki, hesabında 1415 xal olan təmsilçimiz 47-ci pillədə qərarlaşıb.Reytinq cədvəlinin ilk üç pilləsində Böyük Britaniya təmsilçiləri – Corciya Teylor-Braun, Cessika Lernmos və Viki Holland yer alıblar.xeber100.com

Tennisçilər arasında beynəlxalq turnir davam edir

İtaliyanın Palermo şəhərində qadın tennisçilər arasında beynəlxalq turnir davam edir. Mükafat fondu 163 min ABŞ dolları olan WTA seriyalı turnirdə onaltıdabir final mərhələsinə yekun vurulub.Azərtac xəbər verir ki, birinci mərhələdə sloveniyalı Kayya Yuvanla çexiyalı Marketa Vondrouşova qarşılaşıblar. Görüş 2 saat yarım çəkib. Mübarizəyə çexiyalı raketka ustası daha yaxşı başlayıb. İlk setdə 6:1 hesablı üstünlük qazanan M.Vondrouşova sonradan təşəbbüsü əldən verib. Növbəti hissədə 7:5 hesabı ilə qalib gələn K.Yuvan tarazlığı bərpa edib. Sonuncu hissə də K.Yuvanın xeyrinə başa çatıb. Beləliklə, sloveniyalı tennisçi səkkizdəbir finala yüksəlib. Növbəti mərhələyə adlayanlar arasında almaniyalı Laura Ziqmund, italiyalı Sara Errani, onun həmyerlisi Elizabetta Koçaretto, fransalı Fiona Ferro və digərləri var.Pandemiyaya görə 5 aylıq fasilədən sonra keçirilən WTA seriyalı turnirə avqustun 9-da yekun vurulacaq.xeber100.com    

Portuqaliya Futbol Federasiyası mövsümün tarixini açıqlayıb

Portuqaliya Futbol Federasiyası ölkə çempionatının 2020/2021-ci il mövsümünün start götürəcəyi tarixi açıqlayıb.Azərtac xəbər verir ki, yüksək liqada mübarizəyə sentyabrın 20-də start veriləcək.Portuqaliya çempionatında 2019/2020-ci il mövsümü iyulun sonunda başa çatıb. Bütün rəqiblərini qabaqlayan “Porto” çempionluq tituluna sahib çıxıb.xeber100.com

“Espanyol” futbol klubunun yeni baş məşqçisi bəlli olub

İspaniyanın “Espanyol” futbol klubunun yeni baş məşqçisi bəlli olub.Azərtac xəbər verir ki, yeni mövsümdən Sequndada mübarizə aparacaq komandanı Visente Moreno çalışdıracaq. Mütəxəssis ilə 2023-cü ilin yayınadək müqavilə imzalanıb.Qeyd edək ki, Morenonun sonuncu klubu “Malyorka” olub.xeber100.com

Avropa Liqasının 2020/2021-ci il mövsümünün püşkü atılacaq

Avqustun 9-da Çempionlar Liqası, ertəsi gün isə Avropa Liqasının 2020/2021-ci il mövsümünün püşkü atılacaq.Azərtac xəbər verir ki, UEFA İsveçrənin Nyon şəhərində keçiriləcək tədbiri koronavirus pandemiyasına görə onlayn təşkil ediləcək. Bu səbəbdən klubların nümayəndələri tədbirə dəvət edilməyib.“Qarabağ” Çempionlar Liqasında, “Neftçi”, “Keşlə” və “Sumqayıt” isə Avropa Liqasında mübarizə aparacaq.xeber100.com

“Beşiktaş” futbol klubu futbolçu transfer etmək istəyir

“Beşiktaş” klubu İngiltərə Premyer Liqasından futbolçu transfer etmək istəyir.Azərtac xəbər verir ki, komanda “Norviç”in finlandiyalı hücumçusu Tyemu Pukkini heyətə cəlb etmək üçün çalışır.Tərəflər arasında razılaşmanın şərtləri ilə bağlı hələlik məlumat verilmir. Türkiyə mətbuatının məlumatına görə, “Norviç” futbolçu ilə bağlı açıqlama verib. İngiltərə tərəfi 30 yaşlı oyunçunun bir neçə klubun diqqətində olduğunu vurğulayıb. Lakin hazırda ən iddialı tərəfin isə Türkiyənin “Beşiktaş” klubu olduğunu bildirib.xeber100.com