2019-2020-ci il mövsümü ilə bağlı araşdırma aparılıb

Futbol üzrə İspaniya çempionatında cari 2019-2020-ci il mövsümü ilə bağlı araşdırma aparılıb.Azərtac La Liqanın saytına istinadla xəbər verir ki, hakimlərin idarəçilikləri və verdikləri qərarlarla bağlı statistika tutulub. Aparılan araşdırmada məlum olub ki, cərimələr, vərəqələr və digər göstəricilərdə cari mövsüm ərzində hakim qərarlarından ən çox faydalanan klub “Real Madrid” olub. İlk beşlikdə, həmçinin müvafiq olaraq “Atletiko”, “Selta”, “Sevilya” və “Vilyarreal” yer alıblar.Mövsümü ikinci pillədə tamamlayan “Barselona” isə bu baxımdan 15-ci pillədə qərarlaşıb. Kataloniya təmsilçisi 1995-1996-cı il mövsümündən bəri birinci dəfə üç əsas göstəricidə (penalti, qırmızı vərəqə, sarı vərəqə) mənfi balansla çempionatı bitirib.Qeyd edək ki, La Liqada cari mövsümdə 87 xal toplayan “Real Madrid” komandası çempion olub.xeber100.com

Ümumdünya Şahmat Olimpiadası start götürüb

İyulun 22-də onlayn formatda Ümumdünya Şahmat Olimpiadası start götürüb.Azərtac xəbər verir ki, beş divizion üzrə keçiriləcək yarışda 163 komanda iştirak edir. Bu gündən Olimpiada çərçivəsində seçmə yarışlar başlayıb. Azərbaycan komandası 40 ən güclü yığmanın yer aldığı “Top-divizion”da mübarizə avqustun 22-də başlayacaq. Olimpiada avqustun 30-dək davam edəcək.Bu nüfuzlu yarışda ölkəmizi Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva təmsil edəcəklər. Ehtiyat oyunçular siyahısına isə Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Aydın Süleymanlı və Gövhər Beydullayevanın adları daxil edilib. Komandamızın kapitanı Eltac Səfərli və Rəhim Qasımov olacaq.Xatırladaq ki, Ümumdünya Şahmat Olimpiadası ilk dəfə 1927-ci ildə Londonda keçirilib. Yarış 1950-ci ildən başlayaraq iki ildən bir keçirilir. Azərbaycan 2016-cı ildə 42-ci Ümumdünya Şahmat Olimpiadasına ev sahibliyi edib. Sonuncu – 43-cü Olimpiada Batumidə təşkil olunub.xeber100.com

“Fənərbağça” futbol klubu heyətinə yeni yarımmüdafiəçi cəlb edir

Türkiyənin “Fənərbağça” futbol klubu heyətinə yeni yarımmüdafiəçi cəlb edir.Azərtac xəbər verir ki, İstanbul təmsilçisi “Sivasspor”un futbolçusu Mərt Hakan Yandaşla yaxın günlərdə müqavilə imzalayacaq. Bunu Sivas komandasının baş məşqçisi Rza Çalımbay yerli mətbuata açıqlamasında deyib. O, yarımmüdafiəçinin “Fənərbağça” ilə razılaşdığını bildirib.Qeyd edək ki, 25 yaşlı futbolçu başa çatan mövsümdə Superliqada 31 oyunda iştirak edib və 6 qol vurub.xeber100.com

XXXII Yay Olimpiya Oyunlarının güləş yarışlarının təqvimi açıqlanıb

Gələn il Tokioda keçiriləcək XXXII Yay Olimpiya Oyunlarının güləş yarışlarının təqvimi açıqlanıb.Azərtac xəbər verir ki, Dünya Güləş Birliyinin (UWW) məlumatına əsasən, pəhləvanlar gələn il avqustun 1-7-də “Maxauri Messe” Arenasında mübarizə aparacaqlar. Qadın güləşçilərin mübarizəsi yeddi gün davam edəcək. Yunan-Roma güləşçiləri avqustun 1-4-də, sərbəst güləşçilər isə ayın 4-7-də birincilik uğrunda yarışacaqlar.Qadın güləşçilərin hər gün çıxış etmələri barədə qərar təşkilatçı Yaponiyanın qadın güləşində lider olması səbəbindən yerli idmansevərlərin bu yarışlara marağının böyük olması ilə əlaqədardır.Qeyd edək ki, indiyədək Azərbaycan güləşçilərindən Mariya Stadnik (50 kq) və Şərif Şərifov (97 kq) Olimpiadaya lisenziya qazanıblar.xebver100.com

“Deportivo” futbol klubu Üçüncü Liqada mübarizə aparacaq

Məşhur İspaniya klubu “Deportivo” növbəti mövsüm Üçüncü Liqada mübarizə aparacaq.Azərtac xəbər verir ki, 1999-2000-ci il mövsümündə İspaniya çempionu olan “Deportivo” 2017/2018-ci mövsümündə La Liqadan ikinci Liqaya düşüb. Klub 2019/2020-ci il mövsümündə Sequndanı tərk edib. Komanda Sequndada qalmaq üçün “Fuenlabrada”nı məğlub edib rəqiblərinin xal itirməsini gözləməli idi. Ancaq pozitiv çıxan koronavirus testləri səbəbindən oyun təxirə salınıb. Digər oyunlarda qeydə alınan nəticələrdən sonra isə klubun Üçüncü Liqaya düşməsi dəqiqləşib.Klub sonuncu dəfə 40 il əvvəl Sequndadan aşağı liqada mübarizə aparıb.Qeyd edək ki, “Deportivo” ilə yanaşı, “Rasinq”, “Numansia” və “Estremadura” klubları da Üçüncü Liqaya yuvarlanıb. “Hueska” və “Kadiz” komandaları isə La Liqaya yüksəliblər.xeber100.com

“Neftçi” futbol klubu təlim-məşq toplanışı çərçivəsində

Avropa Liqasına hazırlığı Qəbələdə davam etdirən Bakının “Neftçi” futbol klubu təlim-məşq toplanışı çərçivəsində yoxlama oyununda gücünü sınayacaq.Azərtac kluba istinadla xəbər verir ki, Bakı təmsilçisi iyulun 26-da “Sumqayıt”, dörd gün sonra isə “Qarabağ”la üz-üzə gələcək.xeber100.com

Beynəlxalq Olimpiya Komitəsinin sessiyası öz işini davam etdirir

Beynəlxalq Olimpiya Komitəsinin (BOK) 136-cı sessiyası işini davam etdirir. Beynəlxalq qurumun prezidenti Tomas Baxın sədrliyi ilə onlayn qaydada keçirilən sessiya iyulun 22-dək davam edəcək.Azərtac BOK-un saytına istinadla xəbər verir ki, sessiyanın növbəti iclasında istefaya göndərilən vitse-prezidentlər Uğur Erdener, sabiq prezident Xuan Antoni Samaranç və İcraiyyə Şurasının üzvü Sergey Bubka da iştirak ediblər.BOK-un vitse-prezidentləri vəzifəsinə iki nəfərin - Con Koutsun (Avstraliya ) və Mianq Hiqin (Sinqapur) namizədliyi irəli sürülüb. İxtisasca vəkil olan Con Kouts beynəlxalq Olimpiya hərəkatında kifayət qədər tanınmış simadır və 2011-ci ildən Beynəlxalq İdman Arbitrajı Məhkəməsinə sədrlik edir. O həm də “Tokio-2020” Olimpiya Oyunları üzrə BOK-un Koordinasiya Komissiyasının sədri vəzifəsini yerinə yetirir.Sessiyada beynəlxalq quruma prezident seçkiləri ilə bağlı da müzakirələr aparılıb. Beynəlxalq Olimpiya Komitəsinə prezident seçkiləri 2021-ci ildə BOK-un 137-ci sessiyasında keçiriləcək. BOK-un hazırkı prezidenti Tomas Bax İcraiyyə Şurasının üzvləri etimad göstərəcəkləri halda quruma yenidən rəhbərlik etməyə hazı olduğunu bildirib.xeber100.com

Sürətli şahmat turnirinin final qarşılaşmaları oynanılacaq

İyulun 20-də qadınlar arasında sürətli şahmat turnirinin super final qarşılaşmaları oynanılacaq.Azərtac xəbər verir ki, “Women's Speed Chess Championship” yarışı çərçivəsində keçirilmiş Qran-Pri turnirinin dörd mərhələsinin yekununa görə ən çox xal toplamış rusiyalı Aleksandra Kostenyuk və ukraynalı Anna Uşenina super finalda iştirak hüququ qazanıblar.Onlayn Qran-Pri turnirinin birinci mərhələsində A.Uşenina, digər üç mərhələdə Rusiya şahmatçıları Valentina Qunina, Yekaterina Laqno və Aleksandra Kostenyuk qalib gəliblər.Qran-Prinin ilk üç mərhələsində iştirak edən Azərbaycan şahmatçısı Günay Məmmədzadənin çıxışı uğurlu olmayıb.xeber100.com

Zirə” futbol klubu dörd futbolçu ilə müqavilə bağlayıb

Bakının “Zirə” klubu dörd futbolçu ilə müqavilə bağlayıb.Azərtac kluba istinadla xəbər verir ki, komanda Şəhriyar Rəhimov və Ruslan Qurbanovla iki, Rəşad Əzizli və Tural Bayramlı ilə birillik müqavilə imzalayıb.Qeyd edək ki, bundan əvvəl klub Klesio Bauk, Kərim Diniyev, Rəşad Eyubov və Sərtan Taşkını heyətinə qatıb.xeber100.com

“Rayo Valyekano” komandasının hücumçusu transfer edilib

“Barselona” futbol klubu “Rayo Valyekano” komandasının hücumçusu Fabian Lussini transfer edib.Azərtac Kataloniya klubunun saytına xəbər verir ki, 16 yaşlı futbolçu ilə 3+2 illik müqavilə imzalanıb.İspaniya U-16 millisinin də hücumçusu olan Braziliya əsilli Lussi “Barselona”nın U-19 komandasında çıxış edəcək.xeber100.com