İngiltərə kubokunun ilk finalçısı müəyyənləşib

İyunun 18-də İngiltərə kubokunun ilk finalçısı müəyyənləşib.Azərtac xəbər verir ki, turnirin yarımfinal görüşündə “Arsenal” klubu “Mançester Siti” komandası ilə üz-üzə gəlib.Görüş “Arsenal”ın 2:0 hesablı qələbəsi ilə başa çatıb.Oyunda hər iki qolun müəllifi London təmsilçisinin əsas qol silahı sayılan Pyer Emerik-Obameyanq olub.Bu qələbə sayəsində “Arsenal” İngiltərə kubokunun finalına vəsiqə qazanıb.Qeyd edək ki, turnirin digər yarımfinalı iyulun 19-da “Çelsi” və “Mançester Yunayted” komandaları arasında olacaq. Görüş Bakı vaxtı ilə saat 21:00-da başlayacaq.xeber100.com

İspaniya La Liqasının sonuncu turunun oyunlarına start verilib

Futbol üzrə İspaniya La Liqasının sonuncu - 38-ci turun oyunlarına start verilib.Azərtac xəbər verir ki, çempionatda gümüş medalların artıq təmin edən “Barselona” sonuncu turda səfərdə “Depoetivo Alaves” komandasının qonağı olub.Görüş Kataloniya təmsilçisinin böyük hesablı qələbəsi ilə başa çatıb - 5:0.“Barselona”nın heyətində Ansu Fati, Lionel Messi (2), Nelson Semedu və Luis Suares fərqləniblər.“Barselona” 38 tura 82 xal, “Deportivo Alaves” isə 39 xal toplayıb.Turun son 9 oyunu Bakı vaxtı ilə saat 23:00-da başlayacaq.xeber100.com

İngiltərə Premyer Liqasının 37-ci turun növbəti oyunu keçirilib

Futbol üzrə İngiltərə Premyer Liqasının 37-ci turun növbəti oyunu keçirilib.Azərtac xəbər verir ki, “Tottenhem” öz meydanında “Lester Siti”ni qəbul edib.“Uebli” stadionunda keçirilən görüş meydan sahiblərinin 3:0 hesabı ilə qələbəsi ilə başa çatıb.London təmsilçisinin heyətində Jeyms Jastin (avtoqol) və Hari Keyn (2) fərqləniblər.Bu qələbə sayəsində xal ehtiyatını 58-ə çatdıran “Tottenhem” turnir cədvəlində 6-cı, “Lester Siti” isə 62 xalla 4-ci yerdə qərarlaşıb.xeber100.com

İspaniya La Liqasındakı ikinci komanda müəyyənləşib

İspaniya La Liqasına yüksələn ikinci komanda müəyyənləşib.Azərtac xəbər verir ki, Sequndanın 41-ci turunun “Numansiya” ilə oyununda qələbə qazanan "Hueska" sona bir tur qalmış elitaya vəsiqəniq təmin edib.Qırx bir oyunda 67 xal toplayan “Hueska” çempionatda ikinci pillədə qərarlaşıbDaha əvvəl lider “Kadis” La Liqaya vəsiqəni təmin etmişdi.xeber100.com

Rapid növləri üzrə 53-cü beynəlxalq festival keçiriləcək

İsveçrənin Bil şəhərində şahmatın klassik, blits və rapid növləri üzrə 53-cü beynəlxalq festival keçiriləcək.Azərtac xəbər verir ki, səkkiz qrossmeysterin qatılacağı klassik şahmat və blits üzrə yarışlarda Azərbaycanı Arkadi Naydiç təmsil edəcək.Klassik şahmat yarışı iyulun 21-dən 29-dək, blits turniri isə iyulun 25-də təşkil olunacaq. Festival koronavirus pandemiyası dövründə onlayn formatda keçirilməyən ilk turnirlərdən biri olacaq.xeber100.com

“Zirə” futbol klubu yeni transferlərini açıqlayıb

Bakının “Zirə” futbol klubu yeni transferlərini açıqlayıb.Azərtac kluba istinadla xəbər verir ki, klub 4 futbolçu ilə müqavilə imzalayıb. "Qəbələ"dən ayrılan Klesio Bauk, "Sabah"la vidalaşan Rəşad Eyyubov və Kərim Diniyevlə birillik sözləşmə bağlanılıb. "Sumqayıt"la yollarını ayıran Sərtan Taşqın isə ikiillik müqaviləyə qol çəkib.Qeyd edək ki, Rəşad Sadıqov "Zirə"nin baş məşqçisi təyin olunub. Qəsəbə təmsilçisi 38 yaşlı mütəxəssislə üçillik müqavilə imzalayıb.xeber100.com

Moldova çempionatında üçüncü turun rəmzi komandası açıqlanıb

Futbol üzrə Moldova çempionatında üçüncü turun rəmzi komandası açıqlanıb.Azərtac xəbər verir ki, rəmzi 11-likdə “Milsami”nin futbolçusu, millimizin sabiq üzvü Amit Quluzadə də yer alıb.“Milsami”nin “Sperantsa”ya 3:0 hesabı ilə qalib gəldiyi görüşdə A.Quluzadə 90 dəqiqə meydanda olub.xeber100.com

“Qarabağ” və “Keşlə” futbol klubları üz-üzə gələcəklər

Yeni mövsümdə ölkəmizi avrokuboklarda təmsil edəcək “Qarabağ” və “Keşlə” futbol klubları yoxlama oyununda üz-üzə gələcəklər.Azərtac xəbər verir ki, komandalar iyulun 18-də Qəbələ şəhər stadionunda qarşılaşacaqlar.Qeyd edək ki, Çempionlar Liqasında çıxış edəcək “Qarabağ” Qəbələdə, Avropa Liqasında mübarizə aparacaq “Keşlə” isə Şamaxıda hazırlıq keçir.xeber100.com

Beynəlxalq Olimpiya Komitəsinin 136-cı sessiyası öz işinə başlayır

Bu gün Beynəlxalq Olimpiya Komitəsinin (BOK) 136-cı sessiyası öz işinə başlayır. Beynəlxalq qurumun onlayn qaydada keçiriləcək toplantısı iyulun 22-dək davam edəcək.Azərtac BOK-un rəsmi saytına istinadla xəbər verir ki, toplantının ilk günündə qurumun vitse-prezidentinin və İcraiyyə Komitəsinə üzvlərin seçilməsinə dair səsvermə keçiriləcək.BOK-un vitse-prezidenti vəzifəsinə iki nəfərin namizədliyi irəli sürülüb. Həmin namizədlər Con Kouts (Avstraliya )və Mianq Hiqdir (Sinqapur).BOK İcraiyyə Şurasının üzvlüyünə 4 namizəddən yalnız ikisi seçiləcək. Seçim Pyer Olivye Bekker-Vyuant (Belçika), Herardo Verteyn (Argentina) və xanımlar- Daqmavit Girmey Berheyn (Efiopiya), Mikaela Kojuanka Yavorski (Filippin) arasında aparılacaq.BOK-un 136-cı sessiyası “YouTube” kanalı ilə canlı yayımlanacaq.Toplantılardan sonra BOK prezidenti media nümayəndələrinin suallarını cavablandıracaq.xeber100.com

FIFA milli komandaların növbəti reytinq cədvəlini açıqlayıb

FIFA futbol üzrə milli komandaların növbəti reytinq cədvəlini açıqlayıb.Azərtac xəbər verir ki, ötən ay açıqlanmış reytinq cədvəli ilə müqayisədə Azərbaycan milli komandasının mövqeyində dəyişiklik olmayıb. Millimiz 1177 xalla 114-cü pillədə qərarlaşıb.Reytinqin ilk üç pilləsində Belçika (1765), Fransa (1733) və Braziliya (1712) yığmaları qərarlaşıblar.Qeyd edək ki, AFFA Azərbaycan milli komandasının baş məşqçi postu üçün italiyalı Cianni De Byazi ilə müqavilə imzalayacaq.xeber100.com