Avropa çempionatının E qrupunun seçmə yarışları start götürür

Mayın 29-da şahmatın rapid növü üzrə onlayn Avropa çempionatının ən güclü E qrupunun seçmə yarışları start götürür.Azərtac xəbər verir ki, Avropa ölkələrindən reytinqi 2300-dən yuxarı olan şahmatçılar arasında Azərbaycanın 30 təmsilçisi mübarizə aparacaq. Onların arasında tanınmış şahmatçılarımız Rauf Məmmədov, Eltac Səfərli, Qədir Hüseynov və Nicat Abasov da var.Xatırladaq ki, şahmatçılarımızdan Gülsənəm Ağayeva (A qrupu) qızların yarışında qızıl medala sahib olub. Elnur Mehtiyev isə C qrupunun qalibi adına layiq görülüb. Turnirin D qrupunda mübarizə aparmış şahmatçılarımız Murad İbrahimli qızıl, Abdulla Qədimbəyli gümüş medal qazanıblar.xeber100.com

Şahmatın rapid növü üzrə onlayn Avropa çempionatının D qrupunda

Şahmatın rapid növü üzrə onlayn Avropa çempionatının D qrupunda mübarizə aparan şahmatçılarımız Murad İbrahimli qızıl, Abdulla Qədimbəyli gümüş medal qazanıblar.Azərtac xəbər verir ki, Avropa ölkələrindən reytinqi 2300-ə qədər olan 700-dən çox idmançının mübarizə apardığı D qrupunda M.İbrahimli 7,5 xal, A.Qədimbəyli isə 6,5 xal toplayıb.Xatırladaq ki, çempionatın C qrupunda Azərbaycan təmsilçisi Elnur Mehtiyev uğurla çıxış edərək qalib adını qazanıb. A qrupunda mübarizə aparan şahmatçımız Gülsənəm Ağayeva isə qızların yarışında qızıl medala sahib olub. Qitə çempionatının B qrupunda isə şahmatçılarımız mükafatçılar sırasına düşə bilməyiblər.xeber100.com    

“Daily Express” qəzetinin məlumatı əsasında…

Müqaviləsi “Barselona” klubuna məxsus olan və hazırda “Bavariya”da çıxış edən braziliyalı Filippe Koutinyo karyerasını İngiltərədə davam etdirə bilər. “Daily Express” qəzetinin məlumatına görə, İngiltərənin “Nyukasl Yunayted” Koutinyonun xidmətində maraqlıdır. Mənbənin bildirdiyinə görə, artıq tərəflər arasında danışıqlar başlayıb.“Nyukasl Yunayted” klubunun potensial sahiblərinin transfer siyahısının ilk sıralarında braziliyalı futbolçunun adı var.Nyukasl təmsilçisinin sahibi Mayk Eşlinin 300 milyon funt qarşılığında klubu Səudiyyə Ərəbistanı taxtının vəliəhdi Məhəmməd ibn Salmana məxsus fonda satmağa razılıq verdiyi bildirilir. Satış hələlik Premyer Liqa rəhbərliyi tərəfindən təsdiqlənməyib.“Bavariya” klubunda icarə əsasında çıxış edən F.Koutinyo cari mövsümdə 9 qol və 8 məhsuldar ötürmə ilə yadda qalıb.xeber100.com

Futbol üzrə milli komandamızın oyunlarının vaxtı açıqlanıb

Futbol üzrə qadınlardan ibarət A milli komandaları arasında Avropa çempionatının seçmə mərhələsində aprelin 9-da keçirilməli olan Polşa–Azərbaycan oyunu koronavirus (COVID-19) pandemiyası ilə əlaqədar qeyri-müəyyən vaxta təxirə salınmışdı.Azərtac AFFA-nın saytına istinadən xəbər verir ki, UEFA tərəfindən təsdiq olunmuş təqvimə əsasən, həmin qarşılaşmanın oktyabrın 23-də, həmçinin iyunun 5-də keçirilməli olan Çexiya–Azərbaycan görüşünün oktyabrın 27-də təşkil olunmasına qərar verilib.Oyunların keçiriləcəyi stadionlar və başlanma saatı hələ müəyyənləşməyib.xeber100.com

Almaniyada ölkə çempionatının 28-ci turuna start verilib

Mayın 26-da Almaniyada ölkə çempionatının 28-ci turuna start verilib.Azərtac xəbər verir ki, turun start görüşündə iki əzəli rəqib “Borussiya Dortmund” və “Bavariya” üz-üzə gəliblər. “Signal İduna” stadionunda baş tutan görüş “Bavariya”nın minimal hesabla qələbəsi ilə başa çatıb. Oyunda yeganə qolun müəllifi 43-cü dəqiqədə Coşua Kimix olub.Bu qələbədən sonra “Bavariya” xal ehtiyatını 64-ə çatdıraraq turnir cədvəlində vahid liderdi. “Borussiya” isə 57 xalla ikinci pillədə qərarlaşıb.Turun digər oyunları bu axşam, qalan oyunlar isə mayın 27-də baş tutacaq.xeber100.com

Ukrayna hökuməti ölkə kuboku oyunlarının keçirilməsinə icazə verib

Ukraynanın Səhiyyə Nazirliyi mayın 30-dan Premyer-Liqanın və ölkə kuboku oyunlarının keçirilməsinə icazə verib.Azərtac xəbər verir ki, bu barədə Ukrayna Futbol Federasiyasının prezidenti Andrey Pavelko özünün “Facebook” səhifəsində bildirib.Qeyd edək ki, koronavirus pandemiyası səbəbindən futbol üzrə Ukrayna çempionatı martın ortalarında dayandırılıb.Oyun zamanı stadionda olacaq insanların sayını artırmaq ehtimal edilir.xeber100.com

Şahmatın blits növü üzrə onlayn turnir keçiriləcək

Bakı Şəhər Gənclər və İdman Baş İdarəsi və “Grand Master” şahmat klubunun təşkilatçılığı ilə 28 May – Respublika Gününə həsr olunmuş şahmatın blits növü üzrə onlayn turnir keçiriləcək.Azərtac xəbər verir ki, 9 turdan ibarət olan yarış İsveçrə sistemi üzrə təşkil ediləcək. Nəzarət vaxtı hər bir şahmatçı üçün oyunun sonuna qədər üç dəqiqə və birinci gedişdən başlayaraq hər gediş üçün iki saniyə əlavə olunmaqla müəyyən edilir.Turnir “Lichess.org” şahmat platforması vasitəsilə keçiriləcək. Qaliblər Bakı Şəhər Gənclər və İdman Baş İdarəsi tərəfindən diplom və medallarla təltif olunacaqlar.xeber100.com

UEFA Çempionlar Liqası tarixində ən yaxşı baş məşqçinin adı açıqlanıb

"Real"ın baş məşqçisi Zinəddin Zidan "Squawka" nəşrinin versiyasına görə, UEFA Çempionlar Liqası tarixində ən yaxşı baş məşqçi adlandırılıb.Azərtac xəbər verir ki, buna səbəb isə UEFA Çempionlar Liqasında onun baş məşqçi kimi uğurlarıdır.Z.Zidan yeganə məşqçidir ki, çempionatın üç liqasında ardıcıl uğurlu nəticə göstərməyə müvəffəq olub. Üç qələbə 2016-cı, 2017-ci və 2018-ci illərdə qazanılıb. Zidan UEFA Çempionlar Liqası çərçivəsində ümumilikdə 26 matçda baş məşqçi kimi qələbə qazanıb.Siyahıda ikinci yerdə "Mançester Siti"nin hazırkı baş məşqçisi Xosep Qvardiola qərarlaşıb. O, “Barselona”nı UEFA Çempionlar Liqasında iki dəfə (2009-cu və 2011-ci illər) qələbəyə aparmağı bacarıb.UEFA Çempionlar Liqası tarixində ən yaxşı baş məşqçilərin siyahısında ilk üçlüyü “Everton”un hazırkı baş məşqçisi Karlo Ançelotti tamamlayıb. O, iki klubla – “Real”la və “Milan”la UEFA Çempionlar Liqasında uğura imza atıb. Ançelotti 2003-cü və 2007-ci illərdə “Milan”ı, 2014-cü ildə isə "Real”ı qələbəyə aparıb.xeber100.com  

Beynəlxalq Basketbol Federasiyasının məlumatına görə…

Beynəlxalq Basketbol Federasiyası (FIBA) öz saytında milli federasiyalar üçün koronavirus pandemiyasından sonra yarışların bərpası ilə bağlı tövsiyə xarakterli məlumat dərc edib.Azərtac xəbər verir ki, təlimat FIBA-nın Tibbi Komissiyasının rəhbəri doktor Piter Harkort tərəfindən Tibbi Məsləhət Qrupu, eləcə də Oyunçular Komissiyası ilə müzakirə edildikdən sonra hazırlanıb.Qurum mövsümü mərhələli şəkildə bərpa etməyi təklif edib. İlk mərhələdə məşqçilərin minimum dəstəyi ilə fərdi hazırlıq olmalıdır. Bundan sonra isə kollektiv məşqlərə başlamaq olar. Təlim-məşq toplanışının yarışın startından 3-6 həftə əvvəl başlaması məsləhət görülüb.FIBA oyunların azarkeşlərin iştirakı ilə keçirilməsinə qarşıdır. Həmçinin matçların yenidən başlaması ilə bağlı bütün aktual problemləri yerli rəhbərliklə həll etməyi tövsiyə edib. Bundan başqa, qurum basketbolçuların koronavirus testindən keçirilməsinin vacib olduğunu bildirib.Qeyd edək ki, bütün dünyada basketbol yarışları mart ayında pandemiya səbəbindən təxirə salınıb.xeber100.com

Beynəlxalq Şahmat Federasiyasının məlumatı

Şahmat üzrə yeniyetmə oğlanlar və qızlar arasında keçiriləcək dünya çempionatı koronavirus infeksiyası səbəbindən qeyri -müəyyən müddətə təxirə salınıb.Azərtac xəbər verir ki, bu barədə Beynəlxalq Şahmat Federasiyasının mətbuat xidmətindən məlumat verilib.Turnir Rumıniyanın Mamaya şəhərində 2020-ci ilin sentyabrın 7-dən 20-dək keçirilməli idi. Qeyd edək ki, yarış 8, 10, 12, 14, 16 və 18 yaşlı şahmatçılar arasında təşkil edilir.Xatırladaq ki, Azərbaycan şahmatçısı Aydın Süleymanlı ötən il 14 yaşlılar arasında dünya çempionatının qalibi olub.xeber100.com