Millətlər Kubokunun superfinal mərhələsi keçiriləcək

Mayın 10-da şahmat üzrə Millətlər Kubokunun superfinal mərhələsi keçiriləcək.Azərtac xəbər verir ki, turnirin qrup mərhələsini 17 xalla lider kimi başa vuran Çin komandası həlledici mərhələdə ABŞ yığması ilə mübarizə aparacaq.Qeyd edək ki, azərbaycanlı qrossmeyster Teymur Rəcəbovun mübarizə apardığı dünya yığması turniri 4 xalla sonuncu yerdə başa vurub. Millətlər Kubokunun qrup mərhələsində ABŞ və Avropa yığmaları hərəyə 13, Rusiya millisi 8 xal qazanıb.Xatırladaq ki, 6 komandanın iştirakı ilə keçirilən yarışın mükafat fondu 180 min ABŞ dollarıdır.xeber100.com

Koreya Respublikasında futbol üzrə ölkə çempionatına start verilib

Koronavirus pandemiyasına görə iki aylıq fasilədən sonra Koreya Respublikasında futbol üzrə ölkə çempionatına start verilib.Azərtac xəbər verir ki, çempionatın birinci turunda “Çonbuk Xende Motors” komandası “Suvon Samsung Blyuunqz” klubunu 1:0 hesabı ilə məğlub edib.Azarkeşsiz təşkil olunan matç dünyanın 36 ölkəsində, həmçinin “YouTube” və “Twitter” vasitəsilə canlı yayımlanıb.Meydana çıxmamışdan əvvəl futbolçuların hərarəti yoxlanılıb, məşqçilər korpusu və ehtiyat oyunçular tibbi maskadan istifadə ediblər.Qeyd edək ki, futbol üzrə Koreya Respublikası çempionatına fevralın 29-da start verilməsi idi.xeber100.com

Tennisçilərin iştirakı ilə şou xarakterli turnir keçiriləcək

Avqustun əvvəlinədək tennis turnirlərinin təşkilinə qadağa qoyulsa da, artıq şou xarakterli yarışlar adi bir hala çevrilib. Karantin rejimini başa vuran raketka ustaları indi nəinki normal şəkildə məşq edir, hətta yarışlara da çıxırlar. Artıq tanınmış tennisçilər də belə turnirlərdə iştirak etməyə razılıq verirlər.Azərtac xəbər verir ki, mayın 25-də Avstriyada tanınmış raketka ustalarının iştirakı ilə turnir keçiriləcək. Şou xarakterli yarışda ATP (Peşəkar Tennisçilər Assosiasiyası) reytinqində üçüncü pillədə qərarlaşan Dominik Tim, həmçinin Dennis Novak, Barbara Haas, Tamira Pajek və digərləri də qüvvələrini sınayacaqlar.151 min avro mükafat fondu olan turnirdə 16 kişi və 8 qadın tennisçi çıxış edəcək. Turnir pley-off sistemi ilə deyil, 3 mərhələli dairəvi formatda keçiriləcək. Karantin rejiminə uyğun olaraq tribunalara azarkeş buraxılmayacaq.Qeyd edək ki, müvafiq yarışlar Almaniyada adi hala çevrilməkdədir. Artıq bu ölkədə sayca ikinci belə bir turnir keçirilir.xeber100.com

Formula 1 çempionatının 2021-ci il mövsümü başlayacaq

“Liberty Media” şirkətinin rəhbəri Çeyz Keri bəyan edib ki, əgər komandaların sahibləri danışıqları və yeni razılaşdırılma sazişini imzalamağa macal tapmasalar belə, Formula 1 çempionatının 2021-ci il mövsümü başlayacaq.Azərtac xəbər verir ki, “The Race” portalı Kerinin bu sözlərini sitat gətirir: “Koronavirusla bağlı bütün bu vəziyyət başlayanda biz yeni razılaşdırılma sazişi üzrə müzakirələrin final mərhələsinə yaxınlaşdıq. Bu səbəbdən biz başqa məsələlər barədə düşünə bilmədik. Biz müzakirələri təxirə salmağa və əsas diqqəti 2020-ci ilin problemlərinə yönəltməyə qərar verdik. Bu mövsümün təqvimi ilə bağlı bütün işlər yoluna qoyulacağı və bizim komandalarla yeni texniki reqlamentin şərtləri barədə yekun danışıqlar əldə ediləcəyi təqdirdə dərhal razılaşdırılma sazişinə qayıdacağıq.Qeyd edim ki, hətta biz danışıqlar aparmağa macal tapmasaq belə, o halda sadəcə deyə bilərik ki, bizim qüvvədə olan reqlamentimiz, qüvvədə olan strukturumuz var. Komandaları fakt qarşısında qoymaq olar - əgər onlar yürüşlərdə çıxış etmək istəyirlərsə, o zaman şərtlər belə olacaq. Qabaqcadan müəyyən olunmuş qaydalar uzunmüddətli perspektivdə sabitliyi təmin edəcək”.xeber100.com

La Liqada çıxış edən klubların reytinq siyahısı hazırlanıb

“Transfermarkt” saytı La Liqada çıxış edən klubların ən bahalı heyətə malik gənclərdən ibarət komandalarının reytinq siyahısını hazırlayıb.Azərtac xəbər verir ki, siyahıya 34,02 milyon avro ilə “Barselona” başçılıq edir. İkinci yeri “Real Madrid” klubunun ikinci komandası - “Kastilya” (30,45 milyon) tutub. Sonrakı üç pillədə isə “Atletiko” (16,73 milyon), “Real Sosiedad” (7,35) və “Atletik” (6,95 milyon) komandaları qərarlaşıblar.Siyahının sonuncu pilləsində isə 800 min avro ilə “Leqanes” klubunun gənclərdən ibarət komandası yer alıb.xeber100.com

FIFA bir sıra mühüm tədbirlər həyata keçirməyi planlaşdırır

FIFA koronavirus pandemiyası ilə əlaqədar bir sıra mühüm tədbirlər həyata keçirməyi planlaşdırır.TASS agentliyi xəbər verir ki, bu haqda “Marca” nəşri xəbər yayıb.Mənbənin bildirdiyinə görə, təşkilat cari mövsümün bərpasından sonra klubların hər bir futbolçusunun və əməkdaşının sağlamlığının qorunması üçün maksimum şəraiti təmin etməyə çalışacaq.FIFA-nın ofisindən bildirilib ki, qurum hər oyunda beş əvəzetməyə icazə verilməsi məsələsinə razılıq verib. Bununla yanaşı, oyun zamanı vaxt itkisinin qarşısını almaq üçün əvəzetmələrin müəyyən vaxtlarda, o cümlədən fasilə zamanı edilməsi ehtimal olunur.İngiltərə Futbol Assosiasiyası (FA) yeniliklərlə bağlı FIFA-ya müraciət edib. Müraciətdə mövsümün bərpasından sonra futbolçuların qısa müddətdə daha çox oyun keçirməli olacaqları və bununla da zədələnmə ehtimalının artacağı məsələsinin nəzərə alınması xahiş edilib.xeber100.com

Türkiyə Futbol Federasiyasının məlumatı əsasında…

Futbol üzrə Türkiyə çempionatı – Superliqa iyunun 12-də davam etdiriləcək.Azərtac xəbər verir ki, bu sözləri Türkiyə Futbol Federasiyasının prezidenti Nihat Özdemir mayın 6-da onlayn qaydada keçirdiyi mətbuat konfransında deyib.O bildirib ki, Superliqa ilə yanaşı, I, II, III və həvəskarlar liqasının matçları da iyunun 12-də, 13-də və ya 14-də start götürəcək. Federasiya rəhbəri hazırkı şərtlər əsasında və Səhiyyə naziri Fəxrəddin Qoca ilə görüşdən sonra belə qərar qəbul etdiklərini bildirib.N.Özdəmir çempionatın iyulun 26-da başa çatdırılacağına və avqustda UEFA Çempionlar Liqasının final qarşılaşmasının təşkil olunacağına əminliyini ifadə edib.xeber100.com

“Lester Siti” klubu futbolçusunu transfer etmək istəyir

İngiltərənin “Lester Siti” klubu İtaliyanın “Atalanta” komandasının almaniyalı yarımmüdafiəçisi Robin Qosensi transfer etmək istəyir.Azərtac “Gazeta.ru” saytına istinadla xəbər verir ki, Lester təmsilçisi 25 yaşlı yarımmüdafiəçi üçün 25 milyon funt sterlinq ödəməyə hazır olduğunu bildirib.Qeyd edək ki, “Çelsi”, “Lion” və “İnter” də R.Qosens ilə yaxından maraqlanır.xeber100.com

Sinqapur Qran-Prisi sentyabrın 20-nə planlaşdırılıb

Sinqapur Qran-Prisi sentyabrın 20-nə planlaşdırılıb, lakin "Liberty Media" təqvimə dəyişiklik edib. Odur ki, bu və ya digər yürüşün keçirilməsinin dəqiq vaxtından danışmaq hələlik tezdir. Azərtac xəbər verir ki, Sinqapur yürüşünün təşkilatçıları vəziyyətin gedişini izləyirlər və hazırda mərhələnin 2020-ci ildə keçirilməsi perspektivləri barədə qəti söz deyə bilmirlər.Şəhər mərhələsi promouterinin nümayəndəsi bildirib: "Sinqapur Qran-Prisinin təşkilatçıları COVID-19 ilə bağlı vəziyyəti diqqətlə izləyirlər və Formula 1, Sinqapur hökuməti və səhmdarlarla açıq dialoq aparırlar. Hazırda Formula 1-in 2020-ci il mövsümünün təqviminə yenidən baxılır. Hər hansı informasiya olan kimi biz bilet alıcılarını bütün dəyişikliklər barədə məlumatlandıracağıq.Azarkeşlərin, tamaşaçıların, iştirakçıların və əməkdaşların sağlamlığı və təhlükəsizliyi bizim başlıca prioritetlərimizdir".xeber100.com

“Fənərbaxça” futbol klubu bu gün ikinci məşqinə çıxıb

Məşqlərini bərpa edən İstanbulun"Fənərbaxça" futbol klubu bu gün ikinci məşqinə çıxıb.Azərtac xəbər verir ki, futbolçular hazırlıq prosesindən öncə koronavirus testindən keçiblər.Daha sonra komanda "Can Bartu" bazasında sosial məsafə qaydalarına uyğun məşq edib.xeber100.com