Koronavirus pandemiyası səbəbindən futbol yarışları dayandırılıb

Tacikistanda koronavirus pandemiyası səbəbindən futbol yarışları dayandırılıb.Azərtac Tacikistan futbol federasiyasının rəsmi saytına istinadən xəbər verir ki, mayın 10-na qədər bütün futbol oyunları təxirə salınıb.Hökumətin əhalinin sağlamlığını və təhlükəsizliyini qorumaq məqsədilə ictimai və idman tədbirlərinə qadağa qoymasından sonra Tacikistan Futbol Federasiyası bütün futbol yarışlarını dayandırmaq məcburiyyətində qalıb.Çempionatın 4-cü turunun bu gününə planlaşdırılan görüşləri isə keçiriləcək.Xatırladaq ki, Tacikistan çempionatına aprelin 5-də start verilmişdi və koronavirus pandemiyasına baxmayaraq, dünyada davam edən nadir liqalardan biri idi.xeber100.com

Şahmatçıların fərdi qaydada qeydiyyatı davam edir

Mayın 16-dan 31-dək Avropa Şahmat İttifaqının təşkilatçılığı ilə onlayn Avropa çempionatı keçiriləcək.Azərtac xəbər verir ki, qitə çempionatında iştirak etmək üçün indiyədək Azərbaycanın 20 şahmatçısı qeydiyyatdan keçib. Onların sırasında tanınmış şahmatçılarımız Aydın Süleymanlı, Abdulla Qədimbəyli, Ülviyyə Fətəliyeva, Xəyalə Abdulla və başqaları yer alıb.Yarışda iştirak etmək istəyən şahmatçıların fərdi qaydada qeydiyyatı davam edir.xeber100.com

Aprelin 26-na gözlənilən hava proqnozu açıqlanıb

Ölkə ərazisində aprelin 26-na gözlənilən hava proqnozu açıqlanıb.Ekologiya və Təbii Sərvətlər Nazirliyinin Milli Hidrometeorologiya Xidmətindən AzərtacAC-a verilən məlumata görə, Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi, lakin gecə bəzi yerlərdə yağış yağacağı, şimşək çaxacağı gözlənilir. Cənub-qərb küləyi əsəcək, gündüz mülayim şimal-qərb küləyi ilə əvəzlənəcək. Havanın temperaturu Abşeron yarımadasında gecə 7-10°, gündüz 14-18° isti, Bakıda gecə 7-9°, gündüz 15-17° isti olacaq. Atmosfer təzyiqi 755 millimetr civə sütunu, nisbi rütubət gecə 70-80, gündüz 45-50 faiz təşkil edəcək.Aprelin 26-da Azərbaycanın rayonlarında arabir yağış, dağlıq ərazilərdə qar yağacağı, gündüz əksər rayonlarda havanın əsasən yağmursuz keçəcəyi ehtimalı var. Gecə və səhər duman olacaq, qərb küləyi ayrı-ayrı yerlərdə arabir güclənəcək. Havanın temperaturunun gecə 4-8°, gündüz 16-21° isti, dağlarda gecə 2-7° şaxta, gündüz 2° şaxtadan 3°-dək isti olacağı ehtimal edilir.Naxçıvan Muxtar Respublikasında arabir yağış, dağlıq ərazilərdə qar yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 0-5°, gündüz 12-17° isti olacaq.Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən, Gədəbəy rayonlarında arabir yağış, bəzi yerlərdə qar yağacağı gözlənilir. Gecə və səhər saatlarında duman olacaq. Qərb küləyi əsəcək, ayrı-ayrı yerlərdə arabir sürətlənəcək. Havanın temperaturunun gecə 2-7° şaxta, gündüz 2° şaxtadan 3°-dək isti olacağı ehtimalı var.Gəncə şəhərində, Qazax, Goranboy, Tərtər, Ağdam, Füzuli, Cəbrayıl rayonlarında hava əsasən yağmursuz keçəcək. Lakin gecə və axşam bəzi yerlərdə yağış yağacağı gözlənilir. Səhər saatlarında duman olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 3-7°, gündüz 15-20° isti olacağı ehtimal edilir.Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında hava əsasən yağmursuz keçəcək. Lakin gecə və axşam arabir yağış yağacağı gözlənilir. Gecə və səhər saatlarında duman olacaq. Qərb küləyi əsəcək, ayrı-ayrı yerlərdə arabir sürətlənəcək. Havanın temperaturunun gecə 2-6°, gündüz 13-18° isti, dağlarda gecə 3-8°, gündüz 0-3° şaxta olacağı proqnozlaşdırılır.Mərkəzi Aran: Mingəçevir və Şirvan şəhərlərində, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Hacıqabul, Salyan, Neftçala rayonlarında hava əsasən yağmursuz keçəcək. Səhər bəzi yerlərdə duman, çiskin olacaq. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 4-8°, gündüz 16-21° isti olacağı gözlənilir.Masallı, Yardımlı, Lerik, Lənkəran, Astara rayonlarında hava əsasən yağmursuz keçəcək. Lakin gecə və axşam bəzi yerlərdə yağış yağacağı gözlənilir. Səhər dağlarda duman olacaq. Şimal-şərq küləyi əsəcək. Havanın temperaturunun gecə 6-8°, gündüz 13-18° isti, dağlarda gecə 0-3°, gündüz 4-7° isti olacağı bildirilir.xeber100.com

8-ci ənənəvi Zirvə Beynəlxalq Uşaq Oyunları keçiriləcək

Ümummilli lider Heydər Əliyevin anadan olmasının 97-ci ildönümü ilə əlaqədar uşaqlar arasında 8-ci ənənəvi Zirvə Beynəlxalq Uşaq Oyunları keçiriləcək.Azərtac xəbər verir ki, dünyada tüğyan edən koronavirus pandemiyası səbəbindən budəfəki yarışların onlayn keçirilməsi nəzərdə tutulub. Oyunlar ölkə ərazisində tətbiq edilmiş karantin rejiminin qaydalarına uyğunlaşdırılaraq təşkil ediləcək.Uşaqlar arasında basketbol (səbətə top atma), futbol (məsafədən qapıya zərbə vurma), uşaq atletikası (uzununa tullanma, simvolik nizə atma və s.), kamandan oxatma (azyaşlı uşaqlar üçün uyğunlaşdırılmış avadanlıqlarla) və atıcılıq (azyaşlı uşaqlar üçün uyğunlaşdırılmış avadanlıqlarla) yarışları keçiriləcək. #evdəqalsağlamqal prinsiplərinə uyğun olaraq, zəruri halda avadanlıqların hər bir yeniyetmə idmançının evinə qədər daşınması və fərdi yarışma şansının verilməsi nəzərdə tutulub. Bu imkan olmadığı halda idmançıların onlayn şəkildə qoşularaq canlı yayımda evlərindən bu hərəkətləri etməsi planlaşdırılır. Yerində və ya onlayn olmasından asılı olmayaraq yerinə yetirilən təmrinlər yarışda iştirak kimi qeydə alınacaq, nəticələr emal edilərək bütün iştirakçılar arasında hər növ və hər növdə hər yaş qrupu üzrə ayrıca qaliblər mütəxəssislər tərəfindən müəyyən ediləcək. Qaliblərə hədiyyələr və mükafatlar karantin rejiminin qaydalarına uyğun olaraq ilkin mərhələdə elektron formada, daha sonra yarışların bağlanış mərasimində real şəkildə təqdim ediləcək. Yarışların təqvimi və vaxt cədvəli, həmçinin yarışların əsasnaməsi bütün təfərrüatlar nəzərə alınaraq yaxın günlərdə ictimaiyyətə təqdim olunacaq.xeber100.com

Milli assosiasiyalara təcili maliyyə yardımı ediləcək

FIFA koronavirus pandemiyasından əziyyət çəkən milli assosiasiyalara təcili maliyyə yardımı ayıracaq.Azərtac xəbər verir ki, bu barədə ali futbol qurumunun rəsmi saytı məlumat yayıb.Bildirilib ki, 150 milyon ABŞ dolları məbləğində vəsait dünyanın 211 milli assosiasiyası arasında bölüşdürüləcək. FIFA yaxın günlərdə hər federasiyanın hesabına 500 min ABŞ dolları, eyni zamanda, 2019-2020-ci il mövsümü üçün nəzərdə tutulan vəsaitin qalan hissəsini köçürəcək. Təcili maliyyə yardımı milli assosiasiyalara işçilər və 3-cü şəxslər qarşısında öhdəlikləri yerinə yetirmək üçün verilir.xeber100.com

Beynəlxalq Avtomobil Federasiyasının məlumatına görə…

Roma küçələrində Formula E yürüşləri hələ 5 il də keçiriləcək. İtaliya paytaxtının hakimiyyət orqanları buna razılıq verib və indi bu planları Beynəlxalq Avtomobil Federasiyasının (FIA) avtomobil idmanı üzrə Ümumdünya Şurası təsdiqləməlidir.Azərtac xəbər verir ki, Roma Şəhər Şurasının aprelin 24-də keçirilən iclasında elektromobillərdə yürüş üzrə dünya çempionatının mərhələsinə azı 2025-ci ilədək ev sahibliyi etmək barədə qərar qəbul olunub.Formula E çempionatının yaradıcısı və prezidenti Alexandro Aqaq deyib: “Biz bu mühüm nailiyyət və yeni uzunmüddətli əməkdaşlığa başlanması barədə fəxrlə bəyan edirik. Biz Romanın meri Virciniya Raciyə və bütün şəhər administrasiyasına göstərdikləri yardıma görə minnətdarlığımızı bildiririk. Bu, onların sayəsində mümkün olub. İtaliya bazarı bizim üçün strateji əhəmiyyət kəsb edir və biz bu ölkə ilə işləməyi davam etdirmək niyyətindəyik. Bu, bizim seriyanın populyarlığının bundan sonra da artırılmasına kömək edəcək”.Bu mövsüm Formula E çempionatının İtaliya mərhələsi aprelin 4-nə planlaşdırılmışdı. Lakin COVID-19 pandemiyası ilə bağlı baş verən vəziyyətlə əlaqədar yarışlar qeyri-müəyyən vaxtadək təxirə salınıb.xeber100.com

Azərbaycan – Türkiyə onlayn matçı baş tutub

Azərbaycan şahmatçılarının iştirakı ilə Azərbaycan – Türkiyə onlayn matçı baş tutub.Azərtac xəbər verir ki, ölkəmizin Türkiyədəki səfirliyinin və SOCAR-Türkiyənin dəstəyi ilə keçirilən yarışda hər iki tərəfi Azərbaycan şahmatçıları təmsil ediblər. Azərbaycan komandasının tərkibində Rauf Məmmədov, Vasif Durarbəyli, Azər Mirzəyev, Ürfan Sevdimalıyev, Səbinə İbrahimova və Zaur Süleymanov çıxış ediblər. Türkiyə komandasında isə Vüqar Rəsulov, Misrəddin İsgəndərov, Cəmil Ağamalıyev, Zaur Məmmədov, Nərmin Məmmədova ilə yanaşı, ölkəmizin Türkiyədəki səfiri Xəzər İbrahim də yer alıb.On iki turluq mübarizədə Azərbaycan komandası 6 dəfə qələbə qazanıb, 5 dəfə məğlub olub və 1 turu heç-heçə başa vurub. Beləliklə, ümumi xal hesabında Azərbaycan komandası 38,5:33,5 xalla qalib olub.xeber100.com

Rumıniya Futbol İttifaqı videokonfrans şəkilində iclas təşkil edib

Bu gün Rumıniya Futbol İttifaqı klub nümayəndələri ilə videokonfrans şəkilində iclas təşkil edib.Azərtac xəbər verir ki, əksər komandalar mövsümün bərpa olunmasını və çempionatın Türkiyədə davam etməsini dəstəkləyiblər.Rumıniya Futbol İttifaqı 2-3 həftədən sonra klubların çarter reysləri ilə Antalyaya gedəcəyini və həmin şəhərdə klub mövsümünü bərpa edəcəyini planlaşdırır. Milli çempionat oyunlarının Türkiyədə keçirilməsi ilə bağlı son qərarı Rumıniya hökuməti verəcək. Matçlar iyundan başlayaraq iyulun sonunda bitməlidir.Xatırladaq ki, Rumıniya futbol çempionatı mart ayında koronavirus pandemiyası səbəbindən dayandırılmışdı.xeber100.com

Avropa çempionatı qeyri-müəyyən vaxta təxirə salınıb

Avqustun 26-30-da Parisdə keçirilməsi nəzərdə tutulan atletika üzrə Avropa çempionatı təxirə salınıb.Azərtac xəbər verir ki, koronavirus pandemiyasına görə təxirə salınan qitə birinciliyinin nə vaxt keçiriləcəyi açıqlanmayıb.Turnirin təşkilat komitəsinin sədri Jan Qarsia deyib: “Biz turnirin keçirilməsini istəyirdik. Ancaq bu idmandır. Riskə gedib insanları infeksiyaya yoluxdurmaq düzgün olmazdı”.Qeyd edək ki, çempionatın Parisdəki Şarle stadionunda təşkil olunması planlaşdırılırdı.xeber100.com

Şahmat üzrə superturnirin növbəti qarşılaşmaları keçiriləcək

Dünya çempionu Maqnus Karlsenin dəvəti ilə təşkil edilən şahmat üzrə onlayn superturnirin bu gün üçüncü turunun növbəti qarşılaşmaları keçiriləcək.Azərtac xəbər verir ki, turun son oyunlarında fransalı Maksim Vaşe-Laqrav çinli Liren Dinq, niderlandlı Aniş Giri rusiyalı Yan Nepomnyaşi ilə qarşılaşacaqlar.Qeyd edək ki, üçüncü turun ilk oyunlarında ABŞ idmançısı Fabiano Karuana ilə qarşılaşan norveçli Maqnus Karlsen ilk iki partiyada qələbədən sonra bir heç-heçə də edərək görüşün taleyini son partiyaya saxlamayıb. Dördüncü partiyadakı heç-heçə qarşılaşmanın yekun hesabını müəyyənləşdirib – 3:1. ABŞ-ın digər nümayəndəsi Hikaru Nakamura isə turnirdə hələ ki, özünü göstərə bilməyən FIDE təmsilçisi Əlirza Firuzcanı 3 partiyaya məğlub duruma salıb – 2,5:0,5. Burada da yalnız hesabı müəyyənləşdirən son partiyanı da qalib başa vuran H.Nakamuranın qələbə hesabı 3,5:0,5 olub. Hər iki cütlükdə qaliblər 3 xal alıblar, məğlublar əliboş qalıblar.Ötən oyunların yekun nəticələrinə görə, M.Karlsen 8 xala malikdir. H.Nakamura 7 xalla ikinci pillədədir. F.Karuananın 5, M.Vaşe-Laqrav və L.Dinqin 4, Y.Nepomnyaşinin 2 xalı var. Ə.Firuzca və A.Giri hələ ki, xalsızdırlar.Qarşılaşmalarda M.Karlsen ABŞ şahmatçısı Fabiano Karuana, Birləşmiş Ştatların digər şahmatçısı Hikaru Nakamura isə FIDE bayrağı altında çıxış edən iranlı Əlirza Firuzca ilə mübarizə aparacaqlar.xeber100.com