XXVII Azərbaycan çempionatının oyunları müvəqqəti olaraq dayandırılıb

Həndbol üzrə XXVII Azərbaycan çempionatının oyunları müvəqqəti olaraq dayandırılıb.Azərtac Azərbaycan Həndbol Federasiyasına istinadla xəbər verir ki, bu addım koronavirus (COVİD-19) infeksiyasının dünya ölkələri arasında sürətlə yayılmaqda davam etməsi ilə bağlı Azərbaycan Respublikası Nazirlər Kabineti yanında Operativ Qərargahın qərarı ilə əlaqədar atılıb.xeber100.com

Azərbaycan Boks Federasiyasının məlumatına görə…

Boks üzrə Azərbaycan milli komandası “Tokio 2020” Yay Olimpiya Oyunlarına ilk lisenziyasını qazanıb.Azərbaycan Boks Federasiyasından Azərtac-a verilən məlumata görə, yığmamızın heyətində Tayfur Əliyev (57 kq) bu hüquqa yiyələnib.Avropa Oyunlarının mükafatçısı Böyük Britaniyanın paytaxtı Londonda keçirilən Avropa Olimpiya Təsnifat Turnirində dörddəbir finala yüksəlməklə “Tokio 2020”də iştirak hüququna sahib olub. İyirmi üç yaşlı boksçu səkkizdəbir finalda Edqaras Skurdelisdən (Litva) üstün olub. Rəqibi ilk hissədə zədələndiyindən döyüşü davam etdirə bilməyib və T.Əliyev qalib elan olunub.Yarış gecə seansından sonra dayandırılacağından dörddəbir final qarşılaşması turnir bərpa olunduqdan sonra baş tutacaq.xeber100.com

Türkiyə Superliqasının XXVI turunun sonuncu görüşündə

Martın 16-da Türkiyə Superliqasının XXVI turunun sonuncu görüşündə “Antalyaspor” doğma meydanda “Sivasspor”u qəbul edib.Azərtac xəbər verir ki, “Antalya” stadionunda keçirilən görüşdə meydan sahibləri minimal hesabla qalib gəliblər. Görüşdə yeganə qolu Veysəl Sari vurub.Bu oyundan sonra Türkiyə çempionatına 53 xalla “Trabzonspor” liderlik edir. Onunla eyni xala malik “Başakşəhər” ikincidir. “Qalatasaray” 50 xalla üç, “Sivasspor” isə 49 xalla dördüncü pillələrdə qərarlaşıblar. Sonrakı yerlərdə “Beşiktaş” (44 xal), “Alanyaspor” (43 xal), “Fənərbağça” (40 xal) və digər komandalar gəlir.xeber100.com

Bu gün şahmat üzrə iddiaçılar turniri start götürəcək

Rusiyanın Yekaterinburq şəhərində dünya şahmat tacı uğrunda norveçli çempion Maqnus Karlsen ilə qarşılaşacaq idmançını müəyyənləşdirəcək iddiaçılar turnirinə martın 17-də start veriləcək.Azərtac xəbər verir ki, səkkiz şahmatçının mübarizə apardığı turnirin birinci turunda fransalı Maksim Vaşe-Laqrav amerikalı Fabiano Karuana, çinli Liren Dinq həmyerlisi Hao Yanq, rusiyalı Aleksandr Qrişuk həmvətəni Kiril Alekseyenko, daha bir rusiyalı Yan Nepomnyaşi isə Niderland təmsilçisi Aniş Giri ilə mübarizə qarşılaşacaqlar.Ötən il keçirilmiş dünya kubokunun sahibi kimi iddiaçılar turnirinə vəsiqə qazanan Teymur Rəcəbovun bu nüfuzlu turnirdə iştirakı alınmayıb. Şahmatçımızın koronavirusla əlaqədar turnirin tarixə salınması barədə təklifi FIDE tərəfindən qəbul edilmədiyindən o, iştirakdan imtina edib.xeber100.com

Türkiyə Superliqasının XXVI turunda İstanbul derbisi oynanılıb

Martın 15-də futbol üzrə Türkiyə Superliqasının XXVI turunda İstanbul derbisi oynanılıb. Çempionatda üçüncü sıradakı “Qalatasaray” komandası əzəli rəqibi altıncı pillədəki “Beşiktaş”la qarşılaşıb.Azərtac xəbər verir ki, “Türk Telekom” stadionunda keçirilən matç meydan sahiblərinin aşkar üstünlüyü və hücumları şəraitində keçsə də, oyunda hesab açılmayıb - 0:0.Beləliklə, hər biri 53 xala malik olan “Trabzonspor” və “Başakşəhər”dən üç xal geridə və üçüncü sırada olan Fatih Terimin baş məşqçisi olduğu kollektiv çempionluğa iddialı rəqiblərinin bu gün heç-heçə edərək xal itirmələrindən istifadə edə bilməyib.Türkiyədə koronavirus pandemiyasına görə “Qalatasaray”-“Beşiktaş” matçı azarkeşsiz keçirilib.Xatırladaq ki, bu qarşılaşma iki komanda arasında oynanılan 347-ci derbi qarşılaşması olub. İndiyədək keçirilmiş 346 oyunda “Qalatasaray” 122, “Beşiktaş” 111 dəfə rəqibindən üstün olmuşdu, 113 matç isə heç-heçə başa çatmışdı.“Sarı-qırmızılı”lar “Beşiktaş” ilə Superliqada oynadığı son doqquz görüşdə iki qələbə qazanıb.Bu komandalar arasında cari mövsümdəki “Vodafon Park” stadionunda keçirilmiş derbidə ev sahibi “Beşiktaş” üç xala sahib olmuşdu - 1:0.Martın 16-da keçiriləcək oyunda “Sivasspor” komandası “Antalyaspor”ın qonağı olacaq.xeber100.com

Boks üzrə Avropa Olimpiya təsnifat turniri davam edir

Londonda boks üzrə Avropa Olimpiya təsnifat turniri davam edir. Yarışın ikinci günündə Azərbaycan millisinin daha iki üzvü mübarizəyə qoşulub.Azərbaycan Boks Federasiyasının mətbuat xidmətindən Azərtac-a verilən məlumata görə, boksçularımızdan Cavid Çələbiyev (63 kiloqram) debütdə Kiril Rusinovla (Bolqarıstan) üz-üzə gəlib. Onaltıdabir final mərhələsi çərçivəsində baş tutan görüş gərgin alınıb. Qarşılaşma 4:1 hesabı ilə dünya çempionumuzun xeyrinə yekunlaşıb.C.Çələbiyev növbəti döyüşündə irlandiyalı George Batesi sınağa çəkəcək. Görüş martın 17-də olacaq.Digər boksçumuz Rauf Rəhimov (91 kiloqram) Mücahit İlyasla (Türkiyə) qarşılaşıb və məğlubiyyətə üzülüb.xeber100.com

Türkiyə Superliqasının XXVI turunun ikinci günündə

Martın 14-də Türkiyə Superliqasının XXVI turunun ikinci günündə “Fənərbağça” səfərdə "Konyaspor"un qonağı olub.Azərtac xəbər verir ki, “Konya” stadionunda keçirilən görüşdə meydan sahibləri İstanbul təmsilçisini minimal hesabla məğlub edib. Oyunda yeganə topu Riad Bayiç vurub. Bundan əlavə, Konya təmsilçilərinin futbolçuları Neyç Skubiç və Ömər Əli Şahinər qırmızı vərəqə alaraq komandalarını meydanda azlıqda qoyublar.Günün digər matçlarında “Dənizlispor” doğma meydanda “Gənclərbirliyi”ni 1:0 hesabla üstələyib. "Alanyaspor"da öz meydanında “Qaziantep”ə minimal hesabla qalib gəlib.Bundan başqa, turda “Kayserispor”-“Yeni Malatyaspor”, “Trabzonspor”-“Başakşəhər”, “Qalatasaray”-"Beşiktaş" və “Antalyaspor”-"Sivasspor" matçları keçiriləcək.Türkiyə çempionatında hazırda “Trabzonspor” 52 xalla liderdir. Onunla eyni xala malik “Başakşəhər” ikincidir. “Qalatasaray” və “Sivasspor” klubları isə 49 xalla üç və dördüncü pillələrdə qərarlaşıb. Sonrakı yerlərdə “Beşiktaş” (40 xal), “Alanyaspor” (39 xal), “Fənərbağça” (39 xal) və digər komandalar gəlir.xeber100.com

“Qalatasaray” futbol klubu “Beşiktaş”ı qəbul edəcək

Martın 15-də futbol üzrə Türkiyə Superliqasının XXVI turunda “Qalatasaray” komandası İstanbul derbisində əzəli rəqibi “Beşiktaş”ı qəbul edəcək.Azərtac xəbər verir ki, “Türk Telekom” stadionunda keçiriləcək matç Bakı vaxtı ilə saat 20:00-da başlayacaq. Oyunun baş hakimi Abdulkadir Bitiqen olacaq.“Qalatasaray”ın heyətində bu mövsüm 6 qol vuran Adem Büyükün, "Beşiktaş"ın təcrübəli futbolçuları Dorukhan Toköz və Duqlas Pereyranın zədəli olduqları üçün mərkəzi görüşdə meydana çıxmayacaqları gözlənilir.Bu qarşılaşma iki komanda arasında oynanılacaq 347-ci derbi qarşılaşması olacaq. İndiyədək keçirilmiş 346 oyunda "Qalatasaray" 122, "Beşiktaş" 111 dəfə rəqibindən üstün olub, 113 matç isə heç-heçə başa çatıb.Doxsan altı illik rəqabət 1924-cü ildə "Taksim" stadionunda keçirilən ilk görüşdən "Beşiktaş"ın 2:0 hesabı ilə qalib gəlməsi ilə başlayıb.Hazırda Fatih Terimin baş məşqçisi olduğu komanda hər biri 52 xala malik olan lider "Trabzonspor" və ikinci pillədəki "Başakşəhər"dən 3 xal geridədir və üçüncü yerdə qərarlaşıb . "Sarı-qırmızılı"lar çempionluğa iddialı digər komandalar olan "Trabzonspor" və "Başakşəhər"in də qarşı-qarşıya gələcəyi bu həftədə "Beşiktaş"ı məğlub edərək oyunda xal itirməməyə çalışacaq. Yeni baş məşqçisi Sergen Yalçınla qarşılaşmadan qalibiyyətlə ayrılaraq turnir cədvəlinin yuxarısına yaxınlaşmağı qarşısına məqsəd qoyan "qara qartallar" 43 xalla beşinci sıradadır."Qalatasaray" Superliqada oynadığı son 9 görüşdə çempionatdakı rəqiblərinə uduzmayıb. "Ağ qaralar" isə son 6 matçda dörd dəfə qələbə qazanıb, bir dəfə məğlub olub və bir heç-heçə edib.Bu komandalar arasında cari mövsümdəki "Vodafon Park" stadionunda keçirilmiş derbidə ev sahibi "Beşiktaş" üç xala sahib olmuşdu - 1:0.Xatırladaq ki, Türkiyədə koronavirus pandemiyasına görə ölkə çempionatının XXVI turunun mərkəzi "Qalatasaray"-"Beşiktaş" və "Trabzonspor"-"Başakşəhər" matçları azarkeşsiz keçiriləcək.xeber100.com

Martın 13-də Türkiyə Superliqasının XXVI turuna start verilib

Martın 13-də Türkiyə Superliqasının XXVI turuna “Kasımpaşa”-“Göztəpə” və “Ankaragücü”-“Rizəspor” matçları ilə start verilib.Azərtac xəbər verir ki, “Rəcəb Tayib Ərdoğan” stadionunda keçirilən görüşdə “Kasımpaşa” “Göztəpə”nin qapısından iki cavabsız qol keçirib. Paytaxt klubu “Ankaragücü” isə Rizə təmsilçisinə 2:1 hesabı ilə qalib gəlib.Bu oyundan başqa, turda “Dənizlispor” - “Gənclərbirliyi”, “Alanyaspor” - “Qaziantep”, “Konyaspor” – “Fənərbağça”, “Kayserispor”-“Yeni Malatyaspor”, “Trabzonspor”-“Başakşəhər”, “Qalatasaray”-“Beşiktaş” və “Antalyaspor”-“Sivasspor” matçları keçiriləcək.Bu qələbə ilə “Trabzonspor” xallarının sayını 52-yə çatdıraraq liderliyə yüksəlib. Onunla eyni xala malik “Başakşəhər” ikincidir. “Qalatasaray” və “Sivasspor” klubları isə 49 xalla üç və dördüncü pillələrdə qərarlaşıblar. Sonrakı yerlərdə “Beşiktaş” (40 xal), “Alanyaspor” (39 xal), “Fənərbağça” (39 xal) və digər komandalar gəlir.xeber100.com

Karate üzrə lisenziya xarakterli Avropa çempionatı ləğv edilib

Bakıda keçirilməsi planlaşdırılan karate üzrə lisenziya xarakterli Avropa çempionatı ləğv edilib.Azərtac xəbər verir ki, bu barədə Ümumdünya Karate Federasiyasının rəsmi saytında məlumat verilib. Qitə çempionatı koronavirus infeksiyası səbəbindən ləğv olunub.Qeyd edək ki. Avropa çempionatı martın 25-29-da keçirilməli idi.xeber100.com