Şahmat üzrə iddiaçılar turnirində altıncı turun oyunları keçirilib

Rusiyanın Yekaterinburq şəhərində şahmat üzrə iddiaçılar turnirində martın 23-də altıncı turun oyunları keçirilib.Azərtac xəbər verir ki, turnir cədvəlinin lideri rusiyalı şahmatçı Yan Nepomnyaşi növbəti turda çinli Liren Dinq ilə qarşılaşmada qalib gəlib. Aktivində 4,5 xal olan şahmatçı liderliyini davam etdirir.On dörd turdan ibarət turnirə aprelin 3-də yekun vurulacaq.xeber100.com

“İnter” futbol klubunun müdafiəçisi ilin ən yaxşı futbolçusu seçilib

İtaliyanın “İnter” futbol klubunun müdafiəçisi Milan Şkrinyar Slovakiyada 2019-cu ilin ən yaxşı futbolçusu seçilib.Azərtac xəbər verir ki, bu barədə Slovakiya Futbol Federasiyasının rəsmi saytı məlumat yayıb.Jurnalistlər və məşqçilər arasında keçirilmiş sorğuda ikinci yeri “Nyukasl”ın qapıçısı Martin Dubrovka tutub. “Dalyan İfan”ın yarımmüdafiəçisi Marek Hamşik isə üçüncü olub.Bratislavanın “Slovan” klubunu çalışdıran Yan Kozak isə Slovakiyada ilin ən yaxşı məşqçisi elan olunub.xeber100.com

Beynəlxalq Olimpiya Komitəsinin məlumatına görə…

Martın 24-də Beynəlxalq Olimpiya Komitəsi (BOK) koronavirus pandemiyasına görə “Tokio 2020” Yay Olimpiya və Paralimpiya oyunlarının gələn il keçirilməsi barədə qərar qəbul edib.Azərtac xəbər verir ki, bu barədə BOK-un mətbuat xidməti məlumat yayıb.Xatırladaq ki, “Tokio 2020” Olimpiya Oyunları cari il iyulun 24-dən avqustun 9-dək keçirilməli idi. Martın 24-də Yaponiyanın Baş Naziri Şinzo Abe ilə BOK-un prezidenti Tomas Bax arasında telefon danışığı zamanı hökumət rəhbəri qlobal koronavirus pandemiyasına görə Olimpiadanın 2021-ci ildə təşkil olunmasını təklif edib.Məlumatda deyilir: “Dünya Səhiyyə Təşkilatının bu gün təqdim etdiyi informasiya əsasında BOK prezidenti Tomas Bax və Yaponiyanın Baş Naziri Şinzo Abe Tokioda təşkil ediləcək Olimpiya Oyunlarının idmançıların, həmçinin bütün iştirakçıların və beynəlxalq ictimaiyyətin sağlamlığını qorumaq üçün 2020-ci ildən sonra, lakin 2021-ci ilin yayından gec olmamaq şərtilə keçirilməsi barədə razılığa gəliblər”.BOK-un İcraiyyə Komitəsi üzvlərinin razılığına əsasən, Olimpiya alovu Yaponiyada saxlanacaq. Həmçinin yarışlar “Tokio 2020” Olimpiya və Paralimpiya oyunları adı altında keçiriləcək.xeber100.com

Super Formula yarışlarının test yürüşləri keçirilir

Yaponiyadakı Fudzi trekində Super Formula yarışlarının test yürüşləri keçirilir.Azərtac xəbər verir ki, test yürüşlərində yaponiyalı pilotlarla yanaşı, Braziliya təmsilçisi Serxio Sette Kamara, kolumbiyalı Tatyana Kalderon, Fransa idmançısı Şarl Milezi, estoniyalı Yuri Vips və başqaları iştirak edirlər.Qeyd edək ki, Super Formula yarışlarının ilk iki mərhələsi koronavirus pandemiyasına görə təxirə salınıb. Yarışın üçüncü mərhələsinin mayın 17-də Yaponiyadakı Avtopolis trasında təşkili nəzərdə tutulub.xeber100.com

Təxirə salınan futbol liqalarının bərpa müddəti uzadılıb

Koronavirus infeksiyasına görə təxirə salınan futbol liqalarının bərpa müddəti uzadılıb.Azərtac AFFA-nın saytına istinadla xəbər verir ki, U-9, U-10, U-11, U-12, U-13, U-14, U-15, U-16, U-17 və gənclər liqalarının U-11, U-13, U-16 yaş qrupu üzrə çempionatlarının başlama vaxtı artırılıb.Bunlarla yanaşı, yüksək qızlar liqalarının, "Coca-Cola Məktəbli kuboku"nun və Region Liqası turnirinin oyunları da aprelin 20-dək təxirə salınıb.xeber100.com

“Bakı Şəhər Halqası” Əməliyyat Şirkətinin məlumatı

Bu il iyunun 5-7-də Bakıda keçirilməsi planlaşdırılan Formula 1 Azərbaycan Qran-Prisi təxirə salınıb.Azərtac "Bakı Şəhər Halqası" Əməliyyat Şirkətinə istinadla xəbər verir ki, bu qərar Formula 1 rəhbərliyi, Beynəlxalq Avtomobil Federasiyası (FİA) və Azərbaycan Respublikası Hökuməti tərəfindən aparılmış birgə müzakirələr nəticəsində qəbul olunub. Həmçinin davam edən qlobal COVID-19 pandemiyası və bu xəstəliklə əlaqədar səlahiyyətli tərəflərin təqdim etdiyi mütəxəssis rəyləri sözügedən qərarı zəruri edib.Yarışın təxirə salınmasında əsas məqsəd Azərbaycan xalqı ilə yanaşı, ölkəyə gələn Formula 1 azarkeşləri, komanda heyətləri və çempionatın digər iştirakçılarının sağlamlığını və rifahını qorumaqdır.xeber100.com

Azərbaycan Badminton Federasiyasının məlumatı

Beynəlxalq Badminton Federasiyası COVID-19 səbəbindən bu idman növü üzrə Avropa çempionatının təxirə salındığını elan edib.Azərbaycan Badminton Federasiyasının Mətbuat xidmətinin rəhbəri Kənan Hakimov Azərtac-a bildirib ki, yarış qeyri-müəyyən vaxta təxirə salınıb.“Tokio 2020” Yay Olimpiya Oyunlarına lisenziya xalları verən Avropa çempionatı aprelin 21-26-da keçirilməli idi. Azərbaycan badmintonçusu Edi Reski Dviçayonun da iştirak edəcəyi turnirin bu il ərzində keçirilməsi planlaşdırılır.Qeyd edək ki, Beynəlxalq Badminton Federasiyası komandalararası dünya çempionatını və daha bir neçə turniri də təxirə salıb.xeber100.com  

Şahmat üzrə beşinci turun oyunları keçiriləcək

Rusiyanın Yekaterinburq şəhərində şahmat üzrə iddiaçılar turnirində bu gün beşinci turun oyunları keçiriləcək.Azərtac xəbər verir ki, səkkiz şahmatçının mübarizə apardığı turnirin beşinci turunda amerikalı Fabiano Karuana Niderland təmsilçisi Aniş Giri, rusiyalı şahmatçılar Yan Nepomnyaşi çinli Hao Yanq, Kiril Alekseyenko fransalı Maksim Vaşe-Laqrav, Aleksandr Qrişuk Çinin digər təmsilçisi Liren Dinq ilə qarşılaşacaqlar.Dörd turun nəticəsinə görə, H.Yanq, M.Vaşe-Laqrav, Y.Nepomnyaşı 2,5, A.Qrişuk, F.Karuana 2, K.Alekseenko, A.Giri, L.Dinq 1,5 xal toplayıblar.On dörd turdan ibarət turnirə aprelin 3-də yekun vurulacaq.Ötən il keçirilmiş dünya kubokunun sahibi kimi iddiaçılar turnirinə vəsiqə qazanan Teymur Rəcəbovun bu nüfuzlu turnirdə iştirakı alınmayıb. Şahmatçımızın koronavirusla əlaqədar turnirin təxirə salınması barədə təklifi FIDE tərəfindən qəbul olunmadığından o, iştirakdan imtina edib.xeber100.com

Şahmat üzrə dördüncü turun oyunları keçiriləcək

Rusiyanın Yekaterinburq şəhərində şahmat üzrə iddiaçılar turnirində bir gün istirahətdən sonra - martın 21-də dördüncü turun oyunları keçiriləcək.Azərtac xəbər verir ki, səkkiz şahmatçının mübarizə apardığı turnirin dördüncü turunda rusiyalı şahmatçılar Yan Nepomnyaşi amerikalı Fabiano Karuana, Kiril Alekseyenko çinli Hao Yanq, Aleksandr Qrişuk fransalı Maksim Vaşe-Laqrav ilə mübarizə aparacaqlar. Çinin digər təmsilçisi Liren Dinq Niderland təmsilçisi Aniş Giri ilə qarşılaşacaq.Üç turun nəticəsinə görə, H.Yanq, M.Vaşe-Laqrav, Y.Nepomnyaşı 2, A.Qrişuk, F.Karuana 1,5, K.Alekseenko, A.Giri, L.Dinq 1 xal toplayıblar.On dörd turdan ibarət turnirə aprelin 3-də yekun vurulacaq.Ötən il keçirilmiş dünya kubokunun sahibi kimi iddiaçılar turnirinə vəsiqə qazanan Teymur Rəcəbovun bu nüfuzlu turnirdə iştirakı alınmayıb. Şahmatçımızın koronavirusla əlaqədar turnirin tarixə salınması barədə təklifi FIDE tərəfindən qəbul olunmadığından o, iştirakdan imtina edib.xeber100.com

Formula 1 Qran-Pri yarışları ləğv oluna bilər

Niderlandda planlaşdırılmış və artıq vaxtı dəyişdirilmiş Zandvoort Formula 1 Qran-Pri yarışları ləğv oluna bilər.Azərtac xəbər verir ki, bu haqda Niderland Formula 1 Qran-Pri yarışlarının direktoru Jan Lammers bildirib. Onun sözlərinə görə, Monako Qran Prisi kimi Zandvoort Formula 1 Qran-Pri yarışları da ləğv oluna bilər.“Koronavirus epidemiyası bəzi ölkələrə hələ çatmayıb. Bizdə hansı vəziyyətdir, epidemiyanın pik nöqtəsidirmi? Çoz istərdik ki, nəzarət bizim əlimizdə olsun, ancaq nəzarət virusun əlindədir. Ölkəmizin və dünyanın iyul ayında virusdan azad olduğunu deməyə çox sevinərdik. Ancaq bu fikir nə qədər realdır? Hər şeyə hazır olmalıyıq. Ola bilsin yarışlar bir il təxirə salınsın”, - deyə Jam Lammers “Motorsport” portalına müsahibəsində bildirib.xeber100.com