Yunanıstan çempionatının oyunları bərpa olunmayacaq

Koronavirus pandemiyasına görə dayandırılan basketbol üzrə Yunanıstan çempionatının oyunları bərpa olunmayacaq.Azərtac xəbər verir ki, artıq liqa oyunçularının Həmkarlar İttifaqı ilə klub sahibləri videomüşavirə təşkil edərək razılığa gəliblər. Bu məsələ həllini tapsa da, bəzi problemlər hələ qalmaqdadır. Belə ki, növbəti videomüşavirədə oyunçuların qalan müddətdə məvacibinin ödənilməsi və turnir cədvəlindəki vəziyyət müzakirə olunacaq.İndiki məqamda mövsümün nəticələrinin ləğv olunması gözlənilmir. Böyük ehtimalla, yarış dayandırılan vaxt lider mövqeyində qərarlaşan “Panatinaikos” çempion elan ediləcək.xeber100.com

İngiltərənin “Sky Sport” telekanalının məlumatına görə…

Futbol üzrə İngiltərə millisinin baş məşqçisi Qaret Sautqeyt koronavirusla bağlı yaranmış vəziyyətə görə aylıq məvacibinin 30 faiz azaldılmasına razılıq verib.Azərtac xəbər verir ki, bu barədə İngiltərənin “Sky Sport” telekanalı məlumat yayıb.Qeyd edək ki, Qaret Sautqeyt 2016-cı ilin noyabrından İngiltərə milli komandasının baş məşqçisidir.xeber100.com

Avtoyürüşlər üzrə dünya çempionatının yeni təqvimi açıqlanıb

Dözümlü avtoyürüşlər üzrə dünya çempionatının (WEC) təşkilatçıları koronavirus pandemiyası səbəbindən yarışın yeni təqvimini açıqlayıblar.Azərtac xəbər verir ki, mövsümün sonunadək iştirakçılar 3 yürüşdə güclərini sınayacaqlar.Açıqlanan təqvimə görə, avqustun 15-də Belçikada "6 saatlıq Spa", sentyabrın 19-20-də Fransada "24 saatlıq Le-Man", noyabrın 21-də "8 saatlıq Bəhreyn" yürüşləri təşkil olunacaq.xeber100.com

Şahmat üzrə onlayn seanslar təşkil ediləcək

Şahmat üzrə Azərbaycan yığma komandasının üzvü, üçqat Avropa çempionu Rauf Məmmədov xüsusi karantin günlərində “Lichess.org” şahmat platforması üzərindən onlayn seans təşkil edəcək.Azərtac xəbər verir ki, seans oyunları aprelin 8-9-da saat 14:00-da keçiriləcək. Əlli dəqiqə davam edəcək və hər seansda cəmi 25 şahmatçı iştirak edə biləcək.Rauf Məmmədov şahmatsevərləri seansa dəvət edərkən bunları qeyd edib: "Ümid edirəm ki, biz birlikdə çox gözəl və xoş vaxt keçirəcəyik. Evdə qalın, özünüzü qoruyun və yaxınlarınızı qoruyun!".

Dünya Güləş Birliyi yeni Olimpiya reytinq siyahısını açıqlayıb

Dünya Güləş Birliyi qadın güləşçilərin yeni Olimpiya reytinq siyahısını açıqlayıb.Azərtac xəbər verir ki, reytinq siyahısının ilk onluğunda bir güləşçimiz yer alıb. Belə ki, ikiqat dünya çempionu Mariya Stadnik (50 kq) 60 xalla ikinci pillədə qərarlaşıb.Qeyd edək ki, koronavirus pandemiyasına görə təxirə salınan "Tokio-2020" Yay Olimpiya Oyunlarına qadın güləşçilərimizdən yalnız M.Stadnik lisenziya qazanıb.xeber100.com

Futbol üzrə İrlandiya millisinə yeni baş məşqçi təyin edilib

Futbol üzrə İrlandiya millisinə yeni baş məşqçi təyin edilib.Azərtac xəbər verir ki, Mik Makkartini Stiven Kenni əvəzləyib. 48 yaşlı mütəxəssislə imzalanan müqavilənin detalları barədə məlumat verilməyib.M.Makkartinin yığma ilə müqaviləsi iyulun sonu başa çatırdı. S.Kenni isə 2018-ci ildən İrlandiya millisinin gənclər komandasını çalışdırırdı.xeber100.com

“Bavariya” futbol klubunun baş məşqçisi müqavilə imzalayıb

Almaniyanın "Bavariya" futbol klubunun baş məşqçisi Hans-Diter Fliklə yeni müqavilə imzalayıb.Azərtac xəbər verir ki, 55 yaşlı mütəxəssislə müqavilənin müddəti 2023-cü ilin iyununa kimi uzadılıb.Qeyd edək ki, H.Flik 2019-cu ilin iyulundan Münhen təmsilçisini çalışdırır. Onun rəhbərliyi altında komanda Bundesliqada 25 turdan sonra 1-ci pillədə qərarlaşıb. "Bavariya" UEFA Çempionlar Liqasının səkkizdəbir finalında "Çelsi" ilə birinci matçda 3:0 hesabı ilə qalib gəlib.xeber100.com

Beynəlxalq Cüdo Federasiyası “Böyük dəbilqə” turnirini ləğv edib

Beynəlxalq Cüdo Federasiyası (IJF) may ayının 8-10-da Bakıda keçirilməsi planlaşdırılan “Böyük dəbilqə” turnirini ləğv edib.Azərtac xəbər verir ki, bu barədə qurumun rəsmi saytında məlumat verilib.Qeyd edək ki, cüdo üzrə iyunun 30-dək bütün rəsmi yarışlar ləğv edilib.xeber100.com

Futbol üzrə ölkə çempionatının yeni qərarları müzakirə edilir

İtaliya Futbol Federasiyası, A Seriyasının rəhbərliyi və İtaliyanın İdman naziri Vinçenco Spadafora futbol üzrə ölkə çempionatının bərpası ilə bağlı yeni qərarları müzakirə edirlər.Azərtac xəbər verir ki, federasiya rəhbəri mövsümü bitirməyin prioritet olduğunu bildirib. O, çempionatın nə vaxt bərpa oluna biləcəyi ilə bağlı deyib: “Mayın 20-də və ya iyunun əvvəlində başlamaq, iyulun sonuna qədər oynamaq istəyirik. Avqust və sentyabr variantları da müzakirə olunacaq”.Neytral ərazidə oynamağın yaxşı qərar olmadığını söyləyən federasiya rəhbəri bildirib: “Amma bu seçimi də nəzərdən keçiririk. Dörd-beş variant hazırlamağa çalışırıq. Mövsümü ləğv etmək çox çətin olacaq. Bu, böyük haqsızlıq olardı. İnanıram ki, hətta “Yuventus” da bu qərara qarşı çıxacaq”.Qeyd edək ki, İtaliya A Seriyası martın 11-də koronavirusa görə dayandırılıb.xeber100.com

Şahmat üzrə onlayn respublika birinciliyi keçiriləcək

“Təhsil” Respublika İdman Mərkəzinin təşkilatçılığı ilə sürətli şahmat üzrə onlayn respublika birinciliyi keçiriləcək.Azərtac xəbər verir ki, yarış www.chess.com internet portalı üzərindən aprelin 5-də saat 17:00-da start götürəcək. İsveçrə sistemi üzrə keçiriləcək və 11 turdan ibarət olacaq yarışda hər gedişə nəzarət vaxtı 3 dəqiqə + 2 saniyədir. Yekunda toplanan xallar əsasında yaş qruplarına görə (7, 9, 11, 13, 15, 17 yaşadək oğlanlar və qızlar) qaliblər müəyyən ediləcək. Yarışın nəticələri 1 gün ərzində elan olunacaq.xeber100.com