“Qalatasaray” futbol komandasının bugünkü məşqi ləğv olunub

Türkiyə “Qalatasaray” komandasının bugünkü məşqi ləğv olunub.Azərtac Türkiyə KİV-lərinə istinadla xəbər verir ki, İstanbul komandası axşam saatlarına planlaşdırılan məşqə çıxmayacaq.Həftəsonu “Beşiktaş”la keçirilən çempionat oyunundan (0:0) sonra koronavirus pandemiyası ilə əlaqədar futbolçulara ikigünlük istirahət verən baş məşqçi Fatih Terim bugünkü axşam üçün məşq planlaşdırmışdı. Sonradan məşqçi futbolçulara klubun bazasına gəlməməyi və evdə qalmağı tapşırıb.Xatırladaq ki, Fatih Terim “Beşiktaş”la oyundan sonra Türkiyə çempionatında görüşlərin koronavirus pandemiyasına görə təxirə salmasını istəmişdi.Qeyd edək ki, “Qalatasaray” XXI turdan sonra Türkiyə Superliqasında 50 xalla üçüncü pillədədir.Növbəti turun oyunları martın 20-22-də keçiriləcək. İstanbul komandası martın 22-də “Rizəspor”un qonağı olacaq.xeber100.com

Şahmat üzrə iddiaçılar turnirinin üçüncü turunun oyunları keçiriləcək

Martın 19-da Rusiyanın Yekaterinburq şəhərində şahmat üzrə iddiaçılar turnirinin üçüncü turunun oyunları keçiriləcək.Azərtac xəbər verir ki, səkkiz şahmatçının mübarizə apardığı turnirin üçüncü turunda amerikalı Fabiao Karuana çinli Liren Dinq, fransalı Maksim Vaşe-Laqrav Niderland təmsilçisi Aniş Giri, rusiyalı Aleksandr Qrişuk Hao Yanq (Çin) və Rusiya təmsilçisi Kiril Alekseyenko həmvətəni Yan Nepomnyaşi ilə qarşılaşacaqlar.İki turun nəticəsinə görə, H.Yanq, M.Vaşe-Laqrav, F.Karuana Y.Nepomnyaşı 1,5, A.Qrişuk 1, K.Alekseenko, A.Giri 0,5 xal toplayıblar.On dörd turdan ibarət turnirə aprelin 3-də yekun vurulacaq.Ötən il keçirilmiş dünya kubokunun sahibi kimi iddiaçılar turnirinə vəsiqə qazanan Teymur Rəcəbovun bu nüfuzlu turnirdə iştirakı alınmayıb. Şahmatçımızın koronavirusla əlaqədar turnirin tarixə salınması barədə təklifi FIDE tərəfindən qəbul olunmadığından o, iştirakdan imtina edib.xeber100.com

Dünya Karate Federasiyasının açıqlamasına əsasən…

Karate üzrə milli komandamızın liderləri Rafael Ağayev və İrina Zaretskanın “Tokio-2020” Yay Olimpiya Oyunlarında iştirak edəcəyi rəsmiləşib.Azərtac xəbər verir ki, Dünya Karate Federasiyasının (WKF) açıqladığı siyahıda 32 idmançı var. Beynəlxalq təşkilatın xüsusi Olimpiya lisenziyalı reytinq cədvəlinin ilk dördlüyündə yer almaqla oyunlara birbaşa vəsiqə qazanan R.Ağayev 75, İ.Zaretska isə 61 kiloqram çəki dərəcəsində yarışacaq.R.Ağayevin rəqibləri arasında Bəhmən Əsgəri (İran), Luici Busa (İtaliya), Stanislav Horuna (Ukrayna) və təşkilatçı ölkənin nümayəndəsi Ken Nişimura var. İrina Zaretskanın potensial rəqibləri isə Həmidə Abbasəli (İran), Elena Quirici (İsveçrə), Məltəm Hocaoğlu (Türkiyə) və Aymi Eukusadır (Yaponiya).İdmançılarımızın qalan beş rəqibindən üçü, həmçinin digər karateçilərimizin Olimpiya lisenziyası qazanması iyunun 26-28 Parisdə xüsusi təsnifat turnirində məlum olacaq.xeber100.com

Türkiyə Superliqasında XXI turdan təxirə salınan qarşılaşma keçirilib

Martın 17-də Türkiyə Superliqasında XXI turdan təxirə salınan qarşılaşma keçirilib.Azərtac xəbər verir ki, “Göztəpə” qonaq etdiyi “Rizəspor”u iki cavabsız qolla məğlub edib. Matçın taleyi qarşılaşmanın ikinci yarısında həll olunub. Qısa zaman kəsiyində iki qol vuran meydan sahibləri meydandan üç xalla ayrılıblar – 2:0.Qeyd edək ki, növbəti turun oyunları martın 20-22-də keçiriləcək.Türkiyə çempionatına 53 xalla “Trabzonspor” başçılıq edir. Onunla eyni xala malik “Başakşəhər” ikincidir. “Qalatasaray” 50 xalla üçüncü, “Sivasspor” isə 49 xalla dördüncü pillələrdə qərarlaşıblar.xeber100.com

Stolüstü Tennis Federasiyasının məlumatına görə…

Beynəlxalq Stolüstü Tennis Federasiyası COVID-19 virusu ilə əlaqədar müvəqqəti olaraq bütün tədbirləri təxirə salıb.Azərbaycan Stolüstü Tennis Federasiyasının mətbuat xidmətindən Azərtac-a verilən məlumata görə, aprelin sonuna qədər keçirilməsi planlaşdırılan tədbirlər baş tutmayacaq.Eyni zamanda, ölkəmizdə stolüstü tennis üzrə bütün kütləvi tədbirlər, həmçinin məşqlər təxirə salınıb.xeber100.com

Tennis üzrə Fransa Açıq çempionatı təxirə salınıb

Mayın 25-dən iyunun 7-dək Parisdə keçirilməsi nəzərdə tutulan tennis üzrə Fransa Açıq çempionatı (“Rolan Qarros”) koronavirus pandemiyasına görə təxirə salınıb.Azərtac xəbər verir ki, bu barədə məlumatı turnirin mətbuat Xidməti yayıb.“Rolan Qarros”un payızda, sentyabrın 20-dən oktyabrın 4-dək təşkil olunacağı bildirilir.Qeyd edək ki, Fransa Açıq çempionatının son qalibi ispaniyalı Rafael Nadaldır.xeber100.com

Şahmat üzrə iddiaçılar turnirinin ikinci turunun oyunları keçiriləcək

Martın 18-də Rusiyanın Yekaterinburq şəhərində şahmat üzrə iddiaçılar turnirinin ikinci turunun oyunları keçiriləcək.Azərtac xəbər verir ki, səkkiz şahmatçının mübarizə apardığı turnirin ikinci turunda rusiyalı şahmatçılardan Kiril Alekseyenko amerikalı Fabiano Karuana, Aleksandr Qrişuk həmvətəni Yan Nepomnyaşi, çinli Hao Yanq Niderland təmsilçisi Aniş Giri, onun həmyerlisi Liren Dinq fransalı Maksim Vaşe-Laqrav ilə mübarizə aparacaqlar.On dörd turdan ibarət turnirə aprelin 3-də yekun vurulacaq.Ötən il keçirilmiş dünya kubokunun sahibi kimi iddiaçılar turnirinə vəsiqə qazanan Teymur Rəcəbovun bu nüfuzlu turnirdə iştirakı alınmayıb. Şahmatçımızın koronavirusla əlaqədar turnirin tarixə salınması barədə təklifi FIDE tərəfindən qəbul olunmadığından o, iştirakdan imtina edib.xeber100.com

XXVII Azərbaycan çempionatının oyunları müvəqqəti olaraq dayandırılıb

Həndbol üzrə XXVII Azərbaycan çempionatının oyunları müvəqqəti olaraq dayandırılıb.Azərtac Azərbaycan Həndbol Federasiyasına istinadla xəbər verir ki, bu addım koronavirus (COVİD-19) infeksiyasının dünya ölkələri arasında sürətlə yayılmaqda davam etməsi ilə bağlı Azərbaycan Respublikası Nazirlər Kabineti yanında Operativ Qərargahın qərarı ilə əlaqədar atılıb.xeber100.com

Azərbaycan Boks Federasiyasının məlumatına görə…

Boks üzrə Azərbaycan milli komandası “Tokio 2020” Yay Olimpiya Oyunlarına ilk lisenziyasını qazanıb.Azərbaycan Boks Federasiyasından Azərtac-a verilən məlumata görə, yığmamızın heyətində Tayfur Əliyev (57 kq) bu hüquqa yiyələnib.Avropa Oyunlarının mükafatçısı Böyük Britaniyanın paytaxtı Londonda keçirilən Avropa Olimpiya Təsnifat Turnirində dörddəbir finala yüksəlməklə “Tokio 2020”də iştirak hüququna sahib olub. İyirmi üç yaşlı boksçu səkkizdəbir finalda Edqaras Skurdelisdən (Litva) üstün olub. Rəqibi ilk hissədə zədələndiyindən döyüşü davam etdirə bilməyib və T.Əliyev qalib elan olunub.Yarış gecə seansından sonra dayandırılacağından dörddəbir final qarşılaşması turnir bərpa olunduqdan sonra baş tutacaq.xeber100.com

Türkiyə Superliqasının XXVI turunun sonuncu görüşündə

Martın 16-da Türkiyə Superliqasının XXVI turunun sonuncu görüşündə “Antalyaspor” doğma meydanda “Sivasspor”u qəbul edib.Azərtac xəbər verir ki, “Antalya” stadionunda keçirilən görüşdə meydan sahibləri minimal hesabla qalib gəliblər. Görüşdə yeganə qolu Veysəl Sari vurub.Bu oyundan sonra Türkiyə çempionatına 53 xalla “Trabzonspor” liderlik edir. Onunla eyni xala malik “Başakşəhər” ikincidir. “Qalatasaray” 50 xalla üç, “Sivasspor” isə 49 xalla dördüncü pillələrdə qərarlaşıblar. Sonrakı yerlərdə “Beşiktaş” (44 xal), “Alanyaspor” (43 xal), “Fənərbağça” (40 xal) və digər komandalar gəlir.xeber100.com