“Yuventus” – “İnter” oyunu yenidən təxirə salınıb

İtaliya A Seriyasının XXVI turunun təxirə salınmış “Yuventus” – “İnter” oyunu koronavirusa görə yenidən təxirə salınıb.Azərtac xəbər verir ki, bu oyunun əvvəlcə azarkeşsiz keçirilməsi planlaşdırılsa da, sonradan qərar dəyişib.Bir müddət əvvəl İtaliyanın İdman naziri Vincenzo Spadafora A Seriyası oyunlarının hamısının koronavirus səbəbindən ləğv olunmasını təklif etmişdi.xeber100.com

XI “Baku open” beynəlxalq karate turniri başa çatıb

Bakıda Boks Mərkəzində keçirilən XI “Baku open” beynəlxalq karate turniri başa çatıb.Azərtac xəbər verir ki, yarışın son günündə 6-7, 8-9 yaşlı oğlanlar və qızlar mübarizə aparıblar. Hər iki yaş qrupunda Azərbaycan karateçiləri fərqləniblər.Oğlanlar arasında kata yarışlarında Məhəmməd Səttarzadə və Məhəmməd Hüseynquliyev, qızlar arasında Elnurə Əzimzadə və Mədinə Nəzərli birinci yeri tutublar.6-7 yaşlı oğlanlar arasında Hüseyn Abdullayev (20 kq), Həşim Harunzadə (23 kq), Zamiq Əliyev (28 kq), Malik Məmmədli (+28), 8-9 yaşlı oğlanlar arasında isə Fərid Həsənli (23 kq), İsmayıl Əhmədzadə (28 kq), Əbülfəz Rəfiyev (33 kq), Marat Semixov (38 kq), və Şamo Kamilov (+38 kq) qalib olublar.Aybikə Quluzadə (20 kq), Xədicə Qasımova (25 kq) 6-7 yaşlı, Şəhanə Göyüşlü (25 kq), Nigar Xanvəliyeva (30 kq), Şövkət İbrahimli (35 kq), Mədinə Kazımova (+35 kq) isə 8-9 yaşlı qızların yarışında birinci yerə layiq görülüblər.Yarışların yekununa görə, ümumi komanda hesabında Azərbaycan 79 qızıl medalla birinci yeri tutub.Turnir dünya şöhrətli idmançı Rafael Ağayevin 35 illik yubileyinə həsr olunub. Turnirdə Azərbaycanla yanaşı, Türkiyə, Malayziya, Misir, Gürcüstan, İsveçrə və Rusiyadan 672 idmançı iştirak edib.xeber100.com

İspaniya La Liqasının 27-ci turunun növbəti oyunu baş tutub

Martın 8-də İspaniya La Liqasının 27-ci turunun növbəti oyunu baş tutub.Azərtac xəbər verir ki, çempionluğa iddialı “Real Madrid” səfərdə “Real Betis” klubuna 2:1 hesabı ilə məğlub olub.Bu oyundan sonra “Real Madrid” 56 xalla ikinci, “Real Betis” isə 33 xalla 12-ci yerdə qərarlaşıb.xeber100.com

İtaliya A Seriyasında 27-ci turun mərkəzi qarşılaşmasında

Martın 8-də İtaliya A Seriyasında 27-ci turun mərkəzi qarşılaşması keçirilib.Azərtac xəbər verir ki, lider “Yuventus” öz meydanında üçüncü yerdə qərarlaşan “İnter” komandasını qəbul edib.Görüş meydan sahiblərinin 2:0 hesablı qələbəsi ilə başa çatıb.“Qoca sinyora”nın heyətində Aron Remsi (55) və Paolo Dibala (67) fərqləniblər.Bu qələbədən sonra xal ehtiyatını 63-ə çatdıran “Yuventus” turnir cədvəlində liderliyini davam etdirir. “İnter” isə 54 xalla üçüncü yerdə qərarlaşıb.xeber100.com

Azərbaycan çempionatının beşinci turunun oyunları keçiriləcək

Bu gün qadınlar arasında şahmat üzrə Azərbaycan çempionatının beşinci turunun oyunları keçiriləcək.Azərtac xəbər verir ki, növbəti turda turnir cədvəlinin lideri Gövhər Beydullayeva Türkan Məmmədyarova, digər şahmatçılar Xanım Balacayeva Mələk İsmayıl, Zeynəb Məmmədyarova Gülnar Məmmədova, Ülviyyə Fətəliyeva Səbinə Rzalı, Xəyalə Abdulla Ayan Allahverdiyeva ilə mübarizə aparacaqlar.Qeyd edək ki, ötən turların nəticəsinə görə, 3,5 xal toplayan G. Beydullayeva turnir cədvəlinə liderlik edir. X.Balacayeva, G.Məmmədova liderdən 0,5, Z.Məmmədyarova isə 1 xal geri qalırlar.Doqquz turdan ibarət turnir dairəvi sistem üzrə keçirilir.xeber100.com

İngiltərə Premyer Liqasının 29-cü turunun növbəti oyunu keçirilib

Martın 8-də futbol üzrə İngiltərə Premyer Liqasının 29-cü turunun növbəti oyunu keçirilib.Azərtac xəbər verir ki, turun mərkəzi qarşılaşması “Old Trafford” stadionunda baş tutub.“Mançester Yunayted” öz meydanında “Mançester Siti” klubunu qəbul edib. Görüş meydan sahiblərinin 2:0 hesablı qələbəsi ilə başa çatıb. “Qırmızı şeytanlar”ın heyətində Antoni Marsial və Skot Maktominay fərqləniblər.Bu qələbədən “Mançester Yunayted” xal ehtiyatını 45-ə çatdıraraq turnir cədvəlində beşinci yerə yüksəlib. “Mançester Siti” isə 57 xalla ikinci yerdə qərarlaşıb.Turun digər oyunlarında “Kristal Palas” öz meydanında “Vatford”u, “Şeffild Yunayted” isə “Norviç Siti”ni eyni hesabla məğlub edib (1:0). “Nyukasl Yunayted” isə səfərdə “Southenton” komandasından üstün olub (0:1). “Volvethemton” - “Brayton” oyununda qalib müəyyənləşməyib (0:0). London təmsilçisi “Arsenal” isə öz meydanında “Vest Hem” klubunu minimal hesabla məğlub edib (1:0).İngiltərə Premyer Liqasında 29-cu turun oyunlarına “Liverpul” - “Bormunt” qarşılaşması ilə start verilib.“Enfild” stadionunda baş tutan görüşdə meydan sahibləri 2:1 hesablı qələbə qazanıblar.xeber100.com

Azərbaycan çempionatının dördüncü turunun oyunları keçiriləcək

Martın 7-də qadınlar arasında şahmat üzrə Azərbaycan çempionatının dördüncü turunun oyunları keçiriləcək.Azərtac xəbər verir ki, növbəti turda Türkan Məmmədyarova Xanım Balacayeva, Zeynəb Məmmədyarova Mələk İsmayıl, Gülnar Məmmədova Xəyalə Abdulla, Gövhər Beydullayeva Səbinə Rzalı, Ayan Allahverdiyeva Ülviyyə Fətəliyeva ilə mübarizə aparacaqlar.Qeyd edək ki, üç turun yekununa görə, Gülnar Məmmədova və Gövhər Beydullayeva 2,5 xalla turnir cədvəlinin lideridirlər. Səbinə Rzalı, Türkan Məmmədyarova və Xanım Balacayeva onlardan yarım xal geri qalırlar.Doqquz turdan ibarət turnir dairəvi sistem üzrə keçirilir.xeber100.com

İngiltərə Premyer Liqasında 29-cu turun oyunları başlayıb

Martın 7-də futbol üzrə İngiltərə Premyer Liqasında 29-cu turun oyunlarına “Liverpul” - “Bormunt” qarşılaşması ilə start verilib.Azərtac xəbər verir ki, “Enfild” stadionunda baş tutan görüşdə meydan sahibləri 2:1 hesablı qələbə qazanıblar.Oyunda hesabı qonaqlar matçın 9-cu dəqiqədə Callum Vilson sayəsində açıblar. Qoldan sonra hücumları artıran “Liverpul” qarşılaşmanın 25-ci dəqiqəsində hesaba tarazlıq gətirib. Məhəmməd Salah Sadio Manenin ötürməsini qolla tamamlayıb.Oyunun 33-cü dəqiqəsində Sadio Mane adını tabloya yazdıraraq komandasını fasiləyə üstün aparıb.Qarşılaşmanın ikinci hissəsində hər iki komandanın cəhdlərinə baxmayaraq, hesab dəyişməyib.Beləliklə, “Liverpul” Premyer Liqada növbəti qələbəsini qazanaraq xal ehtiyatını 82-yə çatdırıb və birinci pillədəki yerini möhkəmlədib. “Bormunt” isə 27 xalla 18-ci yerdə qərarlaşıb.xeber100.com

Türkiyə Superliqasında XXV tur çərçivəsində

Martın 7-də Türkiyə Superliqasında XXV tur çərçivəsində keçirilən qarşılaşmada “Trabzonspor” səfərdə "Qaziantep”in qonağı olub.Azərtac xəbər verir ki, “Hüseyin Avni Aker” stadionunda keçirilən görüşdə qalib müəyyənləşməyib (1:1).Günün digər matçında isə "Başakşəhər" səfərdə "Göztəpə"nin qapısından üç cavabsız qol keçirib və ilk pilləyə yüksəlib. "Yeni Malatyaspor”-“Konyaspor” oyununda isə heç-heçə qeydə alınıb - 1:1.Günün digər oyununda isə "Fənərbağça” “Dənizlispor” ilə qarşılaşacaq.Bu tur çərçivəsində “Kasımpaşa”-“ Kayserispor”, “Rizəspor”-“Alanyaspor”, “Sivasspor”-Qalatasaray” və “Gənclərbirliyi”-“Antalyaspor” görüşləri keçiriləcək.xeber100.com

AFFA-nın Hakimlər Komitəsinin sədri beynəlxalq oyuna təyinat alıb

AFFA-nın Hakimlər Komitəsinin sədri Fritz Stuçlik beynəlxalq oyuna təyinat alıb.Azərtac AFFA-nın saytına istinadla xəbər verir ki, 21 yaşadək futbolçulardan ibarət komandalar arasında təşkil olunan Avropa çempionatının seçmə qrup mərhələsi çərçivəsində keçiriləcək Ukrayna–Şimali İrlandiya oyununun hakim-inspektoru F.Stuçlik olacaq.Ukrayna–Şimali İrlandiya oyunu martın 31-də Lvov şəhərində təşkil ediləcək.xeber100.com