“Yuventus”–“İnter” oyunu martın 9-da keçirilə bilər

İtaliya A Seriyasının 26-ci turunun koronavirusa görə təxirə salınmış “Yuventus”–“İnter” qarşılaşması martın 9-da keçirilə bilər.TASS informasiya agentliyi xəbər verir ki, bu haqda İtaliya Futbol Federasiyası (İFF) öz saytında bəyanat yayıb.Həmçinin bildirilib ki, “Milan”-“Genoa”, “Parma”- SPAL, “Sassuolo”-“Breşiya” və “Udineze”-“Fiorentino” oyunları martın 7-dən 9-dək keçirilə bilər.Qeyd edək ki, İtaliyada koronavirusa yoluxanların sayı min nəfəri ötüb.xeber100.com

Futzal üzrə 1/8 final mərhələsinin ilk oyunlarının cədvəli açıqlanıb

Futzal üzrə Azərbaycan kuboku yarışlarının 1/8 final mərhələsinin ilk oyunlarının cədvəli açıqlanıb.Azərtac Azərbaycan Futzal Federasiyasına istinadla xəbər verir ki, görüşlər martın 11-12-də “Olimpik Star”da keçiriləcək.Martın 11-də “Premier”–“Red Line”, “Marafon”–“Atletiko Baku”, “Araz”–“Baker Tilly”, “Advokat”–“Star kargo-2”, ertəsi gün isə “Neftçi”–“Badamlı”, EKOL–“Standard”, “Nəqşicahan”–“Baku Fans” və “Hövsan”–“Yurd” oyunları keçiriləcək.xeber100.com

İspaniya La Liqasının 26-cı turunun mərkəzi qarşılaşması keçirilib

Martın 1-də futbol üzrə İspaniya La Liqasının 26-cı turunun mərkəzi qarşılaşması keçirilib.Azərtac xəbər verir ki, maraqla gözlənilən və “El klassiko” adlanan görüşdə “Real Madrid”–“Barselona” komandaları üz-üzə gəlib. “Santiaqo Bernabeu” stadionunda 75 min 557 nəfərin izlədiyi görüşdə “Real Madrid” qələbə qazanıb (2:0).Oyunda birinci hissədə hesab açılmasa da, “Real Madrid” fasilədən sonra ardıcıl iki dəfə fərqlənərək vacib qələbə qazanıb. Vinisius Junior (71) və Mariano Diaz (90) fərqləniblər.Bu qələbədən sonra aktivinə 56-cı xalı yazan madridlilər turnir cədvəlində liderliyə yüksəlib. “Barselona” isə 55 xalla ikinci yerdə qərarlaşıb. “Barselona” və “Real Madrid”in çempionatdakı ən yaxın izləyicisi “Sevilya”nın 46 xalı var.Bu, La Liqada 180-ci “El klassiko” olub. İndiyədək keçirilən görüşlərdə “Real Madrid” 73 dəfə, “Barselona” isə 72 dəfə qalib gəlib. Otuz beş oyun heç-heçə başa çatıb.xeber100.com

“Səbail” futbol klubu 75-ci oyununu keçirib

Bakının “Səbail” futbol klubu Azərbaycan Premyer Liqasında yubiley – 75-ci oyununu keçirib.Azərtac xəbər verir ki, bu oyun çempionatın XIX turunun “Neftçi” ilə səfər matçına təsadüf edib. Hesabında 23 qələbə və 37 məğlubiyyət olan paytaxt təmsilçisi yubiley – 15-ci bərabərliyinə imza atıb – 1:1.Bu qarşılaşma yeniliklə də əlamətdar olub. Eriko da Silva klubun tarixinə Premyer Liqa oyununda avtoqol müəllifi olan birinci futbolçu kimi düşüb. Premyer Liqada 3-cü mövsümünü keçirən komanda avtoqola üzülən 43-cü klub kimi tarixə düşüb.xeber100.com

Azərbaycan Həndbol Federasiyasının məlumatına görə…

Həndbolçularımız Rusiyada keçirilən beynəlxalq turnirdə uğurla çıxış ediblər.Azərbaycan Həndbol Federasiyasından Azərtac-a bildiriblər ki, Həştərxanda ikiqat Olimpiya çempionu Vasili Kudinovun xatirəsinə həsr olunan yarışda 2002-2003-cü il təvəllüdlü oğlanlar bacarıqlarını göstəriblər.Azərbaycan seçməsi 6 komandanın qatıldığı turnirdə topladığı 8 xalla ikinci yeri tutub. “Moskva-1” komandası yarışın qalibi olub. “Sankt-Peterburq-1” kollektivi isə üçüncü pillədə qərarlaşıb.Qeyd olunub ki, komandamızın xatirə turnirində iştirakı Monteneqroda keçiriləcək dünya çempionatına hazırlıq məqsədi daşıyır.xeber100.com

UEFA Çempionlar Liqasının səkkizdəbir final mərhələsində

UEFA Çempionlar Liqasının səkkizdəbir final mərhələsində vurulan ən yaxşı qolun müəllifinin adı açıqlanıb.Azərtac xəbər verir ki, bu nominasiyaya Almaniyanın “Borrusiya Dortmunt” futbol klubunun norveçli hücumçusu Erlinq Holandın Fransanın “Paris Sen-Jermen”ə vurduğu ikinci qol səkkizdəbir final mərhələsinin ən yaxşısı seçilib.Qeyd edək ki, sözügedən görüş Dortmund təmsilçisinin 2:1 hesablı qələbəsi ilə başa çatıb.xeber100.com

İtaliya çempionatının XXVI turunun beş matçı təxirə salınıb

Futbol üzrə İtaliya çempionatının XXVI turunun bu həftə keçirilməsi nəzərdə tutulan beş matçı koronavirusun yayılması təhlükəsinə görə təxirə salınıb.Azərtac xəbər verir ki, bu görüşlərə “Udenize”-“Fiorentina”, “Milan”-“Genoa”, “Parma”-SPAL, “Sassuolo”-“Breşia” və “Yuventus”-“İnter” matçları daxildir.Qeyd edək ki, qarşılaşmaların mayın 13-də keçirilməsi nəzərdə tutulub.xeber100.com

Azərbaycan Premyer Liqasının 19-cu turunda

Fevralın 29-da futbol üzrə Azərbaycan Premyer Liqasının 19-cu turuna “Sumqayıt”-“Keşlə” matçı ilə start verilib.Azərtac xəbər verir ki, “Kapital Bank Arena”da keçirilən oyuna fəal başlayan meydan sahibləri 4-cü dəqiqədə iranlı hücumçu Peyman Babayinin vurduğu qolla hesabı açıblar. Görüşün 10-cu dəqiqəsində qonaqların yarımmüdafiəçisi Vüsal İsgəndərli hesaba tarazlıq gətirib. Birinci hissə 1:1 hesabı ilə bitib.Qarşılaşmanın 64-cü dəqiqəsində “Sumqayıt”ın yarımmüdafiəçisi Rəhim Sadıxov komandasının ikinci qolunun müəllifi olub. Lakin 80-ci dəqiqədə paytaxt təmsilçisinin müdafiəçisi Slavik Alxasov vurduğu qolla hesabı bərabərləşdirib. Beləliklə, “Sumqayıt”-“Keşlə” oyununda qalib müəyyənləşməyib – 2:2.Günün ikinci görüşü isə Tofiq Bəhramov adına Respublika stadionunda təşkil olunacaq. Lider “Qarabağ” “Sabah”ı qəbul edəcək.Martın 1-də Zirə Olimpiya İdman Kompleksinin stadionunda keçiriləcək “Zirə”–“Qəbələ” oyununda baş hakim funksiyasını Orxan Məmmədov yerinə yetirəcək. Matç saat 15:00-da başlayacaq.Tura həmin gün keçiriləcək “Neftçi”-“Səbail” oyunu ilə yekun vurulacaq. Səbuhi Bayramovun idarə edəcəyi qarşılaşma saat 17:00-da start götürəcək.Turun bütün görüşləri “CBC Sport” kanalı ilə birbaşa yayımlanacaq.Qeyd edək ki, 18 turdan sonra turnir cədvəlinə 41 xalla “Qarabağ” klubu başçılıq edir. Aktivində 33 xal olan “Neftçi” ikinci, 30 xalı olan “Keşlə” isə üçüncü yerlərdə qərarlaşıblar. Digər pillələrdə müvafiq olaraq “Sumqayıt” (23), “Zirə” (20), “Sabah” (20), “Səbail” (19) və “Qəbələ” (13) yer alıblar.xeber100.com

Cüdo üzrə Azərbaycan birinciliyində fərdi yarışlar başa çatıb

Fövqəladə Hallar Nazirliyinin İdman-Sağlamlıq Mərkəzində gənclər arasında keçirilən cüdo üzrə Azərbaycan birinciliyində fərdi yarışlar başa çatıb.Azərtac xəbər verir ki, Azərbaycan Cüdo Federasiyası, Gənclər və İdman Nazirliyinin birgə təşkilatçılığı ilə keçirilən yarışda paytaxt və bölgələrdən 51 komandadan 367 idmançı (311 oğlan, 56 qız) medallar uğrunda mübarizə aparıb.Fərdi yarışların sonuncu günündə daha səkkiz çəki dərəcəsində qaliblər müəyyənləşib.Oğlanlar arasında Nicat Məmmədli (60 kq), Rəşid Məmmədəliyev (73 kq), Cahangir Məcidov (90 kq) və Camal Feyziyev (+100 kq) bütün görüşləri qalib başa vuraraq fəxri kürsünün ən yüksək pilləsinə qalxıblar.Xanım idmançıların mübarizəsində isə Vüsalə Kərimova (48 kq), Fəridə Səfərova (57 kq), Xədicə Rəşidova (70 kq) və Aytəkin Paşazadə (+78 kq) Azərbaycan çempionu adını qazanıblar. Qalib və mükafatçılara diplom, medal və pul mükafatları təqdim olunub.Qeyd edək ki, gənc cüdoçuların respublika birinciliyinə fevralın 28-də təşkil olunacaq komanda yarışları ilə yekun vurulacaq.xeber100.com

“Başakşehir” klubu öz meydanında “Sportinq” komandasını qəbul edib

Fevralın 27-də UEFA Avropa Liqasının 2019-2020-ci il mövsümünün onaltıdabir final mərhələsinin növbəti cavab oyunu keçirilib.Azərtac xəbər verir ki, Türkiyənin bu turnirdə yeganə təmsilçisi “Başakşehir” klubu öz meydanında Portuqaliyanın “Sportinq” komandasını qəbul edib.Səfərdə 3:1 hesabı ilə məğlub olan İstanbul təmsilçisi ilk dəqiqələrdən rəqibin qapısı qarşısında bir neçə təhlükəli vəziyyət yaradıb. Matçın 31-ci dəqiqəsində Martin Şkrtel hesabı açıb - 1:0. Birinci hissənin başa çatmasında bir dəqiqə qalmış “Başakşehir” hesab arasındakı fərqi iki topa çatdırıb. Daniel Aleksiç adını tabloya yazdırıb - 2:0.Qarşılaşmanın ikinci hissəsinin 68-ci dəqiqəsində qonaqlar qollardan birinin əvəzin çıxıb. Luçiano Vietto Markos Akunanın ötürməsini dəqiq zərbə ilə tamamlayıb - 2:1. Matçın 90-cı dəqiqəsində “Başakşehir” yenidən fərqlənib. Edin Vişca komandasının vacib qolunu vurub.Ümumi hesab eyni olduğundan qalibi müəyyənləşdirmək üçün hər biri 15 dəqiqəlik iki hissə oynanılıb.Artırılan ikinci hissənin 14-cü (119-cu) dəqiqəsində “Başakşehir” daha bir qol vurub. Hakimin təyin etdiyi 11-metirlik cərimə zərbəsini E.Vişca dəqiq yerinə yetirərək komandasına səkkizdəbir finala vəsiqə qazandıran həlledici qolu qapıdan keçirib - 4:1. Bu, oyunda sonuncu qol olub.xeber100.com