Beynəlxalq Şahmat Federasiyasının məlumatı əsasında…

Azərbaycan şahmatçısı Teymur Rəcəbov iddiaçılar turnirində çıxışdan imtina edib.Azərtac Beynəlxalq Şahmat Federasiyasının rəsmi saytına istinadla xəbər verir ki, şahmatçı şəxsi səbəblərdən bu turnirdə iştirak etməyəcəyinə qərar verib. Şahmatçı bu barədə FIDE-ni xəbərdar edib.Teymur Rəcəbovu turnirdə on iki ay ərzində ən yüksək orta reytinqə sahib olan fransalı şahmatçı Maksim Vaşe-Laqrav əvəz edəcək. Oyunçu artıq məlumatlandırılıb və turnirdə iştirak etməyə hazırdır.Qeyd edək ki, Teymur Rəcəbov 2019-cu ildə keçirilmiş dünya kubokunun sahibi olmaqla iddiaçılar turnirində iştirak hüququ da qazanmışdı.İddiaçılar turnirində amerikalı Fabiano Karuana, Çinin iki təmsilçisi - Liren Dinq və Hao Yanq, rusiyalı şahmatçılar Yan Nepomnyaşi, Aleksandr Qrişuk, Kiril Alekseyenko, Niderland təmsilçisi Aniş Giri və fransalı Maksim Vaşe-Laqrav iştirak edəcəklər. Turnir martın 15-dən aprelin 5-dək Rusiyanın Yekaterinburq şəhərində keçiriləcək. Yarışın qalibi norveçli dünya çempionu Maqnus Karlsenlə şahmat tacı uğrunda mübarizə aparacaq.xeber100.com

“Çelsi” futbol klubunun hücumçusu mükafata layiq görülüb

İngiltərənin “Çelsi” futbol klubunun hücumçusu Tammi Abraham “Willow” fondu tərəfindən iki mükafata layiq görülüb.Azərtac xəbər verir ki, 22 yaşlı ingiltərəli hücumçu Londonda keçirilən mərasimdə həm İngiltərə çempionatında ilin gənc oyunçusu, həm də paytaxt klubları arasında ən yaxşı futbolçu mükafatına layiq görülüb. Hücumçuya mükafatları “Çelsi”nin sabiq müdafiəçisi Eşli Kol təqdim edib.Qeyd edək ki, T.Abraham cari mövsümdə London təmsilçisinin heyətində keçirdiyi 34 oyunda 15 qol vurub və 3 məhsuldar ötürmə edib.xeber100.com

Futbol üzrə “Avro-2021”in seçmə qrup mərhələsi çərçivəsində

Futbol üzrə “Avro-2021”in seçmə qrup mərhələsi çərçivəsində martın 11-də keçiriləcək Azərbaycan–Polşa oyununa hakim təyinatları açıqlanıb.Azərtac AFFA-nın saytına istinadla xəbər verir ki, oyunu Rumıniyadan olan hakimlər briqadası idarə edəcək. Matçın baş hakimi Kristiana Mariana olacaq. Ona Petruta İuqulesku və Daniela Konstantinesku kömək edəcəklər. Dördüncü hakim funksiyasını İuliana Demetresku yerinə yetirəcək.Azərbaycan–Polşa oyunu “ASK Arena”da saat 18:00-da başlayacaq.xeber100.com

XI “Baku open” beynəlxalq karate turnirinin ilk qalibləri müəyyənləşib

Bakıda Boks İdman Mərkəzində keçirilən XI “Baku open” beynəlxalq karate turnirinin ilk qalibləri müəyyənləşib.Azərtac xəbər verir ki, yarışın birinci günündə böyüklər və veteranlar mübarizə aparıblar. Belə ki, kişilərin kata yarışlarında Həsənəli Həsənov, qadınların mübarizəsində Neda Rezai qalib olublar. Veteranlar arasında Anar Əhmədov (36-45 yaş) və Rəfael Məmmədov (46-55 yaş) qızıl medal qazanıblar.Martın 6-da 16-17 yaşlı və 18-21 yaşlı gənclər, ertəsi gün 14-15 yaşlı yeniyetmələr, ayın 8-də isə 6-13 yaşadək uşaqlar yarışa qoşulacaqlar.Turnir bu dəfə dünya şöhrətli idmançı Rafael Ağayevin 35 illik yubileyinə həsr olunub. Fərdi və komanda yarışlarında Azərbaycanla yanaşı, Türkiyə, Malayziya, Misir, Gürcüstan, İsveçrə və Rusiyadan 672 idmançı iştirak edir.xeber100.com

Futzal üzrə Yüksək Liqanın XVIII turuna start verilib

Martın 5-də futzal üzrə Yüksək Liqanın XVIII turuna “Xızı”-EKOL oyunu ilə start verilib.Azərtac xəbər verir ki, “Olimpik Star”da təşkil olunan oyunda EKOL 6:5 hesabı ilə qalib gəlib. EKOL-un heyətində Faiq Əliyev və Oktay Rüstəmli dubl ediblər, Samir Həmzəyev və Əsgər Abasov hərəyə 1 dəfə fərqləniblər. Digər komandanın qollarını Xəyal Quliyev (3 top), Fərid Abbaslı və Şahin Əliyev vurublar.Gün ərzində “Yasamal”-“Marafon”, “Bakı”-“Baku Fire”, “Premier”-“Neftçi” və “Araz”-“Record” matçları keçiriləcək.Qeyd edək ki, on yeddi turdan sonra hesabında 51 xal olan “Araz” komandası turnir cədvəlinə liderlik edir. Hesabında 39 xal olan “Marafon” və EKOL komandaları 2-3-cü pillədə qərarlaşıblar.xeber100.com

“Trabzonspor” klubu “Fənərbağça” komandası ilə qarşılaşıb

Martın 3-də futbol üzrə Türkiyə Kubokunun yarımfinal mərhələsinin ilk görüşündə “Trabzonspor” klubu doğma meydanda “Fənərbağça” komandası ilə qarşılaşıb.Azərtac xəbər verir ki, “Medical Park Arena”da keçirilən oyun qarşılıqlı hücumlarla yadda qalıb. Görüşün 46-cı dəqiqəsində meydan sahiblərinin hücumçusu Aleksandr Sorlot hesabı açıb. Trabzon təmsilçilərinin müdafiəçisi Filip Novak 66-cı dəqiqədə hesab arasındakı fərqi artırıb. Matçın 82-ci dəqiqəsində qonaq komandanın hücumçusu Vedat Muruqi fərqlənsə də, istanbulluların bundan artığına gücləri çatmayıb.Beləliklə, görüş 2:1 hesabı ilə "Trabzonspor"un xeyrinə bitib.Yarımfinal mərhələsinin digər oyunu martın 4-də “Antalyaspor” ilə “Alanyaspor” komandaları arasında keçiriləcək. Cavab qarşılaşmaları isə aprelin 21-22-də oynanılacaq.xeber100.com

Futbol üzrə UEFA Millətlər Liqası turnirində oyunların təqvimi açıqlanıb

Futbol üzrə UEFA Millətlər Liqası turnirində Azərbaycan milli komandasının yer aldığı 1-ci qrupun oyunlarının təqvimi açıqlanıb.Azərtac xəbər verir ki, martın 3-də Niderlandın paytaxtı Amsterdamda futbol üzrə UEFA Millətlər Liqasının püşkatma mərasimi keçirilib. Püşkə əsasən millimiz Monteneqro, Kipr və Lüksemburq yığmaları ilə qarşılaşacaq.Millimiz ilk oyununu doğma meydanda sentyabrın 5-də Lüksemburq yığmasına qarşı keçirəcək. Üç gün sonra futbolçularımız Kipr seçməsinin qonağı olacaqlar. Oktyabrın 9-da Monteneqro millisi Azərbaycan komandasını qəbul edəcək. Üç gün sonra Azərbaycan–Kipr oyunu keçiriləcək. Noyabrın 12-də Azərbaycan millisi Monteneqro yığmasını qəbul edəcək. Millimiz turnirin qrup mərhələsində sonuncu oyununu səfərdə Lüksemburqa qarşı keçirəcək. Matç noyabrın 15-də keçiriləcək.xeber100.com

Azərbaycan Futzal Federasiyasının məlumatına görə…

Futzal üzrə Yüksək Liqada XVIII turun oyunlarına hakim təyinatları açıqlanıb.Azərtac Azərbaycan Futzal Federasiyasına istinadla xəbər verir ki, turun oyunları martın 5-də keçiriləcək.Tura “Xızı”-EKOL oyunu ilə start veriləcək. Saat 12:00-da başlayacaq görüşün baş hakimi Əli Cəbrayılov olacaq.Saat 14:00-da start götürəcək “Yasamal”-“Marafon” qarşılaşması Anar Fərəcova tapşırılıb.“Bakı”-“Baku Fire” oyununda Rahin Heybətov ədaləti qoruyacaq. Görüş saat 16:00-da başlayacaq.“Premier”-“Neftçi” arasında keçiriləcək oyuna Kənan Məlikov təyinat alıb. Qarşılaşmanın start fiti saat 18:00-da səsləndiriləcək.Tura “Araz”-“Record” matçı ilə yekun vurulacaq. Saat 20:00-da start götürəcək oyunun baş hakimi Knyaz Əmiraslanov olacaq.Turun oyunları “Olimpik Star”da təşkil olunacaq.Qeyd edək ki, on dörd turdan sonra hesabında 51 xal olan “Araz” komandası turnir cədvəlinə liderlik edir. Hesabında 39 xal olan “Marafon” və EKOL komandaları 2-3-cü pillədə qərarlaşıblar.xeber100.com

“AGF Junior Trophy” adlı beynəlxalq turnir təşkil ediləcək

Martın 7-8-də Azərbaycan Gimnastika Federasiyası (AGF) ilk dəfə olaraq kişi idman gimnastikası üzrə birinci “AGF Junior Trophy” adlı beynəlxalq turnir təşkil edəcək.Azərtac AGF-yə istinadla xəbər verir ki, Milli Gimnastika Arenasında təşkil olunacaq turnirdə 7 ölkədən gənclər yaş qrupuna daxil olan 2003-2006-cı il təvəllüdlü gimnastlar öz bacarıqlarını nümayiş etdirəcəklər.Turnirdə ölkəmizi Ramin Dəmirov, Mənsum Səfərov, Anar Həsənov, Rəsul Əhmədzadə və Ağakazım Rüstəmov təmsil edəcəklər.Qeyd edək ki, bu yarış mayın 27-31-də Milli Gimnastika Arenasında təşkil ediləcək kişi idman gimnastikası üzrə Avropa çempionatından öncə gənc gimnastlar üçün bir növ sınaq turniri rolunu oynayacaq.xeber100.com

“Yuventus”–“İnter” oyunu martın 9-da keçirilə bilər

İtaliya A Seriyasının 26-ci turunun koronavirusa görə təxirə salınmış “Yuventus”–“İnter” qarşılaşması martın 9-da keçirilə bilər.TASS informasiya agentliyi xəbər verir ki, bu haqda İtaliya Futbol Federasiyası (İFF) öz saytında bəyanat yayıb.Həmçinin bildirilib ki, “Milan”-“Genoa”, “Parma”- SPAL, “Sassuolo”-“Breşiya” və “Udineze”-“Fiorentino” oyunları martın 7-dən 9-dək keçirilə bilər.Qeyd edək ki, İtaliyada koronavirusa yoluxanların sayı min nəfəri ötüb.xeber100.com