Futzal üzrə Yüksək Liqada XVI turun hakim təyinatları açıqlanıb

Futzal üzrə Yüksək Liqada XVI turun oyunlarına hakim təyinatları açıqlanıb.Azərtac Azərbaycan Futzal Federasiyasına istinadla xəbər verir ki, turun oyunları fevralın 24-də keçiriləcək.Tura “Baku Fire”-“Record” oyunu ilə start veriləcək. Saat 12:00-da başlayacaq görüşün baş hakimi Ramiz Məhərrəmov olacaq.Saat 14:00-da start götürəcək “Araz”-“Neftçi” qarşılaşması Ceyhun Hüseynova tapşırılıb.“Yasamal”-“Premier” oyununda Anar Fərəcov ədaləti qoruyacaq. Görüş saat 16:00-da başlayacaq.“Bakı” və EKOL arasında keçiriləcək oyuna Hikmət Qafarlı təyinat alıb. Qarşılaşmanın start fiti saat 18:00-da səsləndiriləcək.Tura “Xızı”-“Marafon” matçı ilə yekun vurulacaq. Saat 20:00-da start götürəcək oyunun baş hakimi Rahin Heybətov olacaq.Turun oyunları “Olimpik Star”da təşkil olunacaq.Qeyd edək ki, on dörd turdan sonra hesabında 42 xal olan “Araz” komandası turnir cədvəlinə liderlik edir. EKOL komandası 36 xalla ikinci, “Marafon” isə 33 xalla üçüncü pillədə qərarlaşıb.xeber100.com

İngiltərə Premyer Liqasının 27-ci turuna start verilib

Fevralın 22-də “Çelsi” – “Tottenhem” oyunu ilə İngiltərə Premyer Liqasının 27-ci turuna start verilib.Azərtac xəbər verir ki, London derbisi meydan sahiblərinin 2:1 hesablı qələbəsi ilə başa çatıb. Oyunda hesabı 14-cü dəqiqədə “Çelsi”nin fransalı hücumçusu Olivye Jiru açıb. Fasilədən sonra Frenk Lampardın yetirmələri hesab arasındakı fərqi iki topa çatdırıblar. Markos Alonso komanda yoldaşı Ros Barklinin ötürməsini dəqiq zərbə ilə tamamlayıb – 2:0.Lakin qonaqlar matçın son dəqiqələrində təsəlli qolunu vura biliblər. Görüşün 89-cu dəqiqəsində Erik Lamelanın cinah ötürməsindən sonra top “Çelsi”nin müdafiəçisi Antonio Rudigerin ayağına toxunaraq qapıdan keçib.Beləliklə, “Çelsi” dörd oyundan sonra qələbə qazanıb. “Tottenhem” isə yeddi oyunluq məğlubiyyətsizlik seriyasını davam etdirə bilməyib.Bu qələbədən sonra “Çelsi” 44 xalla turnir cədvəlində dördüncü, “Tottenhem” isə 40 xalla beşinci yerdə qərarlaşıblar.Turun digər oyunları bu gün və fevralın 23-də keçiriləcək.xeber100.com

Cüdo üzrə “Böyük dəbilqə” turniri start götürüb

Fevralın 21-də Almaniyanın Düsseldorf şəhərində cüdo üzrə “Böyük dəbilqə” turniri start götürüb.Azərtac xəbər verir ki, nüfuzlu yarışda Azərbaycan böyük heyətlə - 18 cüdoçu ilə təmsil olunur. Turnirin birinci günündə səkkiz cüdoçumuz mübarizəyə qatılıb. Kişi cüdoçularımızdan Kəramət Hüseynov, Oruc Vəlizadə (60 kq), Nicat Şıxəlizadə, Orxan Səfərov (66 kq) turnirin birinci günündə tatami üzərinə çıxacaqlar. Qadınların yarışında isə Aişə Qurbanlı, Leyla Əliyeva (48 kq), Gültac Məmmədəliyeva (52 kq), İçinxorloo Münxtsedev, Aleksandra-Larisa Florian (57 kq) güclərini sınayırlar.Fevralın 23-dək davam edəcək yarışda 116 ölkədən 700-ə yaxın cüdoçu mübarizə aparır.xeber100.com

Azərbaycan Ağır Atletika Federasiyasının məlumatına görə…

Fevralın 21-də Ağır Atletika Akademiyasının yarış zalında kişilər və qadınlar arasında Azərbaycan çempionatı start götürüb.Azərbaycan Ağır Atletika Federasiyasından (AAAF) Azərtac-a bildiriblər ki, Gənclər və İdman Nazirliyinin, AAAF-ın birgə təşkil etdiyi yarışda ölkəmizin bütün bölgələrindən 100-ə yaxın atlet qüvvəsini sınayır.Çempionatda körpücük üzərinə əvvəlcə qadınlar çıxıblar. Qaliblər Sinkleyr cədvəli üzrə müəyyən edilib. Toplam 142 kiloqram (63+79) çəkinin öhdəsindən gələn Mərziyyə Məhərrəmova 219,7 xalla qızıl medala layiq görülüb. Günel Vəliyeva toplam 161 kiloqram (71+90) nəticə və 217,3 xalla ikinci, Gülçin Əlizadə isə 139 kiloqram (62+77) nəticə və 199,1 xalla üçüncü pillədə qərarlaşıblar.Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli komandaların tərkibinin müəyyənləşdirilməsi və qarşıdakı beynəlxalq yarışlara hazırlanmasıdır.xeber100.com

FIFA milli komandaların növbəti reytinq cədvəlini dərc edib

Fevralın 20-də FIFA milli komandaların növbəti reytinq cədvəlini dərc edib. Aktivində 1177 xal olan Azərbaycan millisinin siyahıdakı əvvəlki mövqeyi dəyişməyib və komandamız 114-cü sırada qərarlaşıb.Azərtac xəbər verir ki, dünyanın 210 yığmasının yer aldığı siyahıya aktivində 1765 xal olan Belçika millisi başçılıq edir. Sonuncu dünya çempionu Fransa komandası 1733 xalla ikinci, beşqat dünya çempionu Braziliya isə 1712 xalla üçüncü yerdədir. Reytinq cədvəlində ilk onluğu İngiltərə (1661), Uruqvay (1645), Xorvatiya (1642), Portuqaliya (1639), İspaniya (1636), Argentina (1623) və Kolumbiya (1622) komandaları qərarlaşıblar.xeber100.com

“Barselona” klubu “Leqanes” komandasından transfer edib

“Barselona” klubu İspaniyanın “Leqanes” komandasının hücumçusu Martin Breytvaytı transfer edib.Azərtac Kataloniya təmsilçisinin saytına istinadla xəbər verir ki, 29 yaşlı futbolçu ilə 4,5 illik müddətə müqavilə imzalanıb.Cari mövsümdə “Leqanes” klubunun heyətində 24 oyunda meydana çıxan Braytvayt 6 qol vurub.xeber100.com

11-ci beynəlxalq “Baku open” karate turniri keçiriləcək

Martın 5-dən 8-dək Bakı Boks Mərkəzində 11-ci beynəlxalq “Baku open” karate turniri keçiriləcək.Azərtac xəbər verir ki, yarışda uşaqlar, yeniyetmələr, gənclər, böyüklər və veteran karateçilər iştirak edəcəklər. Fərdi və komanda yarışlarında ondan çox ölkədən minədək idmançının iştirakı gözlənilir.xeber100.com

Cüdoçular arasında Avropa kuboku turniri keçiriləcək

Fevralın 29-da Antalyada yeniyetmə cüdoçular arasında Avropa kuboku turniri keçiriləcək.Azərtac xəbər verir ki, Azərbaycanı qitə yarışında oğlanların mübarizəsində 27, qızların yarışında isə 5 cüdoçu təmsil edəcək.Yarışda iştirak etmək üçün indiyədək 13 ölkədən 211 cüdoçu qeydiyyatdan keçib ki, onlardan 160-ı oğlan, 51-i qızdır.xeber100.com

Azərbaycan Premyer Liqasının XIX turunun təqvimi müəyyənləşib

Futbol üzrə Azərbaycan Premyer Liqasının XIX turunun təqvimi müəyyənləşib.Azərtac xəbər verir ki, iki günü əhatə edəcək tura fevralın 29-da “Sumqayıt” və “Keşlə” komandaları arasında oyun ilə start veriləcək. “Kapital Bank Arena”da keçiriləcək matç saat 15:00-da başlayacaq. Günün ikinci görüşündə “Qarabağ” doğma meydanda “Sabah”ı qəbul edəcək. Tofiq Bəhramov adına Respublika stadionunda təşkil olunacaq qarşılaşma saat 18:00-da start götürəcək.Turun üçüncü oyunu martın 1-də Zirə Olimpiya İdman Kompleksinin stadionunda “Zirə” və “Qəbələ” komandaları arasında olacaq. Matç saat 16:00-da başlayacaq.Premyer Liqanın XIX turuna həmin gün saat 17:00-da başlayacaq “Neftçi”-“Səbail” matçı ilə yekun vurulacaq. Görüş “Bakcell Arena”da təşkil olunacaq.Bütün görüşlər “CBC Sport” kanalı ilə birbaşa yayımlanacaq.Qeyd edək ki, 17 turdan sonra turnir cədvəlinə 38 xalla “Qarabağ” klubu başçılıq edir. Aktivində 30 xal olan “Neftçi” ikinci, 26 xalı olan “Keşlə” isə üçüncü yerdə qərarlaşıblar. Digər pillələrdə müvafiq olaraq “Sumqayıt” (22), “Zirə” (20), “Sabah” (19), “Səbail” (18) və “Qəbələ” (13) yer alıblar.xeber100.com

“Çelsi” futbol klubu “Mançester Yunayted” komandasını qəbul edib

İngiltərə Premyer Liqasının 26-cı turuna yekun vurulub.Azərtac xəbər verir ki, turun son görüşündə “Çelsi” doğma azarkeşlər önündə “Mançester Yunayted” komandasını qəbul edib.“Stamford Bric” stadionunda oynanılan görüşdə qonaqlar 2:0 hesabı ilə qalib gəlib. Mançester təmsilçisinin heyətində Antoni Marsial və Hari Maquayer fərqləniblər.Bu qələbədən sonra xal ehtiyatını 38-ə çatdıran “Mançester Yunayted” turnir cədvəlində yeddinci yerə yüksəlib. “Çelsi” isə 41 xalla 4-cü yerdə qərarlaşıb.xeber100.com