Azərbaycan millisi təlim-məşq toplanışını başa vurub

Niderlandda keçiriləcək Avropa Olimpiya təsnifat turnirinə hazırlığını davam etdirən qadın voleybolçulardan ibarət Azərbaycan millisi təlim-məşq toplanışını başa vurub. Ötən il dekabrın 25-də Bakıda başlayan hazırlıq prosesi Polşada yekunlaşıb.Azərtac xəbər verir ki, komandamız Polşada yerli yığma ilə iki qarşılaşmada gücünü yoxlayıb. Hər iki görüşdə Polşa millisi qalib gəlib.Yığmamız Polşadan əvvəl Türkiyədə də hazırlıq keçib. Millimiz qonşu ölkədə “Fənərbağça” və “Türk Hava Yolları” klubları ilə qüvvəsini sınayıb və hər 2 matç heç-heçə ilə bitib.Komandamız bu gün Niderlanda yollanacaq.Qeyd edək ki, “Tokio2020” Yay Olimpiya Oyunlarına lisenziya turniri yanvarın 7-12-də Apeldornda keçiriləcək.xeber100.com

İspaniya La Liqasının 19-cu turunun oyunları keçirilib

Yanvarın 4-də İspaniya La Liqasının 19-cu turunun oyunları keçirilib.Azərtac xəbər verir ki, turun mərkəzi görüşü “Espanyol” və “Barselona” komandaları arasında reallaşıb.“Kornelya El Prat” stadionunda təşkil olunmuş Kataloniya derbisi heç-heçə ilə yekunlaşıb - 2:2. Hesabı 23-cü dəqiqədə meydan sahiblərindən David Lopes açıb. Oyunun 50-ci dəqiqəsində Luis Suares bərabərlik qolunu vurub. Qarşılaşmanın 59-cu dəqiqəsində isə Arturo Vidal qonaqları önə çıxarıb. Lakin 88-ci dəqiqədə Uley yekun nəticəni müəyyənləşdirib. Görüşün 75-ci dəqiqəsində Frenki De Yonq qırmızı vərəqə alaraq, “Barsa”nı azlıqda qoyub.Xal itkisinə baxmayaraq, Ernesto Valverdenin baş məşqçi olduğu komanda xallarını 40-a çatdıraraq, eyni xala malik “Real Madrid”i şəxsi göstəricilərdə üstələyib və yenidən 1-ci pilləyə qalxıb. “Espanyol” isə 11 xalla sonuncu pillədə qalıb.“Real Madrid” səfərdə “Xetafe” klubunun qapısından üç cavabsız top keçirərək vacib üç xalını qazanıb. Madridlilərin heyətində David Soriya (öz qapısına), Rafael Varan və Luka Modriç fərqləniblər.Turun digər oyunlarında aşağıdakı hesablar qeydə alınıb: “Sevilya” – “Atletik Bilbao” – 1:1; Rayo Valladilid” – “Leqanes” – 2:2; “Valensiya” – “Eybar” – 1:0; “Xetafe” – “Real Madrid” – 0:2; “Atletiko Madrid” – “Levante” – 2:1.xeber100.com

Olimpiya və Paralimpiya Oyunlarına hazırlığın son mərhələsi başlanılıb

Yaponiyada cari ildə dünyanın hər yerindən bu Gündoğar ölkəyə təşrif gətirəcək idmançıların və digər qonaqların qarşılanması ilə əlaqədar son hazırlıq işlərinə başlanılıb.Azərtac xəbər verir ki, yarışların baş meydançası olacaq Tokio Milli Olimpiya stadionu artıq istifadəyə hazırdır. İnşaat işlərinin bir neçə il davam etdiyi yeni idman obyektində tikinti işlərinə ötən ay yekun vurulub. Təşkilat komitəsinin yaydığı məlumata əsasən, iyulun 24-də Milli stadionda Olimpiya Oyunlarının açılış mərasimi olacaq. Bundan sonra bu idman obyektində müxtəlif yarışların keçirilməsi nəzərdə tutulur.Xatırladaq ki, “Tokio 2020” Olimpiya Oyunlarında 33 idman növü üzrə 339 yarış təşkil olunacaq. Bunlardan da 5-i Olimpiya yarışlarına daxil edilən yeni idman növüdür və bu idman növləri üzrə 18 yarış keçiriləcək. Həmin idman növlərinə beysbol, softbol, skeytbordinq, serfinq, karate və idman dağa dırmanması daxildir. Təşkilatçıların qənaətinə görə, bu idman növləri Olimpiya azarkeşlərinin yeni nəslinin diqqətinə səbəb olacaq. Bu idman növlərindən bir neçəsinin “Paris 2024” Olimpiya Oyunlarına daxil edilməsi də nəzərdə tutulur.“Tokio 2020” Olimpiya Oyunlarının məşəli sakura ağacının çiçəyi əsasında düzəldilib.Hazırda dünyanın məşhur idmançıları Olimpiya və Paralimpiya Oyunlarına qatılmaq üçün müxtəlif yarışlarda lisenziya uğrunda mübarizə aparırlar. Onların sırasında azərbaycanlı idmançılar da var.xeber100.com

Beynəlxalq yarışlar mövsümünə start veriləcək

Azərbaycan Gimnastika Federasiyası 2020-ci ilin beynəlxalq yarışlar mövsümünə batut gimnastikası və tamblinq üzrə dünya kuboku ilə start verəcək.Azərtac xəbər verir ki, fevralın 15-16-da baş tutacaq builki turnir də Tokio Olimpiya Oyunlarına lisenziya xarakteri daşıyacaq.Yarışlara ilkin qeydiyyat siyahısına əsasən, artıq 31 ölkə iştirakını təsdiqləyib. Təxminən 171 gimnast yarışda birincilik uğrunda mübarizə aparacaq. Turnirdə iştirak edəcək gimnastların adları isə yanvarın sonunda bəlli olacaq.İki gün davam edəcək yarışların birinci günündə təsnifat, ikinci günündə isə final mərhələləri baş tutacaq. Turnirdə ən yüksək icra xalını toplamış gimnastlara ənənəvi “AGF Trophy” Kuboku da təqdim olunacaq.Xatırladaq ki, ötən il Bakıda baş tutmuş batut gimnastikası üzrə dünya kuboku da Olimpiadaya təsnifat xarakteri daşıyırdı. 2018-ci ildə isə paytaxtımız 26 ölkənin iştirakı ilə gimnastikanın bu növü üzrə ilk dəfə Avropa çempionatına ev sahibliyi edib. Gələn il Azərbaycanda ilk dəfə batut gimnastikası üzrə dünya çempionatı keçiriləcək.

İngiltərə Premyer Liqasının növbəti oyunu keçirilib

Yanvarın 2-də futbol üzrə İngiltərə Premyer Liqasının növbəti oyunu keçirilib.Azərtac xəbər verir ki, çempionatın lideri “Liverpul” turnir cədvəlində 8-ci yerdə qərarlaşan “Şeffild Yunayted” komandasını qəbul edib.Görüş Mersessayd təmsilçisinin 2:0 hesablı qələbəsi ilə başa çatıb. Yurqen Klopun yetirmələrinin heyətində Sadio Mane və Məhəmməd Salah fərqləniblər. Beləliklə, “Liverpul” cari mövsümdə keçirdiyi 20 oyundan 19-nu qələbə ilə başa vurub.Məğlubiyyətsiz seriyasını davam etdirən “Liverpul” ən yaxın izləyiciləri “Lester Siti”dən 13 xal, “Mançester Siti”dən isə 14 xal irəlidədir. Üstəlik o, rəqiblərinə nisbətən bir oyun az keçirib.Xatırladaq ki, turun birinci oyun günündə aşağıdakı hesablar qeydə alınıb: “Börnli” - “Aston Villa” - 1:2; “Brayton” - “Çelsi” - 1:1; “Nyukasl Yunayted” - “Lester Siti” - 1:1; “Southemton” - “Tottenhem” - 1:0; “Uotford” - “Volverhempton” - 2:1; “Vest Ham” - “Bormunt” - 4:0; “Mançester Siti” - “Everton” - 2:1; “Norviç Siti” - “Kristal Palas” - 1:1; “Arsenal” - “Mançester Yunated” - 2:0.xeber100.com

2019-2020-ci il mövsümünün hazırlığına start veriləcək

“Qəbələ” futbol klubu yanvarın 4-də 2019-2020-ci il mövsümünün ikinci yarısının hazırlığına start verəcək. “Qırmızı-qaralar” Bakıda bir araya gələcəklər.Azərtac kluba istinadla xəbər verir ki, Elmar Baxşıyevin rəhbərliyi ilə baş tutacaq 2020-ci ilin ilk məşqi günün ikinci yarısında gerçəkləşəcək. Komanda üzvləri Bakı Olimpiya Stadionunda məşq edəcəklər.Hazırlıq prosesinin paytaxtda baş tutacaq ilk mərhələsi yanvarın 11-də yekunlaşacaq. Bakı toplanışı çərçivəsində yoxlama oyununun keçirilməsi də nəzərdə tutulub.“Qəbələ” yanvarın 12-də Türkiyəyə yollanacaq. Komanda Antalyanın Lara bölgəsindəki “Trend” otelində məskunlaşacaq. Qonşu ölkədə gerçəkləşəcək 2 həftəlik hazırlıq çərçivəsində 4 yoxlama matçı baş tutacaq. Yanvarın 14-də “qırmızı-qaralar” Macarıstanın MTK klubu ilə görüşəcəklər. Dörd gün sonra baş tutacaq ikinci oyunda rəqib Rusiya təmsilçisi “Çayka” olacaq. Ayın 21-də və 25-də keçiriləcək digər iki qarşılaşmadakı rəqiblər dəqiqləşməyib.xeber100.com

İngiltərə Premyer Liqasının 21-ci turuna start verilib

Yanvarın 1-də futbol üzrə İngiltərə Premyer Liqasının 21-ci turuna start verilib.Azərtac xəbər verir ki, turun birinci oyun günündə aşağıdakı hesablar qeydə alınıb: “Börnli” - “Aston Villa” - 1:2; “Brayton” - “Çelsi” - 1:1; “Nyukasl Yunayted” - “Lester Siti” - 1:1; “Southemton” - “Tottenhem” - 1:0; “Uotford” - “Volverhempton” - 2:1; “Vest Ham” - “Bormunt” - 4:0; “Mançeater Siti” - “Everton” - 2:1; “Norviç Siti” - “Kristal Palas” - 1:1. Turun digər oyunları yanvarın 2-3-də keçiriləcək.xeber100.com

Azərbaycan Badminton Federasiyasının məlumatı əsasında…

Azərbaycan badmintonçuları Ukraynanın Xarkov şəhərində 2008-ci il və daha aşağı yaş qrupları arasında keçirilən açıq turnirdə iştirak ediblər.Azərtac xəbər verir ki, turnirə geniş heyətlə qatılan komanda bütün kateqoriyalarda mükafatçılar sırasında yer alıb. Emil Akçurin şəxsi və qoşa yarışda birinci, qarışıq-qoşada isə üçüncü yeri tutub. Ülvi Hüseynov şəxsi yarışda gümüş, qoşa yarışda qızıl, qarışıq-qoşada isə bürünc medala sahib olub. Nərmin Hüseynova və Əminə İsmayılova isə qoşa yarışda ikinci, qarışıq-qoşada isə üçüncü yerlə kifayətləniblər.xeber100.com

Yunan-Roma güləşi üzrə təlim-məşq toplanışına start veriləcək

Yunan-Roma güləşi üzrə yığmamız yeni ilin ilk günlərindən növbəti təlim-məşq toplanışına start verəcək.Azərtac xəbər verir ki, millimiz yanvarın 2-dən 16-dək Rusiyanın Saransk şəhərində hazırlıq prosesi keçəcək. Həm fiziki, həm də taktiki çalışmaların həyata keçiriləcəyi toplanışda baş məşqçi Aleksandr Tarakanov və məşqçi Akif Əliyevin rəhbərliyi altında Murad Məmmədov, Murad Bazarov (hər ikisi 60 kiloqram), Taleh Məmmədov (63 kiloqram), İslambek Dadov (67 kiloqram), Ülvi Qənizadə, Sənan Süleymanov (hər ikisi 72 kiloqram), Həsən Əliyev (77 kiloqram), Rafiq Hüseynov (82 kiloqram), İslam Abbasov (87 kiloqram), Orxan Nuriyev (97 kiloqram), Sabah Şəriəti və Beka Kandelaki (hər ikisi 130 kiloqram) iştirak edəcəklər. Digər yığma üzvləri isə böyük məşqçi Rövşən Bayramovun rəhbərliyi altında Bakıda - Olimpiya Güləş Mərkəzində məşqləri davam etdirəcəklər.Qeyd edək ki, yunan-Roma güləşçilərimiz üçün 2020-ci ilin ilk yarışı yanvarın 18-19-da Fransanın Nitsa şəhərində Olimpiya çempionu Anri Deqlanın xatirəsinə keçiriləcək “Qran-pri” turniri olacaq.xeber100.com

Döyüş Assosiasiyasında ilin yekunları müzakirə olunub

Azərbaycan Döyüş Federasiyaları Assosiasiyasında (ADFA) ilin yekunları müzakirə olunub. Tədbirdə Assosiasiyanın üzvü olan Azərbaycan Alpaqut, Uşu və Muay-Tay federasiyasının nümayəndələri, klubların rəhbərləri, məşqçilər və hakimlər iştirak ediblər.Azərtac xəbər verir ki, ADFA-nın prezidenti Azər Həsənsoy federasiyanın 2019-cu ili uğurla başa vurduğunu bildirib. Qeyd edib ki, uşu və muay-tay üzrə yığma komandalarımız bir çox turnir və çempionatlarında mühüm nailiyyətlər qazanıblar. Diqqətə çatdırıb ki, artıq 13 ildir ənənəvi uşu üzrə dünya çempionatlarının proqramına vinçun-tao, son üç ildə isə Avropa çempionatının proqramına vinçun–sanda yarışları daxil edilib.Federasiya prezidentinin sözlərinə görə, ölkəmiz üçün yeni olan alpaqutun inkişafı istiqamətində də bir sıra tədbirlər həyata keçirilib. Ötən ay Bakıda "Sərhədçi" İdman Olimpiya Kompleksində keçirilən alpaqut üzrə ikinci dünya çempionatında Azərbaycan komandasının uğurla çıxış edərək birinci yeri tutması böyük qələbədir.xeber100.com