Voleybolçulardan ibarət Azərbaycan millisi ilk oyununu keçirib

Yanvarın 7-də Niderlandda qadın voleybolçulardan ibarət Azərbaycan millisi Avropa Olimpiya Təsnifat Turnirində ilk oyununu keçirib.Azərtac verir ki, millimiz Apeldorn şəhərində meydan sahibləri ilə qarşılaşıb. Görüş Niderland yığmasının 3:0 hesablı qələbəsi ilə yekunlaşıb.Səkkiz ölkənin mübarizə apardığı yarış “Tokio 2020” Yay Olimpiya Oyunlarına Avropadan sonuncu iştirakçının adını müəyyənləşdirəcək. Təsnifat turnirinin iştirakçıları axırıncı qitə çempionatının nəticələrinə əsasən bəlli olub.Azərbaycan millisi A qrupunda Niderland, Bolqarıstan və Polşa millilərinə qarşı oynayacaq. B qrupunda isə Türkiyə, Almaniya, Xorvatiya və Belçika milliləri güclərini sınayacaqlar. Turnirin qalibi Olimpiadaya bilet əldə edəcək.Qeyd edək ki, millimiz növbəti oyununu yanvarın 9-da Bolqarıstana qarşı keçirəcək.xeber100.com

2019-cu ildə ən yaxşı futbolçusu müəyyənləşib

Afrika qitəsinin 2019-cu ildə ən yaxşı futbolçusu müəyyənləşib.Azərtac xəbər verir ki, Seneqal millisinin və İngiltərənin "Liverpul" klubunun 27 yaşlı hücumçusu Sadio Mane ötən ilin ən yaxşı futbolçusu seçilib. O, karyerasında ilk dəfə bu ada layiq görülüb. Hücumçu məşqçilər və federasiya nümayəndələri arasında aparılan səsvermədə Məhəmməd Salahı ("Liverpul", Misir) və Riyad Mahrezi ("Mançester Siti", Əlcəzair) qabaqlayıb.Mane ötən mövsüm "Liverpul"la Çempionlar Liqasının qalibi olub.Xatırladaq ki, son iki ildə "Liverpul"un futbolçusu Məhəmməd Salah Afrikanın ən yaxşı futbolçusu seçilib.xeber100.com

AFFA-nın növbədənkənar konfransı başlayıb

Bakıda AFFA-nın növbədənkənar konfransı başlayıb. Azərtac xəbər verir ki, AFFA-nın prezidenti Rövnəq Abdullayev ötən ilin ölkəmiz üçün digər sahələrdə olduğu kimi, idmanda da uğurlu olduğunu deyib. O, cari ildə də bu uğurun davam etdiriləcəyinə əminliyini ifadə edib.AFFA-nın baş katibi Elxan Məmmədov qurumun Nizamnaməsinə edilən əlavə və dəyişikliklərin İcraiyyə Komitəsinin üzvləri ilə birgə məsləhətləşmələr nəticəsində gerçəkləşdiyini diqqətə çatdırıb.AFFA-nın Hüquq şöbəsinin rəhbəri Günay Zamanlı Nizamnaməyə edilən əlavə və dəyişikliklərlə bağlı təkliflər arasında qurumun İcraiyyə Komitəsinin tərkibində dəyişiklik və üzvlərinin sayının artırılması, icraçı vitse-prezident vəzifəsi təsis edilməklə vitse-prezidentlərin sayının 4 olaraq müəyyənləşdirilməsi, prezident və icraçı vitse-prezidentin səlahiyyətlərinin həcminin müəyyənləşdirilməsi və digər məsələlərin yer aldığını diqqətə çatdırıb.Konfrans davam edir.xeber100.com

İtaliya A seriyasının 18-ci turunun mərkəzi qarşılaşması keçirilib

Yanvarın 7-də İtaliya A seriyasının 18-ci turunun mərkəzi qarşılaşması keçirilib.Azərtac xəbər verir ki, cari mövsüm uğursuz oyun nümayiş etdirən “Napoli” öz meydanında “İnter” klubu ilə üz-üzə gəlib. “San Paolo” stadionunda baş tutan görüş “İnter” klubunun 3:1 hesablı qələbəsi ilə yekunlaşıb.Milan təmsilçisinin heyətində Lukaku, Lautaro Martinez, “Napoli”nin heyətində isə Arek Milik fərqləniblər.Turun digər oyununda “Milan” öz meydanında autsayder “Sampdoriya” ilə qolsuz heç-heçə edib. “Roma” isə öz meydanında “Torino”ya uduzub (0:2).Çempionluğa iddialı “Yuventus” bu mövsüm 14-cü qələbəsini qazanıb. Belə ki, turinlilər doğma azarkeşlər önündə “Kalyari”nin qapısından 4 cavabsız top keçirib. Həmin oyunda Kriştianu Ronaldu üç dəfə, Qonsalo Hiquayin isə bir dəfə fərqlənərək komandasına vacib qələbə qazandırıb.Turun digər oyunlarında aşağıdakı nəticələr qeydə alınıb: “Breşiya” - “Latsio” - 1:2; SPAL - “Verona” - 0:2; “Genoa” - “Sassuolo” - 2:1; “Bolonya” - “Fiorentino” - 1:1; “Atalanta” - “Parma” - 5:0; “Leççe” - “Udineze” - 1:1.xeber100.com

Voleybolçular arasında Avropa təsnifat turnirinə start veriləcək

Bu gün 2020-ci il Tokio Yay Olimpiya Oyunlarına lisenziya xarakterli qadın voleybolçular arasında Avropa təsnifat turnirinə start veriləcək.Azərtac xəbər verir ki, Niderlandın Apeldorn şəhərində təşkil olunacaq yarışda Azərbaycan millisi də mübarizə aparacaq. Vаsif Tаlıbovun baş məşqçi olduğu kollektiv A qrupunda Niderland, Bolqarıstan və Polşa ilə mübarizə aparacaq. B qrupunda isə Türkiyə, Almaniya, Belçika və Xorvatiya yığmaları çıxış edəcək.Azərbaycan millisi ilk görüşünü bu gün meydan sahiblərinə qarşı keçirəcək. Bu gün həmçinin Almaniya-Türkiyə və Polşa-Bolqarıstan qarşılaşmaları da olacaq.Reqlamentə əsasən, qrupda ilk iki yeri tutacaq komandalar yarımfinala yüksələcəklər. Burada çarpaz olaraq üz-üzə gələcək yığmalar ardınca finalçını müəyyənləşdirəcəklər. Həlledici görüşdə isə “Tokio-2020” Yay Olimpiya Oyunlarında Avropanı təmsil edəcək sonuncu komandanın adı dəqiqləşəcək.xeber100.com

Güləş Federasiyasının məlumatı əsasında…

Sərbəst güləş yığmamız İstanbulda təlim-məşq toplanışını davam etdirir.Azərtac Azərbaycan Güləş Federasiyasına istinadla xəbər verir ki, dekabrın 26-dan ölkə xaricində hazırlıq prosesinə start verən millimiz Türkiyə, Qazaxıstan, Bolqarıstan, Hindistan, Türkmənistan və Rusiyadan olan idmançılarla birgə toplanış keçir.Baş məşqçi əvəzi Zəlimxan Hüseynov və məşqçi Arif Abdullayevin rəhbərliyi altında davam edən hazırlıq prosesi yanvarın 9-da yekunlaşacaq. Ertəsi gün komandamız 2020-ci ildə ilk yarışına çıxacaq. Belə ki, yanvarın 10-dan 12-dək İstanbulda Yaşar Doğunun xatirə turniri keçiriləcək. Ənənəvi yarışda iştirak edəcək heyət yaxın günlərdə ictimaiyyətə açıqlanacaq.xeber100.com

ABŞ-da “2020 Charlotte Open” turniri keçirilib

ABŞ-da şahmatçımız Ülvi Bacaraninin də qatıldığı “2020 Charlotte Open” turniri keçirilib.Azərtac xəbər verir ki, 9 turdan 6,5 xal toplayan şahmatçımız 2-5-ci yerləri bölüşüb.Turnirin qalibi Ü.Bacaranini yarım xal üstələyən yerli idmançı Brendon Cekobson olub.xeber100.com

Azərbaycan Milli Karate Federasiyasının təşkilatçılığı ilə…

Yanvarın 17-də “Arpaçay” karate klubu və Azərbaycan Milli Karate Federasiyasının (AMKF) birgə təşkilatçılığı ilə 20 Yanvar şəhidlərinin xatirəsinə karate üzrə ənənəvi beynəlxalq turniri start götürəcək.Azərtac xəbər verir ki, 5-ci “Arpachay Open” turnirində 10-dan artıq ölkədən 1000-dək idmançının iştirakı gözlənilir.Bakı İdman Sarayında təşkil ediləcək yarış yanvarın 19-da başa çatacaq.xeber100.com

“Bavariya” klubunun hücumçusu ən yaxşı futbolçu seçilib

Almaniyanın “Bavariya” klubunun hücumçusu Robert Levandovski ölkə çempionatında mövsümün ilk yarısının ən yaxşı futbolçusu seçilib.Azərtac xəbər verir ki, “Kicker” nəşrinin keçirdiyi sorğuda 239 futbolçu iştirak edib. Mövsümün ilk yarısınadək Bundesliqada 19 qol vuran 31 yaşlı polşalı hücumçu səslərin 47,7 faizini toplayıb.“Leyptsiq”in hücumçusu Timo Verner (14,6 faiz) ikinci, Dortmund “Borussiya”sının yarımmüdafiəçisi Jadon Sanço isə (6,7) üçüncü olub.Qeyd edək ki, Levandovski “Bavariya”nın heyətində keçirdiyi 25 oyunda 30 dəfə fərqlənib.xeber100.com

Azərbaycan millisi təlim-məşq toplanışını başa vurub

Niderlandda keçiriləcək Avropa Olimpiya təsnifat turnirinə hazırlığını davam etdirən qadın voleybolçulardan ibarət Azərbaycan millisi təlim-məşq toplanışını başa vurub. Ötən il dekabrın 25-də Bakıda başlayan hazırlıq prosesi Polşada yekunlaşıb.Azərtac xəbər verir ki, komandamız Polşada yerli yığma ilə iki qarşılaşmada gücünü yoxlayıb. Hər iki görüşdə Polşa millisi qalib gəlib.Yığmamız Polşadan əvvəl Türkiyədə də hazırlıq keçib. Millimiz qonşu ölkədə “Fənərbağça” və “Türk Hava Yolları” klubları ilə qüvvəsini sınayıb və hər 2 matç heç-heçə ilə bitib.Komandamız bu gün Niderlanda yollanacaq.Qeyd edək ki, “Tokio2020” Yay Olimpiya Oyunlarına lisenziya turniri yanvarın 7-12-də Apeldornda keçiriləcək.xeber100.com