Sambo üzrə Avropa çempionatı və birincilikləri keçiriləcək

Aprelin 18-24-də İsrailin Hayfa şəhərində kadetlər, yeniyetmələr, gənclər və kişilər arasında sambo üzrə Avropa çempionatı və birincilikləri keçiriləcək. Azərbaycan Sambo Federasiyası xəbər verir ki, ölkəmiz yarışlarda 23 idmançı ilə təmsil olunacaq. Kadetlər arasında İsmayıl Əlipənahov (49 kq), Toğrul Kərimli (53 kq), Nihad Rəhimov (58 kq), Sadiq Nadirov (64 kq), Kənan Məmmədli (71 kq) və Hüseyn Hüseynli (88 kq) güclərini sınayacaqlar. Amin İsmayılov (53 kq), Nicat İsmayılov (58 kq), Elsevər Verdiyev (64 kq), Ricad Nadirov (71 kq) və Sülhan Süleymanlı (79 kq) yeniyetmə samboçular arasında mübarizə aparacaqlar. Gənclərin mübarizəsində Sahib Babayev (58 kq), Abdurrahman Səbzəliyev (64 kq), Canəli Əlizadə (71 kq), Səməd Şıxıyev (79 kq), Sadiq Zeynallı (88 kq) və Məhəmməd Məmmədzadə (+98 kq) yarışacaqlar. Kişilərin yarışında Mehman Xəlilov (58 kq), Mirfəttah Seyidəliyev (64 kq), Hacalı Qasımov (71 kq), Adil Adilzadə (79 kq), Ceyhun Hüseynov (88 kq) və Şirin Cavadzadə (98 kq) ölkəmizin idman şərəfini qoruyacaqlar. Yarışlarda Azərbaycan ilə yanaşı, Belçika, Bolqarıstan, Bosniya və Herseqovina, Macarıstan, Almaniya, Yunanıstan, İsrail, İrlandiya, İslandiya, İspaniya, İtaliya, Kipr, Latviya və digər ölkələrdən idmançılar iştirak edəcəklər. Millimiz baş məşqçi Vahid Tarverdiyev, məşqçilər Cabir İsmayılov və Elçin İbrahimovun rəhbərliyi altında mübarizə aparacaqlar.xeber100.com

Azərbaycan Üzgüçülük Federasiyasının məlumatına görə…

Azərbaycan üzgüçüləri Macarıstanın Şopron şəhərində keçirilən yeniyetmələr arasında beynəlxalq turnirdə 32 medal qazanıblar. Azərbaycan Üzgüçülük Federasiyasından bildiriblər ki, idmançılarımız 14 qızıl, 8 gümüş, 10 bürünc medal əldə ediblər. Almaniya, Fransa, Macarıstan, Slovakiya və Xorvatiya kimi komandaların mübarizə apardığı yarışda 18 üzgüçüdən ibarət yığmanın heyətində Məryəm Cavadova üç qızıl və bir gümüş medala sahib olub. Həmçinin turnirdə Oqtay Hüseynov 2 qızıl, 1 gümüş, 1 bürünc, Amin Orujli 1 qızıl, Fərhad Şirməmmədli 1 qızıl, 2 gümüş, 1 bürünc, Xumar Mustafayeva 1 qızıl, 1 bürünc, Daniyal Muhəmməd 2 qızıl, Anastasiya Boborkina 1 qızıl, 1 bürünc, Əbdürrəhman Rüstəmov 2 qızıl, 2 gümüş, 1 bürünc, Timur Beker 1 qızıl, 1 bürünc, Mehri Abdürrəhmanlı 1 gümüş, Vlastina Xasyanova 1 gümüş, 1 bürünc, Orxan Əliyev, Sura Katerina, Ramal Sadıqlı isə 1 bürünc medal əldə ediblər.

“Herta” futbol klubunun yeni baş məşqçisi müəyyənləşib

Almaniyanın “Herta” futbol klubunun yeni baş məşqçisi müəyyənləşib. Ötən gün Sandro Şvartsla yolları ayıran Bundesliqa təmsilçisi onu Pal Dardai ilə əvəzləyib. Macarıstanlı mütəxəssislə müqavilə mövsümün sonunadək nəzərdə tutulub. Dardai bundan əvvəl iki dəfə (2015-2019-cu, 2021-2022-ci) Berlin təmsilçisini çalışdırıb. Qeyd edək ki, "Herta" Bundesliqada 28 turdan sonra 22 xalla sonuncu sıradadır.xeber100.com

Aprelin 25-27-də bədii gimnastika üzrə 28-ci Bakı birinciliyi keçiriləcək

Aprelin 25-27-də bədii gimnastika üzrə 28-ci Bakı birinciliyi keçiriləcək. Bakı Olimpiya İdman Kompleksində keçiriləcək yarışda "Ocaq Sport" Klubu, 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbi, Respublika Kompleks İdman Məktəbi, “Grasiya” klubu, Su İdmanı Sarayı, Zirə Mədəniyyət Mərkəzi, Şağan Olimpiya İdman Kompleksi, FHN İdman-Sağlamlıq Kompleksini təmsil edən gimnastlar paytaxtın ən güclüsü adı uğrunda mübarizəyə qoşulacaqlar. Yarışda idmançılar fərdi (balacalar – 2013-cü, 2014-cü, 2015-ci il təvəllüdlü, yeniyetmələr - 2011-2012-ci il təvəllüdlü, gənclər - 2008-2010-cu il təvəllüdlü) və qrup hərəkətləri proqramında (balacalar - 2013-2015-cü il təvəllüdlü, yeniyetmələr - 2011-2012-ci il təvəllüdlü, gənclər - 2008-2010-cu il təvəllüdlü) mübarizə aparacaqlar. Üç gün davam edəcək yarışda qaliblər çoxnövçülük, komanda hesabı və ayrı-ayrı alətlər üzrə müəyyənləşəcək. Çempionlar fərdi gimnastlar, yeniyetmə və gənclərdən ibarət qrup komandaları arasında çoxnövçülük, balacalardan ibarət qrup komandaları arasında isə həm çoxnövçülük, həm də ayrı-ayrı alətlər üzrə bəlli olacaq.xeber100.com

Dünya çempionatına son hazırlıqlarla bağlı mətbuat konfransı keçirilib

Mayın 29-dan iyunun 4-dək Bakıda keçiriləcək Taekvondo üzrə dünya çempionatına son hazırlıqlarla bağlı mətbuat konfransı keçirilib. Konfransda Azərbaycan Taekvondo Federasiyasının vitse-prezidenti Nağı Səfərov çıxış edərək beynəlxalq idman yarışlarının keçirilməsində böyük təcrübəyə malik olan paytaxtımızın bu ilin mayında taekvondo üzrə dünya çempionatına ev sahibliyi edəcəyini söyləyib. “Ölkəmizdə keçirilən bu çempionat Ümummilli Lider Heydər Əliyevin 100 illik yubileyi və Dünya Taekvondo Federasiyasının 50 illik yubileyinə təsadüf etdiyindən bizim üçün xüsusi əhəmiyyət daşıyır. Yarışların təşkilində bütün texniki məsələlər nəzərdən keçirilib və hazırlıq işləri yüksək səviyyədə davam edir”, - deyə vitse-prezident vurğulayıb. Konfransda taekvondo üzrə dünya çempionatının promo videoçarxı, eləcə də rəsmi saytı təqdim olunub. Yenilənmiş sayt həm dizayn, həm də məzmun baxımından təkmilləşdirilib, ölkə taekvondosunun tarixi ilə bağlı məlumatlar zənginləşdirilib. İdmansevərlərin rahatlığını təmin etmək üçün müasir proqram təminatından istifadə olunub.xeber100.com  

Azərbaycan Futbol Federasiyaları Assosiasiyasının təşkilatçılığı ilə…

Azərbaycan Futbol Federasiyaları Assosiasiyasının (AFFA) təşkilatçılığı ilə aprelin 16-da “ASCO Arena”da “Bacarıqlar yarışması” futbol festivalı keçiriləcək. AFFA-dan verilən məlumata görə, festivala Peşəkar Futbol klublarının AFFA U-12 Liqasında iştirak edən komandalarının futbolçular dəvət olunub. İştirakçılar 5 kateqoriya üzrə mərhələlərdən keçəcək. Yekunda müvafiq kateqoriyalar üzrə ən yaxşılar seçiləcək.xeber100.com

“AGF Trophy” beynəlxalq turnirinin ilk qalibləri müəyyənləşib

Bakıda keçirilən bədii gimnastika üzrə “AGF Trophy” beynəlxalq turnirinin ilk qalibləri müəyyənləşib. Azərbaycan idmançıları da mükafatçılar sırasında yer alıblar. Gənclərdən ibarət millimizin üzvləri Şəms Ağahüseynova və Nuray Əhmədzadə komanda hesabında gümüş medala layiq görülüblər. Özbəkistan idmançıları Mişel Nesterova, Natalya Usova qızıl, Macarıstan təmsilçiləri Boqlarka Barkoczi və Yelena Vukmir isə bürünc medala sahib olublar. Turnirə 14 ölkədən 119 gimnast qatılıb. Azərbaycanı turnirdə 20-si fərdi (6 böyüklər, 14 gənclər), 18-i qrup hərəkətləri üzrə (1 böyüklər, 2 gənclər qrup komandası) olmaqla ümumilikdə 38 gimnast təmsil edəcək. Bu yarış böyük gimnastlar üçün aprelin 21-23-də Bakıda keçiriləcək bədii gimnastika üzrə dünya kuboku yarışlarına sınaq xarakteri daşıyacaq. Aprelin 16-dək davam edəcək yarışda iştirakçılar həm fərdi, həm də qrup hərəkətləri proqramında mübarizə aparacaqlar. Qaliblər çoxnövçülük, komanda hesabı və ayrı-ayrı alətlər üzrə müəyyənləşəcək.xegber100.com

İngiltərə klubu UEFA Avropa Liqasının dörddəbir final mərhələsində

“Mançester Yunayted” klubu antirekorda imza atıb. İngiltərə klubu UEFA Avropa Liqasının dörddəbir final mərhələsində “Sevilya” ilə keçirilən ilk oyunda iki avtoqolla bunu reallaşdırıb. Mançester təmsilçisi cəmi 8 dəqiqə 4 saniyə ərzində iki avtoqola üzülüb ki, bu da Avropa Liqası tarixində görünməmiş hadisədir. Avrokuboklarda isə belə hal bunadək sonuncu dəfə 2010-cu ildə yaşanıb. ÇFR-in futbolçuları Çempionlar Liqasında “Bavariya” ilə görüşdə 5 dəqiqə 36 saniyə ərzində iki dəfə topu öz qapılarından keçiriblər.xeber100.com

Bədii gimnastika üzrə “AGF Trophy” beynəlxalq turnirində mübarizə başlayıb

Qrup hərəkətləri komandaları Bakıda keçirilən bədii gimnastika üzrə üçüncü “AGF Trophy” beynəlxalq turnirində mübarizəyə başlayıblar. Gənclərdən ibarət qrup hərəkətləri komandaları 5 iplə proqramlarını icra edirlər. Yarışda Azərbaycan, Özbəkistan, Polşa, İsrail, Litva, Macarıstan və Monqolustan komandaları gücünü sınayır. Daha sonra böyük gimnastlardan ibarət qrup hərəkətləri komandaları 5 halqa çıxış edəcəklər. Turnirə 14 ölkədən 119 gimnast qatılıb. Azərbaycanı turnirdə 20-si fərdi (6 böyüklər, 14 gənclər), 18-i qrup hərəkətləri üzrə (1 böyüklər, 2 gənclər qrup komandası) olmaqla ümumilikdə 38 gimnast təmsil edəcək. Bu yarış böyük gimnastlar üçün aprelin 21-23-də Bakıda keçiriləcək bədii gimnastika üzrə dünya kuboku yarışlarına sınaq xarakteri daşıyacaq. Üç gün davam edəcək yarışda iştirakçılar həm fərdi, həm də qrup hərəkətləri proqramında mübarizə aparacaqlar. Qaliblər çoxnövçülük, komanda hesabı və ayrı-ayrı alətlər üzrə müəyyənləşəcək.xeber100.com

Azərbaycan Premyer Liqasında XXX tura start verilib

Bu gün futbol üzrə Azərbaycan Premyer Liqasında XXX tura start verilib. İlk oyun günündə iki qarşılaşma keçirilib. Turun açılış matçında “Zirə” komandası “Səbail”i qəbul edib. Görüş “Zirə”nin 3:1 hesablı qələbəsi ilə yekunlaşıb. Matçda meydan sahiblərinin heyətində Vladislav Kulaç, Rüstəm Əhmədzadə və Eldar Quliyev fərqləniblər. Rəqibin heyətində isə Qoba Zakpa adını tabloya yazdırıb. Hesabında 41 xal olan “Zirə” turnir cədvəlində beşinci, “Səbail” isə 21 xalla sonuncu pillədə yer alıb. Günün digər görüşü “Neftçi” və “Qəbələ” komandaları arasında olub. Qarşılıqlı hücumlar şəraitində keçən matçda “Qəbələ” 2:1 hesablı qələbəyə sevinib. “Neftçi”nin yeganə qolunu penaltidən kapitan Emin Mahmudov vurub. “Qəbələ”nin heyətində isə Ramon Maçado və İsnik Alimi rəqibi meydanın mərkəzinə dəvət ediblər. Bakı təmsilçisi 60 xalla üçüncü, “Qəbələ” isə 42 xalla dördüncü sırada qərarlaşıb. Qeyd edək ki, turun "Kəpəz" - "Turan Tovuz" oyunu aprelin 15-də, "Şamaxı" - "Sumqayıt" və "Sabah" - "Qarabağ" matçları isə ertəsi gün keçiriləcək.xeber100.com