KONMEBOL argentinalıların liderini cəzalandırıb

Argentina yığmasının kapitanı Lionel Messi öz komandasının növbəti matçında çıxış etməyəcək. Cənubi Amerika Futbol Konfederasiyası (KONMEBOL) argentinalıların liderini bu Konfederasiyanın ünvanına xoşagəlməz sözlər dediyinə görə cəzalandırıb.Azərtac xəbər verir ki, Amerika Kuboku yarışlarında üçüncü yer uğrunda Argentina və Çili yığmaları arasında matçda Lionel Messi Çili yığmasının yarımmüdafiəçisi Qari Medel ilə dalaşıb. Hər iki futbolçu meydandan kənarlaşdırılıb. Oyundan sonra Argentina komandası bürünc medallarla təltif edilərkən Messi bu mərasimə qoşulmayıb və KONMEBOL-u korrupsiyaya qurşanmış təşkilat adlandırıb.Argentina Futbol Federasiyasının rəhbərliyi Messiyə təkidlə tövsiyə edib ki, bu hərəkətinə görə üzr istəsin, lakin Lionel öz sözlərini geri götürməyib. KONMEBOL Messini 1500 dollar cərimə edib və bir beynəlxalq matç müddətinə diskvalifikasiya edib. Beləliklə, 2022-ci il dünya çempionatının birinci seçim matçında Argentina yığması öz liderinin iştirakı olmadan çıxış edəcək.xeber100.com

UEFA Çempionlar Liqasının ikinci təsnifat mərhələsində

Ağdamın “Qarabağ” futbol klubu iyulun 24-də UEFA Çempionlar Liqasının 2019-2020-ci il mövsümünün ikinci təsnifat mərhələsi çərçivəsində səfərdə İrlandiya çempionu “Dundalk” komandası ilə üz-üzə gələcək.Azərtac xəbər verir ki, “Oriel Park” stadionunda baş tutacaq görüş Bakı vaxtı ilə saat 22:45-də başlayacaq.Görüşü polşalı hakimlər briqadası idarə edəcək. Qarşılaşmanın referisi Bartoş Frankovskidir. Marçin Bonyek və Yakub Vinkler yan xətt hakimləri olacaq. Daniel Stefanski dördüncü hakim funksiyasını yerinə yetirəcək.Qurban Qurbanovun rəhbərlik etdiyi kollektiv təsnifat mərhələsinin birinci turunda Albaniya çempionu “Partizani”ni mübarizədən kənarlaşdırıb. Tiranadakı ilk oyunda qolsuz heç-heçə qeydı alınıb. Bakıdakı oyunda isə ağdamlılar Filip Ozobiçin və Dani Kintananın qolları ilə növbəti mərhələyə vəsiqə qazanıblar."Dundalk" Azərbaycan təmsilçisi ilə qarşılaşan ilk İrlandiya klubu olacaq. Komanda birinci təsnifat mərhələsində Latviyanın “Riqa” klubunu 11 metrlik cərimə zərbələri seriyasında mübarizədən kənarlaşdırıb.Son beş mövsümdə avrokuboklarda qrup mərhələsində yer almağı bacaran “Qarabağ”ın heyətində zədəli Bədavi Hüseynov meydana çıxa bilməyəcək. Əvəzində yeni transferlər – cinah müdafiəçisi Faysal Rerrars və hücumçu Maqaye Qeyenin adları hər iki görüş üçün sifariş ərizəsinə daxil edilib.Bu komandalar arasında cavab qarşılaşması iyulun 31-də Bakıdakı “Dalğa Arena”da olacaq. Matç saat 21:00-da start götürəcək.xeber100.com

Velosiped idmanı üzrə yarışlar keçiriləcək

Bu gün XV Avropa Gənclər Olimpiya Festivalında qızlar və oğlanlar arasında velosiped idmanı üzrə yarışlar keçiriləcək.Azərtac xəbər verir ki, 95 oğlan və 75 qız idmançı fərdi şose yürüşündə (50 km) və velokrossda (10 km) medallar uğrunda mübarizə aparacaqlar. Əvvəlcə qızların yarışı başlayacaq. Azərbaycanı Lalə Əbdürrəhmanova, Gülşən İsmayılova və Məleykə İsgəndərova təmsil edəcəklər. Oğlanlar arasında yığma komandamızda medallar uğrunda Nofəl Nuriyev, Nikita Sitov və Mustafa Muxtarlı mübarizə aparacaqlar.xeber100.com

“Grand Prix 2019” seriyasının final oyunları çərçivəsində

FIDE-nin və “World Chess” şirkətinin Riqada birgə təşkil etdiyi “Grand Prix 2019” seriyasının final oyunları çərçivəsində iyulun 23-də cavab görüşləri keçiriləcək.Azərtac xəbər verir ki, Azərbaycan qrossmeysteri Şəhriyar Məmmədyarov Fransa təmsilçisi Maksim Vaşe-Laqrav ilə daha bir oyun keçirəcək. Şahmatçımız qələbənin bir addımlığındadır və bunun üçün növbəti oyunu heç-heçə başa vurması kifayətdir. Belə ki, ötən gün keçirilmiş birinci partiyada Ş.Məmmədyarov M.Vaşe-Laqrava qalib gəlib.Pley-off sistemi üzrə keçirilən Qran-Pridə göstərilən nəticələrə görə şahmatçıların adına xallar yazılır. Sonda yığılan xallara görə ilk iki yeri tutmuş şahmatçı iddiaçılar turnirinə vəsiqə qazanacaq.xeber100.com

Tennis yarışlarının üçüncü gününün oyunları start götürüb

İyulun 23-də Bakı Tennis Akademiyasında “EYOF Bakı 2019” XV Avropa Gənclər Yay Olimpiya Festivalının tennis yarışlarının üçüncü gününün oyunları start götürüb.Azərtac xəbər verir ki, yarışda oğlanlar və qızlar tək və qoşa kateqoriyalarda mübarizə aparırlar. Oğlanların və qızların fərdi mübarizəsində 1/32, cütlüklərin yarışında isə 1/16 final qarşılaşmaları keçirilir.xeber100.com

XV Avropa Gənclər Olimpiya yarışlarının üçüncü günündə

İyulun 23-də XV Avropa Gənclər Olimpiya Festivalının güləş yarışlarının üçüncü günündə Azərbaycan pəhləvanları mübarizəyə uğurla başlayıblar.Azərtac xəbər verir ki, yeddi çəki dərəcəsinin hamısında təmsil olunan Azərbaycan komandasının üzvlərindən yunan-Roma güləşçisi Xasay Həsənli (65 kq) təsnifat mərhələsində yunanıstanlı Fotios Bukisi 7:0, Elmir Əliyev (51 kq) isə səkkizdəbir finalda norveçli Kristoffer Andreseni 8:0 hesabı ilə məğlub edərək növbəti mərhələyə yüksəliblər.Sərbəst güləş yarışlarında isə səkkizdəbir finalda mübarizə aparan Cəbrayıl Hacıyev (65 kq) gürcüstanlı Davit Patsinaşvilini 13:3, Kənan Heybətov (51 kq) ukraynalı İvan Terzini 12:2 hesabla məğlubiyyətə uğradıblar.Qadın güləşi üzrə isə səkkizdəbir finalda Nigar Mirzəzadə (65 kq) almaniyalı Mari Trautmana (8:0) qalib gəlib.Bu yarışlardakı digər təmsilçilərimiz Elnurə Məmmədova (53 kq) səkkizdəbir finalda macarıstanlı Flora Vizi, Birgül Soltanova (57 kq) isə rusiyalı Dariya Manuil qarşılaşacaqlar.Güləş yarışları davam edir.xeber100.com

Dünya çempionatının seçmə oyunları çərçivəsində

Çimərlik futbolu üzrə Azərbaycan milli komandası Moskvada təşkil olunan dünya çempionatının seçmə oyunları çərçivəsində İspaniya yığması ilə qarşılaşıb.AFFA-dan Azərtac-a bildiriblər ki, görüş rəqibin 10:5 hesablı qələbəsi ilə başa çatıb.Comərd Baxşəliyev və Sabir Allahquliyevin dubl etdiyi oyunda millimizin digər qolunu Amid Nazarov vurub.Komandamız qrupda sonuncu oyununu bu gün Latviya yığmasına qarşı keçirəcək.xeber100.com

“Sparkassen Chess-Meeting” beynəlxalq şahmat turniri başa çatıb

Almaniyanın Dortmund şəhərində Azərbaycan şahmatçısı Teymur Rəcəbovun da iştirak etdiyi dairəvi sistem üzrə təşkil olunan "Sparkassen Chess-Meeting" beynəlxalq şahmat turniri başa çatıb.Azərtac xəbər verir ki, şahmatçımız Teymur Rəcəbov son turda estoniyalı Kaydo Kyulaotsla oyununu da heç-heçə başa vuraraq aktivinə 0,5 xal əlavə edib. T.Rəcəbov ümumi nəticəyə görə 4 xalla 2-5-ci yerləri bölüşür. Turnirin qalibi 4,5 xalla Lenyer Dominqes (ABŞ) olub.xeber100.com

Voleybol yarışlarına start veriləcək

İyulun 22-də "EYOF Bakı 2019" XV Avropa Gənclər Olimpiya Festivalının voleybol yarışlarına start veriləcək.Azərtac xəbər verir ki, festivalın voleybol yarışlarında oğlanlardan və qızlardan ibarət voleybol komandaları mübarizəyə qoşulacaq. Həm qızlardan, həm də oğlanlardan ibarət voleybol yığmaları arasında keçiriləcək yarışların hər birində səkkiz komanda iki qrupda mübarizə aparacaq.Oğlanlar arasında voleybol yarışlarında A qrupunda Azərbaycan millisi ilə yanaşı, Almaniya, Rusiya, Belarus seçmələri qələbə üçün yarışacaqlar. B qrupunda isə mübarizə Çexiya, İtaliya, Bolqarıstan və Belçika komandaları arasında baş tutacaq.Voleybol üzrə qızların mübarizəsində A qrupunda Rusiya, Bolqarıstan, Rumıniya və Azərbaycan, B qrupunda isə İtaliya, Türkiyə, Belarus və Almaniya yığmaları yer alıb.Qaydalara görə, qruplarda ilk iki yeri tutan komandalar yarımfinal mərhələsində çıxış edəcəklər."EYOF 2019"da oğlanlar arasında voleybol yarışları Fövqəladə Hallar Nazirliyinin (FHN) İdman-Sağlamlıq Mərkəzində təşkil olunacaq. Festivalda qızlardan ibarət komandaların yarışı isə Azərbaycan Voleybol Mərkəzində keçiriləcək.Qızlardan və oğlanlardan ibarət komandaların həlledici qarşılaşmaları və üçüncü yer uğrunda oyunlar FHN-nin İdman-Sağlamlıq Mərkəzində olacaq.Voleybol yarışlarına iyulun 27-də yekun vurulacaq.Qeyd edək ki, cəmi altı aydır fəaliyyət göstərməsinə baxmayaraq, bir sıra idman tədbirlərinə uğurla ev sahibliyi edən və beynəlxalq standartlara cavab verən FHN-in İdman-Sağlamlıq Mərkəzinin bu mötəbər yarışa hazırlığı yüksək səviyyədədir.xeber100.com

XV Avropa Gənclər Yay Olimpiya Festivalının ikinci günündə

İyulun 22-də XV Avropa Gənclər Yay Olimpiya Festivalının ikinci gününün güləş yarışları start götürüb.Azərtac xəbər verir ki, yarışların ikinci günündə yeddi çəki dərəcəsində (4 oğlan və 3 qız) mübarizə aparılacaq.Püşkün nəticələrinə əsasən, səkkizdəbir finalda Azərbaycan güləşçilərindən Mircavad Nəbiyev (48 kq) rusiyalı Maqomedamin Bekbulatov, Sabir Cəfərov (60 kq) macarıstanlı Marsel Deli ilə qarşılaşacaqlar.Yunan-Roma güləşi yarışlarında səkkizdəbir finalda Qurban Qurbanov (48 kq) polşalı Kasper Karaskieviç, Həsrət Cəfərov (60 kq) isə litvalı Donatas Rindeikis ilə güclərini sınayacaqlar.Qadın güləşində isə səkkizdəbir finalda Gültəkin Şirinova (46 kq) finlandiyalı Yutta Ala-Ranta, Mərziyə Sadıqova (61 kq) ukraynalı Manola Skobelska, dörddəbir finalda isə Lalə Mirzəyeva (49 kq) moldovalı Mihaela Samoil ilə üz-üzə gələcəklər.Qeyd edək ki, güləşçilərimiz festivalın birinci günündə 2 qızıl, 1 gümüş və 1 bürünc medal qazanıblar. Yunan-Roma güləşçilərimizdən Murad Sadıqlı (45 kq) qızıl, Nihad Məmmədli (55 kq) bürünc, sərbəst güləşçilərimizdən isə Murad Haqverdiyev (45 kq) qızıl, Əbülfəz Nəsirov (55 kq) gümüş medala sahib olublar.xeber100.com